صلاة الفجر محتاجة مجاهدة ، لكن أجرها عظيم..
قوم/ي ليها حتى لو تعبان/ه ، حتى لو النوم مغلبك ، ما تحرم نفسك الأجر والطمأنينة💚

#الصلاة_خير_من_النوم💚
#قوم_امشي_صلِّ💚

كنز من كنوز الجنة.
مفتاح لتفريج الكروب،تيسير الأمور، تحقيق المستحيل.
تكفير الخطايا.
والبركة في الرزق والذرية والصحة.

لا حول ولا قوة إلا بالله💚

يعني أنا مُسلِم/ه أمري لك يا رب وما عندي القدرة على فعل شيء أو دفع شر أو جلب خير إلا بمشيئتك.

#واذكر_ربك💚
#قوم_امشي_صلِّ💚

أدركوا ساعة الإستجابة💚، وأدعوا بي يقين..

أكتر دعاء بتحب تدعي بيه في ساعة الإستجابة شنو؟💚

#قوم_امشي_صلٍّ💚

"فعلُ الخيرِ فلاحَ" 💚صباح الخير💚
زمان في حكمة بنقولها طوالي في طابور الصباح ، بس حصل يوم اتأملنا معناها؟!
ولا بس بنقول ساي😁؟

ازرعْ جَميلًا ولو في غيرِ موضعِه
فلن يضيعَ الجَميلُ أينما زُرِعَا
وإنَّ الجَميلَ إنْ طالَ الزمانُ بهِ
فلنْ يَحصدهُ إلا الذي زَرَعَا

قدم الخير لي غيرك، الحاجه دي ما بتضرك ولو ما زادتك ما بتنقصك، وأكيد بإذن الله ح تنفعك.
قدم الخير لأهلك وأصحابك ولي كل زول وركز معاي في أنه تقدم الخير لي الناس الما بتحبهم أو أنت شايف ما بستحقوا

اصنع المعروف رجاء ثواب الله عز وجل وحده لا شريك له
"ولا تحقرنّ من المعروف أصغره أحسن فعاقبة الإحسان حسناه"

ولما تقدم خير لي غيرك، ما تعتقد أنه هو الكسبان أو المستفيد لا بالعكس أنت الفائز الاؤل بالمعروف دا
والله في عون العبد ما كان العبد في عون💚

وإتذكر أنه:"أهل المعروف في الدنيا هم أهل المعروف في الآخرة"💚

وخِتاما، قال النبي ﷺ :
"صنائع المعروف تقي..💚
وبعد تكمل الحديث، ورينا اتغير مفهومك لي صناعة المعروف ولا لسه؟

#قوم_أمشي_صلِّ💚

لو جينا فكرنا في فضل القرآن وقراءته وحفظه ومكانة صاحبه عند ربنا وإنه من أهله وخاصته دي براها حاجة ...
بتخلينا نخليه أول أولوياتنا وما يعدي يوم من غيره مهما حصل.💚

فتخيلي تكوني حاملة كلام ربِك حبيبك ورسايله في صدرك وقت ما تحبي تسردي تسردي هل في حلاوة ولذة وفوز أكبر من كده؟!💚

إنتي بس عليك تاخدي القرار وتبدي وتلتزمي وصلِّ حتكون معاكي لحدي ما تفوزي بالعظمه دي 🥀

حنبدأ إن شاء الله بسنام القرآن الحتكون غمامة لينا يوم القيامة تدافع عننا وتحاج لنا 💚
حلقتين في الإسبوع 🍃

لأي جميله عمرها ١٥-٣٥ حابه تاخد الخطوه تسجل بياناتها وتتأكد من صحتها عَلـى الرابط:
https://forms.gle/q5UzTwhWGCX2PYdf6

#قوم_أمشي_صلِّ💚

صباح الخير 💚
شنو السبب البخلي إنسان راغب ومنتظر لمواعيد الصلاة واحد تاني لا والحل شنو ؟!


