Tibbiyot texnikumlarining pedagoglari Germaniyada xalqaro malaka oshirish dasturini boshladi

Kasbiy ta’lim agentligi, Migratsiya agentligi hamda Shveysariyaning “GLOBOGATE concept AG” kompaniyasi hamkorligida amalga oshirilayotgan Germaniya tibbiyot akademiyasi (GMA) qo‘shma dasturi doirasida o‘zbekistonlik pedagoglarning Germaniyaning Rostok universiteti klinikasidagi xalqaro malaka oshirish kursiga start berildi.

👩‍⚕️ “Trenerni tayyorlash” (Train the Trainer — TTT) loyihasi asosida tashkil etilgan dasturda Abu Ali ibn Sino nomidagi Jamoat salomatligi texnikumlarining 6 nafar maxsus fan o‘qituvchisi hamda Kasbiy ta’lim agentligining 1 nafar mas’ul xodimi ishtirok etmoqda.

📌 Loyihaning asosiy maqsadi — "Hamshiralik ishi" yo‘nalishida tahsil olayotgan talabalarni Germaniya Federativ Respublikasining amaldagi talablari asosida, xalqaro standartlarga mos tarzda tayyorlash tizimini yanada takomillashtirishdir.

📚 Dastur davomida ishtirokchilar zamonaviy o‘qitish metodikalari va didaktik yondashuvlar bo‘yicha bilimlarini mustahkamlab, kelgusida mamlakatimiz kasbiy ta’lim tizimida boshqa pedagoglar uchun trener sifatida faoliyat yuritish imkoniyatiga ega bo‘ladilar.

💻 Dastur doirasidagi nazariy onlayn mashg‘ulotlar joriy yilning may–iyun oylarida muvaffaqiyatli yakunlandi. Endilikda boshlangan amaliy bosqich 31-iyulga qadar davom etib, uning doirasida ishtirokchilar Rostok universiteti klinikasida bevosita amaliy mashg‘ulotlarda qatnashadilar.

Bizni kuzating

Website | Telegram | Instagram | Facebook | Youtube | X