إتخيل يوم القيامه تكون محتاج ولو لضوء بسيط بس يعديك من الصراط الأحدَّ من السيف عشان ما تقع في النار وتدخل الجنه بسلام والضوء ده بجيك بسبب صلاة الفجر هل في عظمه أكتر من كده؟!

(بشر المشائين في الظلم إلى المساجد بالنور التام يوم القيامة)

#الصلاة_خير_من_النوم💚
#قوم_أمشي_صلِّ💚

فترة الشباب ما بتتعوّض،
هي أخطر وأجمل مرحلة في العمر.
يا إمّا تبنيك…
يا إمّا تسرقك من غير ما تحس.
في زحمة الطموح والضغوط،
القرآن ما عبادة مؤجلة،
القرآن وعي، وبوصلة،
وحماية ليك من التيه والاختيارات الغلط.
أن تعيش شبابك مع القرآن
يعني قلب ثابت،
ونفس عارفة طريقها،
ومستقبل ما بتندم عليه.
استثمر قوتك قبل تعبك،
وشبابك قبل ما يمشي.
واجعل للقرآن مكان في يومك وحياتك 💚🍃
#قوم_أمشي_صلِّ💚

أعجبتني مقوله الحسن البصري رحمه الله: "إن من نعمة الله على الشاب العاقل أن يكون له أصدقاء يستشيرهم في دينه ودنياه".💚

نعمة عظيمة قد لا نقدّرها حق قدرها: أصدقاء نستشيرهم، نثق بنصحهم، يرشدوننا إذا ضللنا، ويذكروننا إذا نسينا، ويسندوننا إذا تعبنا.

ويؤكد هذا المعنى رسول الله ﷺ في الحديث الشريف:
"المرء على دين خليله، فلينظر أحدكم من يخالل".
فالصديق مرآة لصاحبه، يؤثر فيه سلباً أو إيجاباً، يرفعه أو يهوي به.

قال تعالى
: ﴿وَاصْبِرْ نَفْسَكَ مَعَ الَّذِينَ يَدْعُونَ رَبَّهُم بِالْغَدَاةِ وَالْعَشِيِّ يُرِيدُونَ وَجْهَهُ﴾

ولازم نتذكر انه قرار مصيري يحدد اتجاه حياتك ومسار اخرتك
لقوله تعالى : ﴿الْأَخِلَّاءُ يَوْمَئِذٍ بَعْضُهُمْ لِبَعْضٍ عَدُوٌّ إِلَّا الْمُتَّقِينَ﴾

فهل عندك الصحبه دي؟

اللهم ارزقنا صحبة صالحة تقربنا إليك، وتذكرنا إذا نسينا، وتعيننا على طاعتك.💚✨
#قوم_أمشي_صلِّ 💚

صلاة الفجر محتاجة مجاهدة ، لكن أجرها عظيم..
قوم/ي ليها حتى لو تعبان/ه ، حتى لو النوم مغلبك ، ما تحرم نفسك الأجر والطمأنينة💚

#الصلاة_خير_من_النوم💚
#قوم_امشي_صلِّ💚

كنز من كنوز الجنة.
مفتاح لتفريج الكروب،تيسير الأمور، تحقيق المستحيل.
تكفير الخطايا.
والبركة في الرزق والذرية والصحة.

لا حول ولا قوة إلا بالله💚

يعني أنا مُسلِم/ه أمري لك يا رب وما عندي القدرة على فعل شيء أو دفع شر أو جلب خير إلا بمشيئتك.

#واذكر_ربك💚
#قوم_امشي_صلِّ💚

أدركوا ساعة الإستجابة💚، وأدعوا بي يقين..

أكتر دعاء بتحب تدعي بيه في ساعة الإستجابة شنو؟💚

#قوم_امشي_صلٍّ💚

"فعلُ الخيرِ فلاحَ" 💚صباح الخير💚
زمان في حكمة بنقولها طوالي في طابور الصباح ، بس حصل يوم اتأملنا معناها؟!
ولا بس بنقول ساي😁؟

ازرعْ جَميلًا ولو في غيرِ موضعِه
فلن يضيعَ الجَميلُ أينما زُرِعَا
وإنَّ الجَميلَ إنْ طالَ الزمانُ بهِ
فلنْ يَحصدهُ إلا الذي زَرَعَا

قدم الخير لي غيرك، الحاجه دي ما بتضرك ولو ما زادتك ما بتنقصك، وأكيد بإذن الله ح تنفعك.
قدم الخير لأهلك وأصحابك ولي كل زول وركز معاي في أنه تقدم الخير لي الناس الما بتحبهم أو أنت شايف ما بستحقوا

اصنع المعروف رجاء ثواب الله عز وجل وحده لا شريك له
"ولا تحقرنّ من المعروف أصغره أحسن فعاقبة الإحسان حسناه"

