الدكتور حازم شومان في خطبة له اتكلم عن صلاة الفجر وقال جملة أحسبها موقِظة لكل تاركٍ لها🥹

قال: "من لم يُلبي نداء الله في بداية يومه، لا ينتظر أن يُلبيَ الله نداءه في باقي يومه"

مَنو فينا بقدر يصبر ساعة بدون معونة الله !!

#الصلاة_خير_من_النوم
#قوم_امشي_صلِّ💚

مَن عرف الله اتَّسع عليه كلُّ ضيق.
- ابن القيّم -رحمه الله-💚

ما تخلي ضحاك يمر بدون أثر حَسُن يا رفيق.

#قوم_امشي_صلِّ💚

﴿إِنَّمَا ٱلْمُؤْمِنُونَ ٱلَّذِينَ إِذَا ذُكِرَ ٱللَّهُ وَجِلَتْ قُلُوبُهُمْ﴾

وهذه صفة المؤمن حق المؤمن؛ الذي إذا ذكر الله وجل قلبه؛ أي: خاف منه، ففعل أوامره، وترك زواجره..💚

#قوم_امشي_صلِّ💚

قال تَعَالَى: "فَإِذَا جَاءَ أَجَلُهُمْ لا يَسْتَأْخِرُونَ سَاعَةً وَلا يَسْتَقْدِمُونَ" [النحل:61].

جهزت شنو لي حساب القبر؟
تأخير الصلاة والنميمة وتضيع نعمة الوقت والشباب والصحة!
ماتقول يوم الحساب بعيد وانا لسه شاب ولسه في وقت؛ لأن ربنا سبحانه وتعالى قال: (اقْتَرَبَ لِلنَّاسِ حِسَابُهُمْ وَهُمْ فِي غَفْلَةٍ مُعْرِضُونَ)💔

فاسأل نفسك السؤال دا...
جهزت شنو ليوم الحساب؟

#قوم_امشي_صلِّ💚

من أعظم مفاتيح التوفيق هو الوقت الكل نايم فيه، و انت واقف بين يدين ربنا تكلم فيه وتبكي ليه، وتشكي ليه همك، وتحمدو على النعم..💚
قال أحد السلف:
"أتعجب ممن له عند الله حاجة ثم ينام وقت السحر!"
الموضوع مافيهو تكليف جرب تصحى ولو ربع ساعة، تركع ركعتين لله قبل الفجر ، فكل دعاء منك بكون سهم ماش للسماء
وسهام الليل ما بتخطئ أبدًا، حتى لو لم تُصب إصابة كاملة💚

#قوم_امشي_صلِّ💚

الباقي خليهو ما عليك بيهو، انت عليك السعى بس، ما شاء الله كان، وما لم يشأ لم يكن، خليك متطمن ومتيقن💚.

#قوم_امشي_صلِّ💚

التخلّق بأخلاق القرآن💚

في زمن كترت فيه الفتن، محتاجين نكون خلوقين.

لأن النبي ﷺ قال: "إن من أحبكم إليَّ وأقربكم مني مجلسا يوم القيامة أحاسنكم أخلاقا " .وأكيد خير دليل لينا هو القرآن الكريم💚

يقول الله تعالى: {إِنَّ هَٰذَا الْقُرْآنَ يَهْدِي لِلَّتِي هِيَ أَقْوَمُ} [الإسراء: ٩ ].

وأخلاق القرآن هي خير أخلاق نتمسك بها ونمتثل فهي المفتاح للسعادة والراحة في الدنيا وللجنان في الآخرة💚
فعشان نكون قدوة في مجتمعنا ونطبّق أخلاق القرآن في حياتنا اليومية حنبدأ معاكم سلسلة بعنوان التخلق بأخلاق القرآن.

فهل إنتوا مستعدين تبدوا معانا الرحلة؟😁💚
ورونا حماسكم في التعليقات👏🔥

#التخلق_بأخلاق_القرآن
#قوم_امشي_صلِّ💚

ربنا سبحانه وتعالى في كتابه بخاطب النبي ﷺ بقوله: "﴿قُل لِّعِبَادِيَ الَّذِينَ آمَنُوا يُقِيمُوا الصَّلَاةَ﴾💚

تقيم الصلاة عشان تنجيك من الهموم والكرب،
تقيمها عشان هي ملجأ لك وصلة بينك وبين ربك،
تقيمها عشان تقرب من الرحمن، تقيمها عشان تدعي اللي بيسمعك دائماً.
تقيمها عشان هي طوق النجاة ليك في الآخرة!!

