"لَا تَدْرِي لَعَلَّ اللَّهَ يُحْدِثُ بَعْدَ ذَٰلِكَ أَمْرًا"

الآية شافية، مُسكِّنة!، وحقيقةً مافي إنسان في الدُنيا حيقدر يصبّرك على كل المصائب اللي بتمر بيها بقدر الآية دي؛ لأنه ربنا سُبحانه وتعالى الخلقك وكتب عليك تتعب وتحزن وتشقى وتمرض قال:
لا تدري ممكن بعد الكرب الكُنتَ فيه تفرح فرح شديد، و يزول كل تعب وكل غم، بس اصبر وخلي ثقتك في ربنا كبيرة، لعله يحدث بعد ذلك أمرا!💚.

#قوم_امشي_صلِّ💚

صباح الخير💚.
اللهم اجعل صباحنا طاعة، وقلوبنا معلقة بك، وخواتيمنا رحمةً منك يا رب العالمين🍃.
#قوم_امشي_صلِّ

ويحك!
شنو عملت في عبادتك وانت شاب؟
اللي فات فات، بس المشيب جاي ابدأ ليومك، وربنا معاك.💚

#قوم_امشي_صلِّ💚

قال تعالى:﴿ إِنَّ هَٰذَا ٱلۡقُرۡءَانَ يَهۡدِي لِلَّتِي هِيَ أَقۡوَمُ وَيُبَشِّرُ ٱلۡمُؤۡمِنِينَ ٱلَّذِينَ يَعۡمَلُونَ ٱلصَّٰلِحَٰتِ أَنَّ لَهُمۡ أَجۡرٗا كَبِيرٗا ﴾💚

إذا دخل القرآن حياتك سيُصلح لك كل شيء.! ، ويصُلحك قبل كل شيء بإذن الله.💚

أغلبيتنا بقينا بعدين شديد من القرآن
صح ولا لا؟
نحنا محتاجين للقرآن شديد
لأنه إذا صحبت القرآن صحبتك
البركة
السعادة
الطمأنينة
السكينة
الراحة
وكل ما هو جميل💚.
وأنت بتحبه وبتفتش فيه، أمسك في القرآن دا قوي كله بجيك بإذن الله.

وفي زمن كتير من الناس جارين ورا الدينا وحاسين بالضياع والتشتت وعدم الراحة.
وقتنا تحديدا محتاج للقرآن عشان تحل عليه البركة.
اسي لو قعدت وسألت نفسك ح تلقى إنك بتقضي وقت في التلفون أكتر من في القرآن
بعيدا عن الأسباب يلي بتخليك أنه تكون ماسك التلفون سواء كان دراسة أو شغل أو غيره دي ما أسباب تخليك إنك تهجر القرآن ومصحفك مليان تراب.!
وتلفونك في يدك ٢٤ ساعة وخايف علي أكتر من أي شيء.!

هل الكلام دا بجي؟! معقولة؟!

دي الحقيقة المُره أنه بقت المصاحف في المساجد وفي البيوت وماف زول بقرأ اصلا المصاحف مليانة تراب وفي الأيادي التلفونات يلي بسببها كتير من الشباب ضاعوا وضيعوا وقتهم.

اسمعني ما تخلي يومك فاضي من القرآن ولو كان استماع.

مع أنه نحنا محتاجين وِرد القرآن في يومنا تلاوة وحفظ ومراجعة وتدبر بس عشان توصل للحاجه دي ما تيأس أبدا بالقليل وخلي عندك يوميًا وِرد استماع💚.

"مَا زاحم القرآن شيئًا إلا باركهُ ، وَلا ضيقًا إلا اوسعهُ ، وَلا ظلمة إلا أنارها ، وَلا وحدة إلا آنَسها".

عليكم بالقرآن يا أخواني
والسلام عليكم ورحمة الله وبركاته💚.

#قوم_امشي_صلِّ💚

ﺇﺫﺍ ﻭﻓﻘﻚ ﺍﻟﻠﻪ ﺃﻥ ﺗﺼﻠﻲ ﺍﻟﻔﺠﺮ ﻓﻲ ﻭﻗﺘﻪ، ﻓﺄﺑﺸﺮ ﻭﺍﻟﻠﻪ!

فإن مَن أراد الجَنة فَلْيَسلُك سُبُلَها، وصلاةُ الفجرِ سبيل.💚

-صلاة الفجر | أذكار الصباح | وِرد القرآن.

#قوم_امشي_صلِّ💚.

نـاس شاغليـن نفسهم بالنـت والسكرول، ووقتهم دا كلـه ماشي ساي، وفي ناس تانية في نفس اللحظة دي بتجاهـد روحها بالصلاة، والذكـر، وقراءة القرآن، تعبهم في ميزان حسناتهـم.

ناس بتبني لجنتها مـن هسي، وناس تانية لسه ضائعة في حاجات ما بتسوى.
الدنيا ما مستاهلة نضيع فيها عمرنا، الأيـام بتمشي ونحن ما حاسيـن.

خلـوا قلوبكم معلقـة بالآخرة
اليوم عمل بلا حساب، وبكرة حساب بلا عمل.

