قوم امشِي صلِّ
15K subscribers
1.04K photos
93 videos
21 files
278 links
Download Telegram
يقول الإمام الأوزاعي :
" بلغني أنَّ العمل في اليومِ من{ أيَّام العشر من ذي الحجَّة}
كقدر غزوة في سبيلِ اللّٰه، يُصام نهارهَا، ويحرس ليلُها، إلا أن يُختصَّ امرؤٌ بشهادةٍ "

فيا عبد الله أكثر وأحسن من عملك في الأيام دي من صلاة،قرآن،صيام،صدقة،صلة رحم،بر والدين، وذكر الله بقدر ما استطعت💚.
وانتِ كذلك يا أمة الله وحتى أثناء شغلك في البيت رطبي لسانك بذكر الله.
﴿ فَٱذۡكُرُونِيٓ أَذۡكُرۡكُمۡ ﴾💚

#وليال_عشر
#قوم_امشي_صلِّ💚
❤32🥰2😇2🔥1😍1💘1
Live stream scheduled for
Live stream started
Live stream finished (56 minutes)
من صلّى الفجر فهو في ذمة اللَّـه💚
في حاجة أفضل من إنك تكون في ذمة الرحمن وحمايته، تحس بي الأمن والطمأنينة والسكون!!

وكمان نحن في أيام مباركة وعظيمة، ويا حظ اللي بسارع في الخيرات والأعمال الصالحة..🥹💚

#الصلاة_خير_من_النوم
#قوم_امشي_صلِّ💚
❤40🥰1😍1😇1
سُنَّة الضحى صلاة الأوَّابين
كُن سبَّاقًا لربِّك أوَّاب...💚

وما تنسونا بدعوة💚.

#قوم_امشي_صلِّ💚
❤28🥰1😍1😇1
آل صلِّ الكِـرَام. 💚

في البوست الفات حذّرناك من سقوط باء العِبادة فتُصبِح عادة، وفي البوست ده حنشجّعك -بإذن اللّٰه- لإنك تحوّل عادتّك لعبادة.

شُربك وأكلك باليمين، شربك للموية وانتَ قاعد، الكلمة الطيبة، ابتسامتك للصغير والكبير، إماطة الأذىٰ عن الطريق، الشُغل والطبخ وغيرهم، احتسبت فيهم النيّة ولا لأ؟

لو احتسبتها هنيئًا لكَ وباركَ اللّٰهُ فيك.

لو ما احتسبتها، جينا نقول ليك احتسبها وثقِّل ميزان أجورك، ويا حبّذا لو عدّدت النيّات على العمل الواحد، كيف؟

أمك قالت ليك جيب ليها موية
عمل صالح، حتديها باليمين اقتداءً بسُنّة النبي ﷺ، نيّة إنك ترويها، نيّة برّ الوالدين، وإلخ...

أجور مُتعددة في عمل واحد بإذن اللّٰه. 🫣💚
وهكذا في كُل أعمالك، احتسب عليها الأجر وعدِّد النيّات، لكن النيّة الأهم والأولىٰ رضا اللّٰه سُبحانه وتعالىٰ.

واتذكّر إنك في أيام مُباركة واللّٰهُ يُضاعِفُ لمن يشاء. 💚

والسّـلام عليڪـم ورحمـة اللَّـٰه وبرڪاتـه.

#فسددوا_وقاربوا_وأبشروا💚
#قوم_امشي_صلِّ💚
❤36❤‍🔥2🥰2😍1😇1🤗1
عن عبد الله بن عمر رضي الله عنهما، عن النبي ﷺ قال:

"ما مِن أيَّامٍ أَعظَمَ عِندَ اللهِ، ولا أَحَبَّ إلَيهِ مِنَ العملِ فيهِنَّ مِن هذِه الأَيَّامِ العَشرِ؛ فأَكثِرُوا فيهِنَّ مِنَ التَّهليلِ، والتَّكبيرِ، والتَّحميدِ."

استشعر وإنت بتهلل جلالة ربنا وتوحيده، وإنو هو الوحيد اللي بتلجأ ليهو وقت الشدائد وتستغيث بيهو..
واستشعر وإنت بتحمد فيهو النعم الظاهرة ليك والخفية عنك، وإسأل ربنا إنو يزيدك حمد🥹.
وفي أثناء التكبير استشعر أكبريته سبحانه وتعالى في كل شيء وعلى كل شيء💚.

