Գլխավոր դատախազություն
2.29K subscribers
3.52K photos
189 videos
1.62K links
ℹ️Դատախազության բոլոր նորություններն՝ այս ալիքում:
Download Telegram
ℹ️Գլխավոր դատախազ, Երևանի պետական համալսարանի իրավագիտության ֆակուլտետի քրեական իրավունքի ամբիոնի դասախոս, դոցենտ Աննա Վարդապետյանն այսօր, Ֆակուլտետի գիտխորհրդի նիստում, դեկան Գագիկ Ղազինյանի հրավերով, ներկայացրել է դատախազների իրավական կրթության զարգացման հայեցակարգային ուղղությունները:

☑️Գլխավոր դատախազը կարևորել է այդ ոլորտում Իրավագիտության ֆակուլտետի հետ համագործակցությունը և առաջարկել է կիրառել լսարանում պրակտիկ մասնագետի և տեսաբանի համակցված աշխատանքի ձևաչափը՝ շեշտը դնելով մինչդատական և դատական փուլերում դատախազական աշխատանքի համար անհրաժեշտ հմտությունների, այդ թվում՝ փաստաթղթերի հետ աշխատանքի հմտությունների վրա:

🌐Մանրամասները ⤵️
https://www.prosecutor.am/am/mn/8906/
❤‍🔥4❤4👍1
🇦🇲Գլխավոր դատախազ Աննա Վարդապետյանը Բանակի օրվա կապակցությամբ ՀՀ վարչապետ Նիկոլ Փաշինյանի, Հանրապետության նախագահ Վահագն Խաչատուրյանի, Ազգային ժողովի նախագահ Ալեն Սիմոնյանի գլխավորությամբ և ՀՀ բարձրագույն իշխանության ներկայացուցիչների հետ այսօր այցելել է «Եռաբլուր» զինվորական պանթեոն։

Գլխավոր դատախազը հարգանքի տուրք է մատուցել հայրենիքի անկախության համար նահատակված հայորդիների հիշատակին, ծաղիկներ խոնարհել Սպարապետ Վազգեն Սարգսյանի, Անդրանիկ Օզանյանի շիրիմներին և հանուն Հայրենիքի կյանքը նվիրաբերած հայորդիների հիշատակը հավերժացնող հուշահամալիրին:
👍9🥰2❤1👌1
Հանրապետության գլխավոր դատախազ Աննա Վարդապետյանն այսօր այցելել է հայրենիքի պաշտպանների՝ «Զինվորի տուն»: Աննա Վարդապետյանը շնորհավորել է հայրենիքի պաշտպաններին՝ Հայոց բանակի կազմավորման կապակցությամբ և, խոսելով հանուն պետականության պահպանման իրենց ամենաթանկը՝ կյանքն ու առողջությունը նվիրած հերոսներից, գլխավոր դատախազը նշել է, որ յուրաքանչյուր չարաշահման դեպքի վերաբերյալ քրեական վարույթի նայում է 44-օրյա պատերազմի պրիզմայով՝ այդ չարաշահումների արդյունքում պատճառված վնասը փոխակերպելով զենքերի, կյանքեր փրկող զրահաբաճկոնների, հակաօդային պաշտպանության միջոցների: «Այդ միտքը դարձել է իմ աշխատանքի մոտիվացիան»,- նշել է Աննա Վարդապետյանը:
https://m.youtube.com/watch?v=YGOmrawcbB0
❤13👍2
ℹ️Գլխավոր դատախազին առընթեր էթիկայի հանձնաժողովը նոր անդամ ունի:

💬Հանրապետության գլխավոր դատախազ Աննա Վարդապետյանը, շնորհավորելով Կենտրոն և Նորք-Մարաշ վարչական շրջանների դատախազ Արամ Արամյանին ընտրվելու կապակցությամբ, նշել է. «Բոլորս՝ ինձնից սկսած, պետք է համապատասխանենք վարքագծի ամենաբարձր չափորոշչին»:

