تخيّل…
إنو بين كل الأعمال الكثيرة البنعملها كل يوم،
في شيء صغير جدًا… لكنه عند ربنا عظيم جدًا.
“النيّة” 💚

النيّة هي روح العمل،
وهي الفرق بين العادة والعبادة.
يمكن نفس الفعل يعمله شخصين…
لكن واحد يُؤجر عليه، والثاني لا، فقط لأن القلوب مختلفة.

أحيانًا أبسط الأشياء تتحوّل لعبادة عظيمة:
تعبك، دراستك، مساعدتك للناس، صبرك…
كلها ممكن تكون باب أجر، لو كانت نيّتك لله.
والأجمل؟
إن ربنا يكتب أجر النية الصادقة حتى قبل اكتمال العمل 💚
عشان كدا، قبل أي خطوة، اسأل نفسك:
“أنا بعمل الشيء دا ليه؟”

وجدّد نيّتك دائمًا…
لأن القلب إذا صلح، بارك الله في كل ما يخرج منه.

#قوم_أمشي_صلِّ 💚

من بودكاست فاهم | (سلسلة تذوق العبادات - الصلاة)
د. أحمد العربي

”يمشُون نحو بيوتِ الله إذ سمعـوا
الله أكبـر في شـــوق و في جـذل 
أرواحهــم خشعــت لله فــي أدب
قلوبهـم مـن جـلال الله في وجـل
نجـــواهم ربـــنا جئنــاك طائـــعة
نُفوســنا.. وعصيــنا خـادع الأمــل

هُــمُ الرجـال فــلا يُلهيهــمُ لعـــبٌ
عـن الصــلاة ولا أكذوبــة الكســل“

#قوم_امشي_صلِّ💚

منو البتحمل يدعوك ٥ مرات في اليوم عشان يسمع مشاكلك ويحلها ليك ؟!

يقول الحسن البصري:
"إذا أردت أن تكلّم الله فعليك بالصلاة، وإذا أردت أن يكلّمك الله فعليك بالقرآن".

#قوم_امشي_صلّ💚

أتـدري؟
أن ربـنا مٌحاوطـك بكميـة هائِّلـة من النِعـم، متذكر كم مـرة أكرمك؟ وكم مـن ضيقٍ فرّجه ووسع رزقك؟
كم مـن قلقٍ طمئنه وكم مـن كسرٍ جبره؟

وكم مـن مرة و مرة؛ نِعمـهٌ عليكَ لا تٌحصىٰ ولا تٌعد،
لا تسمع للشيطان وتبخس النعم العندك، أنظر لهـا تأملها وأحمدٌ ربك على كل صغيرة وكبيرة، أستشعر نعـم الله عليك فأنت تملك مـن الكثيـر الذي يفتقـده غيرك!.
فأحمد الله على كثيـرِ نعمه وجميـلِ سِتـره💚.

#قوم_امشي_صلِّ💚

ما تيسَّر من سورة الأحزاب —
الشيخ عبدالله موسى💚

{إِنَّ اللَّهَ وَمَلائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا}

فاللهم صلِّ وسلم على نبينا محمد ﷺ.

#قوم_امشي_صلِّ💚

الختام 🫡

{وَاعْبُدْ رَبَّكَ حَتَّىٰ يَأْتِيَكَ الْيَقِينُ}
السلسلة خلصت لكن التحديات لسه؛
إنت في تحدي مع نفسك لحدي الممات، جدد النية، لو التزمنا يوم يومين اسبوع، المانع شنو لو جاهدنا للإلتزام حتى الممات !💚

في أول تعليق حنرفق ليكم جدول لمتابعة التحديات الخاصة بيكم ممكن تطبعوه أو تكتبوا عليه كدا ربنا يثبتنا ويهدينا إلى صراطه المستقيم 💚

#قليل_دائم💚
#قوم_امشي_صلِّ💚

"كيفَ حـالُك؟
هل عليكَ الليلُ حــالِك؟

هل نويـت الليل وِتـرًا
يُنعشُ قلبــًا تهــالك؟

قُم معي للهِ نمضي💚...
كلُ مافي الكونِ هــالك"

#قوم_امشي_صلِّ💚

زمان وأنا صغير كنت معتقد إن أبوي وأمي ما ممكن يغلطوا وإن أي حاجة متعودين عليها وبعملوها صح أو الناس كلها بتعملها أكيد صحيحة.

لكن مع الوقت فهمت إن الزول ممكن يتعود على حاجات كثيرة ويعتبرها عادية ما لأنها صح لكن لأنه اتربى عليها وشاف الناس الحواليه بيسووها.

وأهلنا ما كانوا معصومين من الخطأ وكثير منهم عاشوا في زمن ما كان الوصول للمعلومة فيه ساهل زي هسي وما كان في زول يوريهم الكلام ده صح ولا غلط؛ عشان كده ما المفروض نعتمد اعتمادًا كاملًا على كل علم ورثناه من آبائنا وأجدادنا من غير ما نتأكد ونبحث ونعرف الدليل.

