الشباب في السودان للأسف بقى متأثر بالثقافات الغربية،
وبياخد منها الصالح والطالح بدون تمييز💔
يمكن بالنسبة ليهم كغير مسلمين إنو دا شيء عادي، لكن نحنا كمسلمين مؤمنين بالله واليوم الآخر،
فلازم يكون عندنا ميزان مختلف، وما نتشبه بيهم في كل شيء.

عشان كدا يا أختي الغالية لبسك بعكس احترامك لنفسك، وبيفرض احترام الناس ليك.

صح الدنيا فيها متاع كتييير…
لكن زااائل، وما عند الله باقٍ💚
وممكن في أي لحظة يجي الأجل، عشان كدا ما نخلي الدنيا تغرّنا، ونسأل الله الهداية والثبات في الدنيا والآخرة💚

وتذكّروا قصة سيدنا موسى عليه السلام،
لما لقى المرأتين عند البئر…
ما أطال الكلام ولا استرسل،
وكان في تعامله حياء وحدود.
وربنا ذكر صفة عظييمة جدا في واحدة منهن:
{تَمْشِي عَلَى اسْتِحْيَاءٍ} 💚✨

ولو ما كانت الصفة دي مهمة…
ما كان ذكرها الله سبحانه و تعالى في كتاب يُتلى
إلى يوم القيامة!

#لأنك_غالية٣
#قوم_امشي_صلِّ💚

من مقطع (حين التقت أعظم شخصيتين في التاريخ)

م. فداء الدين جزاه الله خيرًا💚

يقول النبي ﷺ: ”لَقيتُ إبراهيمَ ليلةَ أُسْريَ بي فقالَ:
يا محمد، أقرئ أمتك مني السلام، وأخبرهم أنَّ الجنة طيبة التربة، عذبة الماء، وأنها قِيعان، وأنَّ غراسها:
سبحان الله، والحمد لله، ولا إله إلا الله، والله أكبر.“

#قوم_امشي_صلِّ💚

لمن تشوف الزمن الصاح و تعمل الحاجه الصاح؛
فإنت كدا من الفائزين مش؟!👀

كلنا عارفين إنو الأشهر الحُرم ربنا اختصاها على باقي الشهور
وميزها؛ بتعظيم الحسنات والذنوب كمان ،
فلما نقول إن ربنا كره من عبده الحاجه الفلانيه فمن باب أولى تبدأ تخلي الحاجه دي في الأيام المُعظَّمة دي ول شنو؟

عن النبيِّ صلَّى الله عليه وسلَّم أنه قال:
{إن الله كَرِهَ لكم ثلاثًا: قِيلَ وقال، وإِضاعَة المال، وكَثرة السُّؤال}

#قوم_امشي_صلِّ💚

حاسس بالكُره والغيظ الشديد من الشيطان؟
كل مرة تاخد عهد على نفسك… ويرجع يخليك تنقضه؟

طيب، الآن عندك فرصة حقيقية تتسدّى حقك كامل مُكمل، والمرة دي بإذن اللّٰه ما حتفوتها صح؟ 🫣

يوم عرفة
اليوم اللي ربنا بيغفر فيه لعباده ويعتق رقابهم من النار بكثرة، اليوم اللي ممكن يمسح كل التقصير وكأنو ما حصل.

وعشان توصل لليوم ده وأنت جاهز…
عندك ٨ أيام قبله تشحذ همتك فيهم،
العشرة الأوائل من ذي الحجة 💚
أعظم أيام السنة…
أقسم الله بها في كتابه الكريم
والعمل فيها أعظم، والأجر فيها مُضاعف.
فالموضوع ما بس "نلحق يوم عرفة وخلاص"

الموضوع: كيف تدخل اليوم ده؟
جاهز؟
ولا زي كل مرة، تسويف وكسل وبعدين تقول "يا ريت؟! "
القرار من هسي في يدك:
يا تضيع الأيام دي…
يا تخليها ١٠ أيام تغيّر فيك كل شيء بإذن اللّٰه، وتغيظ بيها عدوك اللدود. 😏🔥

#قوم_امشي_صلِّ💚

الرِضـا.. هــو مَرفـأ القلــوب💚.