قوم أجب النداء، وقول"سمعنا وأطعنا، اللهم أعنا وأغفر لنا"💚

#قوم_امشي_صلِّ💚

سُنن يوم الجمعة:💚

① الغُسل
② التطيّب
③ لبس أنضف وأجمل الثياب
④ التبكير للمسجد
⑤ قراءة سورة الكهف
⑥ الإكثار من الصلاة على النبي ﷺ
➆ استخدام السواك

اللَّهُمَّ صَلِّ على نَبِيِّنَا مُحَمَّدٍ، وَعَلى آلِهِ وَصَحْبِهِ وَسَلِّمْ تسليماً كثيراً.

_أحيِ سُنّة النبي ﷺ، ممكن تكون سبب نجاتك.

#قوم_امشي_صلِّ💚

الجنة والنار!

كلمتين عكس بعض
من نحن صغار، كل ما نغلط يقولوا لينا: ح تمشي النار!
ولو عملنا حاجة كويسة: الجنة مستنياك!

لكن...
كم مرة فعليًا قعدنا مع نفسنا نبحث عن الجنة؟
نقرا عنها؟
نتخيلها؟
نحبها أكتر لدرجة نتمنى نكون من أهلها؟

وكم مرة قرينا عن النار؟
عن أهوالها؟
عذابها؟
عشان نخاف ونرجع لربنا؟

القصة ما بس أوامر ونواهي...
القصة حب، شوق، ورجعة لرب كريم
قريب، رحيم، غفور

لازم نراجع حياتنا
ونقرب من ربنا
عشان نرضيه ونفوز بلقاه وجنته 💚

#قوم_امشي_صلِّ💚

السلام عليكم ورحمة الله وبركاته،
لو سألتك من عادة دينية بتعملها دائماً وشايف إنها مهمة شديد في حياتنا ح تكون شنو وليه هي مهمة؟!

جاوبنا في التعليقات، عسى ولعل أحد يستفيد منها وتكون ليك حسنات جارية في كل مرة أحد يعملها😁💚

#قوم_امشي_صلِّ💚

وإذا أراد الله إتمام حاجةٍ
‏أتتك على سفرٍ وأنت مقيمُ.."

قيام الليل يا رفيق🥰💚..

#قوم_امشي_صلِّ💚

تخيل معي احد الاشخاص امه بتناديه وهو مشغول ما منتبه ليها..
وبرضو تناديه والمرة دي يعمل رايح.. والمرة الثالثة برضو

نقدر نقول عليه شنو؟

فإتخيل عزيزي القارئ اذا انت امك ما بتقدر تعمل ليها كده فمابالك بربّك الخلقك؟!
ربنا بناديك كل فجر "حي على الصلاة" قوم على صلاة الفجر!

ألا تُلبي النداء؟!💚

#الصلاة_خير_من_النوم
#قوم_امشي_صلّ💚.

متفضلش جنب المعصية وبعدين تشتكي وقوعك فيها..
عايز تبعد عن الذنب ابعد عن مكان الذنب وأهل الذنب
د / محمد الغليظ.
وقعت 👀💚؟

#قوم_امشي_صلِّ💚

التأمُّل | التخلّق بأخلاق القرآن

التأمُّل ما بس لحظة هدوء… التأمُّل عبادة.
عبادة بالقلب والعقل، تقودك للتفكر في خلق الله، وتزيدك قربًا من الله.

