Bank boshqaruvida ESG tamoyillarini qo‘llash bo‘yicha
intensiv o‘quv kursi tashkil qilindi

🇺🇿 2026-yil 13–20 aprel kunlari Biznes va tadbirkorlik oliy maktabi tomonidan “Trastbank” xususiy aksiyadorlik banki Bosh ofisida “Bank sektori uchun ESG asoslari” mavzusida intensiv o‘quv kursi tashkil etildi. Dastur bank kuzatuv kengashi a’zolari, boshqaruv vakillari va yuqori darajadagi menejerlar uchun mo‘ljallangan bo‘lib, ESG tamoyillarini bank boshqaruviga tizimli integratsiya qilishga qaratildi.

O‘quv kursi davomida global moliyaviy tizimdagi transformatsiyalar, investorlar va regulyatorlar talablarining kuchayishi hamda ESG omillarining bank barqarorligiga ta’siri muhokama qilindi. Ishtirokchilarda barqaror rivojlanishni strategik darajada boshqarish, ESG omillarini risk-menejment va kredit siyosatiga integratsiya qilish bo‘yicha tizimli yondashuv shakllantirildi.
Dastur nazariy mashg‘ulotlar bilan bir qatorda interaktiv sessiyalarni ham qamrab olib, ishtirokchilarga ekologik va ijtimoiy risklarni tahlil qilish, kredit portfelini ESG nuqtai nazaridan qayta ko‘rib chiqish hamda strategik qarorlar ishlab chiqish bo‘yicha amaliy tajriba berdi. Natijada, tinglovchilar ESG tamoyillarini bank strategiyasiga joriy etish va barqaror moliyalashtirishni rivojlantirishga yo‘naltirilgan boshqaruv qarorlarini shakllantirish kompetensiyalarini mustahkamladi.

Ushbu tashabbus bank sektorida zamonaviy boshqaruv yondashuvlarini kengaytirish, uzoq muddatli risklarni samarali boshqarish va moliyaviy institutlarning investitsion jozibadorligini oshirishga xizmat qiladi.

🇷🇺 RU
🇬🇧 ENG

#GSBE #GraduateSchool #Trainingcourse #ESG #Trastbank

🔝 Web-site |🔝Facebook | 🔝 Instagram | 🔝 Youtube

🇺🇿 Biznes va tadbirkorlik oliy maktabida “Cybersecurity and Ethics (Kiberxavfsizlik va etika)” mavzusida mahorat darsi bo‘lib o‘tdi

🪙Ma’ruzani kiberxavfsizlik sohasida 25 yildan ortiq tajribaga ega xalqaro ekspert, University of North Georgia Professori Murthy V. Rallapalli, Ph.D, CISSP (Certified Information Systems Security Professional) olib bordi.

🌐 Ma’ruza davomida zamonaviy kiberxavfsizlik tahdidlari va ularni oldini olish strategiyalari, raqamli muhitda axloqiy me’yorlar va mas’uliyat, sun’iy intellekt hamda katta ma’lumotlar bilan ishlashda yuzaga keladigan etik muammolar, shuningdek, global tajriba va xalqaro standartlar asosida kiberxavfsizlikni rivojlantirish masalalari yoritildi.
👨‍💻 Tinglovchilar zamonaviy kiberxavfsizlik yondashuvlari va raqamli etikaga oid amaliy misollar asosida muhokamalarda qatnashib, soha bo‘yicha muhim tavsiyalar oldilar. Shuningdek, tadbir davomida savol-javob sessiyasi tashkil etilib, global amaliyot va kasbiy rivojlanish masalalari yuzasidan fikr almashildi.

🎓 Ishtirokchilar tadbirga katta qiziqish bildirishdi va unda faol ishtirok etishdi. Bunday xalqaro mahorat darslari tinglovchilarning kasbiy bilimi va ko‘nikmalarini rivojlantirishda muhim o‘rin tutadi.

🇷🇺 RU
🇬🇧 ENG

#GSBE #GraduateSchool #Study #Cybersecurity #Ethics

🔝 Web-site |🔝Facebook | 🔝 Instagram | 🔝 Youtube

🇺🇿🇺🇸Kichik va o‘rta biznes subyektlari uchun katta imkoniyatlar

🇺🇿 Biznes va tadbirkorlik oliy maktabida “Kichik va o‘rta biznes subyektlarini xalqaro bozorlarga chiqishga tayyorlash” mavzusida mahorat bo‘lib o‘tdi. Mahorat darsini xalqaro darajadagi ekspert, chakana savdo va tijoratni rivojlantirish sohasida 15 yildan ortiq tajribaga ega mutaxassis, AQShning “37 Oaks” Consulting kompaniyasi asoschisi va bosh direktori Terrand L. Smith olib bordi.

➡️Mahorat darsi davomida kichik va o‘rta biznes subyektlarini xalqaro bozorlarga olib chiqishning zamonaviy strategiyalari, AQShning onlayn va chakana savdo bozorlariga kirish mexanizmlari, mahsulotlarni eksportga tayyorlash va ularni xalqaro talablar asosida moslashtirish masalalari atroflicha muhokama qilindi.
➡️Shuningdek, ishtirokchilarga mijozlar bilan samarali ishlash, distribyutsiya tizimlarini shakllantirish hamda elektron tijoratni rivojlantirishning innovatsion yondashuvlari bo‘yicha amaliy tavsiyalar berildi. Tadbir davomida ochiq muloqot tashkil etilib, tinglovchilar o‘zlarini qiziqtirgan savollarga mutaxassisdan batafsil javob olish imkoniga ega bo‘ldilar.
➡️Mazkur mahorat darsi ishtirokchilarga xalqaro biznes yuritish bo‘yicha bilim va ko‘nikmalarini oshirish, shuningdek, yangi hamkorlik aloqalarini yo‘lga qo‘yishda muhim platforma bo‘lib xizmat qildi.

