នៅថ្ងៃទី៣១ ខែកក្កដា ឆ្នាំ២០២៦ OPENAI បានចុះផ្សាយខ្លឹមសារមួយដែលដែលមានចំណងជើង "Disrupting a Criminal Scam Operation"

នេះជាការរាយការណ៍របស់ OpenAi ថាក្រុមហ៊ុនបានបិទបណ្តាញគណនី ChatGPT មួយចំនួនដែលទំនងជាមានប្រភពមកពីកម្ពុជា និង អាចនឹងប្រតិបត្តិការនៅជុំវិញក្រុងប៉ោយប៉ែត។ ហើយការស៊ើបអង្កេតនេះចាប់ផ្តើមបន្ទាប់ពីទទួលបានព័ត៌មាននេះពី WhatApp។

OPENAi បានវាយតម្លៃថា ក្រុមនេះបានប្រើ ChatGPT ដើម្បីគាំទ្រការឆបោកជាច្រើនប្រភេទក្នុងពេលតែមួយ ដូចជា៖
-បង្កើតអត្តសញ្ញាណ និងគណនីណាត់ជួបក្លែងក្លាយ
-បង្កើត និងបកប្រែសារសម្រាប់ទាក់ទងជនរងគ្រោះ
-បោកវិនិយោគលើរូបិយបណ្ណឌីជីថល និងមាស
-បោកប្រាស់តាមទំនាក់ទំនងស្នេហា
-ផ្សព្វផ្សាយល្បែងអនឡាញ និងប្រាក់រង្វាន់ក្លែងក្លាយ
-ក្លែងខ្លួនជាសមត្ថកិច្ច ដើម្បីទាមទារឱ្យជនរងគ្រោះបង់ “ពិន័យ”
-បង្កើតឯកសារ លិខិតច្បាប់ លិខិតឆ្លងដែន និងរូបភាពប្រព័ន្ធជួញដូរក្លែងក្លាយ។

OpenAI ប្រាប់ពីវិធីសាស្ត្រឆបោកនេះជា ៣ ដំណាក់កាលរួមមានដូចខាងក្រោម៖
១.ទាក់ទងជនរងគ្រោះដោយប្រើ ChatGPT ដើម្បីបកប្រែបង្កើតខ្លឹមសារតាម WhatsApp និង Telegram និង វិភាគលើបុគ្គលិកលក្ខណៈជនរងគ្រោះជាដើម
២. បង្កើតទំនុកចិត្តឬសម្ពាធផ្លូវអារម្មណ៍ រកមើលវិធីដែលអាចអោយជនរងគ្រោះចាប់អារម្មណ៍ការវិនិយោគ ឬ ស្នេហារ
៣. ធ្វើការឆបោកណែនាំជនរងរគ្រោះអោយអស់សាច់ប្រាក់តាមវិធីសាស្រ្តផ្សេងៗ

អត្ថបទក៏រកឃើញសញ្ញាដែលអាចពាក់ព័ន្ធនឹង ការជួញដូរមនុស្ស និងការបង្ខំឱ្យធ្វើការឆបោក។ ឧទាហរណ៍ មានការផ្សព្វផ្សាយការងារនៅប៉ោយប៉ែត ដោយសន្យាផ្តល់សំបុត្រយន្តហោះ កន្លែងស្នាក់នៅ អាហារ និងទិដ្ឋាការ។

ជាចុងក្រោយ OpenAI បានបិទគណនីពាក់ព័ន្ធ ចែករំលែកព័ត៌មានសម្គាល់ការគំរាមកំហែងទៅក្រុមហ៊ុនដៃគូ និងអាជ្ញាធរ ហើយដាក់វិធានការកុំឱ្យក្រុមនេះចូលប្រើសេវាវិញ។ ចំនួនទឹកប្រាក់ខាតបង់សរុបមិនទាន់ដឹងច្បាស់ទេ ប៉ុន្តែទំនាក់ទំនងរបស់ក្រុមឆបោកបង្ហាញថា ពួកគេអាចបានទាក់ទងមនុស្សរាប់រយនាក់ ហើយជនរងគ្រោះខ្លះត្រូវបានអះអាងថាបាត់បង់ប្រាក់រាប់ពាន់ដុល្លារ—ដែល OpenAI មិនអាចផ្ទៀងផ្ទាត់ដោយឯករាជ្យបាន។

https://openai.com/index/disrupting-malicious-uses-of-ai-criminal-scam-operation/

ក្តៅ Telegram ត្រូវបានដកចេញពី App Store ទូទាំងពិភពលោក

Update: បច្ចុប្បន្នគេដាក់មកវិញហើយ តែមិនទាន់ដឹងមូលហេតុច្បាស់ទេរង់ចាំការប្រកាស!