00:00 ما تيسَّر من سورة يوسف ٦٩ - ١١١
13:05 ما تيسَّر من سورة الرعد ٠١ - ٤٣

#قوم_امشي_صلِّ💚

”إن الصلاة على النبيِّ وآله
يشدو بها من شاء أن يتعطَّر

صلوا على خير البرية تغنموا
عشراً يصليها الإلـٰه الأعظم

من زادها ربي يُفرج همه
والذنب يُعفى والنفوس تُنعم“

اللهم صلِّ وسلم على نبينا محمد 💚

#قوم_امشي_صلِّ💚

سؤال سريع كده وبكل صراحة بينك وبين نفسك.. آخر مرة فتحنا فيها كتاب يفهّمنا دِيننا، أو قعدنا نسمع درس يصحح لينا مفاهيمنا وعباداتنا، كانت متين؟🤔

هل فهم الدين ده محطة بعيدة عننا؟ ولا نحنا الغافلين عن كنز حقيقي بين يدينا؟

الحقيقة إنو طلب العلم الشرعي ما كان في يوم من الأيام حِكراً على فئة معينة، ولا هو رفاهية فكرية للناس الفاضية. العلم الشرعي هو البوصلة البتوجّه بوصلة يومك وتخليك تعيش بوعي، هو الفارق بين زول بعافر في الدنيا بدون هدف، وزول كل خطوة بتكون محسوبة وموزونة.

قبل ما يكون كتب وتفاصيل، هو ببساطة: «تعرف ربك حق المعرفة، وتعبده كما يحب ويرضى».
وعشان نتذكّر عظمة الدرب ده، شوفوا فضل العلم الشرعي:

💚 طريق للجنة:
النبي ﷺ قال: «مَن سَلَكَ طَرِيقًا يَلْتَمِسُ فيه عِلْمًا، سَهَّلَ اللَّهُ له به طَرِيقًا إلى الجَنَّةِ». مجرد خطوة واحدة، أو نية صادقة إنك تفهم دينك، ربنا بيمهد ليك بها أوسع دروب الجنة.

💚 تكريم الملائكة:
متخيل المشهد العظيم ده؟ الملائكة تضع أجنحتها لطالب العلم رضاً بما يصنع، حتى الحيتان في ظلمات البحر والنملة في جحرها بيصلوا ويدعوا للبيعلم الناس الخير.

💚 علامة حب واختيار واصطفاء رباني:
قال النبي ﷺ: «مَن يُرِدِ اللَّهُ به خَيْرًا يُفَقِّهْهُ في الدِّينِ». يعني يوم ما تلاقي قلبك مال لمعرفة الصاح، وبقيت حريص تصلح صلاتك ومعاملاتك وأخلاقك، اعرف إنها إشارة خير ورضا وتوفيق من الله ليك.

💚 أشرف ميراث في الوجود:
الأنبياء عليهم السلام ما ورّثوا درهماً ولا ديناراً، إنما ورّثوا هذا النور؛ فالبيغرف منه بيأخذ بحظ عظيم، ويبقى من ورثة الأنبياء حقيقة لا مجازاً.

💚 أجر جارٍ لا ينقطع بانقطاع الأنفاس:
كل شيء بنبنيه في الدنيا دي بينتهي، إلا علم يُنتفع به؛ حسنات شغالة في ميزانك وأنت تحت التراب، أثر باقٍ لا يمحوه الزمن.

قال تعالى: ﴿يَرْفَعِ اللَّهُ الَّذِينَ آمَنُوا مِنكُمْ وَالَّذِينَ أُوتُوا الْعِلْمَ دَرَجَاتٍ﴾.