واليوم الموضوع ما بقى واقف على الأهل أو المجتمع بس بقت في ترندات وأفكار بتنتشر عبر السوشيال ميديا بسرعة، والناس بتمشي وراها لأنها مشهورة أو لأن أغلب الناس بعملوها، من غير ما تسأل: هل الكلام ده صح؟ هل يرضي ربنا؟

ربنا سبحانه وتعالى ميّز الإنسان بالعقل وأمره بالتفكر والتدبر فما المطلوب مننا نمشي ورا أي حاجة لمجرد إنها منتشرة أو لأن الناس كلها بتعملها.
يوم القيامة بعض الناس حيقولوا
كما قال تعالى: ﴿وَكُنَّا نَخُوضُ مَعَ الْخَائِضِينَ﴾
نمشي مع الناس وين ما مشوا،
ونتكلم في الحاجات البتكلموا فيها ونتبع أي شيء منتشر من غير ما نفكر أو نتأكد.

فما كل حاجة اتربينا عليها صح وما كل حاجة منتشرة بين الناس صح وما كل ترند لازم نمشي وراه.
عشان كده اسأل نفسك:
هل العمل ده يرضي الله؟
وما تخلي العادة أو الترند أو كلام الناس هو المقياس.

﴿وَإِنْ تُطِعْ أَكْثَرَ مَنْ فِي الْأَرْضِ يُضِلُّوكَ عَنْ سَبِيلِ اللَّهِ﴾

#قوم_امشي_صلِّ💚

آلـو آلـو 👀

دائمًا صلِّ بتكتـب و إنتو بتقـروا
بس المـرة دي غيَّـر، صلِّ عايزة تسمعكم، تقـرأ و تستفيد منكـم، أكيـد جـوا كل واحد فيكم
موضوع نفسه يعرف عنه أكتـر، عِبادة عايـز يفهمها، وتفاصيل كتيـررة ...🫣💚.

وعشان بنحبكـم، حنفتح رابط صراحـة، اكتبوا لينـا فيه عايزننا نتكلم عن شنـو الشهر دا، وشنـو هي نـوع البوستات إللي عايزين نكثر منهـا، و المواضيع إللي محتاجين ليها و فاقدنـها💚.

https://goom123.sarhne.com
مٌنتظرنكـم و حنتابـع بكـل حٌـب👀💚.

#قوم_امشي_صلِّ💚

الأيام بتجري سريع وأمبارح من بداية شهر ذي الحجة كنا مابين عبادة وطاعات وصيام، وجانا يوم عرفة ودعينا فيه وذكرنا ربنا والحمد لله

لكن الأسئلة المفروض نسألها لنفسنا؛
كيف حيكون الوضع بعد موسم الطاعات ؟
وكيف حيكون حالنا بعدما رجعنا لمشاغل الدنيا والجري الما بنتهي ؟
حنحافظ على قدر من الأعمال والعبادات الكنا ملتزمين بيها بداية الشهر ولا حنرجع ذيما كما ونعتبرها أعمال موسمية بس ؟

عشان كدا حنلتقيكم اليوم مع جليسنا د. يزيد المنير جزاه الله عنَّا خيراً ونفع به، في مجلس بعنوان
(ماذا بعد موسم الطاعات ؟)
نتناقش فيه حول النقاط دي ولو عندكم أسئلة وتساؤلات كمان فشاركونا بيها وننتفع بيكم كمان 💚

️🗓يوم الإثنين: ٢٢ ذو الحجة ١٤٤٧هـ الموافق
٨ يونيو ٢٠٢٦م
⏰️الساعة:٨:٣٠ مساء بإذن الله بتوقيت السودان – ٩:٣٠ مساء بتوقيت القاهرة ومكة المكرمة أحبُّ البقاع 💚

فكونوا معنا رفقة جليس الإثنين وبلغوا الأصحاب

#جليس
#قوم_امشي_صلِّ💚

مواسم الطاعات جاءت مبشرة
يا باغي الخير أقبل ففيها الخير لم يزل
والكيّسُ من عمل فيها مخلصاً
ومشى في درب الهدى بلا كسل
فما انقضى واجب التقوى بآخرها
بل بابها مشرع للصادقين بالعمل

"جَلِيس"💚

بسمِ اللهِ نبتدئ وبِهِ نستعين♡

رابط المجلس ⤵️💚:
https://t.me/Gom9li?livestream

نافذة التعليقات⤵️💚:

#جليس💚
#قوم_امشي_صلِّ💚

كتير مننا فاهم الصلاح دا غلط، قايلو إنك تبقى "درويش" لابس جلابية بيضا وقاعد في الزاوية، ومقفل على نفسك ومقاطع الدنيا! لا يا حبيبنا.. الصلاح دا مش "انعزال"، الصلاح دا "اتصال".
عارف يعني شنو تكون صالح؟

يعني لما تقفل باب غرفتك عليك، وتكون براك تماماً، والإنترنت شغال، والفتن مية مية.. تذكر إنو "الله يراني". الصلاح بيبدأ من الحتة دي.. من "صلاح السريرة".
صالح يعني: صلاتك في وقتها، ما مجمهة ومأخرة.
صالح يعني: قلبك دا نضيف، ما فيهو حقد، ولا حسد، ولا "شmar" بياكل في حسناتك.
صالح يعني: لسانك دا عفيف، ما بتخوض في أعراض الناس ولا بتجرح زول.

