وفي يوم الجمعة يا رفيق عايزين نقول ليك ما تنسى💚:
- سنن الجُمعة
- الصلاة على النبي ﷺ
- قراءة سورة الكهف
- الدعاء ساعة الإستجابة

وما تنسى إخوانك المسلمين المُستضعفين في كل مكان💚.

#قوم_امشي_صلِّ💚

واعلموا أن لاخيبات مع الدعاء...
فإما لكم مجابٌ وإما مدفوع به عنكم بلاءٌ وإما مُدخر لكم للآخرة أجرٌ وحسنات بإذن الله💚

| فمن وفِّق للدعاء فقد نال الإجابة.

#قوم_امشي_صلِّ💚

١ /ذو القعده/ ١٤٤٧ه‍ 💚

يا مرحباً بالشهرِ الحرام يقبلنا ..
باليمن والبشر والحسنات تنهمرُ 🌷

فيه الأجور لمن يسعى مضاعفةً ..
وفي رحابِ رضا الرحمن ندخرُ 🌷

#قوم_امشي_صلِّ💚

#قوم_امشي_صلِّ💚

من قال حين يصبح أو يمسي:
"اللهم أنت ربي لا إله إلا أنت، خلقتني وأنا عبدك، وأنا على عهدك، ووعدك ما استطعت، أعوذ بك من شر ما صنعت، أبوء لك بنعمتك علي، وأبوء بذنبي فاغفر لي فإنه لا يغفر الذنوب إلا أنت"💚
موقناً بها، ومات من يومه ذلك، أو ليلته تلك، دخل الجنة💚.

ما تنسى أذكارك يا مسلم

#قوم_امشي_صلِّ💚

ما تيسَّر من سورة غافر —
الشيخ المنشاوي رحمه الله💚

{يَا قَوْمِ إِنَّمَا هَٰذِهِ الْحَيَاةُ الدُّنْيَا مَتَاعٌ وَإِنَّ الْآخِرَةَ هِيَ دَارُ الْقَرَارِ}

#قوم_امشي_صلِّ💚

الرِضـا و الأمـل و الفِعـل💚.

كيف ما راضي بالواقع؟
وقف محاولة ياخخ ارضىٰ😡.

دقيقـة دقيقـة هل عشـان أرضـى بالواقـع يعنـي أوقـف مٌحاولـة❗️
يعني لو رسبـتَ اكتف يدينـي و أقول لازم ارضىٰ بقـدر ربنـا؟

لا يا رفيقـنا، مفهٌـوم الرِضـا بقول إنـك لو رسبـتَ ترضى لكن تراجـع قرايتـك وتشوف الخلل ويـن، لو خسرتَ شغـل ترضـى لكن تفتـش بديـل.
الرِضـا يا رفـيق بتعلـق بالحاجـة الحصلـت، والأمل بتعلـق بالخطـوة الجايـة.

"وأن ليس للإنسان إلا ما سعى" + "ادعوني أستجب لكم"

فالأمـل بدون رِضـا بتحـول لضغـط وقلـق مستمـر، الزول العايـش بدون رِضـا حتـى لو عـنده فرص، بحـس إنـه ناقـص.

ليسَ غيـرُ الرّضـا يَصلُـح مركـبًا للعـبور يا صاحبي، فارضَ تجِـدْ الضـيقَ رَحبًـا، والقليـلَ كافـيًا، وإنّـكَ بغيـرِ الرّضـا فقيـرٌ ولو كانـت الدُّنيـا كلّهـا في جيـبك💚.

#كيف_نرضى_دون_أن_نفقد_الأمل٢
#قوم_امشي_صلِّ💚

بداية اليوم مع الله = ضمان استقراره💚
ما تستهين بدقيقتين ركوع وسجود، هم اللي ممكن يغيروا مصير يومك كله!

يقول النبي ﷺ: "مَن صَلَّى الصُّبحَ فهو في ذِمَّةِ اللهِ"..

يعني في حمايته
فيا طيِّب ما تضيع ذمة ربنا عليك💚.

