Գլխավոր դատախազություն
2.28K subscribers
3.52K photos
189 videos
1.62K links
ℹ️Դատախազության բոլոր նորություններն՝ այս ալիքում:
Download Telegram
‼️Վերաքննիչ դատարանը 2022 թվականի նոյեմբերի 21-ին բավարարել է դատախազի կողմից ներկայացված բողոքը և բեկանել Երևան քաղաքի առաջին ատյանի ընդհանուր իրավասության դատարանի որոշումը՝ անթույլատրելի ճանաչելով պետական դավաճանությանն օժանդակելու մեջ մեղադրվող Ա.Պ.-ին կալանքից գրավով ազատելը:
🌐Մանրամասները ⤵️
https://www.prosecutor.am/am/mn/8813/
‼️Գլխավոր դատախազ Աննա Վարդապետյանի հրամաններով՝ երկու դատախազի նկատմամբ նշանակվել է «նկատողություն» տեսակի կարգապահական տույժ:
‼️‼️Մի դեպքում դատախազը, մասնակցելով N վարչական գործով դատական նիստին, պարտավորված լինելով բարձր պահել դատախազության հեղինակությունը, դատավարության մասնակից փաստաբանի նկատմամբ ցուցաբերել է անհարգալից և ոչ բարեկիրթ վերաբերմունք:
‼️‼️Մյուս դեպքում՝ դատախազը հսկողություն է իրականացրել քրեական գործով մինչդատական վարույթի օրինականության նկատմամբ այն դեպքում, երբ նույն անձի կողմից կատարված մեկ այլ առերևույթ հանցանքի կապակցությամբ հարուցված քրեական վարույթի շրջանակներում ներգրավվել է որպես տուժող: Նման պայմաններում դատախազն ինքնաբացարկ չի հայտնել և շարունակել է հսկողություն իրականացնել նշված քրեական վարույթով:
🌐Մանրամասները ⤵️
https://www.prosecutor.am/am/mn/8814/
👍1
‼️Ոստիկանության նախկին պետ Վ.Գ.-ի դուստրը՝ Յ.Գ.-ն, միջոցներ տրամադրելով և խոչընդոտներ վերացնելով, օժանդակել է 2012-2018 թվականներին Կառավարությանն առընթեր Ոստիկանության պետի տեղակալ-ոստիկանության զորքերի հրամանատարի պաշտոնը զբաղեցրած Լ.Ե.-ին, որը, պաշտոնեական դիրքն օգտագործելով, 2015-2018 թվականների ընթացքում իրեն վստահված առանձնապես խոշոր չափերով վատնման եղանակով գույք է հափշտակել:
☑️Հսկող դատախազի որոշմամբ Յ.Գ.-ի նկատմամբ հարուցվել է հանրային քրեական հետապնդում. մեղադրանք ներկայացնելու և խափանման միջոց ընտրելու համար որոշումն ուղարկվել է Հակակոռուպցիոն կոմիտե:
🌐Մանրամասները ⤵️
https://www.prosecutor.am/am/mn/8816/
‼️Դատախազությունը, ապօրինի ծագում ունեցող գույքի բռնագանձման գործառույթի շրջանակում, պահանջում է ՊԵԿ նախկին պաշտոնյա Վահրամ Գուրողլյանից, նրա կնոջից, որդուց, զոքանչից բռնագանձել՝
❗️18 անշարժ գույք Երևանում, որոնցից 14-ը՝ Հյուսիսային պողոտայում՝ 6 բնակարան, 6 ավտոտնակ, հասարակական նշանակության 2 տարածք,
❗️2 անշարժ գույք Կոտայքի մարզում,
❗️2 տրանսպորտային միջոց,
❗️նաև Ավստրիայում գտնվող 2 անշարժ գույքերի ձեռքբերման համար վճարած դրամական միջոցների այն մասը, որը չի հիմնավորվել օրինական եկամուտներով:
❗️❗️Դատախազությունը պահանջում է գնդապետից և փոխկապակցված անձանցից հօգուտ պետության բռնագանձել 4 միլիարդ 600 միլիոն դրամին համարժեք գույք և դրամական միջոց:
👏1😁1
ℹ️Գլխավոր դատախազ Աննա Վարդապետյանի հրամաններով՝ Դատախազությունում, աշխատանքի արդյունավետությունը բարձրացնելու նպատակով, տեղի են ունեցել կադրային բարեփոխումներ:
🌐Մանրամասները ⤵️
https://www.prosecutor.am/am/mn/8818/
👍9❤3
🔺Հսկող դատախազը միջնորդել է Պաշտպանության նախարարությանը՝ դիտարկել զորամասի հրամանատարի հետագա պաշտոնավարման նպատակահարմարությունը

