Գլխավոր դատախազություն
2.29K subscribers
3.52K photos
189 videos
1.62K links
ℹ️Դատախազության բոլոր նորություններն՝ այս ալիքում:
Download Telegram
‼️Երևան քաղաքի Շենգավիթ վարչական շրջանի Նորագավիթ 1-ին փողոցով անցնող երկաթգծին հարակից տարածքները՝ ընդհանուր օգտագործման, մասնավորեցման ոչ ենթակա հողերը, սեփականության իրավունքով օտարվել են մի շարք քաղաքացիների՝ պետության օրինական շահերին պատճառելով էական վնաս։

☑️Դատախազը 2023 թվականի մարտի 20-ին հանցանքի մասին հաղորդում է ներկայացրել Հակակոռուպցիոն կոմիտե. քրեական վարույթ է նախաձեռնվել:
🥰5👍2💯2❤1
‼️ Գ.Մ.-ն, Անշարժ գույքի կադաստրի պետական կոմիտեում (այսուհետ՝ Կոմիտե) երկար տարիներ զբաղեցնելով տարբեր պաշտոններ, մտերիմ հարաբերություններ ձևավորելով Կոմիտեի այլ պաշտոնատար անձանց հետ, 2017-2021 թվականների ընթացքում խարդախությամբ հափշտակել է 4 մլրդ 233 մլն 57 հազար 363 դրամ արժեքով` Երևան քաղաքի տարբեր վարչական շրջաններում գտնվող 13 պետական և համայնքային սեփականություն հանդիսացող հողամասեր:

☑️Դատախազությունը, պետական շահերի պաշտպանության հայց հարուցելու լիազորության շրջանակներում, միջոցներ են ձեռնարկվել հափշտակված գույքերը համայնքին և պետությանը վերադարձնելու ուղղությամբ. Գլխավոր դատախազությունը հայցեր է հարուցել Վարչական դատարան:
❤6👍2
🔺Սարալանջի 1 հասցեում գտնվող նախկին «Երիտասարդական պալատ» պետական փակ բաժնետիրական ընկերությանը վարձակալությամբ հանձնված 31780,0 քմ ընդհանուր մակերեսով հողամասը, որի կադաստրային արժեքը կազմել է 805 մլն 623 հազար դրամ, իսկ շուկայականին մոտարկված արժեքը՝ 4 մլրդ 430 մլն 926 հազար 500 դրամ՝ 2004 թվականի հունվարի 16-ին օտարվել է 62 մլն 973 հազար 405 դրամով:

‼️Դատախազն առերևույթ հանցագործության մասին հաղորդում է ներկայացրել Հակակոռուպցիոն կոմիտե. նախաձեռնվել է քրեական վարույթ:

☑️Գլխավոր դատախազությունն այսօր, պետական շահերի պաշտպանության հայց հարուցելու լիազորության շրջանակներում, հայց է ներկայացրել նաև Վարչական դատարան:
❤9👍4🔥1
2023 թվականի ապրիլի 28-ին հսկող դատախազը հաստատել է Հայաստանի Հանրապետության 16 քաղաքացիների ապօրինի միգրացիան ԱՄՆ կազմակերպելու վերաբերյալ քրեական վարույթի մեղադրական եզրակացությունը և վարույթի նյութերի հետ հանձնել է դատարան:
Վարույթի ընթացքում պարզվել է, որ 5 անձինք, նախնական համաձայնությամբ, 18 և 26 հազար ԱՄՆ դոլարի դիմաց, կեղծ փաստաթղթեր ներկայացնելով, կազմակերպել են Հայաստանի Հանրապետության 16 քաղաքացու անօրինական միգրացիան Ամերիկայի Միացյալ Նահանգներ:
👍5❤2🥰1
Media is too big
VIEW IN TELEGRAM
🔺«Երիտասարդական պալատ»-ին («Կուկուռուզնիկ») վարձակալությամբ հանձնված հողամասը 2004 թվականի հունվարի 16-ին օտարվել է շուկայական արժեքից մոտ 4,4 միլիարդ դրամով պակաս։

‼️Դատախազության հաղորդման հիման վրա նախաձեռնվել է քրեական վարույթ։

☑️Գլխավոր դատախազությունը մայիսի 5-ին, պետական շահերի պաշտպանության հայց հարուցելու լիազորության շրջանակներում, հայց է ներկայացրել Վարչական դատարան:
ℹ️«Լուրեր»-ի անդրադարձը՝ Գլխավոր դատախազության կողմից ձեռնարկված աշխատանքներին:
🔥8❤6👍5❤‍🔥1
🔺Օտարման ոչ ենթակա հողամասի վրա կառուցված շինությունը չի կարող սեփականության իրավունքով պատկանել քաղաքացուն: Հողային օրենսգիրքը թույլ է տալիս նշված հողամասերը տրամադրել բացառապես կառուցապատման իրավունքով։ Եթե կառուցապատման իրավունքով տրամադրված հողամասի վրա կառուցապատողը կառուցում է շենք, շինություն, որևէ գույք է տեղակայում, ապա այդ անշարժ գույքի նկատմամբ սեփականության իրավունքը չի փոխանցվում կառուցապատողին:
💬«Ազատության» հետ զրույցում դատախազ Սոնա Հովսեփյանն անդրադարձել է Մոնումենտի այգում «Գոլդեն Փելիս» ընկերությանն ապօրինի օտարված 17077,6 քմ հողատարածքը պետությանը վերադարձնելու Դատարանի վճռին:
https://www.azatutyun.am/a/32398779.html
❤9🥰1
🇦🇲Հայաստանի Հանրապետության գլխավոր դատախազ Աննա Վարդապետյանը Հաղթանակի ու խաղաղության տոնի առթիվ ՀՀ բարձրագույն ղեկավարության հետ այսօր այցելել է «Հաղթանակ» զբոսայգի, հարգանքի տուրք մատուցել հայրենիքի պաշտպանության և խաղաղության համար զոհվածների հիշատակին:

