🔴 د 24 دەمژمێرێن بۆری دا چ چێبوو؟
🔴 فراکسیۆنا پارتی ل پەرلەمانێ کوڕدستانێ بۆ ئالییێن دی: وەرن دا رێکارێن کاراکرنا پەرلەمانی کارا بکەین.
🔴 مەسروور بارزانی: ژبەرهندەک ئەگەران کۆمبوونا د ناڤبەرا پارتى و ئێکەتییێ دا هاتییە پاشخستن.
🔴 ل سەر رێکا ئەلقووش د رویدانەکا ترافیکێ دا 6 کەس بوونە قوربانی، دایکوباب و کورەکێ وان ژیانا خۆ ژدەستدان و 3 کەس ژی برینداربوون.
🔴 ل کۆمەلگەها دۆمیز کارەبێ دو کرێکار گرتن ئێک ژ وان ژیانا خۆ ژدەستدا.
🔴 نوینه‌رێ مامۆستایێن گرێبه‌ست: ناڤێ فه‌رمانبه‌ر و مامۆستایێن گرێبه‌ست د پرۆژه‌ یاسایا بودجه‌یا ئیراقێ دا هاتیییه‌ و ئه‌ڤه‌ گاڤه‌كه‌ به‌ره‌ڤ دامه‌زراندنا وان.
🔴 رێڤه‌به‌رییا گشتى یا هاتنوچوونا هه‌رێمێ: مە چ کۆد و تابلۆیێن ئەمنی نەداینە چ ترومبێلێن بێ سەرەتا.
🔴 ژێدەرەکی ژ وەزارەتا دارایی بۆ گاڤ: ڤێ حەفتییێ لیستا مووچەیێ هەیڤا 10 دێ بۆ بەغدا هێتە هنارتن.
🔴 دۆنالد ترەمپ سەرۆکێ ئەمریکا: ئەوا ل فڕەنسا رویددەت، نە خۆنیشاندانە لێ شۆڕەشە.
🔴 یانەیا دهۆک؛ دێ رێکارێن یاسایی بەرانبەر هندەک ژ دەزگەهان وەرگرین، دەربارەی بەلاڤکرنا دەنگۆیێن چوونا راهێنەرێ یانێ.

🔴 نەتەنیاهۆ: ئەردۆگان هزردکەت دێ ئۆرشەلیمێ داگیرکەت، وی یا ژبیرکری کو نوکە ئسرائیل زلهێزە

🔴 ئۆکراینا نووچەیێن میدیایێن ئیرانی رەتکرن
بالیۆزخانەیا ئۆکراینا ل ئیراقێ:
● ئەڤ نووچەیە ب تەمامی بێ بنەمانە و دچنە خانەیا زانیاریێن شاش و ب ئارمانج، مە چ یەکەیەکا درۆنی یان کارمەندەکێ پەیوەندیدار ل هەرێما کوردستانێ یان ل چ جهەکێ دی یێ ئیراقێ جێهگیرنەکرییە.
● ب تەمامی رێزێ ل سەروەریی و ئێکپارچەیا ئاخا کۆمارا ئیراقێ دگرین و بهایەکێ ئێکجار مەزن ددەتە دۆستایەتییا خۆ ل گەل حکومەتا ئیراقێ و حکومەتا هەرێما کوردستانێ.
بۆچی ئۆکراینا دەربارەی ڤی بابەتی هاتە سەرخەت؟
● پێشتر میدیایێن ئیرانێ بەلاڤکربوو کو ئۆکراینا یەکەیێن درۆنی و چەندین فرۆکەیێن بێفرۆکەڤان ل هەرێما کوردستانێ جێهگیرکرینە.

🔴 وەزارەتا کارەبێ، چەند پرسیارەک کرینە و هەر وێ بخۆ بەرسڤا وان پرسان دایە کو ئێک ژ وان ئەوە ئەگەر قەرێن خۆ نەدەیى دێ چ چێ بیت؟ وەزارەت بەرسڤێ ددەت و دبێژیت: پێدڤیە د 50 رۆژان دا پارە بهێتە دان دا دویر بى ژ بڕینا کارەبێ.
🔴 وەزارەتا کارەبێ:
● ئەو قەرێن کەڤن یێن بەرى پڕۆژێ رۆناکى ب شێوەیێ ئۆتۆماتیکى دێ بنە قستێن هەیڤانە.
● تو نەشێى قەرێن خۆ پشک پشک بدەیى، بەلکو دێ ب شێوەیێ کێ کێمە ل سەر پسوولا هەیڤانە یا رۆناکى هێتە زێدەکرن.

