صباح الخير 💚
شنو السبب البخلي إنسان راغب ومنتظر لمواعيد الصلاة واحد تاني لا والحل شنو ؟!


ورينا في التعليقات رائك وأفكارك وشاركنا ما بتعرف ممكن يستفيد منك ويتكتب ليك أجر معاه💚

#قوم_أمشي_صلِّ💚

_يغفر الله لمن يقولها 100 مرة في اليوم خطاياه ولو كانت مثل زبد البحر
_ خفيف على اللسان وثقيل في الميزان
_ويعدل ثوابه عتق رقاب وتحرير عبيد ومضاعفة حسنات

سبحان الله وبحمده
بتجمع بين تنزييه الله عن كل نقص وعيب وتعظيمه والحمد في وقت واحد

#واذكر_ربك💚
#قوم_أمشي_صلِّ💚

سورتين طوالي في لِسانا ويمكن أغلبية الناس بتصلي بيهم، وحتى الشفع الصغار حافظنهم💚.

بس هل يوم تأملنا وتدبرنا وفهمنا معناهم؟

طيب كيف نُعايش المعوذتين..؟💚
كيف أقرأ السور دي وأنا مستشعر معناهم ومُيّقن بالله أنه ح يكفيني كل الشرور دي ووسوسة الشيطان؟

لما تقول "قُلْ أَعُوذُ برب الفلق"، أو "قُلْ أَعُوذُ برب الناس"، تستشعر معنى الكلمات وأنت تستعيذ وتعتصم وتستجير بالله خالق الحب والنوى وخالق كل شيء💚.

التحصُّن والاعتصام بالله من الشرور الظاهرة ومن الشرور الخفية، ومن شر الشيطان ووسوسته.

اليوم الإثنين المميز🥳💚
نتلاقى بعدين المساء بإذن الله مع د يزيد المُنير جزاه الله عنّا كل خير.

في مجلس جميل وطيّب بإذن الله💚
كونوا حضور كما عهدناكم، وذكروا اخوانكم وأصحابكم معاكم، فالدال على الخير كفاعله💚.

اليوم ٩/رجب/١٤٤٧هـ
الساعة السابعة والنص مساءًا بتوقيت السودان والثامنة والنص بتوقيت بكة💚.

#جليس
#قوم_امشي_صلٍّ💚

متحمسين ولا برانا؟💚🫣
🔥🔥🔥💚

#قوم_امشي_صلٍّ💚

عن عبد الله بن خُبَيب رضي الله عنه قال:
قال لي رسول الله ﷺ:
"قل: قل هو الله أحد والمعوذتين حين تمسي وحين تصبح ثلاث مرات، تكفيك من كل شيء"

كيف نُعايش المعوذتين...؟

هلموا يا كِرام بدأ مجلس جَلِيس مع د. يزيد المُنير💚

رابط المجلس:

https://t.me/Gom9li?livestream

نافذة التعليقات⤵️💚:

#جليس
#قوم_امشي_صلِّ💚

نوّارة البيت النديّة🌸

حصل سألتي نفسك "أنا دوري شنو حاليًا؟" وإنتي ماشة في مشوار الحياة.. من طالبة، لشابة، لزوجة، وأم.. الأدوار دي كتيرة ومهمة، بس هل جربتي تشوفيها بـ "نظارة الوحي"؟

تعالي نخلع نظارة المجتمع، ونرّكن أفكارنا الشخصية شوية، ونشوف مع بعض إحنا عايشين أدوارنا دي صح وبما يرضي الله عز وجل؟

إنتِ معزومة في لقاء كلو نور بإذن الله مع

أ. مشكاة سيف اليزل، "جزاها الله خير الجزاء"

بعنوان:( أدوار الأنثى في مراحل حياتها المختلفة) 🌷💚

🗓 الموعد: بكرة الأربعاء بإذن الله
(١١ رجب / ٣١ ديسمبر)

