الخسوف بدأ والقمر شوية ويختفي
خلي التلفون والتصوير واي و واو والكلمات دي
أدعوا الله وكبروا وتصدقوا
صلوا صلاة الخسوف توبوا استغفروا ارجعوا لي ربكم

لو وصلت لي هنا ربنا يهديك أقفل البيانات وخلي التلفون بعيد وقوم

#صلاة_الخسوف
#قوم_امشي_صلِّ💚

صباح الخير💚
قال تعالى: "فاذكروني اذكركم واشكروا لي ولا تكفرون"

جربت تخصص ٥ دقايق بس من وقتك في أول كل يوم
لذكر ربنا؟
طيب للتسبيح، الإستغفار، التهليل، التكبير، الصلاة على النبي، لاحول ولا قوة الا بالله، طيب قرآن كريم او حتى انك تدعي بلهجتك البسيطة انو ربنا يبارك ليك ويوفقك في اليوم دا لكل مايحب ويرضى💚

خلينا نجرب الليلة مع بعض ونبدا التحدي...
أضبط تايمر التلفون لمدة ٥ دقايق فقط استثمرها في ذكر ربنا وتعال احكي لينا عن البركة والفتح في يومك والتغيير
في مزاجك وسعادتك💚

#الصلاة_خير_من_النوم
#قوم_امشي_صلِّ💚

عَنْ أَنَسِ بْنِ مَالِكٍ قَالَ: قَالَ رَسُولُ اللهِ ﷺ:
( إِنْ قَامَتِ السَّاعَةُ وَفِي يَدِ أَحَدِكُمْ فَسِيلَةٌ، فَإِنِ اسْتَطَاعَ أَنْ لَا تَقُومَ حَتَّى يَغْرِسَهَا فَلْيَغْرِسْهَا ) .

الحديث دا أكبر مشجع إنه ما تيأس
حتى لو حسيت إنه الوقت إتأخر، وإنت بتعمل في الذنوب أرجع وتوب وأعمل الخير💚

يوم جديد بداية جديدة...
واغرس فيه كل فسيلة قادر تغرسها💚.

#قوم_امشي_صلِّ💚

ما بينك وبين القرآن؟

قال النبي ﷺ:
"اقرؤوا القرآن فإنه يأتي يوم القيامة شفيعًا لأصحابه."
(رواه مسلم)

إتخيل يكون عندك صديق ما بيفارقك في الدنيا، يؤنسك في القبر، ويحاج عنك يوم القيامة!👀
يا طيب المحيا صديقك دا إسمه "القرآن الكريم"

النبي ﷺ كان عنده ورد يومي من القرآن، ما بيأخره ولا بخليه،
والصحابة رضوان الله عليهم اقتدوا بيه:
منهم من يختم كل عشرة أيام، ومنهم كل أسبوع، وفي من يختم كل يوم مرة أو مرتين!

حتقول لي: "زمانهم غير، نحنا مشغولين بالشغل والدراسة والحياة..."
لكن القرآن ما شرط تقرأ كتير، المهم يكون عندك "ورد ثابت"
زي ما بتشرب موية كل يوم عشان جسمك، قلبك وروحك محتاجين نصيبهم من كلام الله.

حتى لو وجه أو اتنين في اليوم، دا عمل عظيم:
نور لقلبك، حفظ لبيتك، طمأنينة وبركة في يومك💚.
وتذكر:
"أحب الأعمال إلى الله أدومها وإن قل."

ابدأ اليوم، بعد الفجر أو قبل النوم،
وخليها عادة، وشوف كيف ربنا حيكرمك في كل لحظة 💚

#سنن_مهجورة
#ورد_القرآن_الكريم
#قوم_امشي_صلِّ💚

زي ما بتِضبُط المنبه للجامِعة أو الشُّغل...
اضبُطُه لِصلاةِ الفَجر💚
قال النَّبي ﷺ: "مَن صلَّى الصُّبحَ فهُو في ذِمَّةِ الله."

إوعَ تِسيب يومَك يِمُرّ مِن غير بَرَكة💚

#الصلاة_خير_من_النوم
#قوم_امشي_صلِّ💚

صلاة الضحى… صلاة الغافلين، وكنز الأوابين💚.

تخيّل يا رفيق… جسدك فيه (٣٦٠ مفصل)، وركعتين بس تكفي عن كل الصدقات دي يوميًا!

وكمان ربنا ذكر في فضلها آية عظيمة جدا:
"وَلَسَوْفَ يُعْطِيكَ رَبُّكَ فَتَرْضَى".

