يومُ الجُمعة، أنوارٌ تتنزل، وبركاتٌ تتكاثر، وأحب ما نُتقرب به في هذا اليوم: الإكثار من الصلاة والسلام على خير الأنام، سيدنا محمد ﷺ… الشفيع، الكريم، البسام، الذي امتلأ نورًا وهديًا ورحمةً للعالمين.

اللهم صلِّ وسلم وبارك عليه عدد ما ذكره الذاكرون وغفل عن ذكره الغافلون💚.

#قوم_امشي_صلِّ

الوقت كالسيف، إن لم تقطعه قطعك!

مثل بنسمعو كثير… لكن السؤال الحقيقي:
هل استثمار الوقت مرتبط بالشغل والنجاح الدنيوي بس؟
في الحقيقة يا صاحبي، الحياة محتاجة مننا توازن بين دنيانا وآخرتنا.

بخطوات بسيطة مثلاً:
اذكر ربنا في طريقك وانت ماشي المسجد أو الدكان وإنت راجع كمان،
اخُد دقائق للذكر والصلاة على النبي ﷺ وسط يومك،
واحرص على صلاة الضحى والنوافل وقيام الليل…
قد تشوفها خطوات صغيرة، لكن أثرها كبييييير في وقتك وبركة يومك وراااحتك💚.
وخلي دعاءك دايمًا:
”اللهم أعنّا على ذكرك وشكرك وحسن عبادتك.“

#قوم_أمشي_صلِّ💚

في آخر مجلس لينا مع الشيخ حاطب عرفنا قدر شنو بر الوالدين ومجاهدة النفس والشيطان لرضاهم وطاعتهم شيء عظيم وطريق لمحبة الله تعالى ولدخول الجنة💚

- طيب دا وهم موجودين، لكن لو متوفيين أعمل شنو؟!
= لابأس عليك ياصاحبي وربنا يجمعك بهم على الحوض وفي غرفات الجنة،
من الطرق الممكن تبرهم بيها إنك تدعو ليهم وتتصدق بأسمائهم
وممكن تعمل وقف أو تساهم في حفر بئر أو توزع بلح على المصلين ودا كله وأكتر كمان وانت مستحضر نية بِرهم وإنك عملت الأعمال دي عشان ثوابها يصلهم ويكتب ليهم💚

وما كدا وبس، حتى في نفسك لم تهذبها وتعلمها علم شرعي وعلم نافع وتنفع به غيرك، ومعاملاتك وحديثك يكون طيب وحسن حيُذكر والديك بالخير وبأنهم أحسن التربية والإعداد

فهنيئا لمن قابل الإحسان بالإحسان وبرَّ والديه ونال محبة الرحمن💚

#قوم_أمشي_صلِّ💚

صلاة الفجر نورٌ في القلب ، وراحةٌ في الروح ، وبركةٌ في اليوم ، من حافظ عليها فاز بخير الدنيا والآخرة

هنيئاً لكم يا أهل الفجر💚✨

#قوم_أمشي_صلِّ 💚

يقول :
"في أيام النزوح وبعد طلعنا من بيوتنا كان مشينا منطقة ماكنت بعرف فيها ناس كتيرين فكنت حاسي نفسي غريب وما لي مكان هنا فماكنت بطلع إلا لحاجة أو ضرورة أو للصلاة
ففي يوم مرة واحدة سلم على من بعيد وقرب علي شوية شوية لحدي ماوصلني وسلم علي واتصافحنا أنا ماكنت بعرفه لكن هو كان بعرفني وقال لي جملة خلتني فعلا اتعلق بربنا أكتر
قال لي :
"أنت يمكن مابتعرفني لكني بعرفك بتصلي معانا في الجامع"💚
فسبحان الله اليسر لي الصلاة في المسجد وجبر خاطري بأحد يحسسني بكلامه إني مرحب بي وإني طالما محافظ على صلاتي فأنا في معية الله ولطفه بي"

فمن وجد الله فماذا فقد!💚

#قوم_أمشي_صلِّ💚

لو إنت في الجامعة، المدرسة أو حتى في الشارع والشغل حافظ على صلاتك وصليها في وقتها أو على الأقل ماتخلي زمنها يفوت وتطلع عن آخر وقتها

فلو كنت في الجامعة أو المدرسة صلي العصر قبل تطلع،
ولو كنت في الشارع وسمعت الآذان ادخل اقرب مسجد أو زاوية وماتنتظر لحدي ماترجع البيت يمكن تتأخر

ولو كنت في الشغل فبلغ المشرف أو المسؤول إنك عاوز تصلي ومافيها حرج بل بالعكس ممكن أحد تاني يقتدي بيك وتآخد كأجره كمان💚

ودائما خلي للصلاة مكانة وأولوية في حياتك؛ عشان ربنا يفتحها عليك ويرزقك بما تتمنى لأنك أديت أحب الأعمال إليه تعالى ”الصَّلاةُ علَى وقْتِها“💚

#قوم_أمشي_صلِّ💚

"مَن قال : سبحانَ اللَّهِ العظيمِ وبحمدِه ، غُرسَتْ لهُ نخلةٌ في الجنَّةِ"🌴💚

وقوم امشِي صلِّ الظهر💚

#قوم_امشي_صلِّ💚

"تذكَّر أنما الدُّنيا؛
متاعٌ زائلٌ هالِك!
ولن يبقى سِوى عملٍ،
فما قدَّمت للمالِك؟"

#قوم_أمشي_صلِّ💚

"إِنَّ اللهَ كَانَ عَلَيْكُمْ رَقِيبًا"💚
ربنا مراقب لكل أعمالكم وأحوالكم، احذروا يا طيبين يراكُم على حال لا يُرضيه!