بعدما عرفنـا إنه الرِضــا ما إستسلام، بل إنه ذكاء في توفير طاقتك للجاي، حتكتشف في النهاية إنه الرِضـا هو «الدرع» إللي بخليك واقف على رجليك مهما كانت الرِيَّاح قوِية.

والحياة دي يا رفيقي ما بِتمشي دائمًا زي ما نحنا راسمين في خٌططتنا، و المنع فِيها أحيانًا بكون هو « عطاؤك الحقيقي» بس أنت لسة ما شَايف الصورة كاملة، و الزول الراضي هو إللي عرف اللعبة صح؛ عرف إنه عليه «سعي» و النتيجة دي من رب العالمين، فبطل تشوف هم النتائج واستمتع بالرِحلة💚

الرِضـا بخليك تعيش بقناعة تامة إنَّ « ما أصابك لم يكن ليخٌطِّئك، و ما أخطأك لَم يكن لِيٌصيبك» ، التعايٌش مع الأقدار بخليك لما تَصل، تصل و أنتَ نفسك طيبة، ولما تتأخر، تتأخر و أنتَ قلبك مٌطمئن وما حاسد أي زول على سبقٌه ليك، وحتكون واثق إنه كل إللي إتأخر وراه حِكمة إلهيه.

السلسلة دي كتبتها عشان أٌذكر نفسي و إياكم إنه الرِضـا والسعي هم «جِناحين» الطائر؛ لو واحد بس اتكسر ما حتقدر تطير، فأرضىٰ بالقِسمةَ عشان «تهدأ» واسعى في الأرض عشان «تَصل».

وكما قال الشافعي:
وَمَن نَزَلَت بِساحَتِهِ المَنايا .. فَلا أَرضٌ تَقيهِ وَلا سَماءُ
‏وَأَرضُ اللَهِ واسِعَةٌ وَلَكِن .. إِذا نَزَلَ القَضا ضاقَ الفَضاءُ

فيا رفيق؛ طالما التدبير من عند «الرحيم» وسع فضاء قلبك بالرِضـا، وخلي خطوتك الجاية دايماً «بالله» ولله💚.

تمت السِلسلة بحمد الله.

#كيف_نرضى_دون_أن_نفقد_الأمل٤
#قوم_امشي_صلِّ💚

_يا محمد، كلما أحاول ألتزم بي حاجة بلقى نفسي انشغلت أو كسلت، أحلها كيف؟
=حتى أنا بعاني من نفس المشكلة، كنت عايز أواظب على الأذكار لكن برضو ...

يا عزيزي، الزي محمد وصحبه كتار
-ويمكن تكون انت👀- فرايك شنو في سلسلة تتحدى بيها نفسك ونشجع بعض على المواظبة والالتزام؟!💚

#قليل_دائم💚
#قوم_أمشي_صلِّ💚

شتّان ما بين…
إنك تنتظري أهلك ينوموا عشان تتكلمي معاه،
وبين إنك تتكلمي معاه قدام أهلك، وقدام الناس كلها، بما يرضي الله💚

تعالوا نتفق إنو الحلال سمح بكل تفاصيله…
وإحساس إنو يختارك من بين كل البنات، ويجيك بالباب عديييل، ويطلبك من أهلك، ويعقد عليك…
مافي أحلى منو💚✨

عشان كدا يا الغالية…
جاهدي، وادعي، واصبري،
واتذكّري قول الله تعالى:
{والذين جاهدوا فينا لنهدينهم سبلنا وإن الله لمع المحسنين}💚

ولو في لحظة وسوس ليك الشيطان…
اذكري الله، وقرّبي ليه بالدعاء:
ربنا هب لنا من أزواجنا وذرياتنا قرة أعين، واجعلنا للمتقين إمامًا
ربِّ إني لما أنزلتَ إليَّ من خيرٍ فقير
ربنا آتنا في الدنيا حسنة، وفي الآخرة حسنة، وقِنا عذاب النار

والسلام عليكم ورحمة الله تعالى وبركاته💚

#لأنك_غالية٤
#قوم_امشي_صلِّ💚

كلنا بنبدأ طريق الاستقامة بحماس كبير…
لكن مع الأيام بنكتشف إن الثبات ما دائمًا سهل،
وإن البداية الحلوة أحيانًا بتكون بداية اختبار حقيقي.
هل فكرت يوم إن الطريق بعد التوبة ممكن يكون أصعب
من قبلها؟🤔

