GOAR PR 🪞
1.21K subscribers
1.97K photos
596 videos
63 links
PR, Marketing, Իմիջ, Բրենդինգ, Գովազդ, հաղորդակցություն:
TG🕰 https://t.me/goarpr

Գոհար Սարգսյան - PR մասնագետ, Քաղաքագետ, Եվրոպական ուսումնասիրությունների փորձագետ. Հարցերի դեպքում👉 @goar_pr
Download Telegram
Ավանդական PR գործիքներից են թերթերը🦩

Վստահ եմ ասելու եք, թե մեր օրերում ի՞նչ թերթ: Ոչ: Միանշանակ ոչ: Տպագիր նյութերի տարածումը երբևէ չկորցրեց իր բացարձակ հետաքրքրությունը, իհարկե ունենալով հետընթաց:
Ինձ հիմա էլ շատ առաջարկներ են գալիս գովազդային տարբեր ընկերություններից: Մարդիկ գնալով հոգնում են վիրտուալ աշխարհից ու ձգտում դեպի ավելի օֆֆլայն ու շոշափելի կյանքը ու այս պատկերը մոտ ապագայում հաստատ կփոխվի դեպի հինը:

👛Որպես PR մասնագետ, կարող եմ ասել, որ այստեղ մի կարևոր կետ կա` այժմ շատ կարևոր է, որ այդ թերթերը ճիշտ մատուցվեն, քանի որ մարդկանց աչքը արդեն սովորել է հեշտ տրվող նյութերին:

Ահա արտասահմանյան ժամանակակից թերթի շապիկների օրինակ և էջի օրինակ` ճիշտ դասավորությամբ: Կարճ տեքստեր, տեքստով մակագրված նկարներ (տեքստով կտրված), հատուկ ընտրված մեջբերումներ, թվեր, գրաֆիկներ, վիզուալ տարրեր:

🎟Հավատացեք կան բազմաթիվ գործիքներ, որոնք թույլ են տալիս գրավել ընթերցողի ուշադրությունը և ստիպել նրան գոնե ինչ-որ բան կարդալ: @GOARPR
❤6
PR-ը սպրինտ չէ։ Մասնագետը կառուցում է ազդեցություն, պատվիրատուն հաճախ ուզում է անմիջական թվեր։ Երբ այս երկուսը չեն համադրվում, առաջանում է հիասթափություն։ Լուծումը մեկն է՝ կարճաժամկետ արդյունքը ծառայեցնել երկարաժամկետ արժեքին, այլ ոչ թե հակառակը։ @GOARPR
❤8
Ահա PR-ի երեք հիմնական կանոնները.

1️⃣ Հետևողականություն
PR-ը մեկ քայլ չէ, այլ շարունակական գործընթաց։ Անկայուն հաղորդակցությունը քանդում է վստահությունը։

2️⃣ Ճշգրիտ դիրքավորում
Եթե չգիտես՝ ով ես և ում համար ես խոսում, շուկան ինքը կսահմանի քեզ՝ ոչ միշտ քո օգտին։

3️⃣ Իմաստ
Ավելի լավ է քիչ, բայց մտածված հաղորդակցություն, քան շատ, բայց դատարկ տեսանելիություն։ @GOARPR
❤7
Մարդկային անպատասխանատվությունը՝ որպես համակարգային խնդիր

-Սա նյութ է ոչ բոլորի համար !

Անպատասխանատվությունը կյանքում երբեք մեկ ոլորտի խնդիր չի եղել։ Այն նույն կերպ դրսևորվում է ընտանիքում, բիզնեսում, պետական կառույցներում, կրթության մեջ և, իհարկե, հաղորդակցության մեջ։ Տարբերությունն ընդամենը հետևանքների մասշտաբն է։

Մարդը, որը չի պահում իր խոսքը, չի հարգում ժամկետները, չի մտածում իր գործողությունների ազդեցության մասին, իրականում նույն կերպ է վարվում ամեն տեղ․
— անձնական հարաբերություններում՝ կոտրում է վստահությունը
— աշխատանքում՝ քայքայում է թիմը
— բիզնեսում՝ վնասում է բրենդը
— հանրային դաշտում՝ արժեզրկում է ինստիտուտները