ولما تقدم خير لي غيرك، ما تعتقد أنه هو الكسبان أو المستفيد لا بالعكس أنت الفائز الاؤل بالمعروف دا
والله في عون العبد ما كان العبد في عون💚

وإتذكر أنه:"أهل المعروف في الدنيا هم أهل المعروف في الآخرة"💚

وخِتاما، قال النبي ﷺ :
"صنائع المعروف تقي..💚
وبعد تكمل الحديث، ورينا اتغير مفهومك لي صناعة المعروف ولا لسه؟

#قوم_أمشي_صلِّ💚

لو جينا فكرنا في فضل القرآن وقراءته وحفظه ومكانة صاحبه عند ربنا وإنه من أهله وخاصته دي براها حاجة ...
بتخلينا نخليه أول أولوياتنا وما يعدي يوم من غيره مهما حصل.💚

فتخيلي تكوني حاملة كلام ربِك حبيبك ورسايله في صدرك وقت ما تحبي تسردي تسردي هل في حلاوة ولذة وفوز أكبر من كده؟!💚

إنتي بس عليك تاخدي القرار وتبدي وتلتزمي وصلِّ حتكون معاكي لحدي ما تفوزي بالعظمه دي 🥀

حنبدأ إن شاء الله بسنام القرآن الحتكون غمامة لينا يوم القيامة تدافع عننا وتحاج لنا 💚
حلقتين في الإسبوع 🍃

لأي جميله عمرها ١٥-٣٥ حابه تاخد الخطوه تسجل بياناتها وتتأكد من صحتها عَلـى الرابط:
https://forms.gle/q5UzTwhWGCX2PYdf6

#قوم_أمشي_صلِّ💚

صباح الخير 💚
شنو السبب البخلي إنسان راغب ومنتظر لمواعيد الصلاة واحد تاني لا والحل شنو ؟!


ورينا في التعليقات رائك وأفكارك وشاركنا ما بتعرف ممكن يستفيد منك ويتكتب ليك أجر معاه💚

#قوم_أمشي_صلِّ💚

_يغفر الله لمن يقولها 100 مرة في اليوم خطاياه ولو كانت مثل زبد البحر
_ خفيف على اللسان وثقيل في الميزان
_ويعدل ثوابه عتق رقاب وتحرير عبيد ومضاعفة حسنات

سبحان الله وبحمده
بتجمع بين تنزييه الله عن كل نقص وعيب وتعظيمه والحمد في وقت واحد

#واذكر_ربك💚
#قوم_أمشي_صلِّ💚

سورتين طوالي في لِسانا ويمكن أغلبية الناس بتصلي بيهم، وحتى الشفع الصغار حافظنهم💚.

بس هل يوم تأملنا وتدبرنا وفهمنا معناهم؟

طيب كيف نُعايش المعوذتين..؟💚
كيف أقرأ السور دي وأنا مستشعر معناهم ومُيّقن بالله أنه ح يكفيني كل الشرور دي ووسوسة الشيطان؟

لما تقول "قُلْ أَعُوذُ برب الفلق"، أو "قُلْ أَعُوذُ برب الناس"، تستشعر معنى الكلمات وأنت تستعيذ وتعتصم وتستجير بالله خالق الحب والنوى وخالق كل شيء💚.

التحصُّن والاعتصام بالله من الشرور الظاهرة ومن الشرور الخفية، ومن شر الشيطان ووسوسته.

اليوم الإثنين المميز🥳💚
نتلاقى بعدين المساء بإذن الله مع د يزيد المُنير جزاه الله عنّا كل خير.

في مجلس جميل وطيّب بإذن الله💚
كونوا حضور كما عهدناكم، وذكروا اخوانكم وأصحابكم معاكم، فالدال على الخير كفاعله💚.

اليوم ٩/رجب/١٤٤٧هـ
الساعة السابعة والنص مساءًا بتوقيت السودان والثامنة والنص بتوقيت بكة💚.

#جليس
#قوم_امشي_صلٍّ💚

متحمسين ولا برانا؟💚🫣
🔥🔥🔥💚

#قوم_امشي_صلٍّ💚

عن عبد الله بن خُبَيب رضي الله عنه قال:
قال لي رسول الله ﷺ:
"قل: قل هو الله أحد والمعوذتين حين تمسي وحين تصبح ثلاث مرات، تكفيك من كل شيء"

كيف نُعايش المعوذتين...؟

هلموا يا كِرام بدأ مجلس جَلِيس مع د. يزيد المُنير💚

رابط المجلس:

https://t.me/Gom9li?livestream

نافذة التعليقات⤵️💚:

#جليس
#قوم_امشي_صلِّ💚