01:48 ما تيسر من سورة فاطر ٢٧ – ٣٧
07:38 ما تيسر من سورة يوسف ٨٢ – ٩٢
12:30 ما تيسر من سورة الفرقان ٦١ – ٧٧
17:59 ما تيسر من سورة لقمان ٢٩ –
21:57 ما تيسر من سورة الضحى ١– ١١

23:58 كلمة من الشيخ عن فضل يوم عرفة
37:10 آخر آيتين من سورة البقرة

#قوم_امشي_صلِّ💚

تبغى الله يستجيب دعاءك بكرة في يوم عرفة ؟!
إذا طبقت هذي الأربع أمور بإذن الله أن الله سيستجيب دعائك، أول شي وقبل كل شي أدعي وأنت موقن بالإجابة.

يقول الله في الحديث القدسي:
(أنا عند ظنِّ عبدي بي، فليظُنَّ عبدي بي ما شاء.)
فأحسن الظن بالله انه سيحقق لك ما تتمناه.

> أولاً: إذا بديت تدعي إبدأ بالثناء على الله عزَّ وجل ومدحه،
> ثانياً: الصلاة الابراهيمية.
> ثالثاً: تقول أمُّ سليم للنبي عليه الصلاة والسلام: يا رسول الله علمني كلمات أدعو بهم! فقال لها النبي عليه الصلاة والسلام: ”تسبحين الله عشر مرات وتحمدينه عشراً وتكبرينه عشراً، ثم سلي حاجتك، فان الله يقول: (قد فعلت، قد فعلت.)“

يتبع في أول تعليق...

#قوم_امشي_صلِّ💚

في هذه الأوقات المباركة، نتوجّه إلى الله العلي العظيم بجوامع الدعاء، سائلين إياه من فضله وكرمه :

💚 اللهم آتنا في الدنيا حسنة وفي الآخرة حسنة وقنا عذاب النار.
💚 اللهم إنك عفو تحب العفو فاعفُ عنا، واغفر ذنوبنا، واستر عيوبنا، وتقبل أعمالنا.
💚 اللهم افتح علينا فتوح العارفين، وارزقنا من حيث لا نحتسب رزقاً حلالاً طيباً.
💚 اللهم فرج همومنا، واقضِ حوائجنا، واجعل لنا من كل ضيق مخرجاً ومن كل بلاء عافية.
💚 اللهم أصلح بالنا وديننا، وألبسنا ثوب الصحة والعافية، واحفظنا بحفظك ، اللهم اني اسألك من الخير كله عاجله وآجله ما علمت منه وما لم أعلم وأعوذ بك من الشر كله عاجله و آجله ما علمت منه وما لم أعلم 💚

#قوم_أمشي_صلِّ💚

سبحان العزيز الذي لا يُضام من احتمى بحِمى جنابه، الجبّار الذي باسمه تُجبر القلوب وبتجلّيه تلتئم الجروح وتَسكن النفوس 💚

في يومٍ تتفتح فيه أبواب السماء، ينزل الله سبحانه وتعالى نزولًا يليق بجلاله وعظمته ورحمته… ليقف العبد صغيرًا بين يدي ربٍّ عظيم 🍃


ازرعوا هذا اليوم بالدعاء واليقين، فالله كريم لا يرد من رجاه.
وما تتكلفوا في ترتيب كلماتكم ، ربنا سبحانه وتعالى م عايزك تقول كلام منمق و جميل ، بس كن صادق معاه ف الدعاء وانكسر بين يديه سبحانه وادعوه دعاء الطفل 💚
فالطفل اذا اراد الح وبكا حتى تعطيه ما يريد

ادعُه بما شئت… بما اثقل صدرك بما في قلبك من حاجات ورجاء .