تدبّر… عطاااء ربنا سبحانه الذي إذا أعطى أكرم، وإذا جبر أدهش، وإذا لطف أبهج💚.

فما تفرّط فيها يا صاحبي… ركعتين بس، لكن أجرها عند ربنا أعظم مما تتخيل💚.

#قوم_امشي_صلِّ💚

*مَا لَا يُدْرَك كُلُه ، لَا يٌترَك جَلَّه*

المسؤوليات كتيرة، والمهام أكتر وكلها مهمة، والآمال والطموحات أكبر من الواقع...
هنالك من يطمح لحفظ القرآن الكريم، وأخر عايز يتعمق في العلم الشرعي، وواحد يجتهد في دراسته وحلمه ومستقبله
وناس محتجين في ال٢٤ساعة عايزنها ٢٦ساعة ويكمل مهامه وينجز!

ولكن يا عزيزي، نفسك أضعف مما تتوقع، ما ترهق نفسك بمهام كبيرة وبعدين تفقد الهمة وتكسل!
إنت مُطالب بالسعي، وليس النتيجة، ومجرد النية وبداية صغيرة إنت مأجور عليها💚

إرحم نفسك، ولم تحس بإن عزيمتك ماشه تضعف...خفف حملك وأحرص على مهام صغيرة ومهمة ولا تجلد ذاتك وتظلمها، وإتذكر أن *المُحاولُ فائز لا محالة*💚✨

#قوم_امشي_صلِّ💚

إنت بتشابه المنافقين بتساهلك في تضييع الفجر...

لأن النبي ﷺ قال: "أثقلُ الصلاةِ على المنافقين صلاةُ العشاء وصلاةُ الفجر."
فشد عزيمتك من الليلة وما تخلي الفجر يفوتك💚.

#الصلاة_خير_من_النوم
#قوم_امشي_صلِّ💚

"ومن يتوكل على الله فهو حسبه"

مرات بتكون شايل هم حاجة، وحاسس إنك محاصر من كل جهة، وكل الحلول القدامك شكلها مستحيلة، بتحاول تفكر، بس مافي حاجة بتتسهل معاك❗
وحتى الطريق الباقي قدامك شكله مقفول، يأست وقلت لنفسك: انتهت الحكاية.
لكن سبحان الله، في اللحظة اللي بتحس فيها إنك وصلت النهاية،
ربنا يفتح ليك باب من حيث لا تحتسب، باب ما كنت شايفه، ولا حتى متوقعه !!
بس لأنك سلمت أمرك ليه، واتوكلت عليه بصدق.

في زمن فرعون، كان بيقتل كل أولاد بني إسرائيل الذكور، أم موسى عليه السلام كانت مرعوبة وخايفة على ولدها شديد.
لكن سبحان الله ربنا طمئن قلبها، و ألهمها بحاجة غريبة:

"أرضعيه، فإذا خفتِ عليه فألقيه في اليم، ولا تخافي ولا تحزني، إنا رادوه إليك وجاعلوه من المرسلين".

قادر تتخيل صعوبة الموقف!
أم ترمي ولدها في النيل، بس لأنها صدقت وعد ربنا!!
رمته في البحر، وقلبها بيتقطع، ماكان في يدها حل غير إنها تدعي وتسلم أمرها لله.
موسى؟
وصل لقصر فرعون نفسه، وتربى هناك بأمان.. وربنا رجعه ليها وقال في القرآن:
" فرددناه إلى أمه كي تقر عينها ولا تحزن، ولتعلم أن وعد الله حق".


تابع معاي التعليقات ⤵️💚

#سبحان_من_رتبنا
#قوم_امشي_صلِّ💚

عزيزي المسلم نور قلبك ووجهك...
وخلي السكينة في نفسك بالصلاة قال رسول الله ﷺ:
"الصلَواتُ الخَمْسُ كفَّارةٌ لِما بَينَهُنَّ ما اجْتُنِبَتْ الكبائِرُ"
(صحيح الجامع)💚.

وزي ما قلنا كتير الصلاة بتخلينا أقرب إلى الله،
وبتجيب لينا الراحة والطمأنينة. حافظ على الصلاة في وقتها،
واستشعر حضور الله معاك في كل ركعة💚.

