قوم امشِي صلِّ
15K subscribers
1.04K photos
94 videos
21 files
278 links
Download Telegram
عايز أقول ليك حاجة يمكن تطمنك..💚

ربنا ما ناسي وقفتك مع الناس، وانت أصلا محتاج زول يسندك...
ولا ناسي ضحكتك في وشوش الناس وانت حزين ومطفي من جوا🥹.
ولا ناسي صبرك على ظروفك، وكل مشاكلك وكل اللي بحصل معاك بالرغم إنو الشيلة تقيلة عليك شديد...
ربنا ما ناسي سعيك ورا حلمك ولا معافرتك، وعارف أمنياتك وأحلامك وحيعوضك عوض كبير شديد من عنده🥰💚💚.

#قوم_امشي_صلِّ💚
❤60😭4👍2🥰2💘2❤‍🔥1😍1😇1
طيب يا رفاق تعالوا معانا في موضوع جميل مواصلة لي سلسلة الخشوع في الصلاة، وهو إنو كيف نتهيأ للصلاة💚؟

قبل الصلاة تصلي النوافل وفضل النوافل كبير شديد، تخيل يا صاحبي لو كل يوم صليتها ربنا عز وجل ببني ليك بيت في الجنة🥹💚.
لمن تقوم لصلاة الفجر وإنت تعبان وقبل الصلاة بتصلي ركعتين، جسمك بتنشط وما حتكون كسلان ولا حاسي بي فتور لمن تصلي فرضك💚، جرب الحاجة دي وشوف البحصل معاك💚.

ولمن تبدأ الصلاة وتستعيذ بالله من الشيطان الرجيم زي ما كان بقول حبيبنا ﷺ قبل صلاته : "أَعُوذُ بِاللهِ السَّمِيعِ الْعَلِيمِ مِنَ الشَّيْطَانِ الرَّجِيمِ, مِنْ هَمْزِهِ، وَنَفْخِهِ، وَنَفْثِهِ" لأنه الشيطان أول ما تبدأ صلاتك بقعد يوسوس ويذكرك بالموضوع الفلاني، أو القصة الزمان حصلت ليك عشان يشغلك!!

وكمان وإنت بتقرأ أو بتسمع للإمام وهو بقرأ آيات القرآن الكريم وبقيت تتدبر وتتفكر فيها حلاوة الصلاة حتزيد💚، ولمن الإمام يقول "الحمد لله رب العالمين" بتحس بقلبك إنو ربنا سبحانه وتعالى قال "حمدني عبدي" ولمن يقول "الرحمن الرحيم" ربنا بقول "أثنى علي عبدي" فكأن ربنا سبحانه بخاطبك وإنت بتخاطبه وتحمده وتثني عليه🥹💚.


سبحان الله سبحان الله!

#الخشوع_في_الصلاة
#قوم_امشي_صلِّ💚
❤38❤‍🔥4👍2🥰1😍1😇1🫡1
من ذاق لذة صلاة الفجر، بعرف إنو اليوم اللي ببدأ بي القرب من ربنا ما ممكن يكون يوم عادي، وفي الحقيقة بكون يوم مليان نور وبركة وتوفيق🥰💚.

يا قَائِمَ الفَجرِ..
بُشراكَ الجَنّة بإذنِ اللَّه، عَلىٰ هذا الاصطِفَاءْ💚

#الصلاة_خير_من_النوم
#قوم_امشي_صلِّ💚
❤40😇2💘2🥰1😍1💯1
لو عايز النعم اللي عندك تزيد، والخير ما ينقطع من حياتك أعمل حاجة واحدة؟💚
داوم على حمد الله

قال تعالى: {لَئِن شَكَرْتُمْ لَأَزِيدَنَّكُمْ}💚

فـ الحمد لله حمدًا كثيرًا طيبًا مباركًا فيه💚.
رددها في كل وقت، وفي كل حال💚.
#قوم_امشي_صلِّ
❤38🥰1😍1😇1🤗1
أحلى حاجة إنك تدعي بيها💚
فيها بتعرف عظمة ربنا عز وجل، وإنو ربنا عنده صفات كتييرة👀💚

قالوا ليك لو إنت أحصيتها دخلت الجنة، ومعنى تحصيها إنك تحفظها، وتركز في معانيها، وتعمل بيها كمان🥰💚.

