العشر من ذي الحجة ما باقي عليها كتير..
"ربنا يبلغنا ليها ونحسن العمل فيها" 💚

لو سألناكم شنو هي أكتر حاجة ضيعت عليكم أيام العشر في السنين الفاتت ؟!
جاوبونا في التعليقات وخلونا نعرفها عشان نبعد عنها وما تضيع علينا خير أيام الدنيا إن شاء الله 💚

#قوم_امشي_صلِّ💚

قال تعالى: ﴿ وَبَشِّرِ الصَّابِرِينَ الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ أُولَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُولَئِكَ هُمُ الْمُهْتَدُونَ ﴾

لله ما اخذ ولله ما أعطى وكل شيءٍ عنده بأجل مسمى،
الحمد لله على ما أراد ولا نقول إلا ما يرضي الله
إنَّا لله وإنا إليه راجعون..

انتقلت إلى رحمة مولاها
والدة الأخت مَعين مُحي الدين

نسأل الله تعالى أن يتقبلها قبولاً حسناً بغير حساب ولا سابق عذاب
ويرحمها ويغفر لها ويُسكنها فسيح جناته ويحشرها مع أُمهات المؤمنين وخيرة نساء العالمين مريم بنت عمران، آسية بنت مزاحم وهاجر أُم إسماعيل والزهراء بنت النبي ﷺ وحسُن أولئك رفيقًا.

لا تنسوها من صالح الدعوات ولِأختكم بالربط على القلب والصبر والسلوان وأن يجمعها ووالدتها عند الحوض وتلبسها تاج الوقار في غرفات الجنان،
وكونوا عوناً لأختكم بالدعوات الطيبة والتذكير بنعيم الجنة؛
فإن الجزاء من جنس العمل، ولا حول ولا قوة إلا بالله العظيم

#دعواتكم_لوالدة_معين_ولـ_معين
#قوم_امشي_صلِّ

اتخيل نفسك في محطة
والقطر جاء وقف وفي ناس ركبوا، لكن إنت اتأخرت وما لحقتهم
اتضايقت وزعلت على نفسك الناس ركبت وخلتك..

لكن فجأة سمعت منادي بقول إن في قطر تاني حيجي بعد شوية وممكن يكون أسرع من الفات كمان
أكيد حتقوم وتجهز نفسك وتقيف قدام عشان تكون أول راكب فيه صح ؟!

طيب اعتبر القطر الأول الفاتك دا هو شهر رمضان
قصرت فيه واتهاونت وفي ناس فاتتك، والحمد لله جاتك فرصة تانية وقطر تاني هو أيام العشر من ذي الحجة 💚

فاتجهز ليها من أسي..
ولو كنت مقيم على ذنب اتركه واستغفر وتوب ولو مقصر في عبادات فجاهد نفسك تحافظ عليها وتزيد عليها بالنوافل كمان؛ عشان تركب القطر التاني وتلحق بالركب السبقوك 💚

#قوم_امشي_صلِّ💚

الأيام دي في ظاهرة بتمسنا كلنا نحن المسلمين، مرات بنقول لشنو نحن بندعي ومافي استجابة ؟!
ليه؟!

لأن نحن اتعودنا في العصر دا على السرعة
والتوصيل السريع حتى مع ربنا، دايرين وظيفة الليلة، والشفاء هسة، والزواج بكرة، ولو دعينا واتاخرت الإستجابة بنقلق ونيأس وبنبطل دعاء

التأخير مرات بكون لحكمة بيعلم بيها ربنا،
لكن خليك عارف انو التأخير ما رفض لدعائك؛ لأن سيدنا يعقوب دعاء سنين لحدي ما رجع ليه ابنه يوسف، وديل انبياء عليهم السلام- فما بالك بينا نحن؟

دايما ربنا بيختار لينا الأحسن مرات بتدعي بوظيفة، وربنا شايل ليك شركة، وتدعي بزول معين، وربنا شايل ليك زول يسعدك عمرك كامل 💚
والدعاء في نفسو عبادة كل ما تقول يا رب بيتحسب ليك اجر حتى لو ما شفت نتيجة حالية زي مافي الآية
{وَرِزْقُ رَبِّكَ خَيْرٌ وَأَبْقَى}