🌐Նիստի մանրամասները ⤵️
https://www.prosecutor.am/am/mn/8908/
👍7❤4
‼️Գլխավոր դատախազ Աննա Վարդապետյանի հանձնարարությամբ, Երևանում և մարզերում, ուսումնասիրություններ են նախաձեռնվել՝ հանրապետությունում գործող ջրօգտագործողների ընկերություններում պետական շահերի պաշտպանության վիճակը պարզելու նպատակով: Ուսումնասիրությունները կիրականացվեն երկամսյա ժամկետում:

🌐Մանրամասները⤵️
https://www.prosecutor.am/am/mn/8909/
❤3👍2
🖊Գլխավոր դատախազ Աննա Վարդապետյանը 2023 թվականի հունվարի 30-ին երեք հրաման է ստորագրել:

☑️Առաջին հրամանով՝ Լոռու մարզի դատախազ, արդարադատության առաջին դասի խորհրդական Կարեն Գաբրիելյանը փոխադրվել է ՀՀ գլխավոր դատախազության բնակչության առողջության դեմ ուղղված հանցագործությունների գործերով վարչության պետի տեղակալի պաշտոնին:

☑️Երկրորդ հրամանով՝ ստեղծվել է հանձնախումբ՝ Լոռու մարզի դատախազությունում համալիր ստուգում իրականացնելու նպատակով:

☑️Գլխավոր դատախազի երրորդ հրամանով՝ Լոռու մարզի դատախազի պաշտոնին նշանակվել է արդարադատության երկրորդ դասի խորհրդական Արմեն Շահբազյանը՝ ազատվելով ՀՀ գլխավոր դատախազության մարդու դեմ ուղղված հանցագործությունների գործերով վարչության ավագ դատախազի պաշտոնից:
❤7👍4🔥2
‼️Ապօրինի ծագում ունեցող գույքի բռնագանձման վերաբերյալ ներկայացված քսանվեցերորդ հայցադիմումն ընդունվել է վարույթ:

‼️Գլխավոր դատախազության ապօրինի ծագում ունեցող գույքի բռնագանձման գործերով վարչությունը պահանջ է ներկայացրել Հակակոռուպցիոն դատարանին՝ Տավուշի մարզի նախկին մարզպետ Հ.Ա.-ից և վերջինիս փոխկապակցված անձանցից հօգուտ Հայաստանի Հանրապետության բռնագանձել.

☑️11 անշարժ գույք, որոնցից հինգը՝ Երևան քաղաքում, վեցը՝ Տավուշի մարզում, իսկ անհնարինության դեպքում՝ դրանց միջին շուկայական արժեքները՝ 1 մլրդ 256 մլն 765 հազար դրամ, երեք շարժական գույք, երկու իրավաբանական անձանցում մասնակցության իրավունք.

☑️Չեխական ընկերությունում գնված բաժնետոմսերի ձեռքբերման արժեքը՝ 1 մլն 608 հազար 540 դրամ.

☑️389 մլն 257 հազար 456 դրամ, որը չի հիմնավորվում անձի օրինական եկամուտներով, ունի ապօրինի ծագում և հնարավոր չէ բռնագանձել:
❤5👍1💯1
‼️Մինչդատական քրեական վարույթի օրինականության նկատմամբ հսկողություն իրականացնող դատախազի կողմից 2023 թվականի հունվարի 30-ին որոշում է կայացվել ՀՀ ՊՆ N զորամասի կոմունալ շահագործման ծառայության պետ, զորամասի հակահրդեհային պաշտպանության և փրկարար աշխատանքների ծառայության պետ, մայոր Մ.Ս.-ի նկատմամբ հարուցել հանրային քրեական հետապնդում՝ ՀՀ քրեական օրենսգրքի 550-րդ հոդվածի 3-րդ մասով (զինվորական պաշտոնեական անփութություն, որն անզգուշությամբ առաջացրել է մարդու մահ):

‼️2023 թվականի հունվարի 31-ին Մ.Ս.-ն ձերբակալվել է:

