Գլխավոր դատախազություն
2.29K subscribers
3.52K photos
189 videos
1.62K links
ℹ️Դատախազության բոլոր նորություններն՝ այս ալիքում:
Download Telegram
ℹ️Գլխավոր դատախազությունն իրեղեն ապացույց ճանաչված արծաթե իրերը պահպանության է հանձնել ԿԳՄՍ նախարարության Հայաստանի պատմության թանգարանին:

💬Հանրապետության գլխավոր դատախազ Աննա Վարդապետյանն անդրադարձել է արծաթե իրերի՝ վարույթն իրականացնող մարմնում հայտնվելու նախապատմությանը և նշել. «Հաշվի առնելով իրեղեն ապացույցների՝ պատմամշակութային կարևորությունը, 2023 թվականի փետրվարի 7-ին որոշեցինք իրեղեն ապացույց ճանաչված արծաթե իրերը պահպանության հանձնել Հայաստանի պատմության թանգարանին՝ մեր քաղաքացիների և օտարերկրյա հյուրերի համար ցուցադրության հնարավորություն ստեղծելու համար: Ուրախ եմ, որ Դատախազությունը և Ազգային անվտանգության ծառայությունը համատեղ ներդրում ունեցան այս կարևոր գործում»:

🌐Մանրամասները ⤵️
https://www.prosecutor.am/am/mn/8946/
❤‍🔥6❤4🥰1
ℹ️Իսկ հիմա ներկայացնենք Գլխավոր դատախազության կողմից Հայաստանի պատմության թանգարանին պահպանության հանձնված իրեղեն ապացույց հանդիսացող արծաթե իրերի՝ վարույթն իրականացնող մարմնում հայտնվելու նախապատմությունը:

🔹2006 թվականին «Զվարթնոց» մաքսատանը զննման է ենթարկվում օտարերկրացու ուղեբեռը. հայտնաբերվում են չհայտարարագրված՝ 26 հատ, մշակութային արժեք հանդիսացող արծաթե տարբեր իրեր (այն ժամանակվա գնահատմամբ՝ ընդհանուր՝ 3 մլն 667 հազար դրամ արժողությամբ): 2007 թվականին քրեական գործով վարույթը կասեցվում է մեղադրյալի՝ Հայաստանի սահմաններից դուրս գտնվելու հիմքով, իսկ 2022 թվականի դեկտեմբերի 29-ին վարույթի նախաքննությունը վերսկսվում է: 2023 թվականի հունվարի 3-ին քրեական վարույթը ստացվել է ՀՀ գլխավոր դատախազությունում և, ի թիվս այլ որոշումների, 2023 թվականի փետրվարի 7-ին որոշում է կայացվել իրեղեն ապացույց ճանաչված արծաթե իրերը պահպանության հանձնել Հայաստանի պատմության թանգարանին:

☑️Պատմամշակութային կարևորություն ունեցող, 19-րդ դարի վերջին և 20-րդ դարի սկզբին ստեղծված արծաթե նմուշների լուսանկարները
❤9👍1
🔺Գլխավոր դատախազի տեղակալ Արթուր Պողոսյանը վերացրել է Աչաջուր համայնքի նախկին ղեկավարի նկատմամբ հանրային քրեական հետապնդում չհարուցելու և վարույթը կարճելու որոշումը. ջրային և գյուղատնտեսական նշանակության հողերը վերադարձվել են համայնքին: Մասնավորապես՝ Տավուշի մարզի Աչաջուր համայնքի և Հայրենակցական միության միջև կնքված Աչաջուր համայնքին պատկանող հողամասերի անհատույց օգտագործման պայմանագրերը միակողմանի լուծվել են և ՀԿ-ի անվամբ Կադաստրի կոմիտեում գրանցված անհատույց օգտագործման իրավունքները դադարեցվել են:
❤8👏2
ℹ️Բարձրագույն որակավորման կոմիտեի նախագահի հրամանով՝ Հայաստանի Հանրապետության դատախազության «Օրինականություն» գիտագործնական պարբերականն ընդգրկվել է ատենախոսությունների հիմնական արդյունքների և դրույթների հրատարակման համար ԲՈԿ-ի կողմից 2023 թվականի ընդունելի գիտական հրատարարակությունների ցուցակում:

☑️Հիշեցնենք, որ Գլխավոր դատախազությունը հայտարարել է «Օրինականություն» գիտագործնական պարբերականի միջազգայնացման գործընթացի մասին: Դրա շրջանակում «Օրինականություն» պարբերականի խմբագրական խորհրդի կազմում ընդգրկվել են միջազգային հեղինակավոր իրավաբաններ:
❤10