اللهم في هذا اليوم المبارك لا ترد لنا دعاءً ولا تكسر لنا خاطرًا، واغسل قلوبنا برحمتك واكتب لنا من الخير فوق ما نرجو ومن العطاء فوق ما نتصور 💚

#قوم_امشي_صلِّ💚

الله أكبر الله أكبر الله أكبر،
لا إله إلا الله
الله أكبر الله أكبر الله أكبر،
ولله الحمد 💚..

نهنئكم بحلول عيد الأضحى المبارك
نسأل الله سبحانه وتعالى أن يتقبل منكم الطاعات،
ويستجيب لكم الدعوات، وأن يجعلنا وإياكم ممن شملتهم المغفرة والرحمة في هذه الأيام العظيمة.

عساكم من عواده، وكل عام وأنتم بخير وصحة وعافية 💚

#قوم_أمشي_صلِّ💚

بعد ما عشنا مع نفحات أعظيم أيام الدنيا ..
وأحب الأيام عملاً فيها إلى الله تعالى وشحنا قلوبنا بالذكر والدعاء في يوم عرفة
جاءنا العيد وأتم علينا الفرحة 💚

لكن خلونا نسأل نفسنا..
كيف نحافظ على نور العشر في قلوبنا ؟
وهل كدا خلاص حنرجع للكنا عليه قبل ذي الحجة، ولا حنخلي فرحة العيد كمان امتداد لصلتنا بالله ؟

نلتقيكم في مجلس مبارك بعنوان (عيدٌ على طاعة)،
مع شيخنا العزيز د. الطاهر أحمد الطاهر جزاه الله عنَّا خيراً
وذلك؛

📆 يوم الخميس | ١١ ذو الحجة ١٤٤٧هـ الموافق
٢٨ مايو ٢٠٢٦م
⏰ الساعة | ٨:٣٠ مساءًا بتوقيت الخرطوم والقاهرة — ٩:٣٠ مساءًا بتوقيت مكة المكرمة أحبِّ البقاع💚

احرصوا على الحضور فالمجلس يطيب بوجودكم،
وتقبَّل الله منَّا ومنكم صالح الأعمال.

#قوم_امشي_صلِّ💚

”ليس العيد لمَن لبس الجديد؛
إنّما العيد لمَن طاعاته تزيد، وليس العيد لمَن تجمَّل باللباس والركوب؛ إنّما العيد لمَن غُفرت له الذنوب“

بسمِ اللهِ نبتدئ وبِهِ نستعين..

(عيد على طاعة)
مع الشيخ الطاهر أحمد الطاهر حفظه الله💚.

رابط المجلس:
https://t.me/Gom9li?livestream

نافذة التعليقات⤵️💚:

#قوم_امشي_صلِّ💚

منو القال إنو العيد ما فيه عبادة وحسنات ؟!

العبادة ما بتنتهي بمغيب شمس يوم عرفة، فرحتك بالعيد دي برضو عبادة وطاعة وباب لحسنات كتيير كمان 💚

لما تلبس سمح وتتعطر وتمشي تزور أهلك وتبارك ليهم وتجبر بخاطرهم ولما تضحك في وش أصحابك وتمازحهم ولم تهنئ الناس في الشارع وفي المسجد..
دي كلها عبادات وأعمال ليك عليها أجور وحسنات،
لكن ذي ما قال لينا شيخ الطاهر السر في النية 💚

وإنت طالع من البيت أنوي بإدخال السرور على المسلمين وبصلة الرحم ولم تآكل وتشرب تنوي شكر النعم دي وحمد ربنا عليها
أفرحوا وانبسطوا فإنما هي أيام أكل وشرب وذكر لله عزَّ وجل 💚

#قوم_امشي_صلِّ💚

الحرّ الأيام دي شديد، والكهرباء بتقطع كتير، والناس فعلًا تعبانة… الله المستعان.
لكن وسط التعب ده، خلّونا ننتبه لكلامنا شوية… لأن مرات الزهج والضيق بيخلو الواحد يقول كلام لو راجع نفسو بندم بعدين.