#الصلاة_خير_من_النوم
#قوم_أمشي_صلِّ💚

متخيل يا رفيق من عظمة الدين إنه ممكن بالمداومه على ذكر بسيط توجب ليك الجنة💚
أيوا أيوا زي ما قريت الجنة نفسها؛
كيف الكلام ده ؟!

يقول النبي ﷺ: ( من قال: رضيت بالله ربًا، وبالإسلام دينا، وبمحمد رسولًا وجبت له الجنة).
طيب ده عرض ما بتفوت المفروض نقوله متين ؟

عند الشهادتين في الأذان وفي أذكار الصباح والمساء ؛ أكيد ما حنضيع أجر بالعظمه دي💚

#واذكر_ربك
#قوم_امشي_صلّ💚

طلابنا الأبطال الممتحنين...
حاسين بيكم وعارفين ضغطة القراية وتوترات الإمتحانات والأسئلة الكتيرة البتلف في الرأس

فعايزين نحول القلق لتوكل والتعب لأجر والخوف لسكينة وحُسن ظن بالله، ونعرف إن ربنا معانا في كل سطر بنكتبه
وفي كل صفحة بنقراها، ونجاوب على أسئلة منها؛

- كيف نتغلب على القلق ونتوكل على ربنا بحق؟
- الأفكار والتوترات البتجينا حقيقية ولا مجرد وساوس من الشيطان؟
- والفرق شنو بين التواكل والتوكل؟

وغيرها الكثير فدعوتنا لكل طالب وطالبة عشان يحضروا ويتذكروا دائما إن ربنا قال: {وَمَن يَتَوَكَّلْ عَلَى اللَّهِ فَهُوَ حَسْبُهُ}

فانتظرونا في مجلس بعنوان (أيام الإمتحان: بين الخوف والتوكل)، مع جليسنا د. يزيد المنير جزاه الله عنَّا خيراً💚،
وذلك:

📆 يوم الإثنين | ٣ ذو القعدة ١٤٤٧هـ الموافق ٢٠ أبريل ٢٠٢٦م
⏰ الساعة | ٨:٣٠ مساءًا بتوقيت الخرطوم والقاهرة —
٩:٣٠ مساءًا بتوقيت مكة المكرمة أحبِّ البقاع💚

فاضبطوا المنبهات على المواعيد وما تجوا براكم شيروا لدُفعتكم كمان👀

#قوم_امشي_صلِّ💚

"وخَيرُ جليسِ المرءِ مَن كانَ ذا نُهى
يُفيدُكَ نُصحاً أو يقيكَ الملاهِيَا"💚

"جَلِيس"💚

بسمِ اللهِ نبتدئ وبِهِ نستعين♡

بدأ المجلس..
نافذة التعليقات⤵️💚:

#جليس
#قوم_امشي_صلِّ💚

ألا يكفي قول الحبيب ﷺ:

"مَن صلَّى الصُّبحَ في جماعةٍ فَهوَ في ذمَّةِ اللهِ"

#الصلاة_خير_من_النوم💚
#قوم_أمشي_صلِّ💚

بتقول :
والله ما حصل أخرت مروقي من البيت عشان صلاة حتى ولو نفل إلا ولقيت المشوار إتبارك وإني ما خسرت حاجه من تأخري،
يعني لو إتأخرته على محاضره أو إمتحان ومفروض أصلي الظهر قبله إلا ما ألقى إنه حصلت حاجه وخلتني ببساطه لحقت أي شي وما فاتني شي وفي نفس الوقت أخدت أجر إني قدمت أخرتي على دنيتي .

ولما أخر صلاتي بسبب الإمتحان بلقى إنه حصلت مشكلة في الإمتحان خلى إنه الإمتحان يتأخر بالقدر الكان حيخليني أصلي وفعلا بكون في ناس صلت وجات وإمتحنت عادي بس هم فازوا بأجر تقديمهم للصلاة علَيه وأكيد فازو بالبركه كمان .