#وليال_عشر
#قوم_امشي_صلِّ💚
❤27😇2🥰1😍1
قومتك للفجر، ومفارقتك لفراشك عشان تصلي حاضر في المسجد، والله إنها هزيمة عظيمة للشيطان!😍
وفي المقابل، في ناس زيّن ليهم الشيطان حب النوم، لحدي ما ضيّعوا الفريضة!

فاللهم ارزقنا حب الصـلاة، ولذة الخشـوع فيها يـا ربِّ💚

#الصلاة_خير_من_النوم
#قوم_امشي_صلِّ💚
❤45😍4😇1
خفيفة اللفظ ثقيلة الأجر💚:
‏سُبحَان اللّٰه وبحَمِده،
سُبحَان اللّٰه العظِيم.

#قوم_امشي_صلِّ💚
❤28😇2🥰1😍1
"وَلَيالٍ عَشر"💚

الليلة يا صديق حنتكلم عن عبادة لازم بإذن الله يكون يومك مليان بيها في الأيام العظيمة دي وهي
"ذكر الله"💚
ربنا سبحانه وتعالى قال في سورة الحج (وَيَذْكُرُوا اسْمَ اللهِ فِي أَيَّامٍ مَعْلُوماتٍ عَلى ما رَزَقَهُمْ مِنَ بَهِيمَةِ الأنْعامِ)
طيب ح أمشي معاك وحدة وحدة عشان ما تلخبط الأمور الأيام المعلومات دي في إختلاف في أنها العشر الاوائل من ذي الحجة ولا أيام التشريق فعن عبد الله بن عباس رضي الله عنهما قال: ("وَاذْكُرُوا اللَّهَ فِي أَيَّامٍ مَعْلُومَاتٍ: أَيَّامُ العَشْرِ، وَالأَيَّامُ المَعْدُودَاتُ: أَيَّامُ التَّشْرِيقِ").

ببساطة يا صديقي الذكر شيء عظيم جداً والأعظم من كدا إنو يكون في الأيام العظيمة دي القال عنها رسول الله صلى الله عليه وسلم (العمل الصالح فيهن أحبُّ إلى الله).

طيب أنا كزول بسيط ما عارف يعني شنو ذكر وكيف أذكر الله أقول شنو؟
تابع معاي في التعليقات...💚

#فسددوا_وقاربوا_وأبشروا💚
#قوم_امشي_صلِّ💚
❤29🥰1😍1😇1
"ليست في أيام السنة أيامٌ أحبُّ إلى الله العمل فيها من عشر ذي الحجة، فَـاجعلها موسِم قلبك، وسوق حسناتك"
-ابن القيم رحمه الله💚

#وليال_عشر
#قوم_امشي_صلِّ💚
❤17😇2🥰1😍1
ثابتون رَغـم الشِدة 💚!

في عزّ الظروف الصعبة، في زمن الحرب والشتات، بنحتاج نذكّر بعض إنو لسه في أمل... ولسه في نور وكمان في قلوب بتقاوم، ولسه في نفوس متعلّقة بالله سبحانه وتعالى 💚.

فعالية جاية عشان: نقيف مع بعض، نرفع معنوياتنا ونأكد إنو الطريق الصعب ما بيمنعنا من التقدم، بل بيزيد أجرنا وبيعلّي همّتنا.

يُحكىٰ فيها عن فضل الصبر،
عن قيمة التعليم في زمن الشدة،
وعن كيفية الإيمان بأن مع العسر يسر، بيريّح القلوب ويقوي العزيمة.

ومن يتقِ الله يجعل له مخرجًا...
وإحنا واثقين إنو ربنا ما بيضيع صبر الصابرين💚.

جميعة الهندسة المدنية "جامعة السودان للعلوم والتكنولوجيا" بالتعاون مع قوم امشي صلِّ
تقدم ندوة دعم نفسي ديني لـطلاب الهندسة المدنية، قريبًا بإذن اللّٰه. 🫡💚



#قوم_امشي_صلِّ💚
#جمعية_الهندسة_المدنية
❤20🥰2😍1
يا صاحبي، صلاة الفجر ما زي أي صلاة … دي لحظات ربنا بختار فيها أحبابو عشان يقابلوهو، واتذكر الأيام دي عظيمة واجرها مضاعف💚.


