قوم امشِي صلِّ
15K subscribers
1.04K photos
93 videos
21 files
278 links
Download Telegram
التخلّق بأخلاق القرآن💚

في زمن كترت فيه الفتن، محتاجين نكون خلوقين.

لأن النبي ﷺ قال: "إن من أحبكم إليَّ وأقربكم مني مجلسا يوم القيامة أحاسنكم أخلاقا " .وأكيد خير دليل لينا هو القرآن الكريم💚

يقول الله تعالى: {إِنَّ هَٰذَا الْقُرْآنَ يَهْدِي لِلَّتِي هِيَ أَقْوَمُ} [الإسراء: ٩ ].

وأخلاق القرآن هي خير أخلاق نتمسك بها ونمتثل فهي المفتاح للسعادة والراحة في الدنيا وللجنان في الآخرة💚
فعشان نكون قدوة في مجتمعنا ونطبّق أخلاق القرآن في حياتنا اليومية حنبدأ معاكم سلسلة بعنوان التخلق بأخلاق القرآن.

فهل إنتوا مستعدين تبدوا معانا الرحلة؟😁💚
ورونا حماسكم في التعليقات👏🔥

#التخلق_بأخلاق_القرآن
#قوم_امشي_صلِّ💚
❤45❤‍🔥13🤩2💯1
ربنا سبحانه وتعالى في كتابه بخاطب النبي ﷺ بقوله: "﴿قُل لِّعِبَادِيَ الَّذِينَ آمَنُوا يُقِيمُوا الصَّلَاةَ﴾💚

تقيم الصلاة عشان تنجيك من الهموم والكرب،
تقيمها عشان هي ملجأ لك وصلة بينك وبين ربك،
تقيمها عشان تقرب من الرحمن، تقيمها عشان تدعي اللي بيسمعك دائماً.
تقيمها عشان هي طوق النجاة ليك في الآخرة!!

قوم أجب النداء، وقول"سمعنا وأطعنا، اللهم أعنا وأغفر لنا"💚

#قوم_امشي_صلِّ💚
❤44😍1😇1
سُنن يوم الجمعة:💚

① الغُسل
② التطيّب
③ لبس أنضف وأجمل الثياب
④ التبكير للمسجد
⑤ قراءة سورة الكهف
⑥ الإكثار من الصلاة على النبي ﷺ
➆ استخدام السواك

اللَّهُمَّ صَلِّ على نَبِيِّنَا مُحَمَّدٍ، وَعَلى آلِهِ وَصَحْبِهِ وَسَلِّمْ تسليماً كثيراً.

_أحيِ سُنّة النبي ﷺ، ممكن تكون سبب نجاتك.

#قوم_امشي_صلِّ💚
❤35😇2🥰1
الجنة والنار!

كلمتين عكس بعض
من نحن صغار، كل ما نغلط يقولوا لينا: ح تمشي النار!
ولو عملنا حاجة كويسة: الجنة مستنياك!

لكن...
كم مرة فعليًا قعدنا مع نفسنا نبحث عن الجنة؟
نقرا عنها؟
نتخيلها؟
نحبها أكتر لدرجة نتمنى نكون من أهلها؟

وكم مرة قرينا عن النار؟
عن أهوالها؟
عذابها؟
عشان نخاف ونرجع لربنا؟

القصة ما بس أوامر ونواهي...
القصة حب، شوق، ورجعة لرب كريم
قريب، رحيم، غفور

لازم نراجع حياتنا
ونقرب من ربنا
عشان نرضيه ونفوز بلقاه وجنته 💚

#قوم_امشي_صلِّ💚
❤42👍3😍2😇1
السلام عليكم ورحمة الله وبركاته،
لو سألتك من عادة دينية بتعملها دائماً وشايف إنها مهمة شديد في حياتنا ح تكون شنو وليه هي مهمة؟!

جاوبنا في التعليقات، عسى ولعل أحد يستفيد منها وتكون ليك حسنات جارية في كل مرة أحد يعملها😁💚

#قوم_امشي_صلِّ💚
❤29❤‍🔥1🥰1😇1
وإذا أراد الله إتمام حاجةٍ
‏أتتك على سفرٍ وأنت مقيمُ.."


قيام الليل يا رفيق🥰💚..