نحنا البنحدد أولوياتنا وما زول بخت أولويته رضا ربنا بخسر 💚

#قوم_امشي_صلِّ💚

في بنات بتساهلوا في أمور دينهم بحُجة "إن الناس كلها بتعمل كدا ومابقت علي أنا يعني" أو "عادي والدين يسر ماتتشددوا" وخطابات بالشكل دا فالله المستعان

لكن الحاجة الما منتبهين ليها إن النبي ﷺ ذكر لينا الحال دا قبل ١٤ قرن وورد عنه قوله:
”يَأتي على الناسِ زمانٌ الصابرُ فيهم على دِينِهِ ‌كالقَابِضِ ‌على ‌الجَمْرِ“💔

في سلسلة بعنوان #لأنك_غالية حنتكلم فيها عن مفاهيم ذي الحياء والستر وعن بعض الظواهر السالبة في مجتمعنا وكيف نحلها من هدي الوحي،
فهي سلسلة بتتحدث عنكِ ولأجلكِ 💚

فانتظرونا وورونا حماسكم... 🫣💚

#لأنك_غالية١
#قوم_امشي_صلِّ💚

ما تيسَّر من سورة الطور —
الشيخ المنشاوي رحمه الله💚

{وَٱلطُّورِ * وَكِتَٰبٖ مَّسۡطُورٖ * فِي رَقّٖ مَّنشُورٖ * وَٱلۡبَيۡتِ ٱلۡمَعۡمُورِ * وَٱلسَّقۡفِ ٱلۡمَرۡفُوعِ * وَٱلۡبَحۡرِ ٱلۡمَسۡجُورِ * إِنَّ عَذَابَ رَبِّكَ لَوَٰقِعٞ}

#قوم_امشي_صلِّ💚

لو اتقبلت في وظيفة معينة وبديت تشتغل عادي
لحد ما في يوم، جاء المدير ونبّهكم إنه الشهر الجاي حيكون شهر تقييمي ليكم، أجوركم فيه حتتضاعف وكمان للأسف الغلطة حتبقى أعظم ومُهدّد إنك تخسر وظيفتك بسببها،
كيف حيكون شغلك في الشهر ده ؟👀

إنت كمُسلم عندك ١٢ شهر في السنة
أربعة أشهر منها خطيرة جدًا (ذو القعدة، ذو الحجة، محرم، رجب).
ليه ؟
لأن العمل فيها يُعظّم!
لو عملت حسنة أجرك يُضاعف.
ولو عملت سيئة كمان، حتُعظّم!
لأنك أخطأت في وقت ما مفروض تُخطئ فيه، وانتهكت محارم الله، وربنا قال في الأشهر الحرم دي:
{فَلَا تَظْلِمُوا فِيهِنَّ أَنْفُسَكُم} وللّٰه المثل الأعلىٰ.

فاستغلّ الفرصة دي في إنه ربنا يشوف منك كُل خير،
وإن يعلم اللّٰه في قلبِك خيرًا يُؤتك هداية وتوفيق وصلاح💚
من يعلم ؟!
يمكن بسبب احترامك للأشهر الحرم دي ربنا يفتح عليك في العبادة عمرك كله وربُك الأكرم!

ألا فـ جِدّ واجتهد
واعلم أن الجنّة حُفت بالمكاره
وما ممكن تطمح للدرجات العُلىٰ من الجنة بدون عمل.
في دنيتك دي...
هل بتقدر تنال حاجة بدون ما تتعب عليها ؟
طيب كيف داير تدخل الجنة بدون تعب!
اتنفض وقوم على حيلك
وأري الله منك حُسن صنيعك وإنك عايز الجنة بحقّ وحقيقة
ما شعارات!
دي لحظة صدق بينك وبين ربّك، فأحسِن استغلالها يا طيِّب،
طيّب ؟!

وفي التعليقات: ورونا الفرق شنو بين تعظيم السيئة وتضعيفها، وأيهما أخطر ؟ 🤔

#قوم_امشي_صلِّ💚