‼️Պաշտպանության նախարարության N զորամասի հրամանատար Ս.Ե.-ն, իր պաշտոնեական դիրքն օգտագործելով, շուրջ 1 տարի յուրացրել է զորամասին հատկացված և իրեն վստահված ընդհանուր 2 մլն 441 հազար 985 դրամ արժողությամբ 4 հազար 515 լիտր ավտոբենզինի և 3 հազար 710 լիտր դիզելային վառելանյութի կտրոնները: Դրանց մի մասը հանձնել է որպես բնակարանի վարձակալության վճար, իսկ յուրացրած կտրոնների մի մասն էլ վաճառել է:
Նշվածը հաստատվել է Հակակոռուպցիոն դատարանի մեղադրական դատավճռով:

☑️Զորամասի հրամանատարն առաջադրված մեղադրանքում իրեն լիովին մեղավոր է ճանաչել, տվել է խոստովանական ցուցմունք և վերականգնել պետությանը պատճառված վնասը:
ℹ️Հայաստանի Հանրապետության գլխավոր դատախազ Աննա Վարդապետյանը դեկտեմբերի 3-ին աշխատանքային այցով Շիրակի մարզում էր:
Խորհրդակցության ընթացքում ՀՀ գլխավոր դատախազն անդրադարձել է`
🔺օտարման ոչ ենթակա տարածքներն ու զբոսայգիները, որոնք օրենքի խախտմամբ գտնվում են կոնկրետ անձանց տնօրինման ներքո, քաղաքացիներին վերադարձնելուն,
🔺քրեական վարույթի հետ մեկտեղ պետական շահերի պաշտպանության գործիքակազմի արդյունավետ կիրառմանը,
🔺իրավապահ կառույցների միջև գործընկերային աշխատանքի արդյունավետության բարձրացմանը, ինչպես նաև
🔺պահանջել է պետական բյուջեի միջոցներով և սուբվենցիոն ծրագրերով օրենքի խախտմամբ իրականացված աշխատանքների կապակցությամբ ընթացող վարույթներով բծախնդիր, անզիջում, արդյունավետ և առանց ձգձգումների քննություն՝ այդ համատեքստում ընդգծելով, որ հարկատուների միջոցներից իրականացվող ծախսերը՝ այդ թվում սուբվենցիոն ծրագրերը, պետք է լինեն նպատակային և արդյունավետ:
👍6
‼️Ոստիկանության նախկին պետ Վ.Գ.-ի կինը՝ Ս.Գ.-ն (Ս.Ս.), միջոցներ տրամադրելով և խոչընդոտներ վերացնելով, օժանդակել է պաշտոնատար անձ, իր հետ ամուսնական հարաբերությունների մեջ գտնվող Վ.Գ.-ին, որը պաշտոնեական դիրքն օգտագործելով, 2000-2010 թվականների ընթացքում վատնման եղանակով հափշտակել է իրեն վստահված առանձնապես խոշոր չափերով գույք:
‼️Դատախազը Ս.Գ.-ի նկատմամբ հանրային քրեական հետապնդում հարուցելու մասին որոշում է կայացրել. մեղադրանք ներկայացնելու և խափանման միջոց ընտրելու համար որոշումն ուղարկվել է Հակակոռուպցիոն կոմիտե:
🌐Մանրամասները ⤵️
https://www.prosecutor.am/am/mn/8822/
❤2👍1
ℹ️Հովհաննես Քոչարյանը նշանակվել է Զինվորական դատախազի տեղակալի պաշտոնին:

☑️Հայաստանի Հանրապետության գլխավոր դատախազ Աննա Վարդապետյանի հրամաններով՝ Դատախազությունում տեղի են ունեցել կադրային փոփոխություններ` նաև առաջխաղացումների ձևով:

🌐Մանրամասները ⤵️
https://www.prosecutor.am/am/mn/8824/
🇦🇲🤝🇺🇸Գլխավոր դատախազի տեղակալ Սրբուհի Գալյանը ԱՄՆ հետաքննությունների դաշնային բյուրոյի և Արդարադատության դեպարտամենտի ներկայացուցիչների հետ հանդիպմանը քննարկել է Հայաստանից հանցավոր ճանապարհով դուրս բերված և հանցավոր ճանապարհով ձեռք բերված ակտիվների վերադարձի, փողերի լվացման դեմ համատեղ պայքարի արդյունավետության բարձրացմանն ուղղված մի շարք հարցեր:
❤5👍2
🇦🇲🤝🇷🇺Հայաստանի Հանրապետության գլխավոր դատախազ Աննա Վարդապետյանը Ռուսաստանի Դաշնության գլխավոր դատախազ Իգոր Կրասնովի հրավերով դեկտեմբերի 7-10-ը եռօրյա աշխատանքային այցով Ռուսաստանի Դաշնության մայրաքաղաք Մոսկվայում է:

Այսօր՝ դեկտեմբերի 7-ին, Հայաստանի գլխավոր դատախազը հանդիպել է ՌԴ գործընկերոջը և քննարկել երկու երկրների դատախազությունների միջև համագործակցության խորացմանն ուղղված մի շարք հարցեր:
🌐Մանրամասները ⤵️

https://www.prosecutor.am/am/mn/8827/
❤‍🔥5👍5❤3