#الصلاة_خير_من_النوم
#قوم_امشي_صلِّ💚
❤28🥰2😍1😇1
«إن لربكم في أيام دهركم نفحات، ألا فتعرضوا لها»
يعني في أيام ربنا ببعث فيها رحمات خاصة، وفرص ما بتتكرر كتير، ومن أعظم النفحات دي: العشر الأوائل من ذي الحجة🥰💚

أيام بيتضاعف فيها الأجر، وبيتفتح فيها باب القرب من ربنا، وعشان تزيد حلاوة الأيام دي تعال معانا في مجلس "جَلِيس" نستشعر فضلها ونؤنس قلوبنا💚.

اليوم مع د. يزيد المُنير بارك الله فيه💚.
الساعة ٨ مساءً بتوقيت السودان الحبيب، و ٩ بتوقيت مكة المكرمة على قناة قوم امشي صلِّ.

ما تنسوا تضبطوا المُنبهات وتعالوا مع أصحابكم💚.

https://t.me/Gom9li

#جليس
#قوم_امشي_صلِّ💚
❤23🥰2🤩1😇1
آل صـلِّ الكِـرام. 💚

الـ ١٠ أيام من ذي الحجّة بتمرّ بسُرعة، وهسي ما باقي منها إلا أربعة أيام خامسهم العيد.

وضعك كيف مع الطاعات؟
هل حاسس إنك مُقصر من الطاعات وأعمالك في الأيام دي نفس أعمالك المُعتادة وما بتزيد عليها؟

دي ممكن تكون مُشكلة، لكن المُشكلة الأكبر إنك تكون مواصِل في المعصية ومُصرّ عليها، وإنتَ عارف إنه ده شهر من الأشهر الحُرم❗

مُمكن تنوي إنك حتبطّل معاصي على الأقل لحد نهاية الشهر؟

عسىٰ ولعلّ ربنا يتوب عليك وتبطّل الذنب بالمرة، لكن لازِم تحاول نفسك ولازم تجاهد، وإذا علم اللّٰه منك صِدق نيّة المُجاهدة كان حقًا عليه أن يُعينك!

{وَٱلَّذِينَ جَٰهَدُواْ فِينَا لَنَهْدِيَنَّهُمْ سُبُلَنَا ۚ وَإِنَّ ٱللَّهَ لَمَعَ ٱلْمُحْسِنِينَ}

تُب إلىٰ اللّٰه، جاهد نفسك، شدّ أزرك، كابِد راحتك، هُنّ أشهُرٌ حُرم؛ فلا تظلموا فيهنّ أنفسكم💚.

#فسددوا_وقاربوا_وأبشروا💚
#قوم_امشي_صلِّ💚
❤28🥰2😍1😇1
Live stream scheduled for
﴿فَلا تَظْلِمُوا فِيهِنَّ أَنْفُسَكُمْ﴾

"ومن قصُرَت همَّته عن الازديادِ من العملِ الصالحِ في الأشهُرِ الحُرُم؛ فليرحَم نفسَه بالكفِّ عَن المعاصي".
-ابنُ رَجب.

حتى لو قصرت همتك يا صاحبي، وحاسي إنك ما قادر تزود في الأعمال الصالحة🥹..
احرم نفسك من المعاصي وابذل جهدك عشان تواصل حتى لو بالقليل، وكتر من الاستغفار💚..

#وليال_عشر
#قوم_امشي_صلِّ💚
❤27😍3😇3🥰2
Live stream started
قوم امشِي صلِّ
«إن لربكم في أيام دهركم نفحات، ألا فتعرضوا لها» يعني في أيام ربنا ببعث فيها رحمات خاصة، وفرص ما بتتكرر كتير، ومن أعظم النفحات دي: العشر الأوائل من ذي الحجة🥰💚 أيام بيتضاعف فيها الأجر، وبيتفتح فيها باب القرب من ربنا، وعشان تزيد حلاوة الأيام دي تعال معانا في…
لَيَالِ الْعَشْرِ أَوْجَـدَهَـا السَّلَامُ💚
فَضَائِلُهَـا كَمَا وَرَدَتْ جِسَامُ..

فَكَبِّـرْ وَاذْكُرِ الْمَـوْلَى وَهَـلِّلْ..
وَقُمْ لَيْلًا إِذَا الْأَقْوَامُ نَامُـوا

فَكَمْ للهِ مِـنْ نَفَـحَـاتِ خَيْـرٍ💚
فَجِـدَّ السَّيْرَ فَالدُّنْيَا حُـطَــامُ..


هلموا يا كِرام بدأ مجلس جَلِيس مع د. يزيد المُنير💚

رابط المجلس:
https://t.me/Gom9li?livestream


نافذة التعليقات⤵️💚:

#جليس
#قوم_امشي_صلِّ💚
❤15😍2