الجواب ببساطة:
لأن الاستقامة نفسها ابتلاء…
ابتلاء في الصبر،
وابتلاء في ترك العادات القديمة، وابتلاء في الثبات رغم الفتور.
قال تعالى:
﴿وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا﴾
فالإستقامة ما لحظة قرار بل طريق طويل،
فيه مجاهدة للنفس، وثبات بيتجدد كل يوم، واختبارات بتكشف صدقنا في السير إلى الله💚

حنعرف أكتر عن الموضوع ده مع جليسنا د. يزيد المُنير
جزاه الله عنَّا خيراً، في مجلس بعنوان:
(أول خطوة: رحلة الإستقامة والإلتزام)💚

📆 يوم الإثنين | ١٠ ذو القعدة ١٤٤٧هـ الموافق ٢٧ أبريل ٢٠٢٦م
⏰ الساعة | ٨:٣٠ مساءًا بتوقيت الخرطوم —
٩:٣٠ مساءًا بتوقيت القاهرة ومكة المكرمة أحبِّ البقاع💚

اضبطوا منبّهاتكم… وانتظرونا يا رفاق!

#جليس
#قوم_امشي_صلِّ💚

من بودكاست محفوف | (هل كل بلاء رسالة من الله؟)
الشيخ د. محمد حسان

قال رسول الله ﷺ:

”من كانتِ الآخرةُ هَمَّهُ جعلَ اللَّهُ غناهُ في قلبِهِ وجمعَ الله عليّه شملَهُ وأتتهُ الدُّنيا وَهيَ راغمةٌ ، ومن كانتِ الدُّنيا همَّهُ جعلَ اللَّهُ فقرَهُ بينَ عينيهِ وفرَّقَ عليهِ شملَهُ ، ولم يأتِهِ منَ الدُّنيا إلَّا ما قُدِّرَ لَهُ“

#قوم_امشي_صلِّ💚

"جَلِيسُ اليَّومُ يكفيكَ ذُكْرُهُ
وصُحبتُهُ تجلو الهُمومَ وتَحْلُو..
فإن تُعْطَ في الدنيا جَليسًا مثله
فَذَاكَ الكنزُ فاحْرِصْ أن تَصِلْهُ"💚

"جَلِيس"💚

بسمِ اللهِ نبتدئ وبِهِ نستعين♡

بدأ المجلس..
نافذة التعليقات⤵️💚:

#جليس
#قوم_امشي_صلِّ💚

تحدي ١ 🤩


عايزك يا رفيق تواظب على الإستغفار خلال يومك، وانت ماشي في الشارع، منتظر أصحابك أو قاعد ساي، خلينا نستفيد من الزمن دا.
منتظر شنو، سجل اشتراكك في التحدي بي استغفار ونهاية اليوم بشرنا بالتمام🫡💚

#قليل_دائم💚
#قوم_أمشي_صلِّ💚

الحياة مليئة بالضغوطات والإمتحانات،
وعايزة على الأقل طبطبة صغيرة من أخوك أو صديق أو أي شخص قريب ليك 💚
في الإسلام، الكلمة الطيبة ما مجرد حروف بتتقال..
بل مفتاح للقلوب، وسبب للأجر ومحو الذنوب

قال ﷺ: ”والكَلِمةُ الطَّيِّبةُ صَدَقةٌ“
فعليك بالكلمة البتدخل الفرح وجبر بالخاطر، وترفع معنويات شخص.. ربنا يكتبها ليك صدقة ويضاعفها ليك كمان 💚

جبر الخواطر من أعظم القربات عند الله..
والنبي ﷺ كان يجبر خاطر الصغير والكبير، اليتيم والمسكين.
حتى الإبتسامة في وجه أخيك صدقة، فما بالك بكلمة تهوّن عليه همّه؟!

