قوم امشِي صلِّ

💜
تخيلوا إنو أبسط اللحظات وأصدقها هي البتغير مجرى حياة الإنسان تمامًا!
حكايتي بدأت سنة 2019 تقريبًا.. في ليلة هادئة ونيسة، كنت مندمجة بقراءة كتاب "شرح أسماء الله الحسنى" للشيخ راتب النابلسي. وكتب العلم بالله دي حقيقي بتنقل الروح لأماكن بعيدة وجميلة شديد، فأنصحكم دائمًا بالعلم به بأسماءه وصفاته 💜.
في اللحظة ديك، وأنا بقرأ في شرح اسم الله "السميع تقريبا " .وقّفتني جملة عميقة وبسيطة في آن واحد، في ما معناها:
(ربنا عز وجل هو البيديك نعمة السمع، تمشي بعد ده كله تسمع بالنعم دي ما لا يرضاه سبحانه؟!)
سبحان الله، ربنا بارك لحظتها في المعنى ، فوقع في قلبي مبلغه بفضله ورحمته. حسيت بغصة زعل وعيوني رقّت.. كيف أنا لسنوات طوييييلة بستخدم نعمة السمع في غير رضا المنعم؟!
يعني لو زول أكرمك بشيء جميل، مستحيل تهملو.. فما بالكم بنعم رب العالمين؟!

من اللحظة ديك، ومن جوة قلبي وبكل صدق، قررت: "يا رب، مستحيل تاني أسمع أغنية".. ولكن التوفيق كله بيدك وحدك يا رب فدعيت "يا رب العالمين أعنّي، واصرف عني سماعها أو فتحها لأي سبب كان لاني ما بقدر براي اتركها"
و النتيجة؟
الحمد لله رب العالمين من الزمن داك ولحد اللحظة دي، ما سمعت أغنية اختيار مني أبدا! ولو صادف ومرت في مكان عام، فوراً بتصرف وألهي نفسي بذكر الله، أو ألبس سماعات الراس، أو أتحرك سريع من المكان والحمد لله رب العالمين.

حياتي اتغيرت فعلياً بعد القرار ده بشكل ما كنت بتخيلو أبداً! بقت سمحة وعسل شديد 😂💜.. كأنك عايش في عالم كله زهور ومطر 🌸🌧️.
حقيقي ما أجمل امتثال أوامر الله.. هي أصلاً نزلت عشان راحتنا وسعادتنا في الحياة الدنيا، بس نحن أحياناً بنكون مكابرين ومغشوشين.
ربنا يصرف عنا ما لا يرضاه ويعينا، وكل ده بقوته ما بقوتنا، فدايماً ادعو كتير 💜
ولو إدارة القناة عايزة تنشر الكتاب بكون سعيدة 💜

#قصتي_مع_ترك_الأغاني(١)
#من_مشاركات_الشباب_في_حملة_الأغاني 🌸
#قلب_يتعافى💚
#مجالس_قوم_صل_للنساء
#قوم_امشي_صل

❤42😇4

1.26K viewsedited 11:38