🌐Մանրամասները ⤵️
https://www.prosecutor.am/am/mn/8912/
❤7
‼️Ինտենսիվ այգիներ հիմնելու պատրվակով պետական աջակցության ծրագրի շահառու քաղաքացիները՝ Վ.Գ.-ն, Ա.Հ.-ն, Ս.Ղ.-ն և Գ.Զ.-ն, Էկոնոմիկայի նախարարություն կեղծ փաստաթղթեր են ներկայացրել:
Արդյունքում, Վ.Գ.-ն հափշտակել է 57 մլն 780 հազար դրամ, Ա.Հ.-ն՝ 16 մլն 192 հազար 940 դրամ, իսկ Ս.Ղ.-ն և Գ.Զ.-ն՝ 58 մլն 500 հազար դրամ:

☑️Գլխավոր դատախազության պետական շահերի պաշտպանության վարչությունը, Պետական վերահսկողական ծառայության կողմից իրականացված մշտադիտարկման արդյունքների հիման վրա, հանցանքի մասին հաղորդումներ է ներկայացրել Քննչական կոմիտե. նախաձեռնվել են քրեական վարույթներ:

🌐Մանրամասները⤵️
https://www.prosecutor.am/am/mn/8914/
❤6🔥1
ℹ️Հայաստանի Հանրապետության գլխավոր դատախազ Աննա Վարդապետյանի՝ 2023 թվականի hունվարի 31-ի հրամաններով՝ Դատախազությունում տեղի են ունեցել կադրային փոփոխություններ՝ փոխադրումների և պաշտոնից ազատումների ձևով:

🌐Մանրամասները ⤵️
https://www.prosecutor.am/am/mn/8915/
👍4❤3🔥3
‼️ ՀՀ ՊՆ N զորամասի ինժեներական ծառայության սպա, կապիտան Ե.Հ.-ի նկատմամբ հարուցվել է հանրային քրեական հետապնդում:
‼️‼️ Ե.Հ.-ն, Գեղարքունիքի մարզի Ազատ գյուղի 1-ին փողոցի 20-րդ տուն հասցեում տեղակայված` ՀՀ ՊՆ N զորամասի ինժեներասակրավորային վաշտի անձնակազմի համար նախատեսված կացարանում շահագործվող վառարանը վառելու նպատակով, օրվա հերթապահից ճշտելով այդ ստորաբաժանմանը հատկացված դիզելային վառելիքի և ավտոբենզինի գտնվելու վայրը, սեփական նախաձեռնությամբ, կացարանի հարակից տարածքում բացազատված ավտոհավաքակայանից վերցրել է տրանսպորտային միջոցների մեկնարկիչները գործի գցելու համար հատկացված՝ 5 լիտր տարողությամբ ավտոբենզինով լցված տասը հատ պլաստմասե տարաներից մեկը, վերադարձել է կացարան և վառարանը վառել ավտոբենզինով: Արդյունքում կացարանում բռնկվել է հրդեհ:
❤6👍3
‼️‼️Բռնագանձման է ենթակա Լյովա Ազատի Սարգսյանից և նրա ընտանիք անդամներից 9 միլիոն 408 հազար ԱՄՆ դոլարին համարժեք դրամ, որից միայն առևտրային բանկում առկա ավանդի գումարը կազմում է 6 միլիոն 800 հազար ԱՄՆ դոլար, ինչպես նաև օրինական եկամուտներով չեն հիմնավորվել 9 անշարժ գույքի ձեռքբերում, 2 շարժական գույքերի ձեռքբերում, ինչպես նաև մասնակցություններ 3 կազմակերպություններում:

https://youtu.be/LsBKlCZAewo
❤11😱2👍1
‼️2002-2014 թվականներին «Հայկական ատոմային էլեկտրական կայան» ՓԲԸ-ի գլխավոր տնօրենի պաշտոնը զբաղեցրած Գ.Մ.-ն իրեն վստահված միջոցներից վատնման եղանակով հափշտակել է առանձնապես խոշոր չափերի՝ 1 մլն 27 հազար 470,9 ԱՄՆ դոլար:

