📌 BUXORODA GERMANIYADA TA'LIM VA ISHLASH IMKONIYATLARI BO‘YICHA UCHRASHUVLAR TASHKIL ETILDI

🇩🇪 Migratsiya agentligi Buxoro hududiy filiali tomonidan Germaniyada ta'lim olish va tibbiyot sohasida mehnat faoliyatini olib borish imkoniyatlarini keng targ‘ib qilish maqsadida qator uchrashuvlar tashkil etildi.

🏫 Dastlab, Germaniya tibbiyot akademiyasi loyihasi yuzasidan Buxoro Abu Ali ibn Sino nomidagi jamoat salomatligi texnikumida o‘quvchi-yoshlar bilan uchrashuv o‘tkazildi.

Uchrashuv davomida o‘quvchilarga Germaniyada ta'lim olish, dual ta'lim dasturlari, nemis tilini o‘rganish, stipendiya va amaliyot imkoniyatlari hamda tibbiyot yo‘nalishida xalqaro malaka olish istiqbollari haqida batafsil ma'lumotlar berildi.

🏥 Shundan so‘ng, Buxoro viloyat ko‘p tarmoqli tibbiyot markazida faoliyat yuritayotgan hamshiralar va o‘rta tibbiyot xodimlari bilan ochiq muloqot tashkil etildi.

🤝 Tadbirda Shveysariyaning xalqaro rekruitment kompaniyasi — "Globogate Concept AG" vakillari ishtirok etib, Germaniya klinikalarida ishlash imkoniyatlari, talab etiladigan malaka va til darajalari, ishga joylashish bosqichlari hamda loyiha ishtirokchilari uchun yaratilayotgan sharoitlar haqida ma'lumot berdi.

👩‍⚕️ Tibbiyot xodimlariga quyidagi imkoniyatlar taqdim etilishi ta'kidlandi:

✅ Nemis tilini o‘rganish bo‘yicha ko‘mak;
✅ Germaniya standartlari asosida tayyorgarlik;
✅ Hujjatlarni rasmiylashtirishda amaliy yordam;
✅ Ish beruvchilar bilan to‘g‘ridan-to‘g‘ri suhbatlar;
✅ Germaniya klinikalarida barqaror ish o‘rinlari;
✅ Yuqori daromad va ijtimoiy kafolatlar;
✅ Kasbiy rivojlanish va xalqaro tajriba orttirish imkoniyati.

🎓 Tadbirlar davomida maktab bitiruvchilari bilan ham alohida uchrashuv tashkil etilib, ularga Germaniyada kasb-hunar va oliy ta'lim olish, dual ta'lim dasturlarida ishtirok etish, xorijiy tillarni o‘rganish hamda xalqaro mehnat bozorida talab yuqori bo‘lgan kasblar bo‘yicha ma'lumotlar berildi.

📈 Uchrashuvlarda ishtirokchilarga xorijda qonuniy va xavfsiz ishlashning afzalliklari, noqonuniy migratsiyaning salbiy oqibatlari hamda Migratsiya agentligi tomonidan yaratilayotgan imkoniyatlar haqida ham tushuntirishlar berildi.

❓ Tadbir yakunida yoshlar va tibbiyot xodimlarini qiziqtirgan savollarga mutaxassislar tomonidan batafsil javoblar qaytarildi.

🚀 Germaniyada ta'lim olish va ishlash imkoniyatlaridan foydalaning!

🇺🇿 Migratsiya agentligi Buxoro hududiy filiali fuqarolarimizning xalqaro mehnat bozorida munosib o‘rin egallashi va kasbiy salohiyatini oshirish yo‘lida tizimli ishlarni davom ettirmoqda.

@migratsiya_buxoro