عارف يعني شنو تكون من أهل الفجر
يعني أهل النور والبركة 💚

أهل الإرادة والعظمة 💚

كلنا عارفين قدر شنو صلاة الفجر بتحتاج جهاد مع النفس عشان تقوم خصوصاً مع برد الشتاء ده ولكن
عايز تكون من أهل الفجر وفي حفظ الله قوم صلِّ الفجر 💚

#الصلاة_خير_من_النوم
#قوم_أمشي_صلِّ💚

الاحاديث عن الصدقه كثيره وفوائدها معروفه فايبقا السؤال لي مابنتصدق؟
عارفين أشكال الصدقه كيف
الرسول ﷺ قال :"الكلمه الطيبه صدقه" (متفق عليه)
وكمان
قال ﷺ: "كل سلامى من الناس عليه صدقة، كل يوم تطلع فيه الشمس: تعدل بين اثنين صدقة، وتعين الرجل في دابته فتحمله عليها أو ترفع له عليها متاعه صدقة، والكلمة الطيبة صدقة، وبكل خطوة تمشيها إلى الصلاة صدقة، وتميط الأذى عن الطريق صدقة" (متفق عليه).
و
قال ﷺ: "على كل مُسلم صدقة". قالوا: فإن لم يجد؟ قال: "فيَعْمَلُ بيديه فينفع نفسه ويتصدق". قالوا: فإن لم يستطع أو لم يفعل؟ قال: "فيُعين ذا الحاجة الملهوف". قالوا: فإن لم يفعل؟ قال: "فيأمر بالخير". قالوا: فإن لم يفعل؟ قال: "فيُمسك عن الشر، فإنها صدقة" (متفق عليه).

خلينا من دا كله اقل حاجه

قال ﷺ: "كل تسبيحة صدقة، وكل تهليلة صدقة، وكل تكبيرة صدقة، وكل تحميدة صدقة، وأمر بالمعروف صدقة، ونهي عن المنكر صدقة" (رواه مسلم).
وماننسي الأهم النيه.
_فا لسه مابتصدق ليه؟
#قوم_امشي_صلِّ 💚

رَتِّـل فَفِـي القُـرآنِ رُوحٌ دَائِـمٌ،
وَاللَّهُ يَجبُـرُ فِي الفُؤادِ جِراحَـهُ💚.

وليس في شـيءٍ يُتلى على القلـب، أقربُ إلى السكينة من كلام اللـه تعالى؛ فهو الهداية، وهو النـور، وهو باب الجَبـر لمن أثقلـته دنيا وضيقت عليه همومـها.

فحياكم اللـه في حلقـة تلاوة مع الشيخ همـام تاج السـر، يوم الجمعـة.

٢١جمادي الثاني ١٤٤٧هـ
موافق ١٢ ديسمبر ٢٠٢٥م
الساعـة ٨:٣٠ مساءً بتوقيت السـودان.
الموافق ٩:٣٠ مساءً بتوقيت مكة المكرمة أحب البقاع💚.

مجلس يُقـرأ فيه القـرآن، تُستعاد به الطمأنينـة، وتُروى به القلـوب من معـين الذكر الحكيم.

لا تحرم نفسـك فضـل المجلـس، ودُل غيرك؛ فلعلها ساعـة يفتـح الله فيهـا بركة السمـاع وفضـل الاستجابـة💚.

#قوم_أمشي_صلِّ💚

الليلة يوم ما عادي..
الليلة يوم الجمعة..
يوم من أعظم أيام الأسبوع، يوم اجتمعت فيه البركات والفضائل، وميزُه الله عز وجل عن باقي الأيام💚

قال رسول الله ﷺ:
"خير يوم طلعت عليه الشمس يوم الجمعة؛ فيه خُلق آدم، وفيه أُدخل الجنة، وفيه أُخرج منها، ولا تقوم الساعة إلا في يوم الجمعة"
فما تفوت الفرصة..
• كتر من الصلاة على النبي ﷺ
• اقرأ سورة الكهف
• سبح واذكر ربك كتير
• أكثر من الدعاء في ساعة الإستجابة💚

#قوم_أمشي_صلِّ💚

ذُكر أن أحد السلف رحمه الله كان إذا صلى العصر يوم الجمعة، استقبل القبلة، ولم يكلم أحدًا حتى تغرب الشمس.

تفتكروا كان بعمل شنو؟! 👀

كان بدعو ربنا وبيُكثر من الدعاء والتضرع له من بعد صلاة العصر إلى أن تغرب الشمس؛ لأن دي ساعة فيها إستجابة للداعين وإعطاء السائلين💚.
وانتوا كيف حتستغلوا وقتكم من بعد صلاة العصر إلى مغيب الشمس!؟

#قوم_أمشي_صلِّ💚

«يا لذّة الأوقاتِ بين جُموعهم
‏يا بهجة السّاعاتِ في الحلقاتِ!»


بسمِ اللهِ نبتدئ وبِهِ نستعين..

"إطمئنان تلاوه"
مع الشيخ همام تاج السر حفِظهُ الله💚.

رابط المجلس:

https://t.me/Gom9li?livestream=559646191e17f8f9b3

نافذة التعليقات⤵️💚:

#قوم_أمشي_صلِّ💚

جزاه الله عنّا كل خير وبارك فيه ورزقه الصحة والعافية💚

لكم العذر والعتبى يارفاق
حدثت مشكلة في الشبكة والإتصال مع الشيخ همام فحالت دون إقامة حلقة التلاوة لليوم

كتب الله أجركم كاملاً مضاعفاً، ووفقنا وإياكم لإقامة حلقة التلاوة في المرة القادمة بإذن الله

والعذر عند كرام الناس مقبولٌ💚

#قوم_أمشي_صلِّ💚

كيف حالي وحالك مع القرآن؟!