دي قطرة بس من بحر فضائل العلم الشرعي✨

​وبعد الخير ده كلو، السؤال البيفرض نفسه: هل حنفضل واقفين في محلنا نتفرّج والزمن ماشي بينا؟ ولا حنقرر ناخد خطوة جادة عشان ننوّر بصيرتنا؟🫣

والله نفسنا أغلى من إننا نرضى ليها تقيف في نفس النقطة وتفوّت أجر وميراث زي ده، ونحن قادرين نلقط كل يوم ولو مسألة صغيرة تقرّبنا لربنا😞

محتاجين نجاهد ونتحرّك في درب العلم ولو بالبسيط فـ «أحبّ الأعمال إلى الله أدومها وإن قل».

فاللهم علّمنا ما ينفعنا، وانفعنا بما علّمتنا، وزدنا علماً وبصيرةً، ولا تحرمنا أجر الساعين في دربك ونور هدايتك 💚
​#قوم_امشي_صلِّ💚

الوضوء في حقيقته هو بداية المناجاة، والخطوة الأولى لتهيئة الروح والبدن قبل ما تقيف بين يدي ملك الملوك سبحانه وتعالى. وعشان وضوءنا ده يكون على بصيرة ويقين ويؤدي غرضه الروحاني، تعالوا نمر سريع على أساسيات الطهارة والوضوء في الفقه المالكي بتبسيط شديد:

​💧أولًا: الموية البنتوضأ بيها (أنواع المياه):
في حياتنا اليومية بنتعامل مع الموية في كل شيء، لكن فقهيًا، المياه البتمر علينا عندها أحكام بتحدد هل ينفع نتوضأ بيها ولا لا.

-​الماء الطَّهُور: دي الموية الباقية على أصل خلقتها (يعني ما تغير لونها أو طعمها أو ريحتها)، زي موية المطر، النيل، الآبار، و الماسورة دي الموية البترفع الحدث والنجاسة وبنتوضأ بيها.
-​الماء الطاهر (غير المُطهِّر): دي موية وقعت فيها حاجة طاهرة وغيّرتها تمامًا لدرجة ما بقى اسمها موية مجردة، زي الشاي، العصير دي في حد ذاتها طاهرة، لكن ما ينفع نرفع بيها حدث ولا نتوضأ بيها.
-​الماء النجس: وهي الموية الوقع في داخلها نجاسة وأثّرت في واحد من أوصافها الثلاثة (لونها، طعمها، أو ريحتها). دي طبعًا لا تُستعمل في طهارة ولا غيرها.

​🕊️ثانيًا: متين بنحتاج نجدد الوضوء؟ (نواقض الوضوء):
نواقض الوضوء عند المالكية بتنقسم لأحداث (حاجات بتخرج بنفسها) وأسباب أحداث (حالات بتغيب الوعي وممكن يخرج معاها شيء)، ومن أشهرها:
• الخارج من السبيلين: زي البول، الغائط، الريح، المذي، والودي.
• غيبوبة العقل أو تغيّره: زي الإغماء، السُّكر، والجنون. وبيوجب تجديد الوضوء كمان النوم الثقيل (البيغيب فيه الإحساس تمامًا بالظروف الحوالينا، سواء كان طويل أو قصير). أما النعاس الخفيف والزول حاسس بالناس، فما بينقض الوضوء.
• لمس مَن يُشتهى: وده بينقض الوضوء إذا حصل اللمس مباشرة (بدون حائل) وبشرط إنه يكون بقصد اللذة، أو وُجدت اللذة دي بالفعل أثناء اللمس.
• مسّ الفرج: وينقض إذا مس الشخص فرجه مباشرة بباطن الكف أو بباطن الأصابع من غير وجود حائل.

​ ثالثًا: تنبيهات وأخطاء شائعة في الوضوء:
هنا لازم نفرق بوضوح بين أخطاء "تبطل الوضوء" لأنها بتخل بفرائضه، وبين "مكروهات" بتنقص من أجر العبادة.

​أخطاء تُبطل الوضوء منها:

❌ إهمال الأعقاب والكعبين: بسبب العجلة، في ناس بتغسل رجلها بسرعة وتنسى مؤخرة القدم (العَقِب). والنبي ﷺ نبّه بشدة لخطورة الخطأ ده وقال: «وَيْلٌ لِلْأَعْقَابِ مِنَ النَّارِ».

