خلو قلوبكم تصحى للكلام الح أقولو ليكم دا💚

دي ما مجرد وصية…
دي منهج حياة......دي طريق واضح للطمأنينة، ورفعة في الدنيا قبل الآخرة.
قال رسول الله صلى الله عليه وسلم : "يا أيُّها النَّاسُ
أفشوا السَّلامَ💚
انشروه في كل حتة… في البيت، في الشارع، في الشغل.....السلام قوة… السلام نور…السلام بيكسر الحواجز ويلمّ القلوب من بعد فِراق.

وأطعِموا الطَّعامَ💚
اللقمة البتطلع من يدك بمحبة،
بترجع ليك بركة أضعاف أضعاف.
جبر الخواطر ما محتاج ملايين…
محتاج قلب حي يعرف قيمة الناس.

وصلِوا الأرحام💚
إنت البادر… إنت المصلّح…
إنت الباب البيدخل منه الخير والنور.
خطوة منك ممكن تغيّر سنين من البعاد.

وصَلُّوا باللَّيلِ والنَّاسُ نيامٌ...💚
في سجدة هادئة… في دمعة صادقة بينك وبين ربك،
هناك بيتبدّل الحال،
وترزقك أجمل مما نتمنى.

خلّونا نعيش المعاني دي بالجد، نكون سلام ماشي على الأرض وعطاء ما بقطع،
وقلوب معلّقة بالسماء 💚
واتذكروا الوعد
تدخلوا الجنة بسلام".💚

#قوم_امشي_صلِّ💚

بتلخبط بين مبطلات الصيام ومباحاته؟
م قادر تميز فعل هل جائز ولا بيبطل الصيام؟👀

اليوم عايزين نعرف مباحات الصيام ونميزها بين مبطلاته💚
أعذار تبيح الفطر:
1_المرض المرجو شفاؤه (يقضي)
2_السفر
3_الحيض والنفاس
4_الحمل والرضاعة (إذا خيف عليهما).
5_الأكل والشرب ناسياً: صومه صحيح ولا قضاء عليه.
6_استخدام قطرة العين والأذن: وكذلك بخاخ الأنف إذا لم يبتلع ما نفذ إلى الحلق.
7_القيء غير المتعمد: إذا غلب الصائم
8_استخدام السواك ومعجون الأسنان: مع الاحتراز من بلع شيء منه.
9_خروج المذي: لا يفطر على الصحيح. 

الحذر والتركيز مهم جدا، وأدعي ربنا كتير أن يفقهك في الدين وقبل عمل العبادة قراءة أحكامها وسننها لتعبد الله على بصيرة💚

#افهم_صيامك
#قوم_امشي_صلِّ💚

للمُؤنسات الغاليات🌸💚
عارفين الشعور البجيكِ في رمضان وتلقي نفسك "مفطرة "... بتحسي كأنو القطر فاتك، والناس ماشة وانتي واقفة في مكانك، وبتبدي تكتئبي وتقولي: يا خسارة ضاع مني رمضان :)

لكن الحقيقة غير كده خالص ! إنتي في الوقت ده زاتك بتنفذي في أمر الله، وبتأخدي أجر بـ " تركِك" للصلاة زي ما كنتِ بتاخدي أجر بـ 'فعلك' ليها.. لأنو ده شيءٌ كتبه الله على بنات آدم 💚

عشان كدة، ندعوكم لجلسة محبة مع 🌸معلمتنا الحبيبة الغالية نجاة هاشم ، تُحاورها : الجميلة مأوى عُبادة عشان تورينا:

كيف ندير الأيام دي بذكاء ونفسيّة راضية؟

شنو هي العبادات البديلة الممكن تملأ وقتنا ؟

كيف ما نخلي الشيطان يدخل لينا بمدخل الحزن ويضيع علينا بركة الأيام؟👀

تعالي وخلي قلبك يطمن، وتعرفي إنو رب رمضان هو ربك في كل حال 🫰🏻

📍 المكان: مجالس قوم امشي صلِّ للنساء
https://t.me/+0nzY4TRUkvwxNTBk
⏰ الزمان: ٩ مساءًا بتوقيت السودان

شيري الإعلان ورابط القناة بين أخواتك يا غالية واحتسبي الأجر🌸💚

📌لا نسمح بدخول الرجال أو سماع أصوات الأخوات للرجال إطلاقا .

#بودكاستات_المجالس
#مجالس_قوم_مشي_صلِّ_للنساء💚

#فوازير_رمضان💚
#قوم_امشي_صلِّ💚

ممكن تكون بتقرأ من المصحف لكن ما يُكتب ليك أجر القرآءة كامل!😐

في ناس لم تقرأ من المصحف بتكون فاتحاه وبتقرأ بعيونها بس بدون تحرك لسانها وشفاهها أثناء القرآءة.

