• Оилангиздаги муносабатларни яхшиламоқчимисиз?
• Бахтли ва саодатли оила қуриш ниятингиз борми?
• Шахсан Икром Шарифдан жонли тавсиялар олишни истайсизми?

Акамиз Икром Шариф "Фароғат қасри" курсига қабул бошлабдилар. “Фароғат қасри” оилада тотувлик, бирдамлик, сакинатни бардавом бўлишига хизмат қиладиган курсдир.

Оила илмини ўрганаман деганлар учун тавсия қиламиз. Дарслар 19 октябр санасидан бошланар экан.

👤 Қабул менежерига ёзиш

📎 Курс ҳақида батафсил

@ikromsharif

Таклифнома

“Қамар” китоблар дўконининг янги филиали очилишига таклиф қилишди. Хурсанд бўлдик, Аллоҳ хайрли, манфаатли, хизматларини бардавом қилсин.

Шанба куни 11:00 да кўришамиз, иншааллоҳ. Сиз ҳам борасизми?

@GiyosiddinYusuf

Душанба куни “Ҳилолнашр”нинг Қўқон шаҳридаги дўконида дастхат куни ўтказяпмиз. Тадбирга марҳамат!

Болаларни виртуал ўйинлардан тийишнинг йўлларидан бири улар билан ўзингиз жисмоний ўйинлар ўйнашингиздир.

#тарбия

@GiyosiddinYusuf

Sizni kutyapmiz, mehmonning hurmatini qilib kelarsiz. 😊

@GiyosiddinYusuf

… Бировдан бир яхшилик етса, Аллоҳнинг неъмати, тақдирдан деб биламиз. Бу инсон сабаб бўлмаса, бошқа биров сабаб бўлар эди деймиз. Аммо айни ўша одамдан бир озор, зарар етса, маломат қиламиз.

… Биров бор имкониятини ишга солиб бизга бир яхшилик қилиб, жўнгина раҳмат эшитади; бехосдан, бироз бепарволик билан берган озори учун бир умр унутилмайдиган гапларга эга чиқади.

… Одамларнинг яхшиликлари орамизни яқинлаштирмаслиги мумкин, аммо ёмонликлари узоқлаштиради.

… Бойга ҳадя бериш, яхшилик қилишга шошиламиз-у, камбағал-муҳтождан юз бурамиз…

Ўлчовларимиз ғалати эмасми?

@GiyosiddinYusuf

Ўсмир қизларингизга рўзғор ишлари, эркак кишига қандай муомалада бўлиш ҳақида ўргатиб боринг.

Албатта, бунда биринчи навбатда аёлнинг ўзи намуна бўлиши керак.

Қизлар отаси, ака-укасига уйда қандай муносабатда бўлинганини кўриб, бўлажак турмуш ўртоғига қандай муомала қилишни ўрганади.

#тарбия

@GiyosiddinYusuf | @Bilol_akademiya — ҳамкоримиз

Фарзандларимизни мустақил фикрли ва масъулиятли қилиб улғайтиришимиз муҳим. Айниқса, ўғил болалар тарбиясида бунга эътиборли бўлиш лозим.

Бола мустақил фикрга эга бўлиши учун уни эшитиш, масъулиятли бўлиши учун эса унга ўзига муносиб ишни ишониб топшириш муҳим.

#тарбия

@GiyosiddinYusuf

Бугун ҳамкоримиз — Бухоро шаҳридаги «Билол» мактаби ўқувчиларининг устоз Худойберди Тўхтабоевнинг «Қуёнлар салтанати» асарига ёзган тақриз-иншоларини текширяпман.

Ўқувчилар китобни шунчаки ўқиб қўймасдан, уни тушуниб, англаб ва хулоса қила олиши учун иншо ёздиришни йўлга қўйдик.

Шу билан бирга, тез кунларда ўзим мактабга бориб, болалар билан китоб юзасидан суҳбат ўтказаман, савол-жавоб қиламан, тест оламан, иншааллоҳ.

Мактаб ўқувчиларининг иншоларида қуйидаги кучли фикрлар намоён бўлган: мақсадга эришиш учун меҳнат билан бирга билим ҳам зарур; ўз фикрига ишониш яхши, аммо бошқаларни ҳам эшитиш керак; ҳақиқий дўст қийинчиликда ёнингда туради; севимли қаҳрамоннинг ҳам хатоларини кўра билиш лозим; ота-онанинг борлиги — қадрлаш керак бўлган неъмат. Айрим ўқувчилар бойликка қараб ўзгарадиган муносабатларни ҳам пайқашган.

Сиз ёки фарзандингиз бу китобни ўқиганми?

#Китоб #болалар #мактаб

@GiyosiddinYusuf

Боланинг ҳам иши бор

Боламизни чақирсак, дарров келиши керак. Бирор иш буюрсак, қўлидагини ташлаб, айтганимизни қилиши лозим. Кечикса, «Гапимни эшитмаяпсанми?» деб койиймиз.

Аммо у бизни чақирганда, кўпинча «Ҳозир», «Шошмай тур», «Кўрмаяпсанми, ишим бор» деймиз. Баъзан нима демоқчилигини эшитишга ҳам ҳафсала қилмаймиз.

Бола ўйнаб ўтирган бўлса, уни бекорчи деб ўйлашимиз мумкин. Ҳолбуки, у нимадир қуряпти, расм чизяпти, ўйинининг бир жойига келиб қолган. Бошлаганини тугатгиси бор. Биз эса бир чақиришда келмаганини ҳурматсизликка йўямиз.

Албатта, шошилинч ишлар бўлади. Лекин ҳар сафар ҳам шошилаётган бўлмаймиз-ку.

«Шуни тугатиб, кейин кела қол» десак ҳам бўлади. Ёки олдиндан: «Ўн дақиқадан кейин овқатланамиз, ўйинингни тугатиб ол» деб айтиб қўйишимиз мумкин.

#тарбия

@GiyosiddinYusuf