PR-ը հենց այն ոլորտն է, որտեղ անպատասխանատվությունը երբեք չի մնում «ներքին խնդիր»։ Այստեղ ամեն սխալ դուրս է գալիս հրապարակ։

Ես 8 տարվա փորձի ընթացքում բազմիցս տեսել եմ նույն պատկերը․ անպատասխանատու ղեկավարը մեղադրում է թիմին,
անպատասխանատու հաճախորդը՝ սպասում հրաշքների,
անպատասխանատու պաշտոնյան՝ զարմանում հանրային դժգոհությունից։

Բայց PR-ում կա մի պարզ օրենք․ հեղինակությունը չի կառուցվում խոսքերով, այն կառուցվում է կանխատեսելիությամբ։ Ժամանակին պատասխանելը, պայմանավորվածությունը պահելը, սխալի համար պատասխանատվություն վերցնելը՝ PR գործիքներ չեն, դրանք արժեքներ են։ Իսկ արժեքները կամ կան, կամ չկան։ Կես-կես չեն լինում։

Հանրային ընկալումը միշտ ավելի խիստ է, քան մենք կարծում ենք։
Մարդիկ կարող են ներել սխալը, բայց չեն ներում անտարբերությունը։

Եվ սա վերաբերում է բոլորիս՝
մասնագետներին, գործարարներին, պաշտոնյաներին, ստեղծագործողներին։
Որովհետև ցանկացած մարդ, ով հայտնվում է հանրային դաշտում, ուզենա թե ոչ, դառնում է բրենդ։

Իսկ բրենդը, որը չունի պատասխանատվություն, երկար կյանք չի ունենում։ PR-ը վերջում միշտ վերադառնում է մեկ կետին՝ ով ես դու քո գործողություններով, ոչ թե քո հայտարարություններով։

Սա ոչ թե քննադատություն է, այլ հիշեցում։Որ իրական ազդեցությունը սկսվում է ներքին կարգապահությունից։ @GOARPR
❤8
Ինչու են մարդիկ սխալ ընկալում PR-ը

PR-ը հաճախ շփոթում են հրապարակման, խոսքի կամ գեղեցիկ տեքստի հետ։
Իրականում PR-ը դա չէ։ PR-ը ընկալման կառավարում է։ Մարդիկ տեսնում են այն, ինչ հրապարակվում է, բայց չեն տեսնում այն, ինչ ժամանակին չի հրապարակվում։ Լավ PR-ը սովորաբար քիչ է երևում։ Վատ PR-ը՝ շատ է լսվում։ Եվ հենց այստեղ է շփոթությունը։

PR-ը աղմուկի մասին չէ։
PR-ը վստահության և վերահսկողության մասին է։ @GOARPR
❤7
Ի՞նչ է անում PR-ը, երբ ոչինչ չի հրապարակվում

Երբ հանրային դաշտում լռություն է, դա չի նշանակում, որ PR-ը չկա։ Ընդհակառակը՝ սա ամենաակտիվ փուլերից է։ Այդ պահին PR-ը վերլուծում է միջավայրը՝ ով է խոսում, ինչի մասին է խոսվում և ինչն է մնում ստվերում։ Գնահատվում են ռիսկերը՝ յուրաքանչյուր բառի, վերնագրի և արձագանքի հետևանքները։ Այստեղ որոշվում է ոչ միայն՝ ինչ ասել, այլ առավել կարևորը՝ ինչ չասել։

Լռությունը PR-ում գործիք է։ Երբեմն՝ պաշտպանական, երբեմն՝ ռազմավարական դադար, երբեմն՝ վերահսկողության պահպանում։ Փորձառու PR մասնագետը հասկանում է, որ աղմուկը դեռ ազդեցություն չէ, իսկ հրապարակումը դեռ արդյունք չէ։

