كيف تستشعر الروحانيات في رمضان؟
حين تمتلئ القلوب بالدنيا، تضعف قدرتها على استشعار عظمة الأجواء الرمضانية،
فالروح تحتاج إلى تخفيف الحمل حتى تستشعر بي عظمة الشهر.

نلتقيكم اليوم بإذن الله في محاضرة بعنوان
"كيف أجهز قلبي لرمضان💚"
مع فضيلة الشيخ سيد موسى سيد"بارك الله فيه"💚
الساعة الثامنة مساءًا بتوقيت وطننا الحبيب والتاسعة بتوقيت أحب البقاع💚

رمضان مدرسة روح،
ومن دخلها بصدق… خرج منها مختلفًا.

#كيف_أجهز_قلبي_لـرمضان💚
#قوم_امشي_صلِّ💚

السلام عليكم ورحمة الله وبركاته
حيّاكم اللّٰه آل صلِّ الأفاضل ، نستسمحكم عذراً لتأجيل المحاضرة ليوم يوم غداً إن شاء اللّٰه في نفس الموعد💚
وجزاكم الله خير وبارك الله فيكم

#كيف_أجهز_قلبي_لـرمضان💚
#قوم_امشي_صلِّ💚

يا جماعـة، رمضان خـلاص على الأبـواب، وكلنا بنبـدأ نجهز القوائـم ختمـات، صدقـات، وقيام ليـل.. حمـاس جميـل ومطلـوب! 😌

لكـن، دقيقـة كـدا نقيـف وقفـة صراحـة مع نفسـنا، قبل ما نـزين "السطـوح" (النوافـل)، لازم نتأكـد إنه "السـاس" (الفروض) ثابـت وما فيهو شقـوق!👌

وعشان نضمـن إننا نلتـزم بجـد، قررنا نعمـل تحـدي مع نفسـنا ومـع الشيطـان منو حيدخل معانا؟😀🔥

العايـز/ة يكتـب إسمه في التعليقـات عشـان نضيـف أسمـه للِستـة👀.

#تحدي
#قوم_امشي_صلِّ💚

ما كُل تعب سببه إرهاق…
وما كُل ضيق سببه ظروف…
أحيانًا السبب شهوات النفس والإبتعاد عن الله💔

المعصية ما بس ذنب وقتي…
المعصية بتأثر في كل حياتك:
▪️تميت القلب.
▪️تضيق الرزق.
▪️ تمنع الراحة.
▪️تسحب الطمأنينة.
▪️وتبعدك عن طريق الله.

عشان نحاول ونسعى لي أنه نتجنب كل ده، لازم نعرف نلتقيكم في مجلسنا بعنوان:
"أثر الذنوب والمعاصي"📖
🎙يقدمه فضيلة الشيخ: حاطِب مُحمد"بارك الله فيه وزاده علما ونفع به" 💚
اليوم في تمام الساعة الثامنة والنصف مساءًا بتوقيت وطننا الحبيب، التاسعة والنصف مساءًا بتوقيت أحب البِقاع💚

لنتلذذ بالطاعات ونتقرب من الله💚

#وصايا_للشباب💚
#قوم_امشي_صلِّ💚

بسم الله بدأ مجلسنا بعنوان "أثر الذنوب والمعاصي"
مع الشيخ حاطِب مُحمد جزاه الله خير الجزاء 💚

رابط المجلس⤵️💚:

https://t.me/Gom9li?livestream=3b7d085e84c43d9c58


نافذة التعليقات⤵️💚

#وصايا_للشباب💚
#قوم_امشي_صلِّ💚

كيَّـف نَرضـىٰ دون أن نَفقِّـد الأمـل؟

الرِضا يا رفيـق ما حـل للمُشكلـة، الرِضـا طريقة للتعامل معـاها، حتسألنـي كيـف يعنـي؟!