ورينا في التعليقات رائك وأفكارك وشاركنا ما بتعرف ممكن يستفيد منك ويتكتب ليك أجر معاه💚

#قوم_أمشي_صلِّ💚

_يغفر الله لمن يقولها 100 مرة في اليوم خطاياه ولو كانت مثل زبد البحر
_ خفيف على اللسان وثقيل في الميزان
_ويعدل ثوابه عتق رقاب وتحرير عبيد ومضاعفة حسنات

سبحان الله وبحمده
بتجمع بين تنزييه الله عن كل نقص وعيب وتعظيمه والحمد في وقت واحد

#واذكر_ربك💚
#قوم_أمشي_صلِّ💚

سورتين طوالي في لِسانا ويمكن أغلبية الناس بتصلي بيهم، وحتى الشفع الصغار حافظنهم💚.

بس هل يوم تأملنا وتدبرنا وفهمنا معناهم؟

طيب كيف نُعايش المعوذتين..؟💚
كيف أقرأ السور دي وأنا مستشعر معناهم ومُيّقن بالله أنه ح يكفيني كل الشرور دي ووسوسة الشيطان؟

لما تقول "قُلْ أَعُوذُ برب الفلق"، أو "قُلْ أَعُوذُ برب الناس"، تستشعر معنى الكلمات وأنت تستعيذ وتعتصم وتستجير بالله خالق الحب والنوى وخالق كل شيء💚.

التحصُّن والاعتصام بالله من الشرور الظاهرة ومن الشرور الخفية، ومن شر الشيطان ووسوسته.

اليوم الإثنين المميز🥳💚
نتلاقى بعدين المساء بإذن الله مع د يزيد المُنير جزاه الله عنّا كل خير.

في مجلس جميل وطيّب بإذن الله💚
كونوا حضور كما عهدناكم، وذكروا اخوانكم وأصحابكم معاكم، فالدال على الخير كفاعله💚.

اليوم ٩/رجب/١٤٤٧هـ
الساعة السابعة والنص مساءًا بتوقيت السودان والثامنة والنص بتوقيت بكة💚.

#جليس
#قوم_امشي_صلٍّ💚

متحمسين ولا برانا؟💚🫣
🔥🔥🔥💚

#قوم_امشي_صلٍّ💚

عن عبد الله بن خُبَيب رضي الله عنه قال:
قال لي رسول الله ﷺ:
"قل: قل هو الله أحد والمعوذتين حين تمسي وحين تصبح ثلاث مرات، تكفيك من كل شيء"

كيف نُعايش المعوذتين...؟

هلموا يا كِرام بدأ مجلس جَلِيس مع د. يزيد المُنير💚

رابط المجلس:

https://t.me/Gom9li?livestream

نافذة التعليقات⤵️💚:

#جليس
#قوم_امشي_صلِّ💚

نوّارة البيت النديّة🌸

حصل سألتي نفسك "أنا دوري شنو حاليًا؟" وإنتي ماشة في مشوار الحياة.. من طالبة، لشابة، لزوجة، وأم.. الأدوار دي كتيرة ومهمة، بس هل جربتي تشوفيها بـ "نظارة الوحي"؟

تعالي نخلع نظارة المجتمع، ونرّكن أفكارنا الشخصية شوية، ونشوف مع بعض إحنا عايشين أدوارنا دي صح وبما يرضي الله عز وجل؟

إنتِ معزومة في لقاء كلو نور بإذن الله مع

أ. مشكاة سيف اليزل، "جزاها الله خير الجزاء"

بعنوان:( أدوار الأنثى في مراحل حياتها المختلفة) 🌷💚

🗓 الموعد: بكرة الأربعاء بإذن الله
(١١ رجب / ٣١ ديسمبر)

⏰ الساعة: ٧:٣٠ مساءً بتوقيت السودان
📍 المكان: قناة مجالس "قوم امشِي صلِّ💚" للنساء

هي أُنسنا.. ومنابرُ نورنا. ما تفوتيها وذكري معاك أخواتك وصحباتك وده رابطّنا الرسمي يا بهيّة:
https://t.me/+0nzY4TRUkvwxNTBk

