بعد ما سعت بين الصفا والمروة سبع مرات تنظر لناس عابرين أو لأثر ماء من بعيد
ربنا رزقها وعوضها على صبرها واحتسابها
فكانت المعجرة والفرج بماء زمزم 💚

والعجيب مافي المعجزة نفسها بس لكن في المكان الطلعت منه، من تحت رجلين إسماعيل الرضيع، من حيث لم تحتسب هاجر ولا خطر على بالها

علمتني هاجر..
إن ثقتك بربنا ما تتزحزح حتى لو طال عليك الإبتلاء واشتد فاصبر واحتسب،

إن ربنا ممكن يأخر عنك ثمرة السعي والإجتهاد وتأتيك من طريق تاني ومن حيث لا تحتسب؛ عشان تعلم إن الرزق بيده هو سبحانه وليس بمجهودك الشخصي 💚

#علمتني_هاجر💚
#قوم_امشي_صلِّ💚

أما تشتهي ساعات يومك أن تزاحم بينها بمجالس من الذكر الحكيم يُرتل ؟💚

هلمُّوا يارفاق الخير وأقبِلوا،
لنلتف في رحاب حلقة تلاوة طيّبة بإذن الله تعالى مع شيخنا المنذر ضاحي طيّب الله أنفاسه وبارك فيه.
وذلك:

📆 يوم الجمعة : ٥ ذو الحجة ١٤٤٧ هـ الموافق:
٢٢ مايو ٢٠٢٦ م
⏰ الساعة: ٨:٣٠ مساءًا بإذن الله بتوقيت السودان – ٩:٣٠ مساءًا بتوقيت القاهرة ومكة المكرمة أحبِّ البقاع 💚

فأقبلوا بقلبوكم بل مسامعكم ..
ما تنسوا دعوة الأصحاب.

#قوم_امشي_صلِّ💚

ارحم نفسك من الصراع ده:
إنت لما بتغلط في السر، أنت ما بس بتعصى ربنا،
إنت «بتهين» نفسك وبتحملها فوق طاقتها من الهم والغم وتأنيب الضمير بيسلب منك النوم والتركيز 💔

= بتسأل عن الحل ؟
ما إنك تكون إنسان كامل ما بيغلط، الحل في "صدق العودة".
زي ما ذنب السر بيطفي النور، "دمعة السر" و "توبة الخلوة" بتفتح أبواب كانت مقفولة ليها سنين.
في الأيام المباركة دي، خلي عندك "خبيئة" من عمل صالح ... ركعتين في نص الليل، استغفار طويل وأنت براك، صدقة ما عارف بيها زول. داوي خلواتك السيئة بخلوات طيبة، وحتلاحظ كيف الأبواب بدت تفتح، والدعوات بدت تستجاب، ونفسك بدت تهدأ وتطمئن.

الله كريم، وبحب العبد اللي بيجيه وهو منكسر بيقول ليهو:
"يا رب، سترتني وأنا أعصيك، فاغفر لي وأنا أتوب إليك". 💚🌿

#أيام_معلومات💚
#قوم_امشي_صلِّ💚

هذا رحابٌ لو دخلت جنابهُ
ما عدت إلا رابحًا كَسبانا
هذا نعيمٌ بل النعيمُ بعينه
أن يرفُلَ العمرُ والأيامُ قرآنا💚

بسم الله نبدأ وبِهِ نستعين..

"حلقة تلاوة"
مع الشيخ المنذر ضاحي حفِظهُ الله💚.

رابط المجلس:
https://t.me/Gom9li?livestream

نافذة التعليقات⤵️💚

#قوم_امشي_صلِّ💚

00:00 سورة الفاتحة
11:14 ماتيسر من سورة الفرقان آيات ٦١ - أواخرها
14:45 سورة الإنسان
19:16 ما تيسر من سورة الحج الآيات ٧٣ - اواخرها
21:27 ماتيسر من سورة المؤمنون الآيات ١ - ١٤
23:40 ماتيسر من سورة الرعد الآيات ١٨ - ٢٤
26:29 ماتيسر من سورة نوح الآيات ١ - ٢٠
29:47 ماتيسر من سورة لقمان ١ - ١١
32:55 ماتيسر من سورة المائدة ٧٢ - ٧٥
35:00 ماتيسر من سورة الإسراء ١٠٥ - ١١١
36:49 ماتيسر من سورة الحجر ٨٥ - ٩٩
38:57 ماتيسر من سورة الشعراء
50:00 كلمة مع الشيخ عن العشر ونصائح💚
جزاه الله عنّا كل خير

