زمان وأنا صغير كنت معتقد إن أبوي وأمي ما ممكن يغلطوا وإن أي حاجة متعودين عليها وبعملوها صح أو الناس كلها بتعملها أكيد صحيحة.

لكن مع الوقت فهمت إن الزول ممكن يتعود على حاجات كثيرة ويعتبرها عادية ما لأنها صح لكن لأنه اتربى عليها وشاف الناس الحواليه بيسووها.

وأهلنا ما كانوا معصومين من الخطأ وكثير منهم عاشوا في زمن ما كان الوصول للمعلومة فيه ساهل زي هسي وما كان في زول يوريهم الكلام ده صح ولا غلط؛ عشان كده ما المفروض نعتمد اعتمادًا كاملًا على كل علم ورثناه من آبائنا وأجدادنا من غير ما نتأكد ونبحث ونعرف الدليل.

واليوم الموضوع ما بقى واقف على الأهل أو المجتمع بس بقت في ترندات وأفكار بتنتشر عبر السوشيال ميديا بسرعة، والناس بتمشي وراها لأنها مشهورة أو لأن أغلب الناس بعملوها، من غير ما تسأل: هل الكلام ده صح؟ هل يرضي ربنا؟

ربنا سبحانه وتعالى ميّز الإنسان بالعقل وأمره بالتفكر والتدبر فما المطلوب مننا نمشي ورا أي حاجة لمجرد إنها منتشرة أو لأن الناس كلها بتعملها.
يوم القيامة بعض الناس حيقولوا
كما قال تعالى: ﴿وَكُنَّا نَخُوضُ مَعَ الْخَائِضِينَ﴾
نمشي مع الناس وين ما مشوا،
ونتكلم في الحاجات البتكلموا فيها ونتبع أي شيء منتشر من غير ما نفكر أو نتأكد.

فما كل حاجة اتربينا عليها صح وما كل حاجة منتشرة بين الناس صح وما كل ترند لازم نمشي وراه.
عشان كده اسأل نفسك:
هل العمل ده يرضي الله؟
وما تخلي العادة أو الترند أو كلام الناس هو المقياس.

﴿وَإِنْ تُطِعْ أَكْثَرَ مَنْ فِي الْأَرْضِ يُضِلُّوكَ عَنْ سَبِيلِ اللَّهِ﴾

#قوم_امشي_صلِّ💚

آلـو آلـو 👀

دائمًا صلِّ بتكتـب و إنتو بتقـروا
بس المـرة دي غيَّـر، صلِّ عايزة تسمعكم، تقـرأ و تستفيد منكـم، أكيـد جـوا كل واحد فيكم
موضوع نفسه يعرف عنه أكتـر، عِبادة عايـز يفهمها، وتفاصيل كتيـررة ...🫣💚.

وعشان بنحبكـم، حنفتح رابط صراحـة، اكتبوا لينـا فيه عايزننا نتكلم عن شنـو الشهر دا، وشنـو هي نـوع البوستات إللي عايزين نكثر منهـا، و المواضيع إللي محتاجين ليها و فاقدنـها💚.

https://goom123.sarhne.com
مٌنتظرنكـم و حنتابـع بكـل حٌـب👀💚.

#قوم_امشي_صلِّ💚

الأيام بتجري سريع وأمبارح من بداية شهر ذي الحجة كنا مابين عبادة وطاعات وصيام، وجانا يوم عرفة ودعينا فيه وذكرنا ربنا والحمد لله

لكن الأسئلة المفروض نسألها لنفسنا؛
كيف حيكون الوضع بعد موسم الطاعات ؟
وكيف حيكون حالنا بعدما رجعنا لمشاغل الدنيا والجري الما بنتهي ؟
حنحافظ على قدر من الأعمال والعبادات الكنا ملتزمين بيها بداية الشهر ولا حنرجع ذيما كما ونعتبرها أعمال موسمية بس ؟

عشان كدا حنلتقيكم اليوم مع جليسنا د. يزيد المنير جزاه الله عنَّا خيراً ونفع به، في مجلس بعنوان
(ماذا بعد موسم الطاعات ؟)
نتناقش فيه حول النقاط دي ولو عندكم أسئلة وتساؤلات كمان فشاركونا بيها وننتفع بيكم كمان 💚

