Գլխավոր դատախազություն
2.29K subscribers
3.52K photos
189 videos
1.62K links
ℹ️Դատախազության բոլոր նորություններն՝ այս ալիքում:
Download Telegram
🇦🇲🤝🇬🇪Հայաստանի Հանրապետության գլխավոր դատախազ Աննա Վարդապետյանը մարտի 16-ին ընդունել է ՀՀ-ում Վրաստանի արտակարգ և լիազոր դեսպան Գիորգի Շարվաշիձեի գլխավորած պատվիրակությանը:

☑️Հանրապետության գլխավոր դատախազն արդյունավետ է գնահատել Հայաստանի և Վրաստանի գլխավոր դատախազությունների միջև առկա համագործակցությունը՝ ընդգծելով, որ միջազգային-իրավական փոխգործակցության շրջանակում վրաց գործընկերների հետ խնդրահարույց կետեր չկան:
❤4🥰1
‼️ Դատախազը 2023 թվականի մարտի 15-ին քրեական հետապնդում հարուցելու մասին նոր որոշում է կայացրել 1997-2011 թվականներին Պաշտպանության նախարարությունում ծառայած, 2011-2018 թվականներին Ոստիկանության կազմակերպված հանցավորության դեմ պայքարի գլխավոր վարչության 4-րդ վարչության պետի տեղակալի և 5-րդ բաժնի պետի պաշտոնը զբաղեցրած (ՀՀ ոստիկանության նախկին պետ Վ.Գ.-ի անվտանգության ծառայության ղեկավարի գործառույթները փաստացի կատարող) Ա.Հ.-ի նկատմամբ:

🔺Ա.Հ.-ն հանցավոր ճանապարհով ստացված գույքն ու եկամուտները լվանալու, օրինական քաղաքացիական շրջանառության մեջ դնելու նպատակով` թաքցրել ու խեղաթյուրել է ձեռք բերված գույքերի ու վճարված գումարների իրական բնույթը, հանցավոր ծագումը և պատկանելիությունը` դրանց հաղորդելով օրինական տեսք:
👏8👍2
ℹ️Հակակոռուպցիոն դատարանը վարույթ է ընդունել ապօրինի ծագում ունեցող գույքի բռնագանձման վերաբերյալ հերթական հայցադիմումները:
‼️Դրանցից մեկով՝ Գլխավոր դատախազությունը պահանջում է ՀՀ նախկին վարչապետ Հ.Ա.-ից, նրա կնոջից, որդուց, դստրերից, փոխկապակցված այլ անձանցից հօգուտ Հայաստանի Հանրապետության բռնագանձել՝
🔺59 անշարժ գույք.
🔺4 ավտոմեքենա.
🔺20 ընկերությունների մասնակցություններ և բաժնետոմսեր.
🔺շուկայականից էականորեն ցածր արժեքով օտարված 9 գույքերի շուկայական արժեքներ՝ ընդհանուր՝ 1 մլրդ 628 մլն 277 հազար 90 դրամ.
🔺ընկերություններին տրված փոխառություններից ծագող պահանջի իրավունք՝ 11 մլն 292 հազար 570 ԱՄՆ դոլարի, 687 մլն 500 դրամի և 3 մլն 117 հազար 680 եվրոյի չափով.
🔺21 մլրդ 202 մլն 67 հազար 797 դրամ՝ որպես ապօրինի եկամտի մնացորդի և օրինական եկամուտներով չհիմնավորվող, բարեխիղճ երրորդ անձանց փոխանցված կամ չնույնականացված դրամի հանրագումար:
👍10❤1👏1
‼️‼️‼️Հանրությանը հայտնի «Ֆիզգոռոդոկ» թաղամասում (Ալիխանյան եղբայրներ 6/1 հասցե) գտնվող հողատարածքի նկատմամբ սեփականության իրավունքն ապօրինաբար է գրանցվել. Կադաստրի նախկին պաշտոնյա Ռ.Հ.-ի և քաղաքացի Տ.Ա.-ի նկատմամբ հարուցվել է հանրային քրեական հետապնդում:
👍10
ℹ️Դատախազը պետք է որոշում կայացնի՝ հիմնվելով փաստերի վրա, իսկ փաստերը համառ են. Աննա Վարդապետյանը հանդիպել է ապագա իրավաբաններին

