ټپې لنډۍ

ما درته ویل چی جنګ ته مه ځه
د جیب شیان دې رالیږي تا خښوینه

زما دننه زړګی غوڅ دی
د بې وسۍ خندا لۀ هر چا سره کړمه

ته چې را درومې تللیه یاره
ما به مې ځان په بنګو نیم سیځلی وینه

پلار مې په ژوند وهلی نه یم
سپېره نصیب مې په مخ هره ورځ وهینه

دا ستا په زړه به ماته څه وي
زه خو د خولې ژاوله په منځ درنیمه ومه

ځان به په تور ټیکري عادت کړم
یاري به پریږدم تا به مړ حسابومه

یا مې لمن نه پیڅکه پرې کړئ
یا مې باڼه ورته لوګی کړئ یار مې مرینه

په تور پیکي مې لالی بایلود
په سور ټیکري به د کړکۍ پردې ګنډمه

اوس مې د زړه رضاګۍ نشته
لالی دې لارې بدلوي چې هر خوا ځینه

دیواله ټینګه تکیه راکړه
زه د بې ننګو له تکیو لویدلی یمه

بې وسي توره وي که سپینه
لالی مې ځي زه په کنډو ولاړه یمه

په بالښتۀ مې ويښتان توې ؤل
را معلوميږي د ځوانۍ دؤر مې ځينه!

دومره په بخت زورور نه یم
چې له تالا باغه به راوړم زیړ ګلونه

له خپله ځانه تاو راتاو شوم
لالیه ستا په رقم غږ مې واورېدنه

د لړمانه په بوې مې مړ شې
په یو طرف مینه دې سوټه بوټه کړمه

یو بېغرته به مېړه کړم
له غېرتمندو نه څو ځلې پاتې شومه




#لایک
#لنډی
@S_Arman_2024

نوی غزل

ګوندې وي چې په نغمو کې دې په کار شم
که بې تاره وې سِتاره چې دې تار شم

دعاګانې راپسې دي هسې نه چې
په پاخه عمر د خامې جلکۍ یار شم

د پُنبې د فابریکې یو یو تار وایي
د ظا.لم دې نه پټکی او نه چلتار شم

بیماران که د آنارو په ارمان دي
زه دې ستا په آناري موسکا بیمار شم

لکه دوې غبرګې سندرې سره ګډې
کاشکې داسې غاړه وتی له نګار شم

ما مې سره اوښان په شنو ورېښمو بار دي
دمه ګیر به هم د شنو بنګړو په ښار شم

خدایه تږو ته مې ته اوبه اوبه کړې
سړیچنو ته دې ښه تازه انګار شم

د کاروان غزله میره د لنډیو
یوې ښکلې وې چې زه به یکه زار شم

پیرمحمد کاروان



#لایک
#غزل

@S_Arman_2024

د ستمونو انتهـــا دې وکـــــړه
لکه زنځیر کړې کړې دې کړمه





#لایک
#ټپه

@S_Arman_2024

څه اړتيا وه دروغجنو بهانو ته؟
سړی‌ سپين ووايي، زړه مې شوی تلو ته

له تا پس مې شو په مينه باور ختم
او ما خپل خوبونه وښودل اوبو ته

څه د دوو روپيو خلک وو قسم دی
څه عبث مو پورته کړي وو اوږو ته

مونږ به ژوند کړو، غوږ پرې نه ګروو ياره
زمانه وزګاره شوې ده کيسو ته

له خپه یار غاړه تاو کړي، ور پخلا شي
کله کله سړی نه ګوري پښتو ته

مونږ د زړونو حق ادا نه کړ صميمه!
غورځولي مو د هر بدبخته پښو ته

شاعر ـ صمیم


#لایک
#غزل
#شپه_پخیر


@S_Arman_2024

#لایکــــــ کړئ ناځوانو 😒😒

د زړه رګونو له تاوونه ورکړم
ستا د غم غرونه په‌کې وتړمه

له کوم کوم ياده به دې زړه صبر کړم
سترګې په کوم کوم ځای کې وتړمه؟



#بیت
#لایک

@S_Arman_2024

وعده چې سترګو سترګو کښ حمزه کړله ورياده
نور هيڅ ترنه ونشول ټيټ نظر ئي ترجمان شو

#بیت
#لایک




@S_Arman_2024

#ټپيزه

ګنهګاریږم #مـــــازیګر شو
که په دی نور #کلی خبر شو
دا څه په ګډو وډو #سر شو
لالی می بل رقم #لوفر شو

اوس د #غمبورو په سر هم غواړی خالونه!



#ټپیزه
#لایک
@S_Arman_2024

زه حيران حيران ورګـــورمه لالـــي ته
لالي خاندي په خندا یی وخت تیریږی





#لایک

@S_Arman_2024

‏چې عاشق د معشوقې په لور کاته کا
خود لېمه شی کم طاقته، پرېواته کا

چي پلو له مخه لري کړی رڼا شي
لکه سترګه د سبا چي راخاته کا

لږ می عکس د زړه واخله که دی شک وي
چي دا تور باڼه دې څه رنګه ويشته کا

خاطر اپريدي




#بیتونه
#لایک


@S_Arman_2024