Արդյունք է այն, երբ հանրային ընկալումը մնում է վերահսկելի՝ նույնիսկ այն դեպքում, երբ ոչինչ չի հրապարակվում։ @GOARPR
❤8
Անպատասխանատվությունը՝ որպես ընտրություն, ոչ թե պատահականություն

Կա մի վտանգավոր մոլորություն, որ անպատասխանատվությունը ծնվում է անգիտակցությունից։ Իրականում՝ շատ դեպքերում այն գիտակցված ընտրություն է։ Ընտրություն՝ չպատասխանել,
չխորանալ, չմտածել հետևանքի մասին, հետաձգել, լռել, փոխանցել ուրիշին։

PR-ում սա հատկապես տեսանելի է, որովհետև այստեղ «հետո» բառը չի աշխատում։ Հետո արդեն հանրային կարծիքը ձևավորված է լինում, արդեն բրենդը ստիպված է պաշտպանվել, ոչ թե զարգանալ։

Ես հաճախ եմ լսում․
«PR-ը հիմա կփրկի իրավիճակը»։
Ամենաանպատասխանատու ձևակերպումներից մեկն է։
Հանրային դաշտում չկա «մանր սխալ» հասկացություն։ Կա միայն կրկնվող վարքագիծ։
Եվ մարդիկ շատ արագ են կարդում այդ օրինաչափությունները։ Անպատասխանատու մարդը կարող է մի անգամ հաջողակ թվալ։ Անպատասխանատու համակարգը՝ երբեք։
PR-ը չի փրկում անպատասխանատվությունը։
PR-ը կամ կանխում է, կամ փաստում դրա հետևանքները։ Այս թեմայի մասին դեռ շատ կխոսենք) @GOARPR
❤8
M&M’s-ը համագործակցել է Marvel-ի հետ և թողարկել սահմանափակ քանակով նոր հավաքածու։

Կոնֆետների փաթեթավորումները ձևավորված են սուպերհերոսների կերպարներով՝ վառ, համարձակ և ֆաներին ծանոթ ոճով։ Վաճառքը մեկնարկել է 65 երկրում։

Մնում է սպասել, թե երբ կհասնի նաև Հայաստան: @GOARPR
❤8
Ինչո՞ւ են բրենդները վախենում հրապարակում չանելուց։

Բրենդների մեծ մասը լռությունը ընկալում է որպես բացակայություն։ Իրականում դա վերահսկողության կորուստ չէ, այլ վստահության խնդիր։ Չհրապարակելու վախը հիմնականում գալիս է ոչ թե ռազմավարությունից, այլ անհանգստությունից՝ «մեզ կմոռանա՞ն», «կթվա՞, որ ոչինչ չենք անում»։

Այդ վախը բրենդներին ստիպում է խոսել այն պահին, երբ դեռ պետք է մտածել։ Լցնել տեղեկատվական դաշտը՝ առանց իրական արժեքի։ Ստեղծել աղմուկ՝ ազդեցության փոխարեն։

Ուժեղ բրենդները հասկանում են, որ ներկայությունը չափվում է ոչ թե հաճախականությամբ, այլ հստակությամբ։ Երբ ամեն խոսք ունի նպատակ, դադարը դառնում է բնական գործիք, ոչ թե ռիսկ։

PR-ը հենց այստեղ է կարևոր։ Այն պաշտպանում է բրենդին սեփական անհանգստությունից և պահում է խոսքը ճիշտ պահին։ @GOARPR
❤7
PR-ը պետք է բիզնեսո՞ւմ

Սա այն հարցերից է, որը սովորաբար տալիս են այն պահին, երբ բիզնեսն արդեն խնդիր ունի։ Մինչ այդ PR-ը հաճախ ընկալվում է որպես «երբ աճենք», կամ՝ «երբ փող լինի»։

Իրականում ճիշտ հարցը սա չէ։ Ճիշտ հարցն է՝ բիզնեսը կարո՞ղ է երկար գոյատևել առանց PR-ի։ PR-ը վաճառք չէ։ PR-ը գովազդ չէ։ PR-ը ինստագրամ էջ չէ։ PR-ը բիզնեսի հեղինակության կառավարման համակարգն է։ @GHOARPR
❤8
Եթե բիզնեսը չունի հստակ հաղորդակցություն՝
— շուկան ինքն է այն ձևավորում
— հաճախորդը ինքն է եզրակացություններ անում
— մրցակիցը խոսում է քո փոխարեն