#قوم_امشي_صلِّ💚
❤46😇2🍓1😭1
تخيل معي احد الاشخاص امه بتناديه وهو مشغول ما منتبه ليها..
وبرضو تناديه والمرة دي يعمل رايح.. والمرة الثالثة برضو

نقدر نقول عليه شنو؟

فإتخيل عزيزي القارئ اذا انت امك ما بتقدر تعمل ليها كده فمابالك بربّك الخلقك؟!
ربنا بناديك كل فجر "حي على الصلاة" قوم على صلاة الفجر!

ألا تُلبي النداء؟!💚

#الصلاة_خير_من_النوم
#قوم_امشي_صلّ💚.
❤40🫡3💔2❤‍🔥1🥰1😇1
متفضلش جنب المعصية وبعدين تشتكي وقوعك فيها..
عايز تبعد عن الذنب ابعد عن مكان الذنب وأهل الذنب
د / محمد الغليظ.
وقعت 👀💚؟

#قوم_امشي_صلِّ💚
❤33🤝4😇2🥰1
التأمُّل | التخلّق بأخلاق القرآن

التأمُّل ما بس لحظة هدوء… التأمُّل عبادة.
عبادة بالقلب والعقل، تقودك للتفكر في خلق الله، وتزيدك قربًا من الله.

قال الله تعالى:
{إِنَّ فِي خَلْقِ السَّمَاوَاتِ وَالْأَرْضِ وَٱخْتِلَافِ ٱلَّیْلِ وَٱلنَّهَارِ لَآیَاتࣲ لِّأُو۟لِی ٱلْأَلْبَـٰبِ ۝ ٱلَّذِینَ یَذْكُرُونَ ٱللَّهَ قِیَـٰمࣰا وَقُعُودࣰا وَعَلَىٰ جُنُوبِهِمْ وَیَتَفَكَّرُونَ فِی خَلْقِ ٱلسَّمَـٰوَاتِ وَٱلْأَرْضِ...}
[سورة آل عمران: 190–191]

ربنا دعانا نفكّر، نتأمّل، نلاحظ، ونتعلّم.
لأن التأمل بيصحِّي القلب، وبيوقظك من الغفلة، وبيوصلك لحقيقة عظَمة الله ورحمته.

💭 لحظة تأمل ممكن تغير يومك…
نظرة في السماء، أو تأمل في نعمة صغيرة، أو تفكر في موقف مرّ بيك… كلها فرص للرجوع لله.

كيف أتخلّق بخُلق التأمُّل؟
▪️ خصص وقت يومي تتفكر في خلق الله.
▪️ لما تتألم، اسأل: شنو الحكمة؟

🌿 التأمُّل بيعلمك تعيش تفاصيل حياتك بعمق.
وبوديك لعبادة حقيقية… انكك تتفكر في عظمة الخالق .

🕊️ خُلق التأمُّل… خلق بيقودك للمعرفة، ولحب الله، وللسكينة.

#التخلق_بأخلاق_القرآن
#قوم_امشي_صلِّ
❤31❤‍🔥3😇2🥰1🤩1
فانية مهما اتمسكنا، كله حيتلاشى و يبقى العمل و الأثر، فيا رفيق ما تغرك ساعات النوم، قوم صلي صبحك حاضر.

كلنا مقصرين يا رفيق و بنجاهد نفسنا، ما نفسك تجاهد و تنال الأجر إن شاء الله؟!💚

#قوم_امشي_صلِّ💚
❤36😇3😭1
ربنا سبحانه وتعالى قال:
{يُنبَّأُ الإنسانُ يومئذٍ بما قدَّم وأخَّر}
يعني يوم القيامة ربنا حيسألك: قدّمت شنو؟ وأخّرت شنو؟

صليت حاضر؟ ولا قعدت تحضر الكورة؟
ذكرت ربنا أول ماصحيت؟ ولا فتحت التلفون وشفت الفيه؟
رضيت والديك؟ ولا قلت أأجل برهم ليوم تاني؟

ياطيب المحيا الدنيا أيام وبتعدي وحيجي يوم نُسأل فيه
عن القدمناه شنو والأخرناه شنو!
فبادر اليوم قبل ماتغادر💚

#قوم_امشي_صلِّ💚
❤29😇2🥰1
الأغاني، بتغذي القلب ولا بتهده؟ 🤔

كم مرة قلت تفتح أغنية تفصل بيها، وانتهى بيك المطاف في تشتت وضيق؟

قال ابن القيم:
"المعازف تُنبت النفاق في القلب كما يُنبت الماء الزرع"
يعني ممكن تسمّعك كلام حب، بس حتحرمك حب الله!