Գլխավոր դատախազը ծաղիկներ է խոնարհել Հայրենականի մեծ պատերազմի զոհերի հիշատակը հավերժացնող անմար կրակի մոտ։
👍15❤5❤‍🔥2🥰1
🔺Արարատի մարզի Մասիս համայնքի նախկին ղեկավար Ս.Հ.-ն 2007 և 2008 թվականներին հանցավոր գործունեությամբ հափշտակել է Մասիս քաղաքի Ազատամարտիկների 11 հասցեում գտնվող 599.7 քմ մակերեսով վարչական շենքը, դրանով ծանրաբեռնված 385 քմ մակերեսով հողատարածքը, ինչպես նաև Ազատամարտիկների 11/1 հասցեում գտնվող 244.5 քմ մակերեսով վարչական շենքի պահեստն ու դրանով ծանրաբեռնված 299 քմ մակերեսով հողատարածքը:

☑️Հսկող դատախազը 2023 թվականի մայիսի 8-ին մեղադրական եզրակացությունը վարույթի նյութերի հետ հանձնել է դատարան:
❤10🔥1
🔺Տ.Բ.-ն, 2009 թվականի սեպտեմբերից մինչև 2014 թվականի մայիսի 17-ը լինելով Պետական եկամուտների կոմիտեի նախագահի տեղակալ, իր վերադասի՝ ՊԵԿ նախկին նախագահ Գ.Խ.-ի ազգականներին նյութական օգուտ տալու նպատակով, ապահովել է, որ պետական բյուջեի հանդեպ 79 մլրդ 372 մլն 897 հազար 900 դրամ պարտավորությունների դիմաց «Հայգազարդ» ՓԲ ընկերության կողմից ՊԵԿ-ում գրավադրված «Հիդրոապարատ» ԲԲ ընկերության 132.615 հատ բաժնետոմսերը 34 մլն 328 հազար 964 դրամով պակաս գնով, վաճառվեն ՊԵԿ նախագահ Գ.Խ.-ի քրոջ և եղբոր որդիների մասնակցությամբ հիմնադրված «Մոնդո դի Մոբիլի» ՍՊ ընկերությանը:

☑️2023 թվականի մայիսի 3-ին հսկող դատախազների խմբի ղեկավարը հաստատել է մեղադրական եզրակացությունը և քրեական վարույթի նյութերի հետ հանձնել է Հակակոռուպցիոն դատարան:
👍6❤4🥰1
‼️Գլխավոր դատախազ Աննա Վարդապետյանի հրամանով՝ Արմավիրի մարզի դատախազությունում ինքնավար պաշտոն զբաղեցնող անձի նկատմամբ նշանակվել է «նկատողություն» տեսակի կարգապահական տույժ:

🔺Մասնավորապես` Արմավիրի մարզի դատախազի տեղակալը, N քրեական գործով (վարույթով) մինչդատական վարույթի օրինականության նկատմամբ հսկողություն իրականացնելիս, դատախազական ներգործության միջոցներ չի ձեռնարկել նախաքննության ժամկետների անհարկի ձգձգումներ թույլ չտալու, անհրաժեշտ ապացուցողական և վարութային գործողությունները ժամանակին կատարելու ուղղությամբ, ինչի հետևանքով, վարույթն իրականացնող մարմինը տևական ժամանակ դրսևորել է անգործություն:
🔺Դրանից բացի, որպես հսկող դատախազ, պատասխանատու լինելով քրեական հետապնդման հարուցման իրավաչափության համար, շուրջ երկու ամիս քրեական վարույթով հանձնաժողովային դատաբժշկական փորձաքննության եզրակացությունը ստացած լինելու պայմաններում, որոշում չի կայացրել մեղադրյալի նկատմամբ քրեական հետապնդումը փոփոխելու վերաբերյալ:
👍6👀1
‼️«Երևանի պետական համալսարան» հիմնադրամի գնումների վարչության գնումների մասնագետ Ա.Մ.-ի ամուսին Է.Մ.-ն 2016 թվականին իրականությունը խեղաթյուրելու, մրցույթում հաղթող ճանաչվելու դիտավորությամբ, գրություն է ուղարկել Հանձնաժողովին, որ ապրանքների տեխնիկական բնութագրերը համապատասխանում են սահմանված չափանիշներին:

🔺Հանձնաժողովի անդամները, անձնական շահագրգռվածությունից ելնելով, նոր մրցույթ չհայտարարելու հանգամանքով պայմանավորված, ԵՊՀ շահերին հակառակ, հօգուտ Է.Մ.-ի, որոշել են չմերժել Է.Մ.-ի ներկայացրած գնման ընթացակարգերին ակնհայտ չհամապատասխանող հայտը. Երևանի պետական համալսարանից հափշտակվել է 5,7 մլն դրամ:
👍8🤯1