#قوم_امشي_صلِّ💚

{ فَنَادَى فِي الظُّلُمَاتِ أَنْ لَا إِلَهَ إِلَّا أَنْتَ سُبْحَانَكَ إِنِّي كُنْتُ مِنَ الظَّالِمِينَ ﴾
فدعا مُقرًّا بذنبه تائبًا إلى الله

وجاءته البُشرى 💚

﴿ فَاسْتَجَبْنَا لَهُ وَنَجَّيْنَاهُ مِنَ الْغَمِّ وَكَذَلِكَ نُنْجِي الْمُؤْمِنِينَ ﴾
فأجبنا دعوته، ونجّيناه ومثل إنجاء يونس من كربه هذا ننجي المؤمنين إذا وقعوا في كرب ودعوا الله.

ف يا صاحبي في ظلام الليل ادعي ربك وأنت مُقر بذنبك وتائب لي ربك وأبشرك بالإستجابة بإذن الله💚
ردد "لا إله إلا أنت سبحانك إني كنت من الظالمين"

#قوم_امشي_صلِّ💚

لو ربنا وفقك لقيام الفجر فاعرف إنك من القلة القليلين؛
لأن في الوقت دا في ناس كتيرة بتكون نايمة
ولو قامت بترجع تنوم تاني😔

لكن إنت وأشخاص تانيين بالعدد بس الصاحيين، وبتعبدوا ربنا وبتسبحوه وبتتلوا كتابه💚
دي مُش نعمة تستحق الشكر عليها؟!🥹💚

#الصلاة_خير_من_النوم
#قوم_امشي_صلِّ💚

صَباحُك نُورٌ وَذِكْرٌ وَسَلامُ
وَوُجُوبُ شُكرٍ لِذي الجُودِ وَالإنعامِ
فَأَصبِح عَلى مَحَبَّةِ مَن أَحَبَّكَ
وَرِضوانِ خالِقِكَ العَلِيِّ الغَفّارِ

صبحكم اللهُ عَلـى حبه منعمين بعبادته،
متفائلين بعفوه وغفرانه ورضوانه💚

الحمد لله الذي أحيانا بعد ما أماتنا لنعبده بإعانته ونستغفره بتوفيقه ويتوب علينا برحمته💚

الحمدلله دائما وابدا💚

#قوم_امشي_صلِّ💚

"وَسِيقَ الَّذِينَ اتَّقَوْا رَبَّهُمْ إِلَى الْجَنَّةِ زُمَراً حَتَّى إِذَا جَاءُوهَا وَفُتِحَتْ أَبْوَابُهَا وَقَالَ لَهُمْ خَزَنَتُهَا سَلامٌ عَلَيْكُمْ طِبْتُمْ فَادْخُلُوهَا خَالِدِينَ".
تخيّلوا الموقف المهيب... الملائكة تسوقنا جماعات إلى الجنة، تستقبلنا بترحيب عظيم:
"سلام عليكم، طِبتم فادخلوها خالدين".

ونلقى فيها ما لا عين رأت، ولا أُذن سمعت، ولا خطر على قلب بشر...
قصور من ذهب وفضة، أنهار من عسل ولبن، حور عين كأنهن الياقوت، ثياب من سندس واستبرق، وثمرات لا تنفد، وكل ما تشتهيه الأنفس وتلذ الأعين.
"وَفِيهَا مَا تَشْتَهِيهِ ٱلۡأَنفُسُ وَتَلَذُّ ٱلۡأَعۡيُنُ".

وأعظم النعيم رؤية وجه الله الكريم جلَّ جلاله... يعني زيادة في النعيم اللي هُم فيه، كمان ح يُرزقوا رؤية وجه الله الكريم!
"لَهُم مَّا يَشَآءُونَ فِيهَا وَلَدَيْنَا مَزِيدٌ".

فالرابح الحقيقي... من ربِح الآخرة 💚

#قوم_امشي_صلِّ 💚

قَالَ الله تَعَالَى:
"وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا وَإِنَّ اللَّهَ لَمَعَ الْمُحْسِنِينَ"💚

جاهد الدنيا والمشاغل وقوم صلِّ العصر؛
عشان تكون من المحسنين إن شاء الله💚

#قوم_امشي_صلِّ💚

تخيل يوم القيامة والخلائق كلها مجموعين مابين ظلمات
وحر من الشمس ووقوف طويل وحساب

إلَّا قليل منهم ربنا برزقهم نور ليهم خاصة،
وببشرهم بالفوز بالجنة💚
- طيب ديل منو وعملوا شنو؟
= النبي ﷺ قال: ”بشرِّ المشائينَ في الظلمِ إلى المساجدِ، بالنورِ التامِّ يومَ القيامةِ.“