مرة نلقى زول يقول: ناس الكهرباء ديل الله لا يوفّقهم، والتاني يسب ويلعن، والثالث يصب غضبو في أي زول قدّامو.. وفي النهاية؟
لا الحر خفّ، ولا الكهرباء جات!
وفي زول قال: كأن الدنيا وصلت واي فاي من جهنم!
ولا دي شنو جهنم دي!

الله المستعان.. جهنم دي نحن ما شفناها، ولا بنقدر نتخيّل حرّها أصلًا، وحرّ الدنيا كلّو ما بيساوي شيء قدّامها، فكيف الواحد يستهين بالكلام ده؟
المؤمن وقت الضيق المفروض يكون أقرب لربنا، ويعرف إن كل ما يحدث بقدر الله، وإن الصبر والاحتساب باب أجر عظيم.

الحمد لله نحن في أتمّ الصحة والعافية..
الحمد لله قادرين نشرب موية باردة، ونلقى سقف يحمينا، ومكان نرجع ليه آخر اليوم.
في ناس الليلة ما عندهم مأوى، ولا كهرباء، ولا حتى سرير يرتاحوا فوقو.. فبدل ما نخلي التعب يطلع مننا أسوأ الكلام، خلّونا نخليه يعلّمنا الحمد، ويعلّمنا الصبر، ويخلّينا أقرب لله.

الأيام الحارة دي بتذكّرنا بحرّ جهنم، فنسأل الله الجنّة ونعوذ به من النار.. والأيام الباردة الشديدة بتذكّرنا بزمهريرها، فالدنيا كلها مواعظ لمن يتفكّر.
فخلّوا ألسنتكم عامرة بالحمد والاستغفار...فربَّ كلمةٍ قالها العبد رفعتْه عند الله درجات وربَّ كلمةٍ أهوت بصاحبها وهو لا يُلقي لها بالًا.

#قوم_امشي_صلِّ💚

خلاص أيام العيد حتنتهي والزيارات حتخف وحنرجع لقرايتنا وشغلنا فعشان ما نضيع نور العشر دي أهم نصائح نلتزم بيها ونثبتها قدر المستطاع؛

› الصلوات الخمس في وقتها
ماعندك عذر لو الأذان أذن فرغ نفسك وقوم استعد للصلاة

› ورد القرآن الكريم
لو ما قادر تقعد الـ ٢٠ حقت الجزء فقسمها من بعد الصلوات شوية شوية ولو حتى كمان تقرأ صفحتين في اليوم المهم المصحف ما تتركه

› أذكار الصباح والمساء
دي حصنك وخط دفاعك الأول وحرزك من الشيطان وإعانة ليك وحسنات على كل ذكر بتقوله بإذن الله

› صلاة الأوابين (الضحى)
ايوا صح سُنة ونافلة وما مفروضة لكن النوافل دي ياها البتجبر ليك تقصير الفرائض، ولأن صلاة الضحى صدقة ليك وشكر لله على الـ ٣٦٠ مفصل في جسمك

منو حيكون معانا ويلتزم بالنصائح دي ؟!👀

#قوم_امشي_صلِّ💚

بعد السباق الطويل والصيام والذكر والتكبيرات في العشر الفاتت طبيعي انك تحس بفتور الليلة أو بكرة
تحس إنك كسلان وما قادر تفتح المصحف وتقرأ وردك بنفس الروح والحضور

الحالة دي طبيعية وبتمر علينا كلنا، لكن المشكلة ما هنا المشكلة إنو نستسلم ونرجع تاني لما كنا عليه ولنقطة البداية
الحل شنو طيب ؟🤔

ثبِّت لنفسك خطة وخطوط ما تتنازل عنها، الصلوات الخميس في وقتها -دي خط أحمر ما تتنازل عنه أبداً- والذكر على لسانك بقدر الإمكان

