✨ Mavlid oyi munosabati bilan tanlov eʼlon qilamiz!

Shayx Muhammad Sodiq Muhammad Yusuf hazratlari har yili mavlid oyi kirganda tanlovlar oʻtkazib, shu orqali odamlar xotirasida Rasululloh alayhissalom tavallud topgan muborak oyni yodda saqlashga intilar ekanlar.

🎉 Sahifamiz ham shayx hazratlarining ushbu sunnatlariga ergashib, hijriy 1447-yilgi rabiʼul avval oyida tanlov oʻtkazadi!

❗️ Tanlov shartlari:
- Tanlov ikki bosqichdan iborat boʻladi;
- Birinchi bosqich 7-sentabr, ikkinchi bosqich 14-sentabrda oʻtkaziladi;
- Har bir bosqichda 20 tadan savol beriladi;
- Javobni yuborish uchun 30 daqiqa vaqt beriladi;
- Javoblar yozma shaklda telegramdan maxsus profilga yuboriladi (profil tanlov kuni sahifaga joylanadi)
- Tanlovda ishtirok etish uchun roʻyxatdan oʻtilmaydi, erkak va ayollar qatnashishlari mumkin, yosh va jins chegaralanmagan;
- Ikkala bosqichga koʻra eng koʻp ball toʻplagan 5 ta ishtirokchiga hadyalar topshiriladi;

🎁 Gʻoliblarga quyidagi sovgʻalar hozirlangan:
1-oʻrin: «Hadis va hayot» toʻplami (33 jild);
2-oʻrin: «Tafsiri Hilol» toʻplami (6 jild);
3-oʻrin: «Xislatli hikmatlar sharhi» toʻplami (5 jild);
4-oʻrin: «Odoblar xazinasi» toʻplami (4 jild);
5-oʻrin: «Ruhiy tarbiya» toʻplami (3 jild).

✔️ Tanlov savollari Hasanxon va Husaynxon Yahyo Abdulmajid ustozlarning quyidagi suhbatlaridan beriladi:
1. Hasanxon Yahyo Abdulmajid — «Arbaʼin Navaviyya» (12-hadis);
2. Hasanxon Yahyo Abdulmajid — «Shamoilul Muhammadiyya» (40-suhbat);
3. Husaynxon Yahyo Abdulmajid — «Shifo» (25-suhbat);
4. Husaynxon Yahyo Abdulmajid — «Shifo» (26-suhbat).

Shu oʻrinda hamkorlarni ham tanlovga chorlab qolamiz. Siz taqdim qilajak sovgʻalar biz tayyorlagan sovgʻalar bilan birga gʻoliblarga topshiriladi. Bu esa insonlarning yana ham koʻproq xursandchiligiga sabab boʻladi.

👉 Biz bilan bogʻlanish: @hasanhusaynbot

Marhamat, ikki olam Sarvari Muhammad sollallohu alayhi vasallam tavallud topgan muborak oyda tanlovga qatnashib, hadyalarga ega boʻling! 😊

Maʼlumot uchun, bu yilgi rabiʼul avval oyi 24-avgustdan boshlanishi kutilmoqda

@hasanhusayn