طيب لو حسيت بملل انتظار الإستجابة ما تقيف من الدعاء غير صيغة الدعاء بدل تقول يا رب اديني قول يا رب اختار لي عشان التسليم بريح 💚
اشكر الله على تأخير الإستجابة قول "الحمد لله الذي منع عني شر ما لم أعلمه"، وخليك مُلح بالدعاء وركز على قيام الليل وأوقات الدعاء يكون مستجاب

الله هو الوحيد الأدرى بوقت الإستجابة الأصلح ليك،
ما ناسيك بكون مجهز ليك احسن من ما دعيت
فيا صاحب الدعوة لا تستعجل، ويا فاقد الإجابة لا تيأس 💚

#قوم_امشي_صلِّ💚

إلى كل من أجهدهُ المسير وثقلت عليه الأيام… 💚
إلى القلوب التي تشتاق للسكينة،
والأرواح البتبحث عن زاد يحييها من جديد

قال النبي ﷺ:
”إن لربِّكم في أيامِ دهرِكم نفحاتٍ فتعرضوا لها“
وتجي عشر ذي الحجة من أعظم النفحات 💚
ما بس موسم عبادة،
لكن فرصة نرتب فيها قلوبنا ونهذب بيها أرواحنا من تعب الدنيا.

خلونا نعرف كيف نستفيد من الأيام دي ونغتنمها
في محاضرة بعنوان:
(وَتَزَوَّدُوا.. حين تترقب الأرواح مرافئ العشر)
مع فضيلة شيخنا مصطفى ميرغني بارك الله فيه 🌿

📆 يوم الأربعاء | ٢٦ ذو القعدة ١٤٤٧هـ الموافق:
١٣ مايو ٢٠٢٦م
🕗 الساعة | ٨:٠٠ مساءًا بإذن الله بتوقيت البلد الحبيب –
٩:٠٠ مساءًا بتوقيت القاهرة ومكة المكرمة أحبِّ البقاع 💚

اضبطوا منبهاتكم ، وما تنسوا أهلكم وناسكم..
فالدال على الخير كفاعله 💚

#قوم_امشي_صلِّ💚

"يا باغي الخير أقبل لخيرك مسرعاً
فبشائر الرحمن في أيام عشرٍ أقبلت
لله فيها نفحة من نالها..
نال السعادة واستضاء بنورها"

بسمِ اللهِ نبتدئ وبِهِ نستعين..

(وَتَزَوَّدُوا.. حين تترقب الأرواح مرافئ العشر)
مع مصطفى ميرغني حفِظهُ الله💚.

رابط المجلس:
https://t.me/Gom9li?livestream=1cd4b49884d6ff73fc

نافذة التعليقات⤵️💚:

#قوم_أمشي_صلِّ💚

شايف القلب المتقلب البتحاول تثبته،
والنفس الأمارة بالسوء البتحاول تزكيها، وتأنيب الضمير البينتابك كلما تعمل معصية، استمر يا رفيق..

ايوه استمر؛
دا حالنا كلنا فما يصيبك اليأس، كلما تنتكس توب لله وعساها الروح تغادر الجسد وهي طيبة تائبة💚
وردد مع نفسك قوله تعالى:
{قُلْ يَا عِبَادِيَ الَّذِينَ أَسْرَفُوا عَلَى أَنْفُسِهِمْ لَا تَقْنَطُوا مِنْ رَحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا}
والسلام لقلبك💚

#قوم_أمشي_صلِّ💚

إتخيل تدي ابنك قروش وإنت مانعه من المخدرات ومفهمه إنها ضاره بصحته وإنها ممكن تدمر حياته وفجأه لقيته بيتعاطها بنفس القروش الأديتها ليه.

ولله المثل الأعلى، ربنا وفقك وأعانك وسددك في دراستك ويسر ليك دخول الجامعه والمواصله فيها وحرم عليك حاجات معينه ليه بنعصيه فيها ؟
ليه نتساهل في موضوع الإختلاط ونحنا عارفين إنه ربنا ما بيرضاه وما في مصلحتنا؟!
ليه ما نعمل بالحدود الوضعها ربنا ونرضيه ؟!
ليه نتعامل مع نعمه ربنا بالجحدان؟!