وأنت طالع من البيت وإنت راكب المواصلات وإنت شايف زول على معصية وربنا صرفها عنك
ووردك من القرآن كمان ولو بصفحة واحدة المهم تستمر وتداوم على الأعمال دي وشوية شوية تتقن وتزيد عليها
فقليل دائم خير من كثير منقطع 💚

#قوم_امشي_صلِّ💚

من رحمة ربنا بينا إن فتح لينا أبواب عبادة ما محتاجة جهد كبير، لكن أجرها عظيم بصورة ما بنتخيّلها.🍃
ومن الأذكار العظيمة دي، الذكر الوصى به النبي ﷺ جويرية رضي الله عنها لما كانت تذكر الله لساعات طويلة.💚

قال النبي صلى الله عليه وسلم:
«لقد قُلتُ بَعدَكِ أربَعَ كَلِماتٍ ثَلاثَ مَرَّاتٍ، لو وُزِنَت بما قُلتِ مُنذُ اليَومِ لَوزَنَتهُنَّ: سُبحانَ اللهِ وبحَمدِه، عَدَدَ خَلقِه، ورِضا نَفسِه، وزِنةَ عَرشِه، ومِدادَ كَلِماتِه»

تخيّلوا… كلمات بسيطة، لكن فيها تسبيح لله بعدد خلقه كلهم، وبوزن عرشه، وبمداد كلماته التي لا تنفد!
يعني في دقائق قليلة ممكن تجمع أجور عظيمة جدًا، ومعها أبواب الذكر كلها مفتوحة: تسبيح، تحميد، تهليل، تكبير… وكلها تملأ الميزان حسنات بإذن الله 🌱

فالزموا الذكر في كل وقت، فهو حياة للقلوب وراحة للنفوس 💚

#قوم_امشي_صلِّ💚

الذكر عند النوم —

قال عليه الصلاة والسلام:
”من قال حين يأوي إلى فراشِه :

( لا إله إلا اللهُ وحده لا شريك له ، له الملكُ ، وله الحمدُ ، وهو على كلِّ شيءٍ قديرٌ ، لاحولَ ولا قوةَ إلا بالله العليِّ العظيمِ ، سبحان اللهِ، والحمدُ لله ، ولا إله إلا اللهُ ، واللهُ أكبرُ )

؛ غُفِرَتْ له ذنوبُه ولو كانت مثلَ زَبَدِ البحرِ.“

#قوم_امشي_صلِّ💚

ياصديقي المسلم هل تعلم انو انا وانت كل يوم بنصحى من الصباح بنختار اننا نموت ؟ بنختار طواعية بمحض إرادتنا نموّت أنفسنا وفي يديننا نحييها ؟
ايوة زي ما بقول ليك ،
لما نختار إننا نفني عمرنا وننغمس في الدنيا بمباحاتها وآثامها ونُعرض عن ذكر الله سبحانه وتعالى نحن بنختار الموت ونعرض عن الحياة !

لسا ما مصدقني؟
طيب اسمع حبيبك النبي صلوات ربي وسلامه عليه في صحيح البخاري قال شنو :
”مَثَلُ الذي يَذكُرُ رَبَّه والذي لا يَذكُرُ رَبَّه مَثَلُ الحَيِّ والمَيِّتِ“

يا صديقي ذكر الله ليس حياة وحسب، بل حياة رغدة، عذبة، تطمئن فيها نفسك وينشرح صدرك 💚
قال تبارك و تعالى :
﴿ الَّذِينَ آمَنُوا وَتَطْمَئِنُّ قُلُوبُهُمْ بِذِكْرِ اللَّهِ أَلَا بِذِكْرِ اللَّهِ تَطْمَئِنُّ الْقُلُوبُ ﴾
ونحن في أيام مباركة 💚
استثمر كل دقيقة فيها بي انك تختار حياة قلبك وذكر ربك 💚

#قوم_أمشي_صلّ💚