✅ Tadbir yakunida ishtirokchilar tomonidan mahorat darsining amaliy ahamiyati yuqori baholanib, bunday uchrashuvlarni muntazam tashkil etish zarurligi ta’kidlandi.

🇷🇺 RU
🇬🇧 ENG

#GSBE #GraduateSchool #Masterclass #Entrepreneurship #Internationalмarket

🔝 Web-site |🔝Facebook | 🔝 Instagram | 🔝 Youtube

Sun’iy intellektni rivojlantirish va qo‘llash masalalariga bag‘ishlangan mahorat darsi bo‘lib o‘tdi

🇺🇿 Biznes va tadbirkorlik oliy maktabida “Sun’iy intellekt - ertaga kech!” mavzusida mahorat darsi tashkil etildi. Tadbir spikeri sifatida Mohirdev kompaniyasi asoschisi, axborot texnologiyalari va sun’iy intellekt sohasida 20 yildan ortiq tajribaga ega mutaxassis, Oksford universiteti bitiruvchisi, Dr. Anvar Narzullayev ishtirok etdi.

✅ Ishtirokchilar sun’iy intellektning rivojlanish yo‘nalishlari, uning zamonaviy biznesdagi o‘rni hamda sun’iy intellekt texnologiyalarini amaliyotda qo‘llash imkoniyatlarini muhokama qildilar. Shuningdek, startaplar va kichik biznesda sun’iy intellektdan foydalanish, samaradorlikni oshirish va raqobatbardoshlikni kuchaytirish masalalariga alohida e’tibor qaratildi.
✅ Tadbir davomida yangi kasblarning shakllanishi, sun’iy intellekt bilan ishlash uchun zarur ko‘nikmalar hamda raqamli transformatsiya sharoitida kasbiy rivojlanish istiqbollari haqida ham fikr almashildi.
✅ Shuningdek, ishtirokchilar texnologik tendensiyalar va sun’iy intellektning iqtisodiyot hamda mehnat bozoriga ta’siri masalalarini ham muhokama qildilar.

Mahorat darsi interaktiv formatda o‘tkazilib, tajriba almashish va texnologiyalar kelajagi bo‘yicha professional muloqot uchun samarali maydon bo‘ldi.

🇷🇺 RU
🇬🇧 ENG

#GSBE #GraduateSchool #Masterclass #AI #Mohirdev

🔝 Web-site |🔝Facebook | 🔝 Instagram | 🔝 Youtube

Nodavlat notijorat tashkilotlarini boshqarish bo‘yicha malaka oshirish kursi yakunlandi

🇺🇿 2026 yil 24 aprel kuni O‘zbekiston Respublikasi Vazirlar Mahkamasi huzuridagi Biznes va tadbirkorlik oliy maktabida nodavlat notijorat sektor vakillari uchun tashkil etilgan “Ijtimoiy ta’sir va notijorat tashkilotlarni boshqarish” mavzusidagi malaka oshirish kursi yakunlandi.

✔️O‘quv dasturi modulli shaklda tashkil etilgan bo‘lib, nodavlat notijorat tashkilotlari faoliyatining asosiy yo‘nalishlarini qamrab oldi. Jumladan, tashkilotlar faoliyatining huquqiy va institutsional asoslari, strategik va loyiha boshqaruvi, moliyaviy barqarorlikni ta’minlash, inson resurslarini boshqarish hamda liderlik ko‘nikmalarini rivojlantirish masalalari tizimli ravishda ko‘rib chiqildi.
✔️Dasturning yakuniy moduli nodavlat notijorat tashkilotlari faoliyatida raqamli yechimlarni joriy etish masalalariga bag‘ishlandi. Mashg‘ulotlar davomida davlat organlari bilan o‘zaro hamkorlikda e-ngo.uz elektron platformasidan foydalanish imkoniyatlari, boshqaruv va tashkiliy jarayonlarni raqamlashtirish masalalari ko‘rib chiqildi. Shuningdek, sun’iy intellekt texnologiyalarini qo‘llash, raqamli kommunikatsiya vositalari va ijtimoiy tarmoqlar orqali auditoriya qamrovini kengaytirish, tashkilot faoliyatining ochiqligi va jamoatchilik ishonchini oshirish bo‘yicha amaliy mexanizmlar tahlil qilindi.
✔️O‘quv jarayoni doirasida davlat organlari vakillari bilan uchrashuvlar va amaliy tashriflar tashkil etildi. Xususan, O‘zbekiston Respublikasi Adliya vazirligi, Oliy Majlis Qonunchilik palatasi va Senatida o‘tkazilgan uchrashuvlar ishtirokchilarga davlat va nodavlat sektor o‘rtasidagi hamkorlik mexanizmlarini amaliy jihatdan o‘rganish imkonini berdi.

Kurs yakunida yopilish marosimi o‘tkazilib, ishtirokchilarga malaka oshirish to‘g‘risidagi sertifikatlar topshirildi. Mazkur o‘quv dasturi ishtirokchilarda nodavlat notijorat tashkilotlarini boshqarishning zamonaviy yondashuvlari bo‘yicha kompleks tushunchalarni shakllantirdi hamda olingan bilim va ko‘nikmalarni amaliyotga joriy etish imkoniyatlarini kengaytirdi.

🇷🇺 RU
🇬🇧 ENG

#GSBE #GraduateSchool #Trainingcourse #NGO #Collaboration

🔝 Web-site |🔝Facebook | 🔝 Instagram | 🔝 Youtube