️🗓يوم الإثنين: ٢٢ ذو الحجة ١٤٤٧هـ الموافق
٨ يونيو ٢٠٢٦م
⏰️الساعة:٨:٣٠ مساء بإذن الله بتوقيت السودان – ٩:٣٠ مساء بتوقيت القاهرة ومكة المكرمة أحبُّ البقاع 💚

فكونوا معنا رفقة جليس الإثنين وبلغوا الأصحاب

#جليس
#قوم_امشي_صلِّ💚

مواسم الطاعات جاءت مبشرة
يا باغي الخير أقبل ففيها الخير لم يزل
والكيّسُ من عمل فيها مخلصاً
ومشى في درب الهدى بلا كسل
فما انقضى واجب التقوى بآخرها
بل بابها مشرع للصادقين بالعمل

"جَلِيس"💚

بسمِ اللهِ نبتدئ وبِهِ نستعين♡

رابط المجلس ⤵️💚:
https://t.me/Gom9li?livestream

نافذة التعليقات⤵️💚:

#جليس💚
#قوم_امشي_صلِّ💚

كتير مننا فاهم الصلاح دا غلط، قايلو إنك تبقى "درويش" لابس جلابية بيضا وقاعد في الزاوية، ومقفل على نفسك ومقاطع الدنيا! لا يا حبيبنا.. الصلاح دا مش "انعزال"، الصلاح دا "اتصال".
عارف يعني شنو تكون صالح؟

يعني لما تقفل باب غرفتك عليك، وتكون براك تماماً، والإنترنت شغال، والفتن مية مية.. تذكر إنو "الله يراني". الصلاح بيبدأ من الحتة دي.. من "صلاح السريرة".
صالح يعني: صلاتك في وقتها، ما مجمهة ومأخرة.
صالح يعني: قلبك دا نضيف، ما فيهو حقد، ولا حسد، ولا "شmar" بياكل في حسناتك.
صالح يعني: لسانك دا عفيف، ما بتخوض في أعراض الناس ولا بتجرح زول.

الزيتونة: رب العباد قال:
{إِلَّا مَنْ أَتَى اللَّهَ بِقَلْبٍ سَلِيمٍ}.
صلح السيرفر الداخلي حقك أول، وخلي علاقتك مع الملك 100%.. بعد داك بتلقى نور الصلاح دا طلع في وشك وفي حياتك تلقائياً.

يا صاحب السعادة..
ابدأ الليلة، صلح لابتوب قلبك، وامسح ملفات الذنوب بالاستغفار، وقول: "يا رب، أنا داير أبقى صالح لوجهك الكريم".

#قوم_امشي_صلِّ💚

اللهٌ إذا أراد بعبـدِه خيـرًا، فتـحَ له بابَ الدعـاء في اوقـاتِ الرجـاء💚.

عارف يعنـي شـنـو؟🫣
يعني ربنا شايفك نايـم، و إختارك أنـتَ بالاسـم عشان تقـوم!.

"فتـح له بـابَ الدعـاء" = قلبك بقى ما مُرتـاح إلا تناجـي ربنـا وتحكي وتشكي ليه.

"أوقات الرجاء" = الأوقات الربنـا قال فيـها "أنا قريـب" ادعوني استجب لكـم" زي قيـام الليـل؛ الساعة 3 الفجـر ربنا نازل السماء الدنيـا وبقـول:
من يدعونـي فأستجب له، من يسألنـي فأعطيه، من يستغفرنـي فاغفر له.

تخيل ربنـا إختارك من بيـن كل الناس عشان تـصلي وتـدعي حتنـوم وتخلـي؟

قيام الليـل ما عبـادة زيـادة، دا اصطفـاء
ناس نايمـة و ناس واقفـة بيـن يـدي ربنـا💚!.

فأنـتَ أي واحـد فيهـم؟
‏﴿‌‏قُمِ اللَّيْلَ إِلَّا قَلِيلًا﴾

#قوم_امشي_صلِّ💚

من خطب الحرم المدني |
الشيخ أحمد بن طالب 💚

وصلوا وسلموا عباد الله على خير خلق الله محمد بن عبدالله، فقد أمركم الله بالصلاة والسلام عليه فقال:

{إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا}

فاللهم صلِّ وسلم وزِد وبارك على عبدك ورسولك نبينا محمد.