لو خمنت نحن بنتكلم عن شنو حتعرف عنوان مجلس "جَلِيس" حق الليلة اللي بقدمه:
د. يزيد المُنير بارك الله فيه💚
الساعة ٨ مساءً بتوقيت السودان الحبيب، و ٩ بتوقيت مكة المكرمة على قناة قوم امشي صلِّ.

ما تنسوا تضبطوا المُنبه وتعالوا مع أصحابكم وأحبابكم💚.

https://t.me/Gom9li

#جليس
#قوم_امشي_صلِّ💚
❤17🔥5🎉3👍2🥰1😍1
Live stream scheduled for
Live stream started
Live stream finished (49 minutes)
واحد رسّل لي بِشكي إنو تعب من الدنيا💔، وإنو قدر شنو مرّ بابتلاءات، وتعب بالمعنى الحرفي لدرجة فكر إنو ينهي حياته!!، تخيل!

ورسل عايز نصيحتي!💚
عارفين نصحته بي شنو؟؟
قلت ليهو: دينُك،ثم نفسُك،ثم الدنيا وما فيها!
طيب الكلام دا يعني شنو؟!

-لمن تقوّي دينك، وتعرِف ربّك، وتعمل لآخرتك، حتقوّي علاقتك بنفسك!
ومستحيل تَتكسر ولا تَكسرك ابتلاءات ومواقف الدنيا💚!

ولمن تعرِف الدين وقدر شنو هو ليس بعسيرِ، وتعرِف طريق ربنا، وتقوِّم نفسك وتقيّمها حتعرف حقيقة الدنيا وتعاين ليها بمنظور مختلف🥹!!

والنصيحة دي ليكم كمان، مهما قابلتوا من محن ومصايب، غير ربكم ما حتلقوا مفر او ملجأ، الله المُستنَد والمُعتمَد💚.

سبحان الله الذي هو ملجؤنا ومنجانا، ومفرُّنا إليه، وأُبَشِّرُكُم الزول دا بعد كم أسبوع بس رسل لي إنه اتغير تمامًا!. وحتى كل مشاكله اتحلت ونجح في كل ابتلاءاته المرّ بيها، وقال لي هسي أنا بقيت غير طريق ربنا ما بعرف طريق💚.

شفتوا البمسك في ربنا ما بتجيهو عوجة💚.


#قوم_امشي_صلِّ💚
❤57😍2🥰1😇1
منو فينا مافي في حياته ذنوب واقفة في طريقه عشان يوصل لي ربنا، ونفسه يتخلص منها؟

طيب اسمع كدا كلام حبيبك النبي ﷺ اللي بطمئن القلب وبشرح الصدر💚.
قال رسول اللَّه ﷺ: (مَنْ قَالَ: سُبْحَانَ الله وَبِحَمْدِهِ، في يَوْمٍ مِائَةَ مَرَّةٍ، حُطَّتْ خَطَايَاهُ، وَإنْ كَانَتْ مِثْلَ زَبَدِ البَحْرِ).

منتظر شنو؟
ردد بسرعة (سبحان اللَّه وبحمده)💚.

#قوم_امشي_صلِّ
❤35🥰5😍2
ونشوف يا طيِّب إذا الواحد خشع في الصلاة بحصل شنو🥰💚؟!
= حيكون في طمأنينة وسكينة في الصلاة، وحنشتاق للفرض قبل سماع الأذان والتكبير، وربنا حيفتح لنا أبواب رحمته وتبقى الصلاة قُرة عين لينا كما هي للحبيب ﷺ!🥹💚

ولمن تكون بتصلي حتكون مستأنس بالله تعالى وبآيات قرآنه وبذكره في كل ركعة، وحتبقى الروح هي الشايلة الجسد مُش العكس، عشان كدا ما نستغرب لم نقرأ إن عثمان رضي الله عنه كان بختم القرآن الكريم كاملاً في ركعة واحدة.