❌ وجود عازل على البشرة: زي طلاء الأظافر (المناكير)، أو بقايا اللصاق القوي (السيليكون والصمغ) والدهانات. من فرائض الوضوء تعميم العضو بالموية، والعازل ده بيمنع وصولها للبشرة وبالتالي الوضوء ما بيبقى صحيح.

مكروهات الوضوء (تنقص الأجر):

❌ الإسراف في الموية: فتح الماسورة بأقصى قوة وهدر الموية بلا حاجة؛ الإسراف فقهيًا ما بيبطل الوضوء، لكنه فعل مكروه وخلاف الهدي النبوي، فالنبي ﷺ كان يقتصد جداً في استعمال الماء ويتوضأ باليسير منه.

الوضوء ما مجرد غسل أعضاء بالماء، بل هو طهارة وتخلية للقلب قبل البدن؛ فمع كل قطرة موية بتنزل من عضو، بتنزل معاها الخطايا والذنوب حتى تخرج من تحت أظافرنا.
​كلما أقبلنا على الوضوء بعلم، وإسباغ، وحضور قلب، كلما انفتحت لنا أبواب الخشوع والراحة في الصلاة، ووقفنا بين يدي الله بقلوب خاشعة وأبدان طاهرة.

​جعلنا الله وإياكم من التوابين، وجعلنا من المتطهرين. 💚

#العهد_الذي_بيننا 💚
#قوم_أمشي_صلِّ 💚

متابعين جَلِيس عارفين اليوم موعدنا صح؟🌚💚
في جَلِيس مع د يزيد المُنير جزاه الله خير الجزاء💚
مجلسنا بعنوان: وقفة مع قوله تعالى: ﴿ إِنَّ الْإِنْسَانَ.... ﴾
آية في سورة قال عنها الإمام الشافعي "رحمه الله": «لو تدبر الناس هذه السورة لوسعتهم» أو «لو ما أنزل الله حجة على خلقه إلا هذه السورة لكفتهم»
اكتبوا في التعليقات إذا الآية واسم السورة إذا عرفتوهم💚.
وووووووو
نلتقيكم الليلة الساعة الثامنة مساءًا بتوقيت السودان والتاسعة بتوقيت بكة💚
كونوا حضور وذكروا الأحباب.

#جليس
#قوم_امشي_صلِّ💚

وقفة مع قوله تعالى: ﴿ إِنَّ الْإِنْسَانَ لَفِي خُسْرٍ ﴾


"جَلِيس"💚

بسمِ اللهِ نبتدئ وبِهِ نستعين♡

بدأ المجلس..
نافذة التعليقات⤵️💚:

#جَلِيس
#قوم_امشي_صلِّ💚

قبل ما تقدم لتخصصات الجامعة إستخير،
حتى لو كنت متأكد من التخصص العاوزه بكدا حتكون وكّلت أمرك لربنا واستودعته النتيجة 💚

لأن الإستخارة مامعناها إنك متلخبط وماعارف تقرر شنو وبس؛
الإستخارة هي طلب التوفيق والبركة في الأمر الإنت مُقبل عليه

واتذكر إن النبي ﷺ كان بعمل الصحابة الإستخارة
في أمورهم كلها كما يعلمهم السورة من القرآن

فاعمل العليك أسأل وابحث وأخد بالأسباب وبعديها صلِّ واستخير، وخلي باقي التفاصيل على رب العالمين 💚

#قوم_امشي_صلِّ💚

ما تيسَّر من سورة الإسراء –
الشيخ محمد صديق المنشاوي رحمه الله 💚

{يَوْمَ نَدْعُو كُلَّ أُنَاسٍ بِإِمَامِهِمْ ۖ فَمَنْ أُوتِيَ كِتَابَهُ بِيَمِينِهِ فَأُولَٰئِكَ يَقْرَءُونَ كِتَابَهُمْ وَلَا يُظْلَمُونَ فَتِيلًا * وَمَن كَانَ فِي هَٰذِهِ أَعْمَىٰ فَهُوَ فِي الْآخِرَةِ أَعْمَىٰ وَأَضَلُّ سَبِيلًا}