الزيتونة: رب العباد قال:
{إِلَّا مَنْ أَتَى اللَّهَ بِقَلْبٍ سَلِيمٍ}.
صلح السيرفر الداخلي حقك أول، وخلي علاقتك مع الملك 100%.. بعد داك بتلقى نور الصلاح دا طلع في وشك وفي حياتك تلقائياً.

يا صاحب السعادة..
ابدأ الليلة، صلح لابتوب قلبك، وامسح ملفات الذنوب بالاستغفار، وقول: "يا رب، أنا داير أبقى صالح لوجهك الكريم".

#قوم_امشي_صلِّ💚

اللهٌ إذا أراد بعبـدِه خيـرًا، فتـحَ له بابَ الدعـاء في اوقـاتِ الرجـاء💚.

عارف يعنـي شـنـو؟🫣
يعني ربنا شايفك نايـم، و إختارك أنـتَ بالاسـم عشان تقـوم!.

"فتـح له بـابَ الدعـاء" = قلبك بقى ما مُرتـاح إلا تناجـي ربنـا وتحكي وتشكي ليه.

"أوقات الرجاء" = الأوقات الربنـا قال فيـها "أنا قريـب" ادعوني استجب لكـم" زي قيـام الليـل؛ الساعة 3 الفجـر ربنا نازل السماء الدنيـا وبقـول:
من يدعونـي فأستجب له، من يسألنـي فأعطيه، من يستغفرنـي فاغفر له.

تخيل ربنـا إختارك من بيـن كل الناس عشان تـصلي وتـدعي حتنـوم وتخلـي؟

قيام الليـل ما عبـادة زيـادة، دا اصطفـاء
ناس نايمـة و ناس واقفـة بيـن يـدي ربنـا💚!.

فأنـتَ أي واحـد فيهـم؟
‏﴿‌‏قُمِ اللَّيْلَ إِلَّا قَلِيلًا﴾

#قوم_امشي_صلِّ💚

من خطب الحرم المدني |
الشيخ أحمد بن طالب 💚

وصلوا وسلموا عباد الله على خير خلق الله محمد بن عبدالله، فقد أمركم الله بالصلاة والسلام عليه فقال:

{إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا}

فاللهم صلِّ وسلم وزِد وبارك على عبدك ورسولك نبينا محمد.

#قوم_امشي_صلِّ💚

عارف يا عزيزي إن الذنب ممكن يكون سبب في دخولك الجنة؟ 🤔

أيوه…الذنب!

تعال نشوف كلام ابن القيم رحمه الله: قد يكون الذنب سببًا في دخول العبد الجنة إذا قُرن بتوبة صادقة ،لأن الذنب يورّث انكسار القلب بين يدي الله،ويجعل العبد يُكثر من الاستغفار، ويبتعد عن العُجب والغرور، ويرجع إلى الله بصدق وخضوع.

نحن بشر بنذنب، ودا ما معناه إننا نتكبر أو نغتر بأعمالنا الصالحة، لأن ما في زول ضامن نفسو، والمؤمن دائماً يعيش بين الخوف والرجاء.

في واقعنا ممكن زول يعمل طاعات كثيرة ويحس إن ضمن الجنة، لكن الحقيقة إن الذنب بذكّرك دائماً إنك محتاج لله فتقوم ترجع، تستغفر، وتجدد التوبة.

أما السلف الصالح، فكانوا شديدين في محاسبة أنفسهم، يعيشون بين الخوف والرجاء والطمع في رحمة الله.

وقد قيل: البصراء لا يأمنون من أربع خصال:
1.ذنبٌ مضى ولم يُغفر لهم.
2.عملٌ صالحٌ لا يُقبل منهم.
3.نعمةٌ أُعطوا إياها وقد تكون استدراجًا.
4.فتنةٌ تأتيهم في دينهم عند الموت أو في حياتهم.

عمر بن الخطاب رضي الله عنه قال: “لو نادى منادٍ من السماء: أيها الناس، إنكم داخلون الجنة جميعًا إلا رجلًا واحدًا، لخفت أن أكون هو…”

فهذا عمر… فمن نحن؟ 💚

فلا تستصغر الذنب، لأنك إذا استصغرته عظم عند الله، وإذا عظمته وتبت منه بصدق، صغر بإذن الله ✨

#قوم_امشي_صلِّ💚