لسه مكملين في خطواتنا العملية عشان نرجع ونعوض الفات

ثالثاً: حُسن الخُلق والصدقة.. "مُطفئة الغضب":
لو قصرت في الصيام والقيام،
عوّض بـ الإحسان 💚

كلمة طيبة لزول ضايقة بيهو الدنيا،
صدقة بسيطة بـ "نية التعويض"،
أو حتى مساعدة في البيت بابتسامة 💚

الحاجات دي بتطفيء غضب الرب وبترفع درجاتك
كأنك كنت مجتهد ومسابق في رمضان 💚

رابعاً: القرآن.. "ورد الغريب":
لو ما ختمت المصحف في رمضان،
أوعك تقفله وتخلي صفحاته تغبِّر❌

القرآن ما "موسمي"، القرآن "حياة وعيش يومي".
ابدأ من هسة، صفحة واحدة في اليوم بتركيز وتدبر
أحسن من ختمة كاملة وأنت بالك مشغول.
فخليك قرآني طول السنة، وخلي المصحف هو الرفيق الما بتفارقه أبداً. 💚

الخطوات على الطريق لسه ما انتهت...
لكن نحنا أديناكم جزء منها عشان تكون بداية وتواصلوا
إن شاء الله تكونوا استفدتوا والسلسلة أحدثت فيكم تغيير
ولو بالتذكير والقليل
نلتقيكم في سلاسل قادمة بإذن الله ونستودعكم الله يا رفاق💚

"سبحانك اللهم وبحمدك نشهد ألا إلـٰه إلَّا أنت، نستغفرك ونتوب إليك“

#حتى_يأتيك_اليقين
#قوم_امشي_صلِّ💚

قال رسول الله ﷺ:
”مَن جلسَ مجلسًا فكثُرَ فيهِ لغطُهُ فقالَ قبلَ أن يقومَ (سبحانَكَ اللَّهمَّ وبحمدِكَ لا إلهَ إلَّا أنتَ أستغفرُكَ وأتوبُ إليكَ)
غُفِرَ لهُ ما كانَ في مجلسِهِ ذلكَ“💚

#قوم_أمشي_صلَّ💚

هذا رحابٌ لو دخلت جنابهُ
ما عدت إلا رابحًا كَسبانا
هذا نعيمٌ بل النعيمُ بعينه
أن يرفُلَ العمرُ والأيامُ قرآنا💚

بسم الله نبدأ وبِهِ نستعين..

"تلاوة إطمئنان"
مع الشيخ همام تاج السر حفِظهُ الله💚.

رابط المجلس:
https://t.me/Gom9li?livestream=ab8dac0c5e962993c6

نافذة التعليقات⤵️💚

#قوم_امشي_صلِّ💚

الناس بترسل عايزين تسجيل الحلقة

وأنا بفكر انزل ليهم التسجيل ولا لا؛ عشان يحرصوا يكونوا حضور ويتابعوا مباشر💚.

يلي كنتوا حضور اها رائكم شنو ننزله ولا لا؟

#تلاوة_إطمئنان_مع_شيخ_همام💚
#قوم_امشي_صلِّ💚

داير تبدأ يومك بمغفرة من الله؟
ردد معانا:
( أسْتغفِرُ اللهَ الذي لا إلَه إلا هو الحَيُّ القَيُّومُ وأتُوبُ إِليْهِ )
الرسول ﷺ قال لينا إنو البيقول الذكر دا ثلاث مرات
”غُفِرَ لهُ وإنْ كان فَرَّ من الزَّحْفِ“

عارف يعني شنو فر من الزحف؟!
يعني عمل كبيرة من الكبائر ما بس أي ذنب،
فخلونا نقولوا ونبدأ به يومنا ونحن موقنين برحمة الله
ومغفرته علينا💚

#قوم_أمشي_صلِّ💚

”واستَعِنْ باللهِ ولا تَعجِز“
فإن تم الأمر فالحمد لله ساق لك الخير والرزق
وإن لم يكن فالحمد لله أبعد عنك سوءًا وضراً لم يكن ببالك💚

#قوم_أمشي_صلِّ💚

أكتر حديث من السُنة بتحبوه وبيحسسكم بعظمة الدين
أذكروه لينا في التعليقات ولكم أجر من قرأه وعمل به💚

وأهم شي ما ننسى نصلي على الحبيب المصطفى
اللهم صلِّ وسلم على نبينا محمد وعلى آله وصحبه أجمعين🤲🏽💚

#قوم_أمشي_صلِّ💚

الدنيا ما بتخلو من الوجع..
لكن لما تعيش مع ربنا عز وجل بصدق…قلبك ببقى مطمئن💚

تتألم؟ تقول الحمد لله وتصبر.
يتعطل ليك موضوع؟ تقول يمكن الخير في غيره.
تمر بضيق؟ تقرب أكتر، تستغفر أكتر، تدعي أكتر💚.
وغيرها كتير وكل مره أنت بتقرب من ربك أكتر.

عارف إنو ما في حاجة بتجي ساكت…
وإنه حتى الشوكة البتطعنك فيها أجر وتكفير.

السعادة ما في إنو كل شيء يمشي على مزاجك وكل شيء دايره تلقى قدامك،
السعادة في إنك ترضى بتدبير ربنا عز وجل ليك💚

إنت مخيّر…
ترضي ربك وتلقى السعادة؟
ولا تتبع شهوات لحظية وتعيش في كآبة؟
القرار بيدك، ومن بداية يومك شوف انت عايز شنو💚

#قوم_امشي_صلِّ💚

هنيئا لمن خرجت من بيتها لضرورة
وبرغم حر الهجير ما تزال لنقابها ملتزمة

هنيئاً لها الثبات والصبر وهنيئاً لها عظيم الأجر
هنيئاً لها الإقتداء بؤمهات المؤمنين
وهنيئاً لها بإذن الله العوض الجميل

#قوم_أمشي_صلِّ💚

شنو هي أكتر حاجه خلتكم تحافظوا على الصلاة في وقتها؟!

وما تبخلوا علينا بالجواب يارفاق،
ممكن يساعد زول ويستقيم فيُكتب ليكم صدقه جارية وفي ميزان حسناتكم💚

#قوم_أمشي_صلِّ💚

يوم عدّى بي السمح والشين
بي ذلاتنا وانجازاتنا الفخورين بيها،
عارفين إن في لستة ما اكتملت مهامها، والتقصير حاصل

لكن رغم دا ما يصيبك اليأس يا رفيق، استغفر ربك وجدد النية؛
عساه الخير ما يفارقك يا وجه الخير💚

#قوم_أمشي_صلِّ💚