جرب تعكس الطريق كدا... 💚
بدل تبدأ يومك بأغنية، أبداه بآية، ذكر، أو حتى دعاء بسيط، ولاحظ الفرق في طمأنينة قلبك!

وفي النهاية، ما كل صوت تسمعه لازم ترتاح ليه، القلب مسكن الرحمن، وليس مسرح الألحان! 💚

#قوم_امشي_صلِّ💚
❤39❤‍🔥11😭5🥰1🤗1
لم تشوف زول ربنا ابتلاه بإعاقة أو مرض أو حتى لقيت أحد بسمع اغاني أو مدمن على السجائر ...

في دعاء بتقوله في سِرك؛ عشان ماتجرحه وعشان ربنا يحفظك ويكون ليك أجر كبير كمان!
عارفين الدعاء دا شنو؟🤔👀

أكتبوا لينا في التعليقات أجوبتكم، وشاركو البوست مع غيركم علهم يستفيدوا وتكون ليكم صدقة وحسنات جارية كمان💚

#قوم_امشي_صلِّ💚
❤32😇2🥰1
أَلا بِذِكْرِ اللَّهِ تَطْمَئِنُّ الْقُلُوبُ"

صباحك زين...
لو عايز تنعم بالطمأنينة خلال يومك وقلبك يطمئن!
فلازم تبدأه بذكر الله💚

سبحان الله، والحمد لله، ولا إلـٰه إلَّا الله، والله أكبر💚

#قوم_امشي_صلِّ
❤31⚡1❤‍🔥1🥰1🕊1😇1🤗1
إلف النِّعَم

أكتر سبب بيخلينا ما نحس بالنِّعَم؟
إننا ألفناها!
نصحى نلقى أكل، نشرب مويه، نرقد في سرير نظيف، ونحسب ده "شي عادي".

لكن شُفت الزول البينوم جعان؟
الما عندو أطراف؟
البيعيش بدون كهرباء ولا أمان؟

قبل تنوم، جرّب تقول:
"الحمد لله"
على النوم، على الشبع، على العافية، على الحاجات البسيطة البتبدو وكأنها عادية وهي في الحقيقة عظيمة
.

ما تقول "أنا ما مبسوط"،
في ناس ظروفهم أصعب، وأحلامهم هي حياتك اليومية.
فاحمد، وارضَ، واشكر.
الرضا ما بس عبادة، هو راحة قلب.

#قوم_امشي_صلِّ💚
❤48😭3🤗2👍1🥰1😇1🤝1
الناس بقت مُثبتة مبدأ جديد إللي هو "أنا حر"
و دي مساحتي وحريتي الشخصية😃!

الناس بقت تتفاخر بالجراءة، و الحياء في الزمن دا بقى عٌملة نادرة، فاهمين إنو الحياء يعني القيمة بتاعتي نقصت، يعني شخصيتي ضعيفة!

أبدََا يا رفيقنا، أنك تستحي يعني أنك تكون إنسان واعي تعرف حدودك وتصٌون نفسك، وتعرف إنو ما كل شيء ينفع يتقال، وما أي لبس بتلبس، وما كل موقف بترد عليه.

"الزول البستحي من ربو ما بحتاج رقابة"
لانو عارف إنو ربنا شايفه وسامعه وعارف نيته، خليك عارف إنو الحياء بحميك أكتر من إنو بكبٌت حريتك زي ما فاكر.
بحميك من الندم، من الكلام الجارح ومن الصور البتخجل منها بعدين.

في النهاية يا رفيقنا:
الحياء ما بمشي مع الموضة، بمشي مع الفطرة
فلو ضاع حياءك، ضاعت البركة وضاع إيمانك💚.

