متذكر ولا نسيت ؟!👀

كان عندنا تحدي لمدة يومين، عساها نفسك ما هزمتك وكنت قدر التحدي!💚
سجل تمامك بي (الحمد لله)

#قليل_دائم💚
#قوم_امشي_صلِّ💚

الفجر… البداية البتفرق!

"بورك لأمتي في بكورها"… الفجر ما مجرد وقت، الفجر مفتاح البركة في يومك كله ✨

في اللحظات الهادية دي، ربنا بفتح ليك أبواب ما بتتفتح في زحمة اليوم:
قراية بفهم أعمق
شغل بإنتاج أعلى
نشاط وحيوية لباقي اليوم
وراحة في القلب مع الذكر والدعاء

الفجر بيديك إحساس إنك سابق، مسيطر على يومك، وماشي بخطوة واثقة نحو أهدافك 💪

ابدأ يومك بركعتين، استغفار، ودعاء… وبعدها أمشي لي أي حاجة مفيدة ليك، وحتشوف البركة كيف بتدخل في وقتك وحياتك كلها ...

جرب تعيش الفجر صح… وراقب كيف يومك كله يتغير!💚

#قوم_امشي_صلِّ💚

تحدي ٥🤩


قال عمر بن الخطاب -رضي الله عنه- : قول العبد: الله أكبر، خير من الدنيا وما فيها.

قادر تتخيل يا رفيق عظمة الذكر دا؟
رايك شنو لو رفعنا سقف التحدي وواظبت عليه لمدة تلاتة يوم 🤩💚
سجل حضورك للتحدي بي (الله أكبر)
وبشرنا بالتمام 💚

#قليل_دائم💚
#قوم_امشي_صلِّ💚

في نهاية اليوم…ما تنوم ساي
اقعد مع نفسك شوية…
واسألها بصدق:

لشنو عصيت؟
شنو الظروف السهّلت لي المعصية؟
ولشنو قصّرت في الطاعة؟

ربنا أقسم بالنفس اللوّامة…
﴿وَلَا أُقْسِمُ بِالنَّفْسِ اللَّوَّامَةِ﴾
النفس البتراجع، وتندم، وترجع.
يمكن ذنب صغير…
يكسرك ويقرّبك من ربنا.
ويمكن طاعة…
تغتر بيها وتبعدك.

عشان كدا…
حاسب نفسك قبل ما تتحاسب.
وقال عمر بن الخطاب رضي الله عنه:
"حاسِبوا أنفسكم قبل أن تُحاسَبوا، وزِنوا أعمالكم قبل أن تُوزَن عليكم"

شوف يومك مرّ كيف:
وين أحسنت؟
وين قصّرت؟
ووين محتاج تبدأ من جديد؟
وما تنسى:

﴿يَا أَيُّهَا الَّذِينَ آمَنُوا اتَّقُوا اللَّهَ وَلْتَنظُرْ نَفْسٌ مَّا قَدَّمَتْ لِغَدٍ﴾

كل يوم فرصة…يا تقرّب، يا تبعد.

#قوم_امشي_صلِّ💚

هل تعلم يا عزيزي المصلي أنو الفترة الجاية في أيام صيامها فيه إغتنام كبير ومفيد جدآ ومن أحب الأيام لله ؟!👀

قال ﷺ:

”ما من أيَّامٍ العملُ الصَّالحُ فيهنَّ أحبُّ إلى اللهِ من هذه الأيَّامِ.“

عرفتو الأيام دي شنو.. 🤔
نعم يا عزيزي المصلي دي العشر من ذي الحجة 💚
أيام مليانة خير وعظمة وتقرب من الله، وأوقات مستحب فيها الدعاء، وأكيد ما حننسي يوم عرفة وفضل يوم عرفة 💚

في التعليقات قول لينا فضل يوم عرفة شنو وفعِّلوا نية الصيام للعشر من ذي الحجة 💚

#قوم_امشي_صلِّ💚

اتخيل لو عندك ضيف غالي شديد حيزورك بعد أسبوع
ويقعد معاك أيام قليلة بس،
أكيد حترتب البيت وتجهزه وتتأكد إن كل شيء جاهز للإستقبال صح ؟!👀

ولله المثل الأعلى فأحب أيام الدنيا العشر من ذي الحجة على الأبواب فهل قلوبنا جاهزة للإستقبال ؟
ولا لسه مزحومة بالهموم ؟!