Եվ այդ պահին արդեն ուշ է «մտցնել PR»։

Իմ փորձից՝ PR-ը սկսում է աշխատել այն պահից, երբ բիզնեսը հասկանում է 3 պարզ բան․
1.Սուս մնալն էլ հաղորդագրություն է
2.Ամեն սխալ բացատրություն՝ դիրքավորում
3.Ամեն անկառավարելի խոսք՝ ռիսկեր

Ու ամենակարևորը՝ PR-ը գործընթաց է, ոչ թե ակցիա։

Այն բիզնեսները, որոնք ասում են՝
«մեզ PR պետք չի, մեզ արդյունք է պետք», մի քանի ամիս հետո հարցնում են՝ «ինչո՞ւ մեր մասին խոսում են սխալ ձևով»։ PR-ը չի մեծացնում բիզնեսը մի օրում, բայց այն պաշտպանում է տարիներով։

Եվ վերջում մի հարց PR մասնագետներին կամ բիզնեսի ղեկավարներին՝ ոչ տեսական, այլ գործնական․ եթե ձեր բիզնեսի մասին վաղը գրեն, վերահսկո՞ւմ եք այդ պատմությունը, թե՞ ոչ։
❤9
PR մասնագետի ամենամեծ խնդիրները

• PR-ից սպասում են հրաշք, բայց չեն փոխում վարքագիծը
• PR-ին ներգրավում են ուշ՝ արդեն արված սխալներից հետո
• Տալիս են պարտավորություն՝ առանց լիազորությունների
• Ուզում են արագ արդյունք՝ առանց երկար ռազմավարության
• Սխալները փորձում են ծածկել, ոչ թե ուղղել

PR-ը չի կարող փրկել համակարգային անպատասխանատվությունը։
Այն կարող է միայն ցույց տալ դրա հետևանքները։

Քննարկման հարց․
PR մասնագետի ամենամեծ խնդիրը ո՞րն է ձեր փորձից։ @GOARPR
❤8
PR մասնագետի բանավոր խոսքի հիմնական խորհուրդները

• Խոսի՛ր պարզ, ոչ բարդ
• Մի՛ լցրու խոսքը մասնագիտական տերմիններով՝ առանց անհրաժեշտության
• Ամեն միտք ասա մինչև վերջ, առանց շրջանցելու
• Մի՛ արդարացիր՝ բացատրիր
• Խոսի՛ր վստահ, ոչ արագ
• Լռությունը օգտագործիր որպես շեշտ, ոչ թե վախ

Բանավոր խոսքում ամենակարևորը սա է․
եթե դու քեզ չես վստահում, լսարանը նույնպես չի վստահի։ @GOARPR
❤12
PR մասնագետի ժեստերը՝ լուռ հեղինակություն

PR մասնագետի ժեստերը կամ հաստատում են խոսքը, կամ մերկացնում այն։

• Բաց ափեր՝ վստահություն
• Կառավարվող շարժում՝ ուժ
• Քիչ ժեստ՝ ավելի ազդեցիկ խոսք
• Խաչված ձեռքեր՝ պաշտպանական դիրք
• Նյարդային շարժումներ՝ վերահսկողության կորուստ

Ուժեղ PR մասնագետը չի «ցույց տալիս» վստահություն։
Նա ունի այն։

Միջազգային պրակտիկայում ժեստը ընկալվում է որպես կարգապահության արտացոլում, ոչ թե էմոցիա։ Այդ պատճառով էլ առաջնորդները միշտ շարժվում են քիչ, բայց հստակ։

PR-ում ժեստերը չեն սովորեցնում հմայքի համար։
Դրանք կառավարում են հեղինակությունը։

Հիշեք․ եթե ձեր ժեստերը խառն են, ուղերձը նույնպես կխառնվի։ @GOARPR
❤10