💬Աննա Վարդապետյանը խորհուրդ է տվել ուսանողներին ուշադրություն դարձնել կարդացած գրականության որակին: «Ինչպես չեք ընդունի անորակ սնունդ, այնպես էլ չպետք է կարդալ անորակ գրականություն ու տեքստեր: Մեզ տրված ժամանակն արժեքավոր է և այն պետք է ծախսենք դրական ու որակյալ «կալորիա» ունեցող գիտելիքի վրա», - ընդգծել է ՀՀ գլխավոր դատախազը:
❤11❤‍🔥1🥰1
‼️‼️Ռ.Վ.-ն, 2017 թվականի նոյեմբերի 24-ից մինչև 2021 թվականի սեպտեմբերի 22-ն ընկած ժամանակահատվածում, զբաղեցնելով Լոռու մարզի Գյուլագարակ համայնքի ղեկավարի տեղակալի պաշտոնը, չի ներկայացրել հայտարարագիր:

🔺2023 թվականի փետրվարի 10-ին դատարանը մեղադրական վերդիկտով Ռ.Վ.-ին մեղավոր է ճանաչել՝ դատապարտվելով 680 հազար դրամ տուգանքի:

‼️Դատախազը վերաքննիչ բողոքով պահանջում է Գյուլագարակի նախկին ղեկավարի տեղակալի նկատմամբ նշանակել լրացուցիչ պատիժ՝ զրկել որոշակի պաշտոններ զբաղեցնելու իրավունքից:
👍4👏1
ℹ️2023 թվականի փետրվարի 17–ին Գլխավոր դատախազության և քաղաքացի Ա. Մանուկյանի միջև, ապօրինի ծագում ունեցող գույքի բռնագանձման վարույթի շրջանակում, կնքվել է առաջին հաշտության համաձայնությունը:

🔹Դատարանի՝ 2023 թվականի մարտի 21-ի վճռով՝ հաշտության համաձայնությունը հաստատվել է, ինչը նշանակում է, որ հաշտության համաձայնության առարկա գույքի նկատմամբ սահմանվելու է Հայաստանի Հանրապետության սեփականությունը:

🔹Ըստ համաձայնության՝ Ա. Մանուկյանը պարտավորվել է պետությանը փոխանցել Երևան քաղաքի Ավան վարչական շրջանի Ծարավ Աղբյուրի փողոցում գտնվող ավելի քան 81 մլն դրամ շուկայական արժեքով անշարժ գույքը. այն կազմում է ապօրինի ծագում ունեցող գույքի բռնագանձման վարույթի շրջանակում հայտնաբերված ապօրինի ծագում ունեցող գույքերի արժեքների 85,2 տոկոսը։
👍5👏3
🇦🇲🤝🇺🇸Հայաստանի Հանրապետության գլխավոր դատախազ Աննա Վարդապետյանն այսօր ընդունել է ՀՀ-ում ԱՄՆ նորանշանակ արտակարգ և լիազոր դեսպան Քրիստինա Քվինի գլխավորած պատվիրակությանը և քննարկել իրավապահ ոլորտում փոխգործակցության խորացմանը վերաբերող հարցեր:

✔️Գլխավոր դատախազն ու դեսպանն անդրադարձ են կատարել կոնկրետ ուղղություններով փոխգործակցությանը, որը վերաբերել է ապօրինի հարստացման, փողերի լվացման, կոռուպցիայի և կիբերհանցագործությունների դեմ պայքարին, ապօրինի ծագում ունեցող գույքի բռնագանձման ինստիտուտի կատարելագործմանը:
❤4❤‍🔥1👍1👏1
‼️Ապօրինի ծագում ունեցող գույքի բռնագանձման ևս երկու հայցադիմում ընդունվել է Հակակոռուպցիոն դատարանի վարույթ:

🔺Հայցադիմումներից մեկով՝ Գլխավոր դատախազությունը պահանջել է Երևան քաղաքի Էրեբունի վարչական շրջանի նախկին ղեկավար Ա.Հ.-ից հօգուտ Հայաստանի Հանրապետության բռնագանձել Արաբկիր վարչական շրջանի Գուլակյան փողոցում գտնվող տունը և 312 մլն դրամ, մյուս հայցադիմումով պահանջել է «ԱԼՔՍ» ՍՊ ընկերության տնօրեն Ա.Ք.-ից հօգուտ Հայաստանի Հանրապետության բռնագանձել մի շարք անշարժ և շարժական գույքեր, դրամական միջոցներ, «ԱՔԼՍ» ՍՊ ընկերության 100 տոկոս մասնակցությունը:
❤10