#قوم_امشي_صلِّ💚

لو عملت كدا ما كان حصل كدا
لو مشيت بدري كان لحقت الحاجة الفلانية
لو ما اتسرعت وعملت كدا ما كان جاتك حاجة

كلمات بنقولها بدون ما نحس نتحسر بيها على حاجة حصلت أو ما حصلت وبننسى إنها بتفتح علينا أبواب عدم الرضى والتحسر على الأقدار

إتذكر إن الخيرة فيما إختاره الله لك؛ فالتأخير الحصل ليك والفرصة الضاعت منك يمكن كانت سبب في حمايتك من شر أكبر ما كنت حتعرفه إلَّا بعدين

ولو مشيت بدري أو اتأخرت ولو عملت أو ما عملت فدي مجرد أسباب، لكن الموعد والنتيجة بيد الله وحده
واخيراً إتذكر حديث النبي ﷺ: ”..وإن أصابَك شيءٌ فلا تقلْ : لو أني فعلتُ لكانَ كذا وكذا ، ولكن قلْ قدَّرَ اللهُ وما شاءَ فعلَ فإن لو تفتحُ عملَ الشيطانِ“

#قوم_امشي_صلِّ💚

”إن الصلاة على النبيِّ وآله
يشدو بها من شاء أن يتعطَّر

صلوا على خير البرية تغنموا
عشراً يصليها الإلـٰه الأعظم

من زادها ربي يُفرج همه
والذنب يُعفى والنفوس تُنعم“

اللهم صلِّ وسلم على نبينا محمد 💚

#قوم_امشي_صلِّ💚

🛑 ​هل فكرت قبل كده الموية البتنزل منك وأنت بتتوضأ شايلة معاها شنو؟ 🤔

​يا جماعة الخير، كتير مننا بيمشي يتوضأ وهو مستعجل أو معتبر الموضوع مجرد غسل أعضاء استعدادًا للصلاة،بس لو عرفت النبي ﷺ قال شنو، وضوءك الجاي حيكون مختلف بإذن الله.
​

فخليك معانا.......

#العهد_الذي_بيننا 💚
#قوم_أمشي_صلِّ💚

​في الحديث الشريف، النبي ﷺ قال: "مَنْ تَوَضَّأَ فَأَحْسَنَ الوُضُوءَ، خَرَجَتْ خَطَايَاهُ مِنْ جَسَدِهِ حَتَّى تَخْرُجَ مِنْ تَحْتِ أَظْفَارِهِ".
​حبيبنا النبي ﷺ وصف لينا المشهد ده وقال:
«"إِذَا تَوَضَّأَ العبدُ المُسْلِمُ أَوِ المُؤْمِنُ فَغَسَلَ وَجْهَهُ خَرَجَ مِنْ وَجْهِهِ كُلُّ خَطِيئَةٍ نَظَرَ إِلَيْهَا بِعَيْنَيْهِ مَعَ المَاءِ أَوْ مَعَ آخِرِ قَطْرِ المَاءِ، فَإِذَا غَسَلَ يَدَيْهِ خَرَجَتْ مِنْ يَدَيْهِ كُلُّ خَطِيئَةٍ كَانَ بَطَشَتْهَا يَدَاهُ مَعَ المَاءِ أَوْ مَعَ آخِرِ قَطْرِ المَاءِ، فَإِذَا غَسَلَ رِجْلَيْهِ خَرَجَتْ كُلُّ خَطِيئَةٍ مَشَتْهَا رِجْلَاهُ مَعَ المَاءِ أَوْ مَعَ آخِرِ قَطْرِ المَاءِ، حَتَّى يَخْرُجَ نَقِيًّا مِنَ الذُّنُوبِ"».
​يعني وأنت بتغسل أعضائك، أي ذنب شفتو بعينك، أو بطشت بيهو يدك، أو مشت ليهو رجلك… بيتساقط مع الماء وآخر قطرة موية لحدي ما تخلص وتطلع نقي من الذنوب.

