ذُكر أن أحد السلف رحمه الله كان إذا صلى العصر يوم الجمعة، استقبل القبلة، ولم يكلم أحدًا حتى تغرب الشمس.

تفتكروا كان بعمل شنو؟! 👀

كان بدعو ربنا وبيُكثر من الدعاء والتضرع له من بعد صلاة العصر إلى أن تغرب الشمس؛ لأن دي ساعة فيها إستجابة للداعين وإعطاء السائلين💚.
وانتوا كيف حتستغلوا وقتكم من بعد صلاة العصر إلى مغيب الشمس!؟

#قوم_أمشي_صلِّ💚

«يا لذّة الأوقاتِ بين جُموعهم
‏يا بهجة السّاعاتِ في الحلقاتِ!»


بسمِ اللهِ نبتدئ وبِهِ نستعين..

"إطمئنان تلاوه"
مع الشيخ همام تاج السر حفِظهُ الله💚.

رابط المجلس:

https://t.me/Gom9li?livestream=559646191e17f8f9b3

نافذة التعليقات⤵️💚:

#قوم_أمشي_صلِّ💚

جزاه الله عنّا كل خير وبارك فيه ورزقه الصحة والعافية💚

لكم العذر والعتبى يارفاق
حدثت مشكلة في الشبكة والإتصال مع الشيخ همام فحالت دون إقامة حلقة التلاوة لليوم

كتب الله أجركم كاملاً مضاعفاً، ووفقنا وإياكم لإقامة حلقة التلاوة في المرة القادمة بإذن الله

والعذر عند كرام الناس مقبولٌ💚

#قوم_أمشي_صلِّ💚

كيف حالي وحالك مع القرآن؟!

#قوم_امشي_صلِّ💚

تعال نجرب ما نساهر الليله ونظبط المنبه لقبل ساعه من صلاة الفجر ونستودع الله صلاة القيام ونعزم على إنه نقوم ونصليها ونستغفر في الأسحار ونصلي الفجر حاضر💚
الجنة بتستاهل ده كله وأكتر 💚

#قوم_أمشي_صلِّ💚

وإنت متغطي بالبطانية من البرد إتذكر أخوانك القاعدين في مخيمات النزوح في الدبة والبتنزل عليهم الأمطار في الخيام في غـ.زة
اتذكرهم بالدعاء واستشعر النِعم الإنت فيها واحمد ربنا
واشكره عليها؛ لأن في غيرك مبتلى بحرمانها وإنت عندك

وحاول تعينهم بالعندك ولو بالقليل والمتاح، فكل قليل في نظرك كثير في ميزان ربك
”مَنْ ذَا الَّذِي يُقْرِضُ اللَّهَ قَرْضًا حَسَنًا فَيُضَاعِفَهُ لَهُ أَضْعَافًا كَثِيرَةً وَاللَّهُ يَقْبِضُ وَيَبْسُطُ وَإِلَيْهِ تُرْجَعُونَ“💚

#قوم_أمشي_صلِّ💚

أتندس الصلاة..

صليتو الظهر ولا لسه؟👀

" اللَّهُمَّ اغْفِرْ لَنَا ذُنُوبَنَا، وَوَسِّعْ لَنَا فِي ذَاتِنَا، وَاجْعَلْنَا مِنْ صَالِحِ مَنْ بَقِي، وَألْحِقْنَا بِصَالِحِ مَنْ مَضَى💚 "

#قوم_أمشي_صلِّ💚

المانع شنو من إننا نبقى مِن الذين...
”تَتَجَافَىٰ جُنُوبُهُمْ عَنِ الْمَضَاجِعِ“
نقوم من النوم نصلي وندعوا ربنا، خوفاً منه وطمعاً في رزقه ورحمته وغفرانه وننفق كمان ولو بالقليل؟!

ربنا وعدهم بقوله:
”فَلَا تَعْلَمُ نَفْسٌ مَّا أُخْفِيَ لَهُم مِّن قُرَّةِ أَعْيُنٍ جَزَاءً بِمَا كَانُوا يَعْمَلُونَ“
يعني مافي أحد بخطر على باله عظمة ما أخفى الله لهم في الجنات من النعيم المقيم والأجر العظيم؛ لأن ذي ماهُم أخفوا أعمالهم دي عن الناس ربنا كمان اخفى لهم الأجر والثواب💚

#قوم_أمشي_صلِّ💚

البرد زايد والطلوع من تحت البطانيه كل يوم ببقى أصعب من القبله بس لازم نتذكر منو الرزقنا البطانيه دي والدفئ ده فهل حنستخدم الرزق في معصيه الرازق ؟

منو الوهبنا يوم جديد مع إنه كان ممكن ما نصحى فهل حنبدا اليوم الجديد بمعصيه الواهب ؟

إستعيذ من الشيطان وأبدا يومك صاح

#الصلاة_خير_من_النوم
#قوم_أمشي_صلِّ💚

يا صاحبي.. قرب شوية 💚

شنو رأيك نبدأ نصلي؟
نلتزم بالصلاة بي الالتزام، ونرجع لربنا؟

مافي حاجة ضاعت.. كل لحظة نقضيها مع الصلاة فيها بركة وراحة قلبية 🥹

ابدأ هسي، وخلي قلبك يلقى السلام والطمأنينة 💚

#قوم_امشي_صلِّ💚

ناس البيت بدوا يجهزوا في حاجات رمضان من ينشفوا البامية لي اللحمة لي الطماطم وغسيل أكياس المراتب والستائر وغيرها من الحاجات والتفاصيل الكتيييره البتتعمل في كل بيت سوداني لي إستقبال رمضان💚