فلو عاوز الأجر كامل يُكتب ليك فما تكتفي بالنظر لصفحات المصحف بس لكن لازم كمان تحرك لسانك حتى لو ما أصدرت صوت، كدا بإذن الله حيُكتب لك أجر القرآءة كاملاً غير منقوص💚
ولو لسه ما بديت وِردك قوم اتوضأ وصلي ركعتين وأبدأ

#قوم_امشي_صلِّ💚

يا رِفـاق صلِّ، أقولكم شوية معلومات على السريع؟ 🫣

النبي ﷺ قال:
"حقُّ المسلم على المسلم ستٌ"
سـت حقـوق بس، بسيطة وساهلة لكنها ثقيلة شديد في المـيزان❗️
تعالوا نشـوف نحن واقفيـن ويـن منها؟!

أول حاجـة لما تشـوف أخـوك سلِم عليـه، ما تتكبر وتقول خليـه يسلم بالأول، أنت أبدأ وخلي أجرك يسبقـك.
تانـي حاجة، لو دعاك أجيب الدعـوة، جبر الخاطر عِبـادة عظيِّمة، لو ما قدرت إعـتذر باحترام ما تختفـي من غيـر مُـبرر.
تالـت حاجة لو جاء يستنصحك "أي يطلـب نصيحة منك" ما تدله على شيء ما بترضى لي نفسك.
رابـع حاجة لو عطس وحمد اللـه؟ قول ليه يرحمك اللـه.
خامـس حاجة، لو مِـرض؟ عوده "أي أمشي ليه زيارة" وجودك بِفرق و بطمنه.
سـادس حاجة يا رفيقـنا، لو مـات؟ اتبع جنازته و أدعي ليـه، و إتذكر إنك في يوم حتكون مكانه.

حقوق بسيطـة بس بتوريك معـدن الإنسان، راجع نفسك الليلة كـم حـق قائـم بيـه؟💚

#قوم_امشي_صلِّ💚

عزيزي الصائم اتذكر دائما إنه شهر رمضان أيامه معدودات بتمشي كلمح البصر، فلازم تحرص على وقتك وتحسبه بالساعات والدقائق وماتخلي لحظة تضيع منك بدون ما تغرف من أنواره

والقرآن هو النور الذي يضيء لنا عتمة الطريق، وهو الشفاء لما في قلوبنا والرحمة المهداة من رب العالمين كما قال تعالى:
{وَنُنَزِّلُ مِنَ الْقُرْآنِ مَا هُوَ شِفَاءٌ وَرَحْمَةٌ لِلْمُؤْمِنِينَ}

فما تفوتوا لِقاءنا بكرة بإذن الله في ساعة خيرٍ وذكرٍ وتدبر لآي القرآن الكريم في حلقة تلاوة مع شيخنا الفاضل عبد الرحمن حسين جزاه الله عنَّا كل خيرٍ💚
وذلك في؛

📆 يوم الجمعة: ١٠ رمضان ١٤٤٧هـ الموافق ٢٧ فبراير ٢٠٢٦م
⏰ الساعة: ١٠:٠٠ مساءًا بتوقيت الخرطوم والقاهرة - ١١:٠٠ مساءًا بتوقيت مكة المكرمة أحبِّ البقاع💚

كونوا على الموعد؛
فربّ آيةٍ تسمعها بقلبك فتكون لك نوراً على الصراط وسبب لدخول جنة الرحمن💚

#تلاوة_إطمئنان_في_رمضان💚
#قوم_امشي_صلِّ💚

أما آن الآن أن تلحق بالركب فأنت اليوم هنا وغدا هناك.!
#قوم_امشي_صلِّ 💚

قال أحد السلف: "من استقامت له جمعته، استقام له سائر أسبوعه".💚
اليوم ١٠ رمضان يا كِرام
لو لسه حاسي نفسك جايط وما بديت شيء وعايز اعمل واعمل واعمل
قول بسم الله وأقعد براحة مع نفسك رتب نفسك شوف عايز تعمل شنو خطط اعمل لي نفسك جدول والتزام عليه.
إذا حزين على يلي فات استغفر ربك وأكثر في الجاي
واليوم الجمعة ونحن عارفين فضائل اليوم
ف لي ما نستغله؟ وفي رمضان؟
يا الله💚💚💚💚💚💚
أجور كثييييرة دعوات لا ترد، وصلاة على النبي صلى الله عليه وسلم معروضة عليه، وذكر وقرآن وكثير وكثير وأول شيء الصلاة💚.
شدوا الهمة يا رِفاق ف ما هي إلا أيام قلائل ،ح نجي نهاية اليوم نشوف يلي قام وعمل منو بإذن الله.

#قوم_امشي_صلِّ💚

نفِرُ إليك منّا فاعفوا عنّا💚
فنحنُ الناقصون إلى كمالك
نفِرُ إليك منّا فاعفوا عنّا
فنحنُ الناقصون إلى كمالك
وتُخجلُنا المعاصي حين ندعو
وتُطمعُنا صفاتكُ في سؤالك💚
وتُخجلُنا المعاصي حين ندعو
وتُطمعُنا صفاتكُ في سؤالك
ونسألُ باسمك الرحمنِ غوثا💚
إذا سُدت عن الفرج المسالك
ونسألُ باسمك الرحمنِ غوثا
إذا سُدت عن الفرج المسالك
وتخفى همهماتُ النفسِ فينا
وتعلمُ أنت ما يَخفى هنالك💚
وتخفى همهماتُ النفسِ فينا
وتعلمُ أنت ما يَخفى هنالك

#ساعة_استجابة💚
#قوم_امشي_صلِّ💚

تسعٌ مضَت واليومَ عاشرُ شهرِنا
يا سُرعة الأيَّامِ كيف تفَلَّتَت...!