لكن نتذكر يارفاق إنو الخشوع مابجي بين ليلة وضحاها فالأمر محتاج مننا مجاهدة، وصبر وكثرة دعاء، وبإذن الله نحصِّل الخشوع ونتلذذ بالصلاة، مُش ربنا سبحانه وتعالى قال: "وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا ۚ وَإِنَّ اللَّهَ لَمَعَ الْمُحْسِنِينَ" فبإذن الله مادمنا على الطريق وبنحاول وبنجاهد، ونصبر وبالله تعالى نستعين فنبشر ونستبشر فنحن على الصراط المستقيم!💚

سبحانك اللهم وبحمدك، نشهد أن لا إلـٰه إلا أنت نستغفرك ونتوب إليك💚.

#الخشوع_في_الصلاة
#قوم_امشي_صلِّ💚
❤31🥰4👍2😍2😇1
هواء الفجر نقي وصلاة الفجر براءة من النفاق يا صاحبي، فريضتها بتخليك في ذمّة الله ،وركعتين قبلها خير من الدنيا ومافيها.
وقرآن الفجر بتشهده الملائكة ﴿وَقُرآنَ الفَجرِ إِنَّ قُرآنَ الفَجرِ كانَ مَشهودًا﴾💚.

صلاة الفجر دي يقظة قلب ذاق أسرار الحياة، وروح عرفت الطريق لي ربنا.
فاللهم إجعلنا من أهل الفجر💚.

#الصلاة_خير_من_النوم
#قوم_امشي_صلِّ
❤40😇3👍2🥰1😍1
خايف من شنو؟!
وربنا قال يدبر الأمر من السماء إلى الأرض، ثم يعرج إليه💚.
يعنى ربنا مدبر امورك كلها، يعني موضوع متعبك وبخليك مضايق وحياتك بائسة.
إنت بس عليك إلا تتوكل على ربنا، وتثق في تدبيره💚.
•| أبشروا🥹💚

#قوم_امشي_صلِّ
❤58😭2🥰1🕊1😍1😇1
‌"اللهُّم إجعل الصلاة قرة أعيننا، وأعنا على أدائها على الوجه الذي يرضيك عنا، وأرزقنا نعمة الخشوع التام فيها، وإجعلها سكينة و طمأنينة لقلوبنا💚"

صليتو العصر؟
قريتو أذكاركم؟

أي رفيق صلى يتفاعل مع الرسالة بـ "🫡"

#قوم_امشي_صلِّ💚
❤42🫡13👍2😍2
العصفورة قامت الفجر تفتش عن رزقها👀💚
وإنت ما عايز تقوم لي الصلاة، عشان تلبي نداء ربنا وتحقق أحلامك؟💚.

#الصلاة_خير_من_النوم
#قوم_امشي_صلِّ💚
❤35❤‍🔥3👌3🥰2🍓1
أبطال الحكاية طلاب الشهادة، الحمد لله أولاً وأخيرًا الحمد لله أن وفقكم لجلوس الإمتحانات، وأعانكم على الدراسة وإجابة السؤال واليوم يكون يوم قطف الثمار.

أمبارح كنّا متوترين؛ لأن الإمتحانات جات في ظروف صعبة وما يسيرة لكن الحمد لله ربنا سهل ويسّر وأعان ولطف💚.
واليوم حتظهر النتائج والدرجات فالحمد لله الحمد لله.

ربنا يجبر بخاطركم ويثلج صدوركم بأعلى الدرجات والتقديرات، وأقل واحد يجيب ٩٨.٩% الـ ١% دا حق الحكومة😂💚.

#قوم_امشي_صلِّ💚
❤62🤣10👍2🥰1😍1😭1
"ستغدو حقولكَ عمَّا قريبٍ
مروجًا تسرُّ فؤادًا تكدَّر ..🥹💚

نعم قد ذبلتَ
ومرًّا لعقتَ
وهمًّا حملتَ ولكن تصبَّر ! " 💚
أذكار المساء حصنك الحصين، ما تغفل عنها💚.

#قوم_امشي_صلِّ
❤36🍓3🥰1🤗1