​طيب، هل نحن بنتوضأ بالطريقة الصحيحة؟🤔
​أول خطوة:
​النية (محلها القلب): تستحضر في قلبك إنك قايم تتوضأ، من غير ما تتلفظ بيها.
​بعدها:
​تقول بسم الله وتغسل الكفين 3 مرات.
​تتمضمض تستنشق وتستنثر، وتغسل وجهك كامل.
​تغسل يدينك من أطراف الأصابع لحدي المرفقين (في ناس بغسلوا من المعصم وبنسوا الأصابع.. انتبهوا!).
​تمسح رأسك وأذنيك مرة واحدة.
​تغسل رجليك مع الكعبين.

​🔢 غسلة، غسلتين، ولا تلاتة؟
​في نقطة مهمة ناس كتار ما عارفينها: ما لازم كل مرة تغسل كل عضو 3 مرات، النبي ﷺ توضأ بأكثر من طريقة:
​مرة مرة: يعني كل عضو غسلة واحدة، وده كفاية لو الموية وصلت للعضو كله.
​مرتين مرتين: كل عضو مرتين.
​تلاتة تلاتة: وده الأكمل والغالب من فعل النبي ﷺ.
​المهم شنو؟ إنك تغسل العضو كويس والموية تصل لكل جزء فيه.
(لكن انتبه: الرأس والأذنان السنة فيهما المسح مرة واحدة).
​❌ تنبيه مهم:
ناس كتار بقولوا أدعية مخصوصة أثناء غسل كل عضو، زي: "اللهم بيّض وجهي" أو "أعطني كتابي بيميني". الأدعية دي ما ثبتت عن النبي ﷺ.
​الدعاء الصحيح بيكون بعد ما تخلص الوضوء هو:
«"أشهد أن لا إله إلا الله وحده لا شريك له، وأشهد أن محمدًا عبده ورسوله، اللهم اجعلني من التوابين واجعلني من المتطهرين."»

​الجائزة شنو؟ (تُفتح لك أبواب الجنة الثمانية، تدخل من أيها شئت).

هل التكفير ده بيشمل الكبائر؟
لا العلماء قالوا المقصود هنا الذنوب الصغائر، أما الكبائر فتحتاج توبة واستغفار.

#العهد_الذي_بيننا 💚
#قوم_أمشي_صلِّ💚

أمبارح كانت نتائج المرحلة الإبتدائية وفي واحد من أولاد الجيران كان ممتحن ونجح الحمد لله،
فاليوم مدرسته كانوا عاملين ليهو إحتفال وتكريم "زفة"

الشاهد إنو الإحتفال كان عبارة عن أنشودة كلماتها جميلة ومعانيها قيمة ماكان فيه موسيقى ولا اختلاط ولا إزعاج للناس، ورغم دا تم التكريم والناس هنئوه الحمد لله 💚

سبحان الله.. فرق كبير مابين الزول البكون خاتي الدين مقياس وضابط لحياته وأفعاله حتى في فرحه واحتفالاته، ومابين من اتخذ إلهه هواه وقال "الناس كلها بتعمل كدا مابقت علي"

ربنا يبارك في الولد دا وفي اسرته وفي مدرسته والقائمين عليها والله المستعان.

#قوم_امشي_صلِّ💚

متابعين جَلِيس عارفين اليوم موعدنا صح 🌚💚
في جَلِيس مع د. يزيد المُنير جزاه الله عنا خير الجزاء💚

نلتقيكم الليلة الساعة الثامنة مساءً بتوقيت السودان والتاسعة بتوقيت مكة المكرمة💚
كونوا في الموعد وذكروا الأحباب.
#جليس
#قوم_امشي_صلِّ💚