#قوم_امشي_صلِّ💚

عارف يا عزيزي إن الذنب ممكن يكون سبب في دخولك الجنة؟ 🤔

أيوه…الذنب!

تعال نشوف كلام ابن القيم رحمه الله: قد يكون الذنب سببًا في دخول العبد الجنة إذا قُرن بتوبة صادقة ،لأن الذنب يورّث انكسار القلب بين يدي الله،ويجعل العبد يُكثر من الاستغفار، ويبتعد عن العُجب والغرور، ويرجع إلى الله بصدق وخضوع.

نحن بشر بنذنب، ودا ما معناه إننا نتكبر أو نغتر بأعمالنا الصالحة، لأن ما في زول ضامن نفسو، والمؤمن دائماً يعيش بين الخوف والرجاء.

في واقعنا ممكن زول يعمل طاعات كثيرة ويحس إن ضمن الجنة، لكن الحقيقة إن الذنب بذكّرك دائماً إنك محتاج لله فتقوم ترجع، تستغفر، وتجدد التوبة.

أما السلف الصالح، فكانوا شديدين في محاسبة أنفسهم، يعيشون بين الخوف والرجاء والطمع في رحمة الله.

وقد قيل: البصراء لا يأمنون من أربع خصال:
1.ذنبٌ مضى ولم يُغفر لهم.
2.عملٌ صالحٌ لا يُقبل منهم.
3.نعمةٌ أُعطوا إياها وقد تكون استدراجًا.
4.فتنةٌ تأتيهم في دينهم عند الموت أو في حياتهم.

عمر بن الخطاب رضي الله عنه قال: “لو نادى منادٍ من السماء: أيها الناس، إنكم داخلون الجنة جميعًا إلا رجلًا واحدًا، لخفت أن أكون هو…”

فهذا عمر… فمن نحن؟ 💚

فلا تستصغر الذنب، لأنك إذا استصغرته عظم عند الله، وإذا عظمته وتبت منه بصدق، صغر بإذن الله ✨

#قوم_امشي_صلِّ💚

ما تخلي الشيطان يوسوس ليك ويخليك تفكر إنو خلاص ربنا ما حيقبل توبتك ولا حيغفر ليك عن ذنبك

لأن دي مهمته وربنا ذكر لينا الحاجة دي،
فقال سبحانه:
{إِنَّمَا النَّجْوَىٰ مِنَ الشَّيْطَانِ لِيَحْزُنَ الَّذِينَ آمَنُوا}
والنجوى هي الوساوس والقول الخفي البيقذفه الشيطان في قلوب المؤمنين وأنت مؤمن بربنا وبرحمته وإنو غفار لمن تاب وعمل صالحا

عشان كدا ما تشتغل بكلامه واستغفر وتوب عن الذنب ولو عملته ألف ألف مرة ”فإنَّ اللهَ لا يَمَلُّ حتَّى تَمَلُّوا“
وأعمل خير واتصدق وأحسن توبتك ربنا ما حيغفر ليك بس لكن حيبدل ليك السيئات حسنات كمان 💚

#قوم_امشي_صلِّ💚

أنت تحاول!

أعلم يا وجه الخير أنك تحاول..
تسقط حينًا وحينًا تعود لتلحق بالركب، تضعف نفسك أحيانا فتجرفك لطريق لا تطيقه، لكنك سرعان ما تركض نحو النور مرة أخرى.

أتدري كيف علمت هذا ؟
لأني مثلك، وكذلك هم.. فلا ينتابنك اليأس، جاهد حتى تنتقل إلى جوار ربها روح مجاهدة ترجو الإستقامة حتى آخر رمق !💚

#قوم_أمشي_صلِّ💚

ياخ والله فلـم من المـوت عديـل ياصحـبي💀

تذكـر لما رشحـت الفلـم الزابط داك لصحبـك؟
وصحبـك عجبـه رشحو لأخـوه، وأخـوه رشحو لصاحبه، وصاحبه رشحو في قروب 500 نفر.