لما تمـر بضـيق أسأل نفسـك: هل أرضـى؟ ولا أواصل أحلـم و أحـاول؟
ففكرة الرضـا ما بعنـي تغييـر للواقـع، إنما تغير لي نفسـنا، فالواقـع لـو صعـب، حيظـل صعب سواء رضيـت أو لا.

الفرق إنـه:
الإنسان الراضـي هو إنسـان هادئ، واعـي، بعرف يختـار صاح.
أما الما راضـي هو إنسـان متوتـر، ساخـط، قراراته غالبًـا إنفعاليـة.

‏إنّ الرِّضا عند النوائـبِ سَلْوَةٌ
‏والصّـبْرُ إنْ حلّ الأسـى تطبيبُ

الرِضـا ما بشيـل الوجـع، لكن بخليـك تتحملـه من غيـر ما يكسر ضهـرك.
دائًما إتعـود تخلي قلبـك معلـق باللـه مـا بالنتيجـة.💚

#كيف_نرضى_دون_أن_نفقد_الأمل💚
#قوم_امشي_صلِّ💚

ناس بدأت تقلل قهوة قبل رمضان
وناس بدأت تقلل شاي الصباح وشاي الفطور والغداء
عشان شنو؟
عشان ما تصدع وتتعب في رمضان ويأثره عليك شديد
ف الواحد بحاول بقدر الإمكان يقلل منهم
بس أنا ما جاي أقول ليك قلل ديل، لا لا جاي أقول ليك
قللقاعدك في التلفون بالساعات من غير فائدة
قلل إنك تحضر الريلز والفيديوهات القصيرة، لأنه النظر والسمع بأثروا على القلب بشكل مباشر وكبير وبالتالي قلبك بموت
ما تقول لي اخش اشوف فيديو فيديوهين تلاته واطلع، ح أقول ليك ما ح أقدر لأنه اصلا هي مصممة ومعمولة على إنك تخلص دا وتمشي لي البعده تلقائيا وحتى من غير وعي لما تلقى الساعة بقت ساعتين وتلاته.
قلل كلامك في الناس والغيبة والنميمة والكلام الما كويس، مش صاحبك ولا صحبتك قفلت الخط ولا طلعت منك تبدي تتكلمي فيها طوالي ياخي اتقي الله.
غير نفسك بنفسك، لأنه كدا ح تغيير غصب عنك وأنت ما واعي

لو حابي أنه نواصل في أنه نقلل شنو
أثبت وجودك بي تفاعل واكتب لينا في التعليقات💚
وما تنسوا تجيبوا معاكم اخوانكم أصحابكم.
وقلل عشان ما تصدع🌚💚، اتفقنا؟

#قوم_امشي_صلِّ💚

بكـرة 14 فبرايـر يوم عـادي جِـدًا، إلا لو قررت تخليه يوم ذنـب بإرادتك🤷.

خليني أكـون صريح معـاك يا رفيقـنا:
أنت محتاج عِـبارات؟ أنتِ محتاجة ورود؟
أبدًا والله، بل أنتوا محتاجيـن ضمير صاحـي بس❗️
كل سنـة فاليوم دا الناس بتتبادل قلـوب حمراء=قلـوب بتتعلق بالحـرام وهي عارفة.

بتقولوا حُـب؟
طيب خلينا نكون واضحيـن، رسالة الساعة12، مكالمة مُطولـة بدون سبب حقيقي، إهتمام بالسِر، وعود ما وراها عـقد.

هل دا الحُـب؟
دا تعدي مغلف بكلام لطيـف، مُشكلتنا مافي الشعور، المشكلة في الطريقـة، والشيطان طبعًا شاطر ما حيقول ليك أمشي أعصي، بقول ليك الموضوع بسيط، ياخ هو مجرد يـوم في السنة، مجرد هدايا و كلمات، لكن الذنـب ما بعمل إستثناء لكلمة «مُجـرد» لأنه أنت عارف إنه العلاقات السرية مافيها بركـة، أنت ما جاهل عارف أنه دا كله ما برضي ربـنا، لكن مرات بنغش نفسنا عشان الإحساس يكون أقوى من الخوف ويخِف تأنيب الضمير.