☑️2022 թվականի դեկտեմբերի 22-ին դատախազի նախաձեռնությամբ որոշում է կայացվել հանրային քրեական հետապնդում հարուցել Գ.Մ.-ի նկատմամբ. 2023 թվականի հունվարի 31-ին Գ.Մ.-ին ներկայացվել է մեղադրանք:
👍10🔥2❤1😍1
ℹ️Զինվորական կենտրոնական դատախազության պետական շահերի պաշտպանության բաժինը, 2022 թվականի նոյեմբերի 2-ից մինչև 2023 թվականի հունվարի 12-ը, ՀՀ Զինված ուժերի ինժեներական զորքերի վարչության կենտրոնական ինժեներական պահեստում իրականացրել է ուսումնասիրություններ:

‼️Իրականացված համալիր ուսումնասիրությունների արդյունքում արձանագրվել է 93 մլն 723 հազար 544 դրամի պակասորդ և 4 մլն 355 հազար 725 դրամի ավելցուկ, հայտնաբերվել են պայմանագրերի տեխնիկական բնութագրերով սահմանված պահանջներին չհամապատասխանող 198 մլն 590 հազար 916 դրամ ընդհանուր արժեքով նյութական միջոցներ, այդ թվում` ինժեներական տեխնիկաների պահեստամասեր:
❤6😱1
ℹ️ԱԺ պետական-իրավական հարցերի մշտական հանձնաժողովի՝ փետրվարի 2-ի նիստում ներկայացված նախագծերից մեկով, Դատախազության կողմից պետական շահերի պաշտպանության գործառույթի իրականացման շրջանակում, առաջարկվում է Դատախազությանը հնարավորություն ընձեռել մասնակցելու և լուծելու համայնքի միջոցների տնօրինման և համայնքին պատճառված վնասի դեպքում իրականացվելիք դատավարական և իրավական գործընթացները:

☑️ՀՀ գլխավոր դատախազի տեղակալ Անահիտ Մանասյանը ներկայացրել է իրավակիրառ պրակտիկայում ի հայտ եկած խնդիրները և պարզաբանել առաջարկվող փոփոխությունների և լրացումների ընդունման անհրաժեշտությունը:
❤9
‼️Գլխավոր դատախազության պետական շահերի պաշտպանության վարչությունում ուսումնասիրվել է Հաշվեքննիչ պալատի կողմից «Դպրոցների սեյսմիկ անվտանգության մակարդակի բարձրացման վարկային և դրամաշնորհային ծրագրերի» հաշվեքննության արդյունքների վերաբերյալ ընթացիկ եզրակացությունը:

‼️Պարզվել է, որ 300 փորձագետներ պայմանագրերը կնքելու պահին և դրանց կատարման ընթացքում համապատասխան ընկերությունների աշխատողներ չեն եղել և Տարածքային զարգացման հիմնադրամին ներկայացրել են կեղծ տեղեկություններ:

🔺Ընդհանուր առմամբ, տարբեր դրվագներով պատճառված վնասը կազմել է 173 մլն 965 հազար 534 դրամ:
👍7
ℹ️Գլխավոր դատախազ Աննա Վարդապետյանի կողմից՝ 2022 թվականի դեկտեմբերի 3-ին Շիրակի մարզի դատախազությունում տրված հանձնարարականի հիման վրա՝ Շիրակի մարզի դատախազությունը, պետական շահերի պաշտպանության գործառույթի շրջանակում, ուսումնասիրել է Շիրակի մարզի Ամասիա համայնքի «Աղվորիկ, Զարիշատ, Բերդաշեն, Զորակերտ գյուղական բնակավայրերի ջրագծի կառուցում» սուբվենցիոն ծրագրի իրականացման գործընթացը:

‼️Շիրակի մարզի դատախազը ուսումնասիրությամբ ձեռք բերված տվյալներն ուղարկել է Քննչական կոմիտեի Շիրակի մարզային քննչական վարչություն՝ քրեական վարույթ նախաձեռնելու նպատակով:
👏5❤3🔥1👌1
Հակակոռուպցիոն դատարանում փետրվարի 2-ին շարունակվել է Արամ Վարդանյանի, նրա որդու և դստեր դեմ Գլխավոր դատախազության ապօրինի ծագում ունեցող գույքի բռնագանձման գործերով վարչության ներկայացրած հայցադիմումի քննությունը՝ ապօրինի ծագում ունեցող գույքի բռնագանձման պահանջով։
👍6❤3🥰1