جاهدوا في فعل الطاعات وما أمركم الله به، واجتنبوا المُنكرات وما نهاكم الله عنه..

الجنة بتستاهل يا صُحب💚.

#ارجع_صلي
#قوم_أمشي_صلِّ💚

"كأنّـما الفجرُ مبـعوثٌ ينبِّئُـنا
أنّ الشدائدَ يأتي بعدَها فَرَجُ"

صلاتك فلاحك💚
اذكارك حِصنك💚

#قوم_امشي_صلِّ💚

"لَا تَدْرِي لَعَلَّ اللَّهَ يُحْدِثُ بَعْدَ ذَٰلِكَ أَمْرًا"

الآية شافية، مُسكِّنة!، وحقيقةً مافي إنسان في الدُنيا حيقدر يصبّرك على كل المصائب اللي بتمر بيها بقدر الآية دي؛ لأنه ربنا سُبحانه وتعالى الخلقك وكتب عليك تتعب وتحزن وتشقى وتمرض قال:
لا تدري ممكن بعد الكرب الكُنتَ فيه تفرح فرح شديد، و يزول كل تعب وكل غم، بس اصبر وخلي ثقتك في ربنا كبيرة، لعله يحدث بعد ذلك أمرا!💚.

#قوم_امشي_صلِّ💚

صباح الخير💚.
اللهم اجعل صباحنا طاعة، وقلوبنا معلقة بك، وخواتيمنا رحمةً منك يا رب العالمين🍃.
#قوم_امشي_صلِّ

ويحك!
شنو عملت في عبادتك وانت شاب؟
اللي فات فات، بس المشيب جاي ابدأ ليومك، وربنا معاك.💚

#قوم_امشي_صلِّ💚

قال تعالى:﴿ إِنَّ هَٰذَا ٱلۡقُرۡءَانَ يَهۡدِي لِلَّتِي هِيَ أَقۡوَمُ وَيُبَشِّرُ ٱلۡمُؤۡمِنِينَ ٱلَّذِينَ يَعۡمَلُونَ ٱلصَّٰلِحَٰتِ أَنَّ لَهُمۡ أَجۡرٗا كَبِيرٗا ﴾💚

إذا دخل القرآن حياتك سيُصلح لك كل شيء.! ، ويصُلحك قبل كل شيء بإذن الله.💚

أغلبيتنا بقينا بعدين شديد من القرآن
صح ولا لا؟
نحنا محتاجين للقرآن شديد
لأنه إذا صحبت القرآن صحبتك
البركة
السعادة
الطمأنينة
السكينة
الراحة
وكل ما هو جميل💚.
وأنت بتحبه وبتفتش فيه، أمسك في القرآن دا قوي كله بجيك بإذن الله.

وفي زمن كتير من الناس جارين ورا الدينا وحاسين بالضياع والتشتت وعدم الراحة.
وقتنا تحديدا محتاج للقرآن عشان تحل عليه البركة.
اسي لو قعدت وسألت نفسك ح تلقى إنك بتقضي وقت في التلفون أكتر من في القرآن
بعيدا عن الأسباب يلي بتخليك أنه تكون ماسك التلفون سواء كان دراسة أو شغل أو غيره دي ما أسباب تخليك إنك تهجر القرآن ومصحفك مليان تراب.!
وتلفونك في يدك ٢٤ ساعة وخايف علي أكتر من أي شيء.!

هل الكلام دا بجي؟! معقولة؟!

دي الحقيقة المُره أنه بقت المصاحف في المساجد وفي البيوت وماف زول بقرأ اصلا المصاحف مليانة تراب وفي الأيادي التلفونات يلي بسببها كتير من الشباب ضاعوا وضيعوا وقتهم.

اسمعني ما تخلي يومك فاضي من القرآن ولو كان استماع.

مع أنه نحنا محتاجين وِرد القرآن في يومنا تلاوة وحفظ ومراجعة وتدبر بس عشان توصل للحاجه دي ما تيأس أبدا بالقليل وخلي عندك يوميًا وِرد استماع💚.

"مَا زاحم القرآن شيئًا إلا باركهُ ، وَلا ضيقًا إلا اوسعهُ ، وَلا ظلمة إلا أنارها ، وَلا وحدة إلا آنَسها".

عليكم بالقرآن يا أخواني
والسلام عليكم ورحمة الله وبركاته💚.

#قوم_امشي_صلِّ💚