🔴 د 24 دەمژمێرێن بۆری دا چ چێبوو؟
🔴 پشتی گاڤ دویڤچوونا رەوشا ساخلەمییا هونەرمەند شاهین کیڤۆرکی کر، پارێزگار هاتە سەرخەت و دێ هاریکارییا وی هێتەکرن.
🔴 وەزارەتا کارەبا هەرێما کوردستانێ شڤێدی درەنگ راگەهاند: سوبه‌هى دێ د خزمه‌تا وه‌لاتییان دا بین و دویماهى ده‌رفه‌ته‌ بۆ دانا قه‌رێن كه‌ڤن یێن كاره‌بێ.
🔴 ئامارێن فەستیڤالا بەرهەمێن خۆمالی ل دەڤەرا بەرواری بالا هاتنە راگەهاندن.
🔴 ل ناڤ بازارێ دهۆکێ ترومبێلێ ل کەسەکی دا و بگرانی برینداربوو.
🔴 رۆژنامەیەکا تورکی بەلاڤکر: پەکەکە دێ گارە و خواکورکی ژی چوول کەت.
🔴 ئیران بۆ ئەمریکا: ئەگەر ب 'دایکا بۆمبەیان' هێرشێ مە بکەن، ئەم دێ ب 'بابێ بۆمبەیان' بەرسڤا هەوە دەین.
🔴 خۆنیشاندانێن فرەنسا بەردەوامن و خەلکی ئاگر بەردایە ترومبێل و جهێن گشتی دزیکەران ژی مارکێت و مۆل شەلاندن.
🔴 یانەیێن دهۆک و زاخۆ هەردو د گەرا دەهێ دا ژ خۆلا ستێرێن ئیراقێ تووشتی خوسارەتییێ بوون.

🔴 دەلیڤەیە بۆ هندەک کەسان، خۆنیشاندەر ل رەخەکی و ئەڤ کەسە ل رەخەکێ دی
● گەنجێن فرەنسا ل سەر جاددەیان خۆنیشاندانان دکەن و هندەک کەس ژی ماینە ب دزیان ڤە و مۆل و مارکێتان دشەلینن.

🔴 دەنگێ ڤان بریسییان تو ژی ژ خەو راکری؟
● دیمەنێن بەری سپێدەیا ئەڤرۆ یێن لێدانا بریسیانە ل دهۆکێ.
وەلاتیەکی ب ناڤێ رەیان ئەڤ ڤیدیۆیە تایبەت بۆ گاڤ هنارتینە

🔴 دیمەنەکێ خەریبییا زارۆکان بۆ بابەکێ پێشمەرگە
● دەمێ ئەڤ پێشمەرگەیێ ئاکنجییێ کۆمەلگەها باگێرا ژ ئەرکێ خۆ دزڤریت، دبینیت زارۆکێن وی ل کولانێ ل هیڤیا هاتنا وی نە.

🔴 ئەڤرۆ دێ مووچەیێن مامۆستایێن گرێبەست هێنە بەلاڤکرن
حکومەتا هەرێما کوردستانێ راگەهاند:
● ژ ئەڤرۆ دێ بەلاڤکرنا مووچەیێ مامۆستایێن گرێبەست یێن هەردو وەزارەتێن پەروەردە و خواندنا بلند دەستپێکەت و تا رۆژا پێنجشەمبی دێ هەمی مامۆستا مووچەیێ خۆ وەرگرن.
● د هەمان دەم دا دێ دەست ب بەلاڤکرنا مووچەیێ هەیڤا ئیلۆنێ یێ هەمی وان فەرمانبەران ژی هێتەدان یێن پشتی 1/7/2024 ب گرێبەست و هەردەمی هاتینە دامەزراندن و شایستەیێن وان ل سەر داهاتێ ناڤخۆ دهێنە خەرجکرن.

🔴 هەر سێ حالەت رەگەز نێر بوون
ل گۆرەی راپۆرتەکا وەزارەتا ساخلەمییا ئیراقێ:
● ل سالا 2025ێ 31 حالەتێن ئیدزێ ل هەرێما کوردستانێ هاتبوونە تۆمارکرن.
● ل پارێزگەها هەولێرێ 26 حالەت، 23 زەلام و 3 ژن، هاتبوونە تۆمارکرن.
● ل پارێزگەها دهۆکێ 3 حالەت هەرسێ زەلام، هاتبوونە تۆمارکرن.
● ل پارێزگەها سلێمانیێ 2 حالەت هاتبوونە تۆمارکرن.
● چ حالەتێن ژیان ژدەستدانێ ژ ئەگەرا ئیدزێ نەهاتبوونە تۆمارکرن.

🔴 رەمەزران سلێڤانەیى، سەرۆکێ سەندیکا پارەگوهۆڕان بۆ گاڤ راگەهاند، ل گەل ڤەکرنا دەرگەهێن بازارى بهایێ دینارى داکەفت، دۆلار بلند بوو، هەر 100 دۆلار ب 169 هزار دیناران کڕین و فرۆشتن پێ دهێتە کرن.

🔴 رەمەزان عەبدوللا کۆچەر، ئەندامێ خۆلا ئێکێ یا جڤاتا پارێزگەها دهۆکێ وەغەرکر
جڤاتا پارێزگەها دهۆکێ راگەهاند:
● رەمەزان عەبدوللا ئوسمان پشتی شەڕەکێ درێژ ل گەل نەخۆشییەکا گران، ئەڤرۆ د ژییێ 59 سالییێ دا وەغەرکر.

🔴 رێبوار تاها: ل گۆرەی یاسایێ نوکە ئەز پارێزگارێ کەرکووکێ مە

🔴 گوهۆڕین د جاددەیا زەریلاند هاتنە کرن
رێڤەبەرییا هاتنوچوونا دهۆکێ دبێژیت:
● ب مەرەما پاراستنا گیانێ وەلاتییان و رێکخستنا هاتنوچوونێ ئەڤ بریارە هاتییە دان.

🔴 زێڕ گەلەک گرانبوو، زێڕنگرەک دبێژیت: گرانبوونا زێڕێ ب دۆلاری ڤە گرێدایە
● مازن شنگالی ل بازارێ زێڕنگرایە، گۆهدارییێ بکە و بزانە پشتی دۆلار گرانبوویی د هەیڤەکێ دا چەند هزار چووینە سەر ئێک گراما زێڕی.

🔴 دەزگەهێ رووانگە گەشتەکا چیاڤانى ساز دکەت و ب هزاران بەڕوى دێ هێنە چاندن و چەندین چالاکیێن دى ژى دێ هێنە کرن.