بعد ما اتكلمنا عن أول خطوة واخدنا زاد الطريق..
موعدنا اليوم في جليس؛
عشان نتجهز لموسم النفحات وفرصة العمر مع جليسنا
د. يزيد المنير جزاه الله عنَّا خيراً 💚
في مجلس بعنوان
(موسم النفحات: فرصة ذهبية ومنحة ربانية)

📆 يوم الإثنين | ٢٤ ذو القعدة ١٤٤٧هـ الموافق ١١ مايو ٢٠٢٦م
⏰ الساعة | ٨:٣٠ مساءًا بتوقيت الخرطوم —
٩:٣٠ مساءًا بتوقيت القاهرة ومكة المكرمة أحبِّ البقاع 💚


ما تجي براك جيب معاك صاحبك الصالح...
موعدنا بعدين المساء بإذن الله 💚

#جليس
#قوم_امشي_صلِّ💚

سرِجْ لِقلبـكَ في الهـدايةِ نـورَهُ
واغنمْ من العَشرِ الكريمِ سـرورَهُ

وانفُضْ غُبارَ التّيهِ عن رُوحٍ أتتْ
ترجـو بسُقيا المـكرُماتِ نُشــورَهُ

"جَلِيس"💚

بسمِ اللهِ نبتدئ وبِهِ نستعين♡

المجلس..
نافذة التعليقات⤵️💚:

#جليس
#قوم_امشي_صلِّ💚

في مجلس جليس الكان أمبارح د. يزيد قال لينا عن عبادات وأعمال مهمة نواظب عليها في أيام العشر من ذي الحجة

ذي الذكر والصدقات وغيرها..
فلو مجهزين خطتكم وناوين أكتب لينا جزء منها واعمل منشن لصاحبك الصالح 💚

#قوم_امشي_صلِّ💚

العشر من ذي الحجة ما باقي عليها كتير..
"ربنا يبلغنا ليها ونحسن العمل فيها" 💚

لو سألناكم شنو هي أكتر حاجة ضيعت عليكم أيام العشر في السنين الفاتت ؟!
جاوبونا في التعليقات وخلونا نعرفها عشان نبعد عنها وما تضيع علينا خير أيام الدنيا إن شاء الله 💚

#قوم_امشي_صلِّ💚

قال تعالى: ﴿ وَبَشِّرِ الصَّابِرِينَ الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ أُولَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُولَئِكَ هُمُ الْمُهْتَدُونَ ﴾

لله ما اخذ ولله ما أعطى وكل شيءٍ عنده بأجل مسمى،
الحمد لله على ما أراد ولا نقول إلا ما يرضي الله
إنَّا لله وإنا إليه راجعون..

انتقلت إلى رحمة مولاها
والدة الأخت مَعين مُحي الدين

نسأل الله تعالى أن يتقبلها قبولاً حسناً بغير حساب ولا سابق عذاب
ويرحمها ويغفر لها ويُسكنها فسيح جناته ويحشرها مع أُمهات المؤمنين وخيرة نساء العالمين مريم بنت عمران، آسية بنت مزاحم وهاجر أُم إسماعيل والزهراء بنت النبي ﷺ وحسُن أولئك رفيقًا.

لا تنسوها من صالح الدعوات ولِأختكم بالربط على القلب والصبر والسلوان وأن يجمعها ووالدتها عند الحوض وتلبسها تاج الوقار في غرفات الجنان،
وكونوا عوناً لأختكم بالدعوات الطيبة والتذكير بنعيم الجنة؛
فإن الجزاء من جنس العمل، ولا حول ولا قوة إلا بالله العظيم

#دعواتكم_لوالدة_معين_ولـ_معين
#قوم_امشي_صلِّ

اتخيل نفسك في محطة
والقطر جاء وقف وفي ناس ركبوا، لكن إنت اتأخرت وما لحقتهم
اتضايقت وزعلت على نفسك الناس ركبت وخلتك..

لكن فجأة سمعت منادي بقول إن في قطر تاني حيجي بعد شوية وممكن يكون أسرع من الفات كمان
أكيد حتقوم وتجهز نفسك وتقيف قدام عشان تكون أول راكب فيه صح ؟!