#قوم_امشي_صلِّ💚

إِلَهِي أَجِرْنِي مِنْ عَذَابِكَ إِنَّنِي
أَسِيرٌ، ذَلِيلٌ، خَائِفٌ لَكَ أَخْضَعُ

متذكرين آخر حاجة قلناها في البوست الفات؟!
أيوة، نشد الهمة ونخت النية إنو نكون قريبين من ربنا في الأيام دي.

عارفك حتسأل السؤال دا 🤣: (كيف؟!)

طيب، أول حاجة — ودي موضوع اليوم — إنو نتوب لربنا.

في الحديث بتاع فضل الأيام دي، قال صلى الله عليه وسلم إنو العمل الصالح فيها أحب إلى الله حتى من الجهاد.

طيب، رأيك شنو لو قلت ليك: لو إنت قررت تتوب وترجع لربنا، وتقلع عن كل الذنوب البتعملها، وترجع لكل الواجبات الما كنت بتعملها، الحاجة دي حيكون قدرها عظيم، وربنا سبحانه وتعالى يفرح بيها.
الكلام دا ما خيال، دي الحقيقة الحاصلة، والدليل:

في حديث عن أنس بن مالك رضي الله عنه قال: قال رسول الله صلى الله عليه وسلم:

(لَلَّهُ أشَدُّ فرَحًا بتَوبةِ عَبدِه حينَ يَتوبُ إليه، مِن أحَدِكُم كان على راحِلَتِه بأرضِ فَلاةٍ، فانفَلَتَت منه وعليها طَعامُه وشَرابُه، فأيِسَ منها، فأتى شَجَرةً، فاضطَجَعَ في ظِلِّها، قد أيِسَ مِن راحِلَتِه، فبينا هو كَذلك إذا هو بها قائِمةً عِندَه، فأخَذَ بخِطامِها، ثُمَّ قال مِن شِدَّةِ الفَرَحِ: اللَّهمَّ أنتَ عَبدي وأنا رَبُّكَ، أخطَأ مِن شِدَّةِ الفَرَحِ.)

طبعًا، أول ما تقرر إنك تتوب وتقعد مع نفسك، حيجي الشيطان ويدخل ليك من مداخل كتيرة.
أولها: حيخليك تيأس من نفسك، وحتسأل نفسك: بعد كل العملتو دا، ربنا حيتوب عليَّ ويغفر لي ذنوبي دي كلها؟

حتكون قدام خيارين:
تابع معاي في التعليقات⤵️💚

#ولا_الجهاد_في_سبيل_الله💚
#قوم_امشي_صلِّ💚

{فَإنِّي قَرِيبٌ}

اللهم إني أسألك من الخير كله عاجله وآجله ما علمت منه وما لم أعلم ، وأعوذ بك من الشر كله عاجله وآجله ما علمت منه وما لم أعلم . اللهم إني أسألك من خير ما سألك به عبدك ونبيك ، وأعوذ بك من شر ما عاذ به عبدك ونبيك . اللهم إني أسألك الجنة وما قرب إليها من قول أو عمل ، وأعوذ بك من النار وما قرب إليها من قول أو عمل ، وأسألك أن تجعل كل قضاء قضيته لي خيرا.

#ذو_الحجة
#قوم_أمشي_صلِّ💚

تذكير منَّا يا كرام..
بمواعيد محاضرة (فضل الذكر واستحضار القلب)
مع الشيخ مصطفى ميرغني جزاه الله عنَّا خيراً 💚

حتكون اليوم السبت الساعة ٨:٣٠ مساءًا بتوقيت السودان – ٩:٣٠ مساءًا بتوقيت القاهرة ومكة المكرمة بإذن الله
على قناتكم قوم امشي صلِّ على التيليجرام

فكونوا على الموعد واضبطوا المنبهات 💚

#قوم_امشي_صلِّ💚

ارحم نفسك..
ربنا ما سترك عشان تتمادى، سترك عشان ترجع.
وتذكر قصة كليم الله موسى عليه السلام لما خرج يستسقي بقومه فما نزل المطر، فأوحى الله إليه: "إن فيكم عبداً يبارزني بالمعاصي أربعين سنة، فبشؤم معصيته مُنعتم المطر".