بس رفيقنـا..
الدين ما حرم الحُـب لو فعلًا بتحب
أمشي بالباب عديـل، لو ما قـادر؟👀
أشرف ليك تنسحـب بـدل ما تستهلك قلبها وقلبك.

و أنـتِ يا أختـي:
أنتِ غاليـة شديد؛ أغلى من أنـك تكوني محطة مؤقتـة في حياة زول، أغلى من الرسائل المخفـية، والمتاهات الما عندها نهاية واضحة، أغلى من أنك تبـدي علاقة بأسم الحُـب وتنتهي باسم الظـروف.

بكرة الناس حتحتفـل، وأنتو ممكن تختاروا تكونوا مختلفيـن، ممكن تختاروا تقولـو:
نحن ما حنبيـع آخرتنـا عشان لحظة إحساس الشيطان تالتـها..
نحن ما حنربط كلمة حُـب بحاجة حرام ربنا ما أذن بيـها..نحن ما حنعمل عـيد ربنـا ما شرعو.
الموضوع ما تشـدد❗️
الموضوع ضميـر، وفي النهاية لو قلبك أتحرك بكلامي دا ما تزعـل منـي، ازعـل من نفسك لو كنت عـارف و ساكت، راجع حساباتك الليلـة، و اصلح العلاقـة الاهم في حياتـك وهي علاقتك بربـك، وبكـرة بـدل ما تقـول " Happy Valentine
قـول يا ربِ أغفـر لـي ما فـات، واصلح لي ما هو آت، لا تؤاخذني بتقصيـري، ولا تجـعل لحظة ضعف سبب خسارتـي، اللهم إن كنـتُ أخطأت فاغفـر، وإن زلـلت فاستر، وإن ضعفـت فقـوِّني، وردني إليـك ردًا جميـلًا💚.

#قوم_امشي_صلّ

دايرين الجدول كله أخضر🤩💚

رمضان خلاص بقى على الأبواب، باقي لينا أربعة أيام بس وغالباً الأربعاء الجاية بحول الله نكون صايمين، الناس جارية تجهز في الحاجات وتعوس الآبري وتنشف البصل...
لكن دقيقة!
في تجهيز أهم نسيناه؛ إننا نجهِّز قلوبنا ونجاهد نفسها ونحافظ على صلواتنا تامة وفي مواعيدها

عشان كدا حنعمل معسكر إعدادي في باقي الأيام دي على شكل تحدي عبارة عن جدول بسيط للأيام الأربعة الجاية كل يوم فيهو الصلوات الخمسة والمطلوب منك تقيّم نفسك، ويا ريت لو تطبعه أو تحفظه في التلفون وتلونه كالآتي:
١. صليت الصلاة في وقتها حاضر ومع تكبيرة الإحرام؟
تلون المربع بالأخضر، دي الدرجة الكاملة، وده هدفنا💚
٢. إتأخرت شوية لكن لحقتها قبل دخول وقت الصلاة التانية؟ تلون المربع بالأصفر يعني ماشي حالك، لكن شد حيلك واطرد الكسل المرة الجاية
٣. الصلاة فاتتك ودخل وقت الصلاة البعدها؟
تلون بالأحمر ودا جرس إنذار ليك وإن شاء الله مايكون

الهدف من التحدي إننا عاوزين يوم الثلاثاء بالمساء لم نعاين للجدول نلقاه أخضر من أوله لآخره بإذن الله🤩💚
أكتب "معاكم بإذن الله" في التعليقات وشير البوست خلي غيرك يستفيد وتتنافسوا في الخير كمان💚