#قوم_امشي_صلِّ💚

تعال نجرب ما نساهر الليله ونظبط المنبه لقبل ساعه من صلاة الفجر ونستودع الله صلاة القيام ونعزم على إنه نقوم ونصليها ونستغفر في الأسحار ونصلي الفجر حاضر💚
الجنة بتستاهل ده كله وأكتر 💚

#قوم_أمشي_صلِّ💚

وإنت متغطي بالبطانية من البرد إتذكر أخوانك القاعدين في مخيمات النزوح في الدبة والبتنزل عليهم الأمطار في الخيام في غـ.زة
اتذكرهم بالدعاء واستشعر النِعم الإنت فيها واحمد ربنا
واشكره عليها؛ لأن في غيرك مبتلى بحرمانها وإنت عندك

وحاول تعينهم بالعندك ولو بالقليل والمتاح، فكل قليل في نظرك كثير في ميزان ربك
”مَنْ ذَا الَّذِي يُقْرِضُ اللَّهَ قَرْضًا حَسَنًا فَيُضَاعِفَهُ لَهُ أَضْعَافًا كَثِيرَةً وَاللَّهُ يَقْبِضُ وَيَبْسُطُ وَإِلَيْهِ تُرْجَعُونَ“💚

#قوم_أمشي_صلِّ💚

أتندس الصلاة..

صليتو الظهر ولا لسه؟👀

" اللَّهُمَّ اغْفِرْ لَنَا ذُنُوبَنَا، وَوَسِّعْ لَنَا فِي ذَاتِنَا، وَاجْعَلْنَا مِنْ صَالِحِ مَنْ بَقِي، وَألْحِقْنَا بِصَالِحِ مَنْ مَضَى💚 "

#قوم_أمشي_صلِّ💚

المانع شنو من إننا نبقى مِن الذين...
”تَتَجَافَىٰ جُنُوبُهُمْ عَنِ الْمَضَاجِعِ“
نقوم من النوم نصلي وندعوا ربنا، خوفاً منه وطمعاً في رزقه ورحمته وغفرانه وننفق كمان ولو بالقليل؟!

ربنا وعدهم بقوله:
”فَلَا تَعْلَمُ نَفْسٌ مَّا أُخْفِيَ لَهُم مِّن قُرَّةِ أَعْيُنٍ جَزَاءً بِمَا كَانُوا يَعْمَلُونَ“
يعني مافي أحد بخطر على باله عظمة ما أخفى الله لهم في الجنات من النعيم المقيم والأجر العظيم؛ لأن ذي ماهُم أخفوا أعمالهم دي عن الناس ربنا كمان اخفى لهم الأجر والثواب💚

#قوم_أمشي_صلِّ💚

البرد زايد والطلوع من تحت البطانيه كل يوم ببقى أصعب من القبله بس لازم نتذكر منو الرزقنا البطانيه دي والدفئ ده فهل حنستخدم الرزق في معصيه الرازق ؟

منو الوهبنا يوم جديد مع إنه كان ممكن ما نصحى فهل حنبدا اليوم الجديد بمعصيه الواهب ؟

إستعيذ من الشيطان وأبدا يومك صاح

#الصلاة_خير_من_النوم
#قوم_أمشي_صلِّ💚

يا صاحبي.. قرب شوية 💚

شنو رأيك نبدأ نصلي؟
نلتزم بالصلاة بي الالتزام، ونرجع لربنا؟

مافي حاجة ضاعت.. كل لحظة نقضيها مع الصلاة فيها بركة وراحة قلبية 🥹

ابدأ هسي، وخلي قلبك يلقى السلام والطمأنينة 💚

#قوم_امشي_صلِّ💚

ناس البيت بدوا يجهزوا في حاجات رمضان من ينشفوا البامية لي اللحمة لي الطماطم وغسيل أكياس المراتب والستائر وغيرها من الحاجات والتفاصيل الكتيييره البتتعمل في كل بيت سوداني لي إستقبال رمضان💚

ح تقول لي ياخ أنت بتهظر لسه الوقت بدري انتوا ما جاديين
بقول ليك رمضان ما شهر زي باقي الشهور يكفي أنه أنزل فيه القرآن غير باقي الفضائل الفيه💚

ويستحق أنه نجهز لي من بدري

بس أنا ما جاي عشان اقول ليك نجهز البامية ولا اللحمة ولا الطماطم ولا نغسل أكياس المراتب والستائر
لا لا يا غالي/ة
عايزين نتجهز نحنا أول نجهز قلوبنا وجوارحنا ليه من بدري، نغسل نفوسنا وجوارحنا من كل المعاصي والفتن والذنوب بإذن الله 💚
نجهز عشان نحس بي رمضان ونعيشه صح ونقتدي بالرسول عليه أفضل الصلاة وأتم التسليم، والصحابة والسلف الصالح.
ربنا يجعلنا من صوامه وقوامه يارب العالمين.

من اسي لو معانا في الركب دا بإذن الله جدد توبتك
عشان عايزين بإذن الله نجهز نفسنا روحيا ونفسيا وبدنيا لي إستقبال شهر الخير💚
وورينا متوقع الجاي شنو؟🫣💚

#قوم_امشي_صلِّ💚

ما الصبحُ إلا رجاءٌ لاحَ مبتسمًا
في كفِّ شمسٍ بها الآمالُ تُزدهِرُ

أصبحنا وأصبح الملك لله رب العالمين، اللهم نبدأ ونستعين بك ونتوكل عليك.
#قوم_أمشي_صلِّ💚