أنـت بهناك عايش عادي، بتصلي، بتنوم، بتاكل؛ بس عداد سيئاتـك جاري وما وقـف للحظـة ❗

النبي ﷺ قـال: "من دل على شـر كان له مثـل وزر من فعلـه"

عارف يعنـي شنـو؟
ذنـب الزول الحضر + ذنـب الزول الوراهو + ذنب الزول الوراهو... كله في صحيفتك أنـت.

تخيل متَ وأنـت خليت وراك "صدقة جاريـة" بس في السيئـات والعيـاذ بالله.
كل ضغطة Play = سيئة جديدة وانت في قبرك.

من الليلـة ومن البوسـت دا، قبـل ترسل "ارح المسلسل دا زابـط" اسـأل نفسك سـؤال واحـد بـس:

أنا بستحمل أشيـل ذنـب النـاس دي كلها يـوم القيامـة؟

لو الإجابـة لا...
قوم هسي احـذف أي ترشيـح كتبتـه، أي بوست فيه أغنيـة، أي رابـط ممكن يجـر زول للحـرام.
قبل ما ربـنا يأخـذ أمانتـه من الدنـيـا وأنـت شايـل الجبـل دا في ضهـرك😞.

#قوم_امشي_صلِّ💚

ما تيسَّر من سورة النور –
الشيخ المنشاوي رحمه الله 💚

{اللَّهُ نُورُ السَّمَاوَاتِ وَالْأَرْضِ ۚ مَثَلُ نُورِهِ كَمِشْكَاةٍ فِيهَا مِصْبَاحٌ ۖ الْمِصْبَاحُ فِي زُجَاجَةٍ ۖ الزُّجَاجَةُ كَأَنَّهَا كَوْكَبٌ دُرِّيٌّ يُوقَدُ مِن شَجَرَةٍ مُّبَارَكَةٍ زَيْتُونَةٍ لَّا شَرْقِيَّةٍ وَلَا غَرْبِيَّةٍ}

#قوم_امشي_صلِّ💚

يقول الإمام ابن القيم رحمه الله:
"لا تحمل هم الرزق فإنه من الله، فقط احمل همًا واحدًا كيف ترضي الله؛ لأنه لو أرضيت الله، رضي عنك وأرضاك وكفاك وأغناك"

من الأمور البتشغل بالنا في أغلب أوقاتنا هي مسألة الرزق بكل أنواعه وأشكاله، بس هل نحنا بنفكر فيه بالطريقه الصاح ؟
وهل تفكيرنا فيه حسن التوكل على الله؟
وهل بنتوكل ولا بنتواكل؟
والمطلوب مننا شنو عشان نحصل عليه بالطريقه الصاح ؟

دي كلها أسئلة حنعرف أجوبتها مع جليس الإثنين،
د. يزيد المنير جزاه الله عنَّا خيراً 🌿
في محاضرة بعنوان :
(تغدوا خماصاً وتعود بطاناً)

📆 يوم الإثنين | ٢٩ ذو الحجة ١٤٤٧هـ الموافق ١٥ مايو ٢٠٢٦م
⏰ الساعة | ٨:٣٠ مساءًا بتوقيت الخرطوم —
٩:٣٠ مساءًا بتوقيت القاهرة ومكة المكرمة أحبِّ البقاع 💚
📍 على قناتكم قوم امشي صلِّ على التيليجرام

فكونوا معنا حضوراً وأضبطوا المنبهات ..
وما تنسوا تكلموا الأصحاب

#جليس
#قوم_امشي_صلِّ💚

تَوكلْتُ في رِزْقي عَلَى اللَّهِ خَالقي
وأيقنتُ أنَّ اللهَ لا شكٌ رازقي
وما يكُ من رزقي فليسَ يفوتني
وَلَو كَانَ في قَاع البَحَارِ الغَوامِقِ
سيأتي بهِ اللهُ العظيمُ بفضلهِ
ولو لم يكن مني اللسانُ بناطقِ
ففي أي شيءٍ تذهبُ النفسُ حسرةً
وَقَدْ قَسَمَ الرَّحْمَنُ رِزْقَ الْخَلاَئِقِ

"جَلِيس"💚

بسمِ اللهِ نبتدئ وبِهِ نستعين♡

رابط المجلس ⤵️💚:
https://t.me/Gom9li?livestream

نافذة التعليقات⤵️💚:

#جليس
#قوم_امشي_صلِّ💚