#قوم_امشي_صلِّ💚

الـيوم خلـص جدولـك لونـه شنـو؟ 💚💛❤️

أخضـر؟ حافظت على وقـت الصلوات كلها.
أصفـر؟ إتأخرت يا رفيقنا، شد حيلك بكره.
أحمـر؟ فاتتـك الصلاة؟ قوم عوضـها بركعات نافلـة لكل صلاة فاتتـك، و ما تتأخر المرة الجايـة.
إتذكر الهـدف: يوم الثلاثـاء كلـه أخضـر 🥳💚
#تحدي
#قوم_امشي_صلِّ

(١)
استقبالك (رمضان)💚
لا شك أن العبد إذا عمل عملاً، أو زار مكاناً، أو اجتمع إلى شخص، واستشعر أثناء ذلك أنه لن يعود إليه مرة أخرى؛ فإن هذا الشعور يضاعف في نفسه شعوراً آخر بضرورة اغتنام تلك الفرصة التي قد لا تتكرر💚
تعالوا نتصور ... رجلاً مخلصاً يصلي ركعات يعلم أنه يودِّع الدنيا بها
كيف ستكون في تمامها؟.... في خشوعها؟....
في شدة إخلاصها وصدق دعائها..؟
إن الرسول ﷺ يعلمنا بهذا الهَدْي-والله أعلم- كيف نتخلص من آفة تحوُّل العبادة إلى عادة، فلماذا لا نستحضر روح الوادع في عباداتنا كلها، خاصة وأننا إلى وداع في كل حال؟
إن رمضان يحل علينا ضيفاً مضيافاً، يكرمنا إذا أكرمناه، فتحل بحلوله البركات والخيرات من الله💚، يُقدِم علينا، فيقدِّم إلينا أصنافاً من الإتحافات والنفخات.. ضيف لكنه مُضيف، وربما يكون الواحد منا في ضيافته للمرة الأخيرة..!
أو ربما بنزل هو في ضيافة غيرنا بعد أعمار قصيرة..فهلا أكرمنا ضيفنا💚💚..؟! وهلا تعرضنا لنفحات مضيفنا..!

#استقبالك_رمضان💚
#روح_الصيام_ومعانيه💚
#قوم_امشي_صلِّ💚

تِك تُك تِك تُك. ⏳💚

رمضان على الأبواب...
جهزت قائمة المسلسلات ؟
لحد الآن طلعت تقريبًا بخمسة ستة مسلسلات ثابتة والباقي حسب المشغوليات صح ؟
إيّـاك تفّوت المسلسلات الجديدة عشان لما تطلع تريندات ما تكون زي الأطرش في الزفّة...
ما هو لازم تحضر مسلسلات عشان الوقت يمشي وما تحس بالجوع والعطش...

حصل مرة سألت نفسك يا عزيزي القارئ، ليه في رمضان بالذات بتحس المسلسلات أمتع من أي شهر ثاني في السنة، وكل مسلسل بكون أحلىٰ من القبله ؟

ببساطة، هذا ما أرادهُ الشيطان.

أن يلهيك عن شهر رمضان، شهر العِبادة واللي هو أعظم شهر يخصّك كمسلم في السنة!
المسلسلات يا عزيزي
إنت كمسلم
ما تخصّك
سامع ما تخصك دي ؟
ما تخصك وما حقتك
وبالذات في رمضان كمان لو التهيت بيها، يا حسرتك بالجد!
إنت عندك قُرآن
وبودكاستات دينية
وسيرة نبويّة
وِقصص سلف
معقول تخلّي النعيم ده كلللله، وتختار المسلسلات اللي ما بتعمل شيء غير إنها تنقّص أجرك ؟

ممكن المرّة دي بس
تقرر بينك وبين نفسك إنك رمضان ده يكون مختلف ؟

#رمضان_غير
#عام_قرارٍ_لا_تمنِّي
#قوم_امشي_صلِّ💚