فلو عاوز تكون منهم حافظ على صلاة الفجر في وقتها وامشي صليها فالمسجد💚

#الصلاة_خير_من_النوم
#قوم_امشي_صلِّ💚

وما نورُ البيوتِ سوى البناتِ....
بهنّ الأُنسُ من بعدِ الشّتاتِ.....
وفيهنّ الوِدادُ له ودادٌ....
وهنّ المؤنساتُ الغالياتُ🌷💚

المرة دي.! خطابنا موجّهٌ لكلِّ أنثى شغوفة بصفاءِ الروحِ، وظمأى لِرَحيقِ الإيمان، ومُحبّةٍ لمجالسِ الذِّكر…

وإيماناً منّا بأنّ المرءَ يصلحه الجليسُ الصالحُ، يسرّنا أن نعلن أنه قد آن الأوانُ أن نلتقي في وَاحةٍ نديّةٍ بالسكينة، ومَجالِسٍ تُزهِرُ قلوبُها لأجلكـِ فقط ياوصيةَ رسولَ اللهِ💚.

في مجلسٍ نسائيٍّ مباركٍ بإذن الله، نلتقي فيه كلَّ يومِ جمعة لنأنسَ فيه باللّٰه ونحتفي فيهِ بكـِ🌷
نلتقِيكنْ اليوم الجمعة 💚
٢٠/ربيع الأول/١٤٤٧هـ
الساعة الثامنة مساءًا بتوقيت السودان.

في محاضرة بعنوان: مركزية القرآن🌷💚
العنوان وحده يتحدث
فقد تكونُ هيَ أجملُ ماتهديهِ لنفسكِ وأشفعُ ما تُلاقينَ بهِ ربّكِ بإذنه تعالى.

رابط القناة في التعليقات نساء فقط : 🌷

#مجالس_صلِّ_النسائية
#قوم_امشي_صلِّ💚

يوم الجمعة يوم مليان خير وبركة… بداية من صلاة الجمعة، وختامًا ساعة الاستجابة💚.

يا سلاااام… ساعة استجابة لأحلامنااا البعيدة وأمانينا المستحييلة🥹!

ايوااا يا رفيق، بس استثمرها صح…
بعد صلاة العصر، خلّي أي حاجة وراك، اذكر ربك، صلِّ على النبي ﷺ وادعي ربك بكل ما في قلبك بإلحاح ورجاء.

وابشر يا رفيق بحسن الجواب 💚

#قوم_امشي_صلِّ💚

"لا يُحافظ على صلاة الضحى إلا أواب"
قالوا: وما الأواب؟
قال: "هو الذي يرجع إلى الطاعة ويواصلها"💚

وقتها من الآن حتى قبل أذان الظهر،
اركع ركعتين ولو كنت في الشغل أو البيت، فالأجر عظيم ياصديقي💚.

#قوم_امشي_صلِّ💚

﴿إِنَّهُ مَن يَتَّقِ وَيَصْبِرْ فَإِنَّ اللَّهَ لَا يُضِيعُ أَجْرَ الْمُحْسِنِينَ﴾**

هل مر عليك يوم حسيت فيه إنك عملت كل حاجة صح!
لكن فجأة كل شيء اتلخبط؟
إتضايقت، جاك إحساس إنه أي حاجة بتتمناها بتبعد؟
أبواب كتيرة كانت مفتوحة، وفجأة قفلت قدامك بدون سبب؟

"الترتيبات الإلهية"
أيوة زي ما قريت، في نص الضجر ال أنت فيه، وفي نص وساوس الشيطان البهمس ليك "مافي فايدة" شكلك نسيت ترتيبات ربنا❗

نسيت قصة يوسف عليه السلام؟
طفل محبوب، مُدلل، في حضن أبوه،
بيحلم، وبيحكي أحلامه..
لكن فجأة، أقرب الناس ليه اتآمروا عليه.
رموه في البئر، غدروا بيه.
اتباع كعبد، واتنقل من بيت لبيت،
واتسجن ظلم، واتنسى في السجن سنين طويلة.

تخيل كمية الألم، والخذلان الكانت جواه، لكن رغم كل دا كان في ترتيب.
ترتيب ما ظاهر، لكن شغال في خفاء.

في اللحظة البتحس فيها إنك فقدت السيطرة، وكل شيء حولك بيقول إنك خسران، ربنا ممكن يكون بيرتب ليك في حاجة أعظم،
بطريقة ما كنت حتتخيلها💚.

صعبة عليه...؟

تابع معاي التعليقات ⤵️💚

#سبحان_من_رتبنا
#قوم_امشي_صلِّ💚