⏰ الساعة: ٧:٣٠ مساءً بتوقيت السودان
📍 المكان: قناة مجالس "قوم امشِي صلِّ💚" للنساء

هي أُنسنا.. ومنابرُ نورنا. ما تفوتيها وذكري معاك أخواتك وصحباتك وده رابطّنا الرسمي يا بهيّة:
https://t.me/+0nzY4TRUkvwxNTBk

واضح إنه للمُؤنسات الغاليات📌💚

#مجالس_النساء💚🌸
#قوم_امشي_صلٍّ💚

حاجة صغيرة… بس تأثيرها كبير
في فترة قادمة🔥🔥💚، بإذن الله

في وقت بنرتّب فيه القلوب والعقول والأنفس والأبدان قبل الزحمة،

ونجهّز الطاقة قبل البداية.
رمضان قرب

وفي شيء بيتطبخ على نار هادئة 💚

📌 خليك مستعد، وتابع
القادم مختلف، وح تحس بالفرق من أول لحظة👏💚

تتوقعوا تيم صلِّ مجهز ليكم شنو 💚🔥

#تجهيزات_رمضان💚
#قوم_امشي_صلٍّ💚

النصيحة معونة للغافل، وتذكرة للعاقل💚
ف حابي أقول ليك نصيحة
الليله شنو؟
💚ليلة ١٢ رجب
طيب حلو وبكره شنو؟
💚يوم ١٢ رجب
يعني نحنا في شهر من الأشهر الحُرم، وربنا قال فيهم :"﴿فَلَا تَظْلِمُوا فِيهِنَّ أَنفُسَكُمْ﴾"
يعني بختلفوا عن بقية الشهور صح؟
💚ايوا
طيب يا جميل، يعني لو ضيعت نفسك في الأيام دي حتكون ظلمتها..
يعني رجب ممكن يكون فرصة تغيير ليك أو بداية جديدة، ركز معاي رجب ما الشهور ديك، تمام؟ اتفقنا يا أخي المسلم💚؟
ابنُ رَجب قال:
"ومن قصُرَت همَّته عن الازديادِ من العملِ الصالحِ في الأشهُرِ الحُرُم؛ فليرحَم نفسَه بالكفِّ عَن المعاصي".
والنحنا عارفينه وقاصدنه دا ما أي معصية!

تُب إلىٰ اللّٰه، جاهد نفسك، شدّ أزرك، كابِد راحتك، هُنّ أشهُرٌ حُرم؛ فلا تظلم فيهنّ نفسك 💚.

لا تكنُ إمعة، فهذا دين وتوحيد وعقيده💚.

#قوم_امشي_صلٍّ💚

لا يُصنع الأبطال إلا في مساجِدنا الفِساح💚
في روضة القرآن في ظِل الأحاديثِ الصِحاح💚
شعبُ بغير عقيده
ورقٌ يذريه الرياح
من خان حي على الصلاة
يخون حي على الكِفاح

لا تظلم نفسك وتكنُ خائن
"حي على الصلاة حي على الصلاة
حي على الفلاح حي على الفلاح"💚

#الصلاة_خير_من_النوم💚
#قوم_امشي_صلٍّ💚

رمضان قرب…
والسؤال البفرق شديد:
قلبك جاهز؟ روحك جاهزة؟
رمضان ما بس أيام بتمشي،
رمضان فرصة نرجع فيها، نهدأ، ونبدأ من جديد.
وعشان نبدأ صح، كلنا محتاجين نكون جاهزين ليهو من هسي.
عشان كدا سوّينا
معسكر نقاء قبل اللِقاء💚
معسكر بسيط في فكرته، عميق في أثره بإذن الله،
نرتّب فيه قلوبنا قبل ما نرتّب جداولنا،
نغذي فيه عقولنا، نضبط أنفسنا، وندرب أبداننا💚.
ونخفف الحمل البنشيلو من الشهور الفاتت،
ونستقبل الشهر دا بقلب أخف وروح أهدى.

