بغير السالفه لشيء سعيد

امس نفس ذا الوقت كنت انا واخواتي وماما وبابا فالبحر

في بحر جنوب جده بنات الي فجده ضرووري تروحه يجنن بذات بعد الفجر او على الساعه ٣ الليل يكون فااااضي لدرجه شلت الطرحه وقعدت اجري بشعري على الرمل والهوا لطيف مرة كان يوم يجنن

وكتبت اسمي على الرمل 🥹

ايي انا شخص يحب اسمه وبقووة

اشكر ماما على اختيار الاسم الصراحه اسم مميز اكثر من اسمي مافي ✋🏻

الزبده فطرنا هناك ولعبنا بالرمل مررة كنت سعييده واحس اني فراشه طايرة من الفرحه 💕

والله للآن لما اتذكر امس افرح، عاد احنا فعالياتنا فجدة كل ما جت اجازة يا نروح البحر يا نروح البر نشوي يا نطلع جبل

ومو بر كمان صحراء

بس برضوا يكون حلو الصراحه

جتني بكية قبل الدوام

واضح النفسية كيف بتكون اليوم

بسوي ميكب لعل تتحسن الأمور

حقيقي بدأت استوعب ان نومي قاعد يأثر على حياتي بشكل سلبي كيف في انسان طبيعي ممكن ينام ١٢ او ١٣ ساعه ويصحى فيه نوم كيييففف؟؟

حتى صرت اصحى نفسيتي سيئة ما ادري هل النوم له دخل لأن اول كنت انام نفس عدد الساعات واصحى سعيده ومبسوطة

نفسيتي ذي الأسبوعين من سيء لأسوء حتى فيتامين دال ما يمديه يحسن النفسيه

لي ٣ ايام مو قادره ابكي مع اني عندي اسباب كافيه تخليني ابكي اسبوعين

كنت اول اقول اكييد ذي المشاعر من الفراغ بس حتى لما صرت اداوم يوميا ما تغير شيء

باقي ساعتين ونص على الدوام شكلي بتجهز وبخرج قبل وبقعد اتمشى بأي مكان لعلها تزين