Գլխավոր դատախազություն
2.29K subscribers
3.52K photos
189 videos
1.62K links
ℹ️Դատախազության բոլոր նորություններն՝ այս ալիքում:
Download Telegram
‼️‼️‼️«Երևանի լսողության խանգարումներ ունեցող երեխաների հատուկ կրթահամալիր» ՊՈԱԿ-ի կողմից 2017 թվականի դեկտեմբերի 15-ից մինչև 2018 թվականի դեկտեմբերի 20-ն ընկած ժամանակահատվածում, տարբեր ընկերություններից ձեռք է բերվել 1 մլն 445 հազար 307 դրամի ամանորյա միջոցառումների կազմակերպման համար նախատեսված նվերներ և սննդամթերք, որոնք ՊՈԱԿ-ի աշակերտներին չեն հատկացվել:

🔺 Նախաքննության ընթացքում մեղադրյալ Ա.Ա.-ի կողմից (ՊՈԱԿ-ի տնօրենի վարչատնտեսական աշխատանքների գծով տեղակալ) ՊՈԱԿ-ին պատճառված 8 մլն 613 հազար 836 դրամ վնասն ամբողջությամբ վերականգնվել է:

✔️2023 թվականի հունիսի 27-ին դատախազը հաստատել է մեղադրական եզրակացությունը և վարույթի նյութերի հետ
հանձնել Հակակոռուպցիոն դատարան:
❤7👍1
‼️‼️‼️2020 թվականի նոյեմբերի 10-ին քաղաքացի Թ.Ա-ն, ճեղքելով ՀՀ Ազգային ժողովի նախկին նախագահ Ա.Մ.-ին շրջապատած անձանց շարքերը և մի կողմ հրելով անվտանգության աշխատակիցներին, մոտեցել է իր իսկ հարվածի հետևանքով գետնին ընկած Ա.Մ.-ին և ոտքով բազմաթիվ հարվածներ է հասցրել պաշտպանվելու կամ դիմադրություն ցույց տալու հնարավորություն չունեցող Ա.Մ.-ի մարմնի տարբեր մասերին, այդ թվում՝ կյանքի համար կենսական նշանակություն ունեցող կրծքավանդակի, որովայնի, գոտկային շրջաններին:

🔺Թ.Ա.-ի նկատմամբ կիրառված է կալանք խափանման միջոցը:

✔️Դատախազը գործն ուղարկել է դատարան:
❤8👍3👏1
ℹ️Գլխավոր դատախազ Աննա Վարդապետյանն այսօր ընդունել է Միջազգային մարդասիրական իրավունքի և մարդու իրավունքների Ժնևի ակադեմիայի ուսանողներին/Geneva Academy of International Humanitarian Law and Human Rights/:
🔹Հայաստանի գլխավոր դատախազը հանդիպման ընթացքում պատասխանել է Բրազիլիայի, Գերմանիայի, Հայաստանի, Կոլումբիայի, Իտալիայի, Քենիայի, Արգենտինայի, Զիմբաբվեի, Եգիպտոսի, Իսպանիայի և Հունաստանի ներկայացուցիչների հարցերին, որոնք հիմնականում վերաբերել են միջազգային իրավունքին, տուժողների պաշտպանության ներպետական կառուցակարգերին, Արցախի հակամարտության իրավական ասպեկտին, միջազգային դատավարական գործընթացներում Դատախազության ներգրավվածությանը, ատելության խոսքի դեմ պայքարին և այլ հարցերի:
👍7❤5🥰1
🔺Այս պահի դրությամբ վարույթ ընդունված հայցերից ամենախոշորը ՀՀ նախկին վարչապետ Հ.Ա.-ինն է՝ 59 անշարժ, 4 շարժական գույք. դրանց ընդհանուր շուկայական արժեքը 5 միլիարդ 616 հազար դրամ է և 21 միլիարդ 202 միլիոն դրամ՝ որպես ապօրինի եկամտի մնացորդ:
🔺Ամենախոշոր հայցը սպասվում է առաջիկայում. այն վերաբերում է ՊԵԿ նախկին նախագահ Գ.Խ.-ին ու նրա որդիներին: Ըստ ուսումնասիրության՝ Դատախազությունը Խաչատրյաններից պահանջելու է ավելի քան 40 միլիարդ դրամ, 210 անշարժ գույք, որից 60-ը՝ Երևանում, այդ թվում՝ ամերիկյան առանձնատունը:
☑️«Լուրեր»-ի անդրադարձը՝ Գլխավոր դատախազության ապօրինի ծագում ունեցող գույքի բռնագանձման գործերով վարչության ուսումնասիրության արդյունքներին և հայցապահանջներին:
https://www.youtube.com/watch?v=j1P5Vpw_o94&embeds_referring_euri=https%3A%2F%2Fprosecutor.am%2F&source_ve_path=MjM4NTE&feature=emb_title
❤9
🔺2022 թվականի սեպտեմբերի 13-ին, Ադրբեջանի զինված ուժերի հարձակման ժամանակ, դասակի հրամանատար Հ.Մ.-ն, խախտելով մարտական հերթապահություն կրելու կանոնները, պատշաճ կերպով չի իրականացրել իր պարտականությունները և, առանց մարտ վարելու, վերադասությանը զեկուցելու, ենթականերին իրադրության մասին տեղեկացնելու, միայնակ թողել է մարտական հենակետը:
‼️Իր ղեկավարման տակ գտնվող մարտական դիրքեր տեղափոխվելու և իր պարտականությունները կատարելու փոխարեն՝ Հ.Մ.-ն ժամը 01:00-ի սահմաններում՝ առանց ավագ պետի թույլտվության, նահանջել է Ներքին Հանդ գյուղ:
🤯3
ℹ️2023 թվականի 1-ին կիսամյակի ընթացքում Գլխավոր դատախազության պետական շահերի պաշտպանության վարչության կողմից քաղաքացիական դատավարության կարգով հարուցվել է պետական շահերի պաշտպանության 9 հայց՝ 128 մլն 463 հազար դրամի բռնագանձման պահանջով:
❤7👏1
‼️Հրաձգային գումարտակի հրամանատարի տեղակալ Մ.Պ.-ն, 2020 թվականի սեպտեմբերի 27-ին` Կառավարության կողմից հայտարարված ռազմական դրության ժամանակ, հակառակորդի առաջխաղացումը կասեցնելու և տարածումը կանխելու փոխարեն, մարտական դիրքի անձնակազմի մոտ խուճապ է տարածել և հրամայել նահանջել:
🔺Դատախազը գործն ուղարկել է դատարան:
❤8👏2🔥1
ℹ️Հայաստանի Հանրապետության գլխավոր դատախազ Աննա Վարդապետյանն այսօր առցանց ձևաչափով հանդիպել է Եվրոպայի խորհրդի Մարդու իրավունքների և իրավունքի գերակայության գլխավոր տնօրինության գլխավոր տնօրեն Քրիստոս Ջիակումոպուլոսին:

🔹Հիմք ընդունելով համատեղ աշխատանքի շարունակականության վերաբերյալ երկուստեք ցանկությունը՝ Աննա Վարդապետյանն առաջարկել է Քրիստոս Ջիակումոպուլոսին քննարկել 2023 թվականի ավարտին կամ 2024 թվականի գարնանը նման ձևաչափով երկրորդ խորհրդաժողովն անցկացնելու հնարավորությունը՝ ապօրինի ծագում ունեցող գույքի բռնագանձման թեմայով:
👍3❤2🥰1