فنادى موسى في الناس:
"يا من عصيت الله، اخرج من بيننا"
هنا العبد ده عرف نفسه، فغطى رأسه وبكى وقال: "يا رب، عصيتك ٤٠ سنة وسترتني، وأنا الآن أتوب إليك فاسترني" 🥹

اللمسة العجيبة:
قبل ما العبد ده يخرج من مكانه، المطر نزل بغزارة!
تعجب موسى وقال: "يا رب نزل المطر ولم يخرج أحد؟"
فقال الله تعالى له: "يا موسى، سقيتهم بالذي منعتهم به، لقد تاب عبدي". فسأل موسى: "يا رب أرني إياه"،
فقال الله: "يا موسى، سترته وهو يعصيني، أأفضحه وهو يطيعني؟!" 💚

#أيام_معلومات💚
#قوم_امشي_صلِّ💚

"عليك بذكر الله يا طالب الأجر
ويا راغبا في الخير والفضل والبر
عليك به تعطي الرغائب كلها
وتكفي به كل المهمات والضر"

بسمِ اللهِ نبتدئ وبِهِ نستعين..

(فضل الذكر واستحضار القلب)
مع الشيخ مصطفى ميرغني حفظه الله💚.

رابط المجلس:
https://t.me/Gom9li?livestream

نافذة التعليقات⤵️💚:

#قوم_امشي_صلِّ💚

كبر إسماعيل وشب على يقين وثبات وإيمان، فعندما جاء الإختبار الأعظم بالذبح لم يقل "لماذا أنا وكيف ذاك؟"
بل قال: {يَا أَبَتِ افْعَلْ مَا تُؤْمَرُ}

الثبات دا ما جاء من فراغ لكن انعكاس ليقين وثبات أمه هاجر التي أرضعته منذ صغره "إذا لا يضيعنا الله"،
فإسماعيل هو ثمرة ناضجة لغرس هاجر الصابرة

علمتني هاجر..
أن أمر الله تعالى فوق كل عاطفة وأن من يُسلِّم أمره لله يَسلَّم من كل سوء ومكروه كان ممكن يصيبه، وأن ثباتك في وقت الأزمات وحُسن ظنك بالله ما درس ليك براك لكن هو تعليم ومدرسة لأبنائك وللجيل الناشئ كمان

فكن قدوة لهم بيقينك وإيمانك بالله وبصبرك على الشدائد والإبتلاءات عشان تلقى العوض الجميل وجبر الخاطر ولو بعد حين

#علمتني_هاجر💚
#قوم_امشي_صلِّ💚

”أبشر بخير يوم مرّ عليك“ !…
عارفين أجمل لحظة في حياة "كعب بن مالك" رضي الله عنه كانت متين ؟🤔
ما كانت يوم غنيمة ولا نصر، كانت اليوم النزل فيهو قران بـ (توبته) بعد ٥٠ يوم من الضيق والوحدة..
لدرجة إنو النبي ﷺ قال ليهو وهو وشّه بينور من الفرح: "أبشر بخير يوم مرّ عليك منذ ولدتك أمك!" 💚

الرسالة:
التوبة ما "عقاب"، التوبة هي "غسيل" للروح
ربنا ما مستني منك تكون "ملاك"، لكنه تعالى يريد منك تكون "أوّاب".. فكل ما تقع، قوم ونفض غبارك وكمل سيرك إليه 💚

كلنا بنغلط، وأحياناً بنفتكر إنو ذنوبنا أكبر من إنها تغفر..
بس تعال شوف "الغامدية". غلطت غلط كبير، بس "حرقة قلبها" وصدقها في الرجوع خلت النبي ﷺ يقول عنها: "لقد تابت توبة لو قُسمت بين سبعين من أهل المدينة لوسعتهم!" 🥹

ما تحسبها بالورقة والقلم،
أحسبها بـ «كرم الكريم» لأن توبة واحدة صادقة بتمسح سنين من التوهان، وبترجع ليك بركة يومك وتوفيقك في دراستك وشغلك وممكن تكون سبب تدخل بيها الجنان 💚

#أيام_معلومات💚
#قوم_امشي_صلِّ💚