ح تقول لي ياخ أنت بتهظر لسه الوقت بدري انتوا ما جاديين
بقول ليك رمضان ما شهر زي باقي الشهور يكفي أنه أنزل فيه القرآن غير باقي الفضائل الفيه💚

ويستحق أنه نجهز لي من بدري

بس أنا ما جاي عشان اقول ليك نجهز البامية ولا اللحمة ولا الطماطم ولا نغسل أكياس المراتب والستائر
لا لا يا غالي/ة
عايزين نتجهز نحنا أول نجهز قلوبنا وجوارحنا ليه من بدري، نغسل نفوسنا وجوارحنا من كل المعاصي والفتن والذنوب بإذن الله 💚
نجهز عشان نحس بي رمضان ونعيشه صح ونقتدي بالرسول عليه أفضل الصلاة وأتم التسليم، والصحابة والسلف الصالح.
ربنا يجعلنا من صوامه وقوامه يارب العالمين.

من اسي لو معانا في الركب دا بإذن الله جدد توبتك
عشان عايزين بإذن الله نجهز نفسنا روحيا ونفسيا وبدنيا لي إستقبال شهر الخير💚
وورينا متوقع الجاي شنو؟🫣💚

#قوم_امشي_صلِّ💚

ما الصبحُ إلا رجاءٌ لاحَ مبتسمًا
في كفِّ شمسٍ بها الآمالُ تُزدهِرُ

أصبحنا وأصبح الملك لله رب العالمين، اللهم نبدأ ونستعين بك ونتوكل عليك.
#قوم_أمشي_صلِّ💚

لو وقعت في ذنب إتذكر إنو الحسنات أنواع؛
منها البكون قدر الذنب، ومنها البمحي الذنب ويبدله حسنات كمان ذي التوبة والإستغفار والوضوء وكثرة الخطى للمساجد بإستحضار نية إنو مع كل قطرة ماء وكل خطوة بتخطوها بتنزل عنك الذنوب والسيئات💚

وماتنسى إنو صدقة السر تطفئ غضب الرب، وإنو الدعاء والإلحاح مما يحبه الله من العباد، ودائما خلي الآية دي في قلبك:
”قُلْ يَا عِبَادِيَ الَّذِينَ أَسْرَفُوا عَلَىٰ أَنفُسِهِمْ لَا تَقْنَطُوا مِن رَّحْمَةِ اللَّهِ ۚ إِنَّ اللَّهَ يَغْفِرُ الذُّنُوبَ جَمِيعًا ۚ إِنَّهُ هُوَ الْغَفُورُ الرَّحِيمُ“
والسلام لقلبك💚

#قوم_أمشي_صلِّ💚

إشتقتوا لي أتندس الصلاة صح!!

صليتو العصر ولا لسه؟👀

أي رفيق صلّى يتفاعل بـ "❤️"


"اللَّهُم اجعلنا من الذين تقرّ أعينهم بالصلاة، وتطيب بها نفوسهم، وتُرفع بها درجاتهم 💚🤲🏻"

#قوم_أمشي_صلِّ💚

بداية اليوم مع الله = ضمان استقراره💚
ما تستهين بدقيقتين ركوع وسجود، هم اللي ممكن يغيروا مصير يومك كله!
يقول النبي ﷺ: "من صلى الصبح فهو في ذمة الله".. يعني في حمايته
فيا طيِّب ما تضيع ذمة ربنا عليك🥰.

#الصلاة_خير_من_النوم
#قوم_أمشي_صلِّ💚

أتندس الصلاة..

صليتو الظهر ولا لسه؟👀
أي رفيق صلّى يتفاعل مع الرسالة بـ "❤️"

"سُبْحَانَ اللهِ، وَالْحَمْدُ لِلَّهِ، وَلَا إِلَهَ إِلَّا اللهُ، وَاللهُ أَكْبَرُ.
اللهمَّ اجعلْنَا من عبادِكَ المُخلَصِينَ، واغفرْ لنا ولأحبابِنا💚 "

#قوم_أمشي_صلِّ💚

لم تكون بتتوضأ في أيام الشتاء الباردة دي إتذكر حديث النبي ﷺ لم سأل الصحابة رضوان الله عليهم: ”أَلا أدُلُّكُمْ علَى ما يَمْحُو اللَّهُ به الخَطايا، ويَرْفَعُ به الدَّرَجاتِ؟“
من ضمن الأعمال دي قال ليهم: ”إسْباغُ الوُضُوءِ علَى المَكارِهِ“💚

ياصاحبي لم تكون عارف إنو الموية باردة،
وبرضو تكره نفسك إنو تتوضأ بيها وتسبغ وضوءك وتدي كل عضو حقه من غير استعجال، فدا عند ربنا شيء عظيم؛

لأنك غلبت نفسك وأكرهتها على الوضوء بأكمل وجه،
فأبشر برفعة الدرجات وأبشر بمحو الذنوب والسيئات💚.

#قوم_أمشي_صلِّ💚