رمضان ما محتاج سباق ولا ضغط،
محتاج وقفة صادقة مع النفس،
ومحتاج بداية صح💚،وإستعداد من بدري

مكانك معانا 🌱
نبدأ سوا، ونمشي الطريق بهدوء.

متحمس؟🔥🔥💚

#معسكر_نقاء_قبل_اللقاء💚
#قوم_امشي_صلِّ💚

في هذا الوقت أهل الدنيا كلُ في دنياه قد اشغلته، شغلتنا أموالنا وأهلنا.
وفي هذا الوقت أيضا يقوم أهل الله يقوم أولياء الله يقوم عباد الله بين يدي الله💚، في الوقت الذي ينشغل فيه أهل الدنيا في دنياهم.

قوموا عَباد الله وصلوا الضُّحى💚

#قوم_امشي_صلِّ💚

صليت صلاة الجمعة في المسجد؟
صليت على النبي ؟
قريت سورة الكهف ؟
إذا أيوا اتفاعل بي"🕊"
وما تنسى ساعة الإستجابة💚

وورينا كيف كان يومك💚؟

#قوم_امشي_صلٍّ💚

من أدرك الفجر، فقد حاز الغنيمة الباردة، وبدأ يومه "ثرياً" بالله، غنياً عن العالمين.

الفجر ي آل صلِّ

#الصلاة_خير_من_النوم
#قوم_أمشي_صلِّ💚

قال الإمام ابن القيم رحمه الله:
«الدين كله خُلُق، فمن زاد عليك في الخُلُق زاد عليك في الدين» 💚
مكارم الأخلاق ليست كماليات، بل هي صُلب هذا الدين وروحه،
خلقٌ يظهر في التعامل، ويُختبر في المواقف، ويبان وقت الغضب قبل الرضا،
في الكلمة قبل الفعل، وفي السر قبل العلن.
وقد لخّص لنا رسول الله ﷺ الغاية العظمى من بعثته فقال:
«إنما بُعثتُ لأتمم مكارم الأخلاق»
فكانت الأخلاق رسالة، وكانت القدوة طريقًا.
وحسن الخلق ما هو بس كلام لطيف،
هو صبر عند الأذى، وصدق عند الاختيار، وعدل ولو على النفس، ورحمة مع الناس كلهم.
وقال ﷺ:
«أقربكم مني مجلسًا يوم القيامة أحاسنكم أخلاقًا»
فبالأخلاق نرتقي، وبها تثقل الموازين.
وقال تعالى:
﴿وَإِنَّكَ لَعَلَىٰ خُلُقٍ عَظِيمٍ﴾
تزكية ربانية لنبيٍ كان خُلُقه قرآنًا يمشي على الأرض.
فلننتبه…
مكارم الأخلاق قرار يومي، لا شعارات تُرفع،
بل مواقف تُختبر فيها القلوب.
اللهم ارزقنا حسن الخلق، وجمال السريرة،
واجعلنا مفاتيح للخير حيثما كنا. 💚✨

#قوم_أمشي_صلِّ💚

من الأوتاد البتثبت بيها القلب في زمن الفتن هي العادات الصغيرة الانت محافظ عليها زي ركعة الوتر قبل النوم او صفحة القرآن وانت في طريقك للجامعة او الشغل... 💚

فشاركنا في التعليقات...بالعادة التي منّ الله عليك بالثبات فيها فترة طويلة ولقيت أثرها وبركتها في حياتك 💚 (لعل تعليقك يفتح باب خير لغيرك فيكتب لك الأجر)💚.

وماتنسو حديث المصطفىﷺ:
(وَأَحَبُّ الأَعْمَالِ إِلَى اللَّهِ أَدْوَمُهَا وَإِنْ قَلَّ)

#قوم_أمشي_صلِّ💚