#قوم_امشي_صلِّ💚
❤28💯5🥰2😇1🤗1
بالأمس كان ينقل الحدث واليوم هو كل الحدث
رحل صوت غـ.زَّة يارفاق .. رحل صوت كل حُر
رحل بعد أن بح صوته وبذل مافي وسعه وأدى ماعليه
رحل بعد تعبٍ وقصفٍ وفراق صحبٍ وأهلٍ وإخوانٍ
رحل أنس الشريف

لكنه لم يمت فهو عند الله حيٌ يرزق
فطبت وطابت روحك وطاب الثرى من فوقك،
طبت يا أنس وطابت فِلسطين درةَ تاجِ المسلمين
طبت والملتقى بإذن الله في الجنة مع خير المرسلين💚

#قوم_امشي_صلِّ💚
💔37❤21😢8
في سورة الكهف، ربنا حكى عن فتية من المؤمنين هربوا عشان يحافظوا على دينهم، وقالوا:
﴿ رَبَّنَا آتِنَا مِن لَّدُنكَ رَحْمَةً وَهَيِّئْ لَنَا مِنْ أَمْرِنَا رَشَدًا ﴾

فناموا سنين طويلة، لكن قلوبهم كانت صاحية بالإيمان، ما خافوا من النوم، خافوا من الغفلة.

وأنت؟
ما نمت سنين، لكن ممكن تكون غافل عن فرض، غافل عن لحظات بتقربك من ربنا.

الفجر ما بس فريضة، ده حفظ للنفس، ويُقال إنها من أسباب رؤية الله عز وجل 💚
صلِّ قبل ما يفوتك نور النداء
يمكن تكون دي السجدة اللي تُكتب لك بها النجاة💚.
#الصلاة_خير_من_النوم
#قوم_امشي_صلِّ
❤37🥰1😇1
دخلت الميديا؟
ورينا شفت شنو في خلال دقيقتين؟ 🤷🏼‍♂️

سحبة ورا سحبة، ريلز ورا التاني، وقبل ما تلاحظ وتفوق؛ حتكون عينك شافت كل شي "إلا ما يرضي الله!"

الزمن أيوة اتغير، والفتن بقت في يدك، بس وصية ربنا ثابتة لكل الأزمان:
{قُلْ لِلْمُؤْمِنِينَ يَغُضُّوا مِنْ أَبْصَارِهِم...}

غض البصر ما ضعف، إنما قوة، إنك توقف الفيديو قبل ما يفسد قلبك، إنك تقول لنفسك:
"أنا أغلى من أني أبيع ديني بنظرة" 💚
يوم القيامة ما حتفيدك كترة الشير، بس حتتحاسب على "كل نظرة ما غضيت فيها بصرك"!

#قوم_امشي_صلِّ💚
❤46😭2👍1😇1
التبيُّن | التخلّق بأخلاق القرآن

في زمن السرعة والمعلومة الجاهزة، بقينا نقرأ، نسمع، وننشر من غير ما نقيف لحظه ونسأل:
هل الكلام ده فعلاً صحيح؟

ربنا سبحانه قال:
{يَا أَيُّهَا الَّذِينَ آمَنُوا إِن جَاءَكُمْ فَاسِقٌ بِنَبَإٍ فَتَبَيَّنُوا أَن تُصِيبُوا قَوْمًا بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ}
[الحجرات: 6]

والنبي ﷺ قال:
"كفى بالمرء كذبًا أن يُحدّث بكل ما سمع"
[رواه مسلم]
يعني ممكن تكون بتنشر كذب بدون قصد، بس لأنك ما تحقّقت من المعلومة!

التبيُّن خُلق قرآني بيحمينا من الظلم، وسوء الظن، ونشر الإشاعات، وبيعلمنا التعقّل والحكمة.

كيف أطبّق خُلق التبيُّن؟
قبل ما تنشر أي خبر أو بوست: أتأكد من المصدر والمحتوى.
لمن تسمع قصة فيها طرف تاني: ما تحكم قبل ما تسمع من الجانبين.
ما تكون سبب في نشر كلمة تفرق، أو إشاعة توجع، أو حكم يظلم.
علّم نفسك وأهلك التثبّت قبل أي رد فعل أو قرار.

💚 خليك واعي... وتخلّق بخُلق من أخلاق القرآن.

#التخلق_بأخلاق_القرآن
#قوم_امشي_صلِّ
❤43⚡1🥰1😇1