وما تنسوا إخوانكم المستضعفيـن من دعواتكم الصالحة💚.
#قوم_امشي_صلِّ

خلينا نفكر فيها شويه
أغلبنا لو ما كلنا عندنا أصحابنا، زملائنا، أقاربنا في أعمارنا أو أصغر مننا شويه يعني مكلفين وإتوفوا ربنا يتولاهم برحمته وأغلبهم إتوفوا فجأه؛ يعني حاليا تحت القبور لا حول لهم ولا قوه إلا بالله العلي العظيم.
و بعيدًا عن سيرتهم وعن البنعرفه عنهم في الدنيا يا ربي هسي في القبر بتمنوا يعملوا شنو ❗

هل في واحد منهم بتمنى يرجع للدنيا عشان يعيش بطريقه معينه؟ عشان ياكل حاجه معينه؟ عشان يمشي حته معينه؟ عشان يرزق بحاجه معينه من الدنيا ؟أكيد لا

يتبع⤵️⤵️

طيب بتمنى شنو ؟
أكيد بتمنى يرجع عشان يصلي الصلاه في وقتها ويحافظ على كل الفروض، أكيد بتمنى يرجع عشان يسبِّح أكتر ، عشان يبر والديه أكتر ، عشان يستغفر ويتوب عن كل ذنب، عشان يصاحب صحبه في الله يشفعوا لبعض، عشان يصاحب القرآن ويعمل بيه.

طيب ما نحنا فيها وقادرين نعمل البتمنوه كله الموقفنا شنو ؟!

من لم يكن الموت له واعظا فلا واعظ له، فالموت كأس والكل شاربه والقبر باب والكل داخله والنفس تميل للمعاصي والقلب يحن للتوبة .. وبين هذا وذاك سيأتي الموت فجـأة !

اللهم ارحم موتانا وموتى المسلمين أجمعين وارحمنا واغفر لنا ولوالدينا إذا ما صرنا إلى ما صاروا إليه🍃.

#قوم_امشي_صلّ💚

في أجواء فريدة من نوعها، في مجلس ما غريب عليك يا رفيق، لكن بحُلة جديدة 👀

تتوقع شنو؟🔥

#قوم_امشي_صلِّ💚

تعال أديك باقي البشرى...
بتعرف "جليس"💚 ؟

مجلس بأجواء مختلفة تساورها الطمأنينة، قصص فيها عبرة ورسائل تحمل البشرى، حياة مختلفة يا رفيق؛ الحياة مع القرآن💚

خليك قريب يا رفيق وما يفوتك جليس🔥

#قوم_امشي_صلِّ💚

‏
صلاة الفجر لا يدركها
إلا قلب أحبهُ الله واحب لِقائه
فلا تحسبن أنك تقوم إليها برغبتك ولكنها اصطفاء الله لك لأنه يحبك

فهنيئًا لكم يا أهل الفجر 💚


#الصلاة_خير_من_النوم
#قوم_أمشي_صلِّ💚

🍃..
‏و هرعتُ للقرآن عند مصيبتي ..
‏و تلوتهُ فوجدت فيه ثباتي..‏
‏مهما تعبت فقد أنستُ بمصحفي ..
‏لولا القران لما فرحتُ حياتي ..

المعايشة مع القرآن ي طيب المحيا هي رحلة مستمرة…
هي أنه تعيش آياته، تتعلم منها، تحمي بيها نفسك، وتستمد منها السكينة والنور في كل يوم.
فعش مع القرآن بصدق ، تربح كل خير الدنيا والآخرة 💚

يقول إلامام القرطبي رحمه الله :
"ولـمّا كان هذا الكتاب بهذه المنزلة حيث نزل به أمين السماء على أمين الأرض، عزمتُ أن أفني فيه عمري"

يبقى السؤال ي رفيق هو كيف نُعايش القرآن؟!

إلاجابة في أول محطاتنا مع د.يزيد المُنير في برنامج جَلِيس

يوم الإثنين الموافق ١٢/١
الساعة ٧:٣٠ مساء بتوقيت السودان
٨:٣٠ مساء بتوقيت مكة المكرمة

م تنسوا تضبظوا منبهاتكم وتعالوا مع اصحابكم واحبابكم كمان💚

#جليس
#قوم_امشي_صلِّ💚

إشتقتوا لي أتندس الصلاة صح!!

صليتو العصر ولا لسه؟👀

أي رفيق صلّى يتفاعل بـ "❤️"


"اللَّهُم اجعلنا من الذين تقرّ أعينهم بالصلاة، وتطيب بها نفوسهم، وتُرفع بها درجاتهم 💚🤲🏻"

#قوم_أمشي_صلِّ💚

"ولـمّا كان هذا الكتاب بهذه المنزلة حيث نزل به أمين السماء على أمين الأرض، عزمتُ أن أفني فيه عمري"💚🍃

-إلامام القرطبي رحمه الله


هلموا يا كِرام بدأ مجلس جَلِيس مع د. يزيد المُنير💚

رابط المجلس:
https://t.me/Gom9li?livestream


نافذة التعليقات⤵️💚:

#جليس
#قوم_أمشي_صلِّ💚