طيب اعتبر القطر الأول الفاتك دا هو شهر رمضان
قصرت فيه واتهاونت وفي ناس فاتتك، والحمد لله جاتك فرصة تانية وقطر تاني هو أيام العشر من ذي الحجة 💚

فاتجهز ليها من أسي..
ولو كنت مقيم على ذنب اتركه واستغفر وتوب ولو مقصر في عبادات فجاهد نفسك تحافظ عليها وتزيد عليها بالنوافل كمان؛ عشان تركب القطر التاني وتلحق بالركب السبقوك 💚

#قوم_امشي_صلِّ💚

الأيام دي في ظاهرة بتمسنا كلنا نحن المسلمين، مرات بنقول لشنو نحن بندعي ومافي استجابة ؟!
ليه؟!

لأن نحن اتعودنا في العصر دا على السرعة
والتوصيل السريع حتى مع ربنا، دايرين وظيفة الليلة، والشفاء هسة، والزواج بكرة، ولو دعينا واتاخرت الإستجابة بنقلق ونيأس وبنبطل دعاء

التأخير مرات بكون لحكمة بيعلم بيها ربنا،
لكن خليك عارف انو التأخير ما رفض لدعائك؛ لأن سيدنا يعقوب دعاء سنين لحدي ما رجع ليه ابنه يوسف، وديل انبياء عليهم السلام- فما بالك بينا نحن؟

دايما ربنا بيختار لينا الأحسن مرات بتدعي بوظيفة، وربنا شايل ليك شركة، وتدعي بزول معين، وربنا شايل ليك زول يسعدك عمرك كامل 💚
والدعاء في نفسو عبادة كل ما تقول يا رب بيتحسب ليك اجر حتى لو ما شفت نتيجة حالية زي مافي الآية
{وَرِزْقُ رَبِّكَ خَيْرٌ وَأَبْقَى}

طيب لو حسيت بملل انتظار الإستجابة ما تقيف من الدعاء غير صيغة الدعاء بدل تقول يا رب اديني قول يا رب اختار لي عشان التسليم بريح 💚
اشكر الله على تأخير الإستجابة قول "الحمد لله الذي منع عني شر ما لم أعلمه"، وخليك مُلح بالدعاء وركز على قيام الليل وأوقات الدعاء يكون مستجاب

الله هو الوحيد الأدرى بوقت الإستجابة الأصلح ليك،
ما ناسيك بكون مجهز ليك احسن من ما دعيت
فيا صاحب الدعوة لا تستعجل، ويا فاقد الإجابة لا تيأس 💚

#قوم_امشي_صلِّ💚

إلى كل من أجهدهُ المسير وثقلت عليه الأيام… 💚
إلى القلوب التي تشتاق للسكينة،
والأرواح البتبحث عن زاد يحييها من جديد

قال النبي ﷺ:
”إن لربِّكم في أيامِ دهرِكم نفحاتٍ فتعرضوا لها“
وتجي عشر ذي الحجة من أعظم النفحات 💚
ما بس موسم عبادة،
لكن فرصة نرتب فيها قلوبنا ونهذب بيها أرواحنا من تعب الدنيا.

خلونا نعرف كيف نستفيد من الأيام دي ونغتنمها
في محاضرة بعنوان:
(وَتَزَوَّدُوا.. حين تترقب الأرواح مرافئ العشر)
مع فضيلة شيخنا مصطفى ميرغني بارك الله فيه 🌿

📆 يوم الأربعاء | ٢٦ ذو القعدة ١٤٤٧هـ الموافق:
١٣ مايو ٢٠٢٦م
🕗 الساعة | ٨:٠٠ مساءًا بإذن الله بتوقيت البلد الحبيب –
٩:٠٠ مساءًا بتوقيت القاهرة ومكة المكرمة أحبِّ البقاع 💚

اضبطوا منبهاتكم ، وما تنسوا أهلكم وناسكم..
فالدال على الخير كفاعله 💚

#قوم_امشي_صلِّ💚

"يا باغي الخير أقبل لخيرك مسرعاً
فبشائر الرحمن في أيام عشرٍ أقبلت
لله فيها نفحة من نالها..
نال السعادة واستضاء بنورها"

بسمِ اللهِ نبتدئ وبِهِ نستعين..

(وَتَزَوَّدُوا.. حين تترقب الأرواح مرافئ العشر)
مع مصطفى ميرغني حفِظهُ الله💚.

رابط المجلس:
https://t.me/Gom9li?livestream=1cd4b49884d6ff73fc

نافذة التعليقات⤵️💚:

#قوم_أمشي_صلِّ💚