🔴 وەلاتییێن شێلادزێ ب دویربینێ چاڤدێرییا سرا پانزینێ دکەن!

🔴 جڤاتا وەزیرێن ئیراقێ بریار دا باجا گۆمرکی ل سەر هەمی ئامیر و پێدڤییێن سیستەمێ وزەیا رۆژێ یێن ژ دەرڤە دهێنە هاوردەکرن راکەت.
ئۆفیسا راگەهاندنێ یا سەرۆکوەزیرێن ئیراقێ:
● ئەڤ بریارە وەکو پشتەڤانییەکا مەزن بۆ کەرتی تایبەت و هاندانا وەلاتییان دهێت، دا کو پتر مفای ژ ژێدەرن نوی یێن دابینکرنا وزێ وەرگرن.

🔴 ئاڤا جۆکێ تێکهەلی ئاڤا مالان دبیت!
وەلاتییەکێ تەناهییێ ئەڤ ڤیدیۆیە بۆ گاڤ هنارتییە و دبێژیت:
● دو هەیڤن ئەڤ بۆریا ئاڤا پاقژ یا مالان پەقییە و ئاڤ ب هەروە دچیت.
● هێشتا کەسێ خۆ لێ نەکرییە خودان و ئاڤا جۆکێ و تەقن تێکهەلی ئاڤا مالان دبیت.

🔴 ل دهۆکێ بازارەکێ کارێن دەستی بۆ ژمارەکا خانمان هاتە ڤەکرن
● بازار حەتا کەنگی دێ یێ ڤەکری بیت؟

🔴 کارەکێ مرۆڤایەتی، داهاتێ وان دێ بۆ زارۆکێن تووشبوویێن پەنجەشێرێ بیت
● ل بازارێ دهۆکێ یێ کارێن دەستی کچەک دگەل دەیکا خۆ داهاتێ کارێن خۆ یێن دەستی تەرخانکریە بۆ زارۆکێن توشبوویێن پەنجەشێرێ.
" ل 2016ێ ژی مە داهاتێ خۆ یێ بازاری بۆ مالباتێن شەهیدان تەرخانکربوو"

🔴 جاددەیەکا قەسرۆکێ بتنێ 160 مترن و ئەڤە دو سالن نەهاتینە قێڕکرن و نیڤەرۆ مایە.

🔴 پێلەکا بارۆڤە و بارانان ب سەر دهۆکێ دا هات
● پێشبینییێن سەقاناسییێ بۆ سەقایێ سێ رۆژێن بهێن چنە؟ گۆهدارییا مازن شنگالی بکەن.

🔴 ئی پسۆلە چەوا شیایە خزمەتا وەلاتییان بکەت؟
● "پلاتفۆرما ئی پسۆلە کارئاسانییەکە و هاتنوچوون و دەمەکێ درێژ یێ سرایان ل بەر دەرگەهێن سازییێن حکومی ژ وەلاتییان ڤەکرییە"

🔴 پەیاما سەرۆک نێچێرڤان بارزانی د رێورەسمێن راگەهاندنا تۆرا رابوونا رزگاربوویان دا
● ئەڤ تۆرە دەربینە ژ ئیرادێ و گاڤەکا گرنگە بەرەڤ قویناغەکا نوی کو تێدا رزگاربووی ببنە خودان دەستپێشخەری.
● هەردەم د رەوشێن دژوار و گران دا پشتەڤانییا ئێزدییان بکەین.
● ل هەر جهەکێ جیهانێ بیت دێ ماف و ناسنامەیا ئێزدییان پارێزین.
● هندی رەڤاندییەک مابیت بۆ ئازادکرن و ڤەگەراندن و دیارکرنا چارەنڤیسێ وان دێ دبەردەوامبین.
● ڤەگەراندنا ئاوارەیان و ئاڤەدانکرنا شنگالێ و دەڤەرێن دی ئەرکێ مە یێ سەرەکی یە.