قال الله تعالى:
{إِنَّ فِي خَلْقِ السَّمَاوَاتِ وَالْأَرْضِ وَٱخْتِلَافِ ٱلَّیْلِ وَٱلنَّهَارِ لَآیَاتࣲ لِّأُو۟لِی ٱلْأَلْبَـٰبِ ۝ ٱلَّذِینَ یَذْكُرُونَ ٱللَّهَ قِیَـٰمࣰا وَقُعُودࣰا وَعَلَىٰ جُنُوبِهِمْ وَیَتَفَكَّرُونَ فِی خَلْقِ ٱلسَّمَـٰوَاتِ وَٱلْأَرْضِ...}
[سورة آل عمران: 190–191]

ربنا دعانا نفكّر، نتأمّل، نلاحظ، ونتعلّم.
لأن التأمل بيصحِّي القلب، وبيوقظك من الغفلة، وبيوصلك لحقيقة عظَمة الله ورحمته.

💭 لحظة تأمل ممكن تغير يومك…
نظرة في السماء، أو تأمل في نعمة صغيرة، أو تفكر في موقف مرّ بيك… كلها فرص للرجوع لله.

كيف أتخلّق بخُلق التأمُّل؟
▪️ خصص وقت يومي تتفكر في خلق الله.
▪️ لما تتألم، اسأل: شنو الحكمة؟

🌿 التأمُّل بيعلمك تعيش تفاصيل حياتك بعمق.
وبوديك لعبادة حقيقية… انكك تتفكر في عظمة الخالق .

🕊️ خُلق التأمُّل… خلق بيقودك للمعرفة، ولحب الله، وللسكينة.

#التخلق_بأخلاق_القرآن
#قوم_امشي_صلِّ

فانية مهما اتمسكنا، كله حيتلاشى و يبقى العمل و الأثر، فيا رفيق ما تغرك ساعات النوم، قوم صلي صبحك حاضر.

كلنا مقصرين يا رفيق و بنجاهد نفسنا، ما نفسك تجاهد و تنال الأجر إن شاء الله؟!💚

#قوم_امشي_صلِّ💚

ربنا سبحانه وتعالى قال:
{يُنبَّأُ الإنسانُ يومئذٍ بما قدَّم وأخَّر}
يعني يوم القيامة ربنا حيسألك: قدّمت شنو؟ وأخّرت شنو؟

صليت حاضر؟ ولا قعدت تحضر الكورة؟
ذكرت ربنا أول ماصحيت؟ ولا فتحت التلفون وشفت الفيه؟
رضيت والديك؟ ولا قلت أأجل برهم ليوم تاني؟

ياطيب المحيا الدنيا أيام وبتعدي وحيجي يوم نُسأل فيه
عن القدمناه شنو والأخرناه شنو!
فبادر اليوم قبل ماتغادر💚

#قوم_امشي_صلِّ💚

الأغاني، بتغذي القلب ولا بتهده؟ 🤔

كم مرة قلت تفتح أغنية تفصل بيها، وانتهى بيك المطاف في تشتت وضيق؟

قال ابن القيم:
"المعازف تُنبت النفاق في القلب كما يُنبت الماء الزرع"
يعني ممكن تسمّعك كلام حب، بس حتحرمك حب الله!

جرب تعكس الطريق كدا... 💚
بدل تبدأ يومك بأغنية، أبداه بآية، ذكر، أو حتى دعاء بسيط، ولاحظ الفرق في طمأنينة قلبك!

وفي النهاية، ما كل صوت تسمعه لازم ترتاح ليه، القلب مسكن الرحمن، وليس مسرح الألحان! 💚

#قوم_امشي_صلِّ💚

لم تشوف زول ربنا ابتلاه بإعاقة أو مرض أو حتى لقيت أحد بسمع اغاني أو مدمن على السجائر ...

في دعاء بتقوله في سِرك؛ عشان ماتجرحه وعشان ربنا يحفظك ويكون ليك أجر كبير كمان!
عارفين الدعاء دا شنو؟🤔👀

أكتبوا لينا في التعليقات أجوبتكم، وشاركو البوست مع غيركم علهم يستفيدوا وتكون ليكم صدقة وحسنات جارية كمان💚

#قوم_امشي_صلِّ💚

أَلا بِذِكْرِ اللَّهِ تَطْمَئِنُّ الْقُلُوبُ"

صباحك زين...
لو عايز تنعم بالطمأنينة خلال يومك وقلبك يطمئن!
فلازم تبدأه بذكر الله💚

سبحان الله، والحمد لله، ولا إلـٰه إلَّا الله، والله أكبر💚

#قوم_امشي_صلِّ