حيجي اليوم الحنندم فيه على كل تساهل إتساهلناه بسلام، ونسه، ضحك ،هظار وحتكون فترة الجامعه النقطه السوداء في حياتك بدل ما إنها أجمل فترة في طاعة الله ومجاهدة النفس بما يحبه ويرضاه
يا ريت نحسبها صاح قبل فوات الأوان

#قوم_امشي_صلّ💚

في زحمة الدنيا ومشاغلها، جيت أذكرك إنه كان عندك تحدي، ان شاء الله أنجزت التحدي!💚
سجل تمامك بي (اللهم لك الحمد)

#قليل_دائم💚
#قوم_امشي_صلِّ💚

في يوم الجمعة، تُعرض الأسماء، ويُبلغ السلام ...
"فلان ابن فلان يصلي عليك يا رسول الله". أي شرف هذا وأي وصل أعظم من أن يُذكر اسمك في حضرة الحبيب ﷺ ؟💚

أكثروا من الصلاة عليه؛
فهي كفاية لهمك، وكفارة لذنـبك، ونور يُقذف في قلبك.
اجعل لسانك رطباً بها، لعلها تكون المنجية حين تزل الأقدام.

﴿إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا﴾

#قوم_أمشي_صلِّ💚

أما آن أن يهجر قلبك الهم والغم،
أن تحفك الطمأنينة،
أن تنتشل روحك من مشاغل الدنيا لتنعم بالسلام.

أيا صاحب..
أقبل الطيبون لتحفهم الملائكة ولتطمئن قلوبهم،
أقبلوا لينالوا لذة الآي، أما تتوق نفسك لأن تكون معهم؟!

في مجلس يُتلى فيه أصدق الكلم،
تترادف الآيات لتربت على الأكتاف وتروي عجائب قدرته وعظيم رحمته،
هلم يا صاحبي لحلقة التلاوة مع شيخنا:
حامد محي الدين -غفر الله له ولنا-
على قناتكم قوم امشي صلِّ💚.

📆 يوم الجمعة: ٢٨ ذو القعدة ١٤٤٧هـ الموافق ١٥ مايو ٢٠٢٦م
⏰ الساعة: ٨:٣٠ مساءًا بإذن الله بتوقيت السودان الحبيب– ٩:٣٠ مساءًا بتوقيت القاهرة ومكة المكرمة أحبِّ البقاع 💚.

فكونوا على الموعد واضبطوا المنبهات وما تنسوا تذكِّروا
الأصحاب.

#قوم_أمشي_صلِّ💚

ذُكر إن أحد السلف رحمه الله كان إذا صلى العصر يوم الجمعة، استقبل القبلة، ولم يكلم أحدًا حتى تغرب الشمس.

تفتكروا كان بعمل شنو؟! 👀
كان بدعو ربنا وبيُكثر من الدعاء والتضرع له من بعد صلاة العصر إلى أن تغرب الشمس؛ لأن دي ساعة فيها إستجابة للداعين وإعطاء السائلين💚.

وانتوا كيف حتستغلوا وقتكم من بعد صلاة العصر إلى مغيب الشمس!؟

#قوم_أمشي_صلِّ💚

وَإِنَّ كِتَابَ اللهِ أَوْثَقُ شَافِعٍ
وَأَغْنَى غَنَاءً وَاهِبًا وَمُتَفَضِّلَا
وَخَيْرُ جَلِيسٍ لَا يُمَلُّ حَدِيثُهُ
وَتَرْدَادُهُ يَزْدَادُ فِيهِ تَجَمُّلَا

بسم الله نبدأ وبِهِ نستعين..

"تلاوة إطمئنان"
مع الشيخ حامد محي الدين حفِظهُ الله💚.

رابط المجلس:
https://t.me/Gom9li?livestream=3e814f3a5f51061e9b

نافذة التعليقات⤵️💚

#قوم_امشي_صلِّ💚