قال تعالى: {وَقُولُوا لِلنَّاسِ حُسْنًا}
فخلي من روتينك اليومي إنك تدخل سرور في قلب شخص وتملىء بطارية طاقته بإيجابية وحسن ظن بربه💚

#قوم_امشي_صلِّ💚

في رِوايةٍ عن عَبدِ اللهِ بنِ بُسرٍ المازِنيِّ رَضيَ اللهُ عنه، قال: ((جاءَ أعرابيَّانِ إلى رَسولِ اللهِ صلَّى اللهُ عليه وسلَّم، فقال أحَدُهما: يا رَسولَ اللهِ، أيُّ النَّاسِ خَيرٌ؟ قال: طوبى لمَن طالَ عُمُرُه، وحَسُنَ عَمَلُه، وقال الآخَرُ: أيُّ العَمَلِ خَيرٌ؟ قال: أن تُفارِقَ الدُّنيا ولسانُك رَطْبٌ مِن ذِكرِ اللهِ ))  .

طمنا يا رفيق، هجمت على ملهيات الدنيا بالذكر؟!💚
سجل تمامك بي استغفار💚

#قليل_دائم💚
#قوم_امشي_صلِّ💚

نهاية اليوم.. وقفة مع ربنا
خلص اليوم بكل الفيه: فرح، تعب، ذنب، توفيق..
بس لسه في فرصة تختمه صح💚

قال رسول الله ﷺ: ”مَن قالَ حينَ يأوي إلى فِراشِهِ، أستغفِرُ اللَّهَ الَّذي لا إلَهَ إلاَّ هوَ الحيَّ القيُّومَ وأتوبُ إليهِ، ثلاثَ مرَّاتٍ، غفرَ اللَّهُ لَهُ ذنوبَهُ“ 💚
ففي ثلاث حاجات تعملها قبل النوم:
تحاسب نفسك: سامحت؟ ظلمت؟ قصّرت؟
تستغفر: امسح ذنوب اليوم باستغفار صادق
توتر: ركعة واحدة تشفع لك، وتختم يومك بنور💚

نوم وإنت ناوي خير لبكرة،
وقلبك نضيف وما شايل على أحد ضغينة💚
فالدنيا يوم لك ويوم عليك، بس ربنا معاك في كل الأحوال.

#قوم_امشي_صلِّ💚

صليت الفجر ولا لسه؟ 🤔

قوم صلِّ وادعي ربنا دائماً أن يجعلك من ”المشائينَ في الظلمِ إلى المساجدِ“ 💚

ولو ما عارف يعني شنو المشائين في الظلم إلى المساجد اكتب لينا في التعليقات والعارفين يردوا،
ربنا ينفعكم وينفع بكم 💚

#قوم_امشي_صلِّ💚

تخيّل…
قلبك مثقّل، والأفكار دايرة في نفس الدائرة، تبحث عن مخرج أو حتى لحظة طمأنينة… وما في شيء واضح.

وبعدين، بهدوء من الداخل، تقولها:
"يا رب… أنا فوّضت أمري ليك" 💚
ما تغيّر شيء في الواقع… لكن شيء داخلك اتغيّر.

سكون ناعم نزل على قلبك، كأن الحمل اللي كان ضاغط عليك خفّ شوية، أو انزاح عن كتفك دون ما تحس.

التوكّل ما معناه إنك توقف السعي…
هو إنك تمشي في اللي عليك، بكل ما تقدر، وبعدين تسلّم الباقي ليدٍ أرحم من كل قلقك، وأحكم من كل حساباتك.

في أشياء تتأخر… لأنها ما جاية في وقتها، بل في الوقت الصح.

وفي أشياء تُمنع…
لأن في خير أوسع كان مخبّى ليك من وراها.
وكل تفاصيل الحياة ماشية بعلم الله، وتدبيره، ولطفه الخفي.


السؤال البسيط العميق:
إنت متوكّل على ربنا بصدق… ولا لسه شايل همّك برااك؟

قولها من قلبك:
"يا رب… دبّر لي أمري، فإني لا أُحسن التدبير" 💚

وبعدها خُذ نفس… واطمّن.
لأن ربنا إذا تولّى أمرك، رتّب لك ما لا يخطر ببالك، وجبرك من حيث لا تحتسب، وأتى بك إلى خيرٍ لم تكن تراه ممكنًا 💚

#قوم_امشي_صلِّ 💚