واضح إنه للمُؤنسات الغاليات📌💚

#مجالس_النساء💚🌸
#قوم_امشي_صلٍّ💚

حاجة صغيرة… بس تأثيرها كبير
في فترة قادمة🔥🔥💚، بإذن الله

في وقت بنرتّب فيه القلوب والعقول والأنفس والأبدان قبل الزحمة،

ونجهّز الطاقة قبل البداية.
رمضان قرب

وفي شيء بيتطبخ على نار هادئة 💚

📌 خليك مستعد، وتابع
القادم مختلف، وح تحس بالفرق من أول لحظة👏💚

تتوقعوا تيم صلِّ مجهز ليكم شنو 💚🔥

#تجهيزات_رمضان💚
#قوم_امشي_صلٍّ💚

النصيحة معونة للغافل، وتذكرة للعاقل💚
ف حابي أقول ليك نصيحة
الليله شنو؟
💚ليلة ١٢ رجب
طيب حلو وبكره شنو؟
💚يوم ١٢ رجب
يعني نحنا في شهر من الأشهر الحُرم، وربنا قال فيهم :"﴿فَلَا تَظْلِمُوا فِيهِنَّ أَنفُسَكُمْ﴾"
يعني بختلفوا عن بقية الشهور صح؟
💚ايوا
طيب يا جميل، يعني لو ضيعت نفسك في الأيام دي حتكون ظلمتها..
يعني رجب ممكن يكون فرصة تغيير ليك أو بداية جديدة، ركز معاي رجب ما الشهور ديك، تمام؟ اتفقنا يا أخي المسلم💚؟
ابنُ رَجب قال:
"ومن قصُرَت همَّته عن الازديادِ من العملِ الصالحِ في الأشهُرِ الحُرُم؛ فليرحَم نفسَه بالكفِّ عَن المعاصي".
والنحنا عارفينه وقاصدنه دا ما أي معصية!

تُب إلىٰ اللّٰه، جاهد نفسك، شدّ أزرك، كابِد راحتك، هُنّ أشهُرٌ حُرم؛ فلا تظلم فيهنّ نفسك 💚.

لا تكنُ إمعة، فهذا دين وتوحيد وعقيده💚.

#قوم_امشي_صلٍّ💚

لا يُصنع الأبطال إلا في مساجِدنا الفِساح💚
في روضة القرآن في ظِل الأحاديثِ الصِحاح💚
شعبُ بغير عقيده
ورقٌ يذريه الرياح
من خان حي على الصلاة
يخون حي على الكِفاح

لا تظلم نفسك وتكنُ خائن
"حي على الصلاة حي على الصلاة
حي على الفلاح حي على الفلاح"💚

#الصلاة_خير_من_النوم💚
#قوم_امشي_صلٍّ💚

رمضان قرب…
والسؤال البفرق شديد:
قلبك جاهز؟ روحك جاهزة؟
رمضان ما بس أيام بتمشي،
رمضان فرصة نرجع فيها، نهدأ، ونبدأ من جديد.
وعشان نبدأ صح، كلنا محتاجين نكون جاهزين ليهو من هسي.
عشان كدا سوّينا
معسكر نقاء قبل اللِقاء💚
معسكر بسيط في فكرته، عميق في أثره بإذن الله،
نرتّب فيه قلوبنا قبل ما نرتّب جداولنا،
نغذي فيه عقولنا، نضبط أنفسنا، وندرب أبداننا💚.
ونخفف الحمل البنشيلو من الشهور الفاتت،
ونستقبل الشهر دا بقلب أخف وروح أهدى.

رمضان ما محتاج سباق ولا ضغط،
محتاج وقفة صادقة مع النفس،
ومحتاج بداية صح💚،وإستعداد من بدري

مكانك معانا 🌱
نبدأ سوا، ونمشي الطريق بهدوء.

متحمس؟🔥🔥💚

#معسكر_نقاء_قبل_اللقاء💚
#قوم_امشي_صلِّ💚