#يا_باغي_الخير_أقبل_ويا_باغي_الشر_أقصر
#قوم_امشي_صلِّ💚

"أتدري، مالذي يُرضي الفؤادا
ويَمنحك الهدايَة والرشادَا؟
‏ويُبعدُ عنك آلامًا وحزنًا
‏ويجعلُ راحةَ القلبِ امتدادَا؟
‏هو القرآنُ💚، فاجعلْ منه نبعًا
‏يُروّي القلبَ، واجعلْ منه زادَا💚"

بسم الله بدأنا في حلقة تلاوة إطمئنان مع الشيخ عبدالرحمن حسين، جزاه الله عنّا كل خير💚

رابط المجلس⤵️💚:

https://t.me/Gom9li?livestream

نافذة التعليقات⤵️💚

#تلاوة_إطمئنان_في_رمضان💚
#قوم_امشي_صلِّ💚

0:40
خواتيم سورة إبراهيم 🌷

11:46
آيات عباد الرحمن "سورة الفرقان" 🌷

16:04
ما تيسر من سورة الزمر 🌷

21:10
ما تيسر من سورة آل عمران 🌷


جزى الله شيخنا خير الجزاء
طيّب الله أنفاسه، زاده من واسع فضله وجعل ما تلاه في ميزان حسناته ووالديه💚💚💚.

كيف يغيّرك رمضان؟
رمضان شهر تُغلَق فيه أبواب النار كلّها، وتُفتَح أبواب الجنة كلّها،
وفيه في كلّ ليلة عتقاء من النار، وأجر الصيام عظيم،
قال الله تعالى في الحديث القدسي: «الصوم لي وأنا أجزي به».
في رمضان، القيام سبب لمغفرة ما تقدّم من الذنوب،
وحتى إن لم يوفَّق العبد لقيام الشهر كلّه،
فقيام ليلة القدر وحدها كفيل بمغفرة الذنوب.
وللصائم دعوة لا تُرد… باب مفتوح لا يُغلق.
رمضان زمنه محدّد، أيّامه معدودة،
ومن يدرك هذه الحقيقة يعلم أنّه لا مجال للتسويف،
فالفرصة واضحة، والاغتنام مسؤولية.
كلّ هذه الأسباب تجعل من رمضان نقطة تحوّل حقيقية:
يغيّر علاقتك بالله،
ويعيد ترتيب قلبك،
ويعلّمك كيف تكون أقرب، وأنقى، وأثبت بعد انتهاء الشهر💚

#رمضان💚
#قوم_امشي_صلِّ💚

قال تعالى: ﴿ وَلَا تَتَمَنَّوْا مَا فَضَّلَ اللَّهُ بِهِ بَعْضَكُمْ عَلَى بَعْضٍ لِلرِّجَالِ نَصِيبٌ مِمَّا اكْتَسَبُوا وَلِلنِّسَاءِ نَصِيبٌ مِمَّا اكْتَسَبْنَ وَاسْأَلُوا اللَّهَ مِنْ فَضْلِهِ إِنَّ اللَّهَ كَانَ بِكُلِّ شَيْءٍ عَلِيمًا ﴾ [النساء - ٣٢]

تأمل وتفكر وتدبر، سبحان الله العظيم💚

واطلبوا مِن الله أن يزيدَكم مِن عطائه؛ إن الله عليم بكل شيء؛ فأعطى كل نوع ما يناسبه.

#جليس_في_رمضان💚
#قوم_امشي_صلِّ💚

رمضان بالنسبة لي كتار مننا ممكن يكون شهر عادي، إلا من رحم ربي
لكن عند الصحابة والسلف كان أيام جد وإجتهاد💚
كانوا بدعوا ربنا عز وجل ستة شهور كاملة قبلو:
“اللهم بلّغنا رمضان”
وستة شهور بعدو:
“اللهم تقبّل منا رمضان”.
رمضان عندهم ما كان صيام بس…
كان موسم تغيير.
كانوا بخففوا الدنيا عشان يثقلوا الآخرة،
بقفلوا أبواب اللغو،
وبفتحوا أبواب القرآن💚.

الموضوع عندهم ما كان استعراض عبادة ولا سباق فيما بينهم.
كانوا فاهمين إنو دا شهر ممكن يرفعك درجات ما بتتعوض طول السنة💚.
السؤال:
اليوم ١٢ رمضان باقي تلاته يوم والشهر يمضي نصفه انت مستوعب.!؟
هل لسه بنفس العادات ونفس التقصير؟

#قوم_امشي_صلِّ💚

#فوازير_رمضان💚
#قوم_امشي_صلِّ💚