«Innovatsion iqtisodiyotni shakllantirish va boshqarishda barqaror o‘sishga erishish yo‘llari: tadbirkorlik, innovatsiyalar, kichik va o‘rta biznes istiqbollari» mavzusida xalqaro ilmiy-amaliy konferensiya bo‘lib o‘tdi

🇺🇿 2026 yil 18 may kuni Biznes va tadbirkorlik oliy maktabida «Innovatsion iqtisodiyotni shakllantirish va boshqarishda barqaror o‘sishga erishish yo‘llari: tadbirkorlik, innovatsiyalar, kichik va o‘rta biznes istiqbollari» mavzusida xalqaro ilmiy-amaliy konferensiya bo‘lib o‘tdi. Tadbirda xorijiy yetakchi olimlar, vazirlik va idoralar vakillari, tarmoq birlashmalari, tijorat banklari vakillari, shuningdek Oliy biznes maktabi professor-o‘qituvchilari va tinglovchilari ishtirok etdilar. Konferensiyada AQSH, Yaponiya va Rossiyaning nufuzli oliy o‘quv yurtlari va yirik biznes tashkilotlari vakillari ham mehmon sifatida ishtirok etdilar.

Konferensiya Biznes va tadbirkorlik oliy maktabi hamda “Tadbirkorlikni rivojlantirish kompaniyasi” AJ o‘rtasida tadbirkorlikni rivojlantirish, kichik va o‘rta biznes subyektlarini qo‘llab-quvvatlash sohasida, shuningdek Oliy biznes maktabi va Raqamli texnologiyalar va sun’iy intellektni rivojlantirish ilmiy-tadqiqot instituti o‘rtasida tadbirkorlik va kichik biznes sohasiga sun’iy intellekt texnologiyalarini joriy etish bo‘yicha Hamkorlik memorandumlarini imzolash marosimi bilan tantanali ravishda ochildi.
Batafsil
________

🇷🇺 Подробнее
🇬🇧 More

#GSBE #GraduateSchool #InnovativeEconomy #SustainableGrowth

🔝 Web-site |🔝Facebook | 🔝 Instagram | 🔝 Youtube

🇺🇿 Biznes va tadbirkorlik oliy maktabi delegatsiyasining Erasmus+ "GreenCamUz" loyihasi doirasida Polshaga amaliy tashrifi

🇵🇱🇺🇿 Joriy yilning 18–22-may kunlari Biznes va tadbirkorlik oliy maktabi delegatsiyasi Yevropa Ittifoqining Erasmus+ dasturi (KA2 yo‘nalishi) tomonidan moliyalashtirilayotgan “GreenCamUz – Yashil kampus tashabbusi: O‘zbekiston oliy ta’limiga barqarorlik tamoyillarini integratsiyalash” loyihasi doirasida Polsha Respublikasining Opole shahriga xizmat safarini amalga oshirdi.
👉 Batafsil

🇷🇺 Подробнее
🇬🇧 More

#GSBE #GraduateSchool #GreenCamUz #ErasmusPlus

🔝 Web-site |🔝Facebook | 🔝 Instagram | 🔝 Youtube

🇺🇿 Biznes va tadbirkorlik oliy maktabida Nyu-York Davlat Universiteti professori ma’ruza o‘tkazdi

🇺🇿🇺🇸 Biznes va tadbirkorlik oliy maktabida AQShning Toshkentdagi Elchixonasi ko‘magida Fulbright dasturi doirasida O‘zbekistonga tashrif buyurgan Nyu-York Davlat Universiteti professori Intekhab Alamning ochiq ma’ruzasi bo‘lib o‘tdi. Tadbirda Oliy biznes maktabi professor-o‘qituvchilari, xodimlari hamda tinglovchilari ishtirok etdilar.
Ma’ruza mavzusi - “Business Education as a Catalyst for Innovation, Technology and Social Change” (“Biznes ta’limi innovatsiyalar, texnologiyalar va ijtimoiy o‘zgarishlarning katalizatori sifatida”).

Professor Intekhab Alam o‘z ma’ruzasi davomida biznes ta’limini rivojlantirish bo‘yicha xalqaro tajriba va zamonaviy yondashuvlar bilan o‘rtoqlashdi hamda uning innovatsion iqtisodiyotni shakllantirish, yangi texnologiyalarni joriy etish va ijobiy ijtimoiy o‘zgarishlarni rag‘batlantirishdagi muhim o‘rnini ta’kidladi. Shuningdek, tez sur’atlar bilan o‘zgarib borayotgan global bozor sharoitlariga moslasha oladigan va jamiyatning barqaror rivojlanishiga hissa qo‘sha oladigan mutaxassislarni tayyorlash masalalariga alohida e’tibor qaratildi.
Ma’ruza ishtirokchilarda katta qiziqish uyg‘otdi va faol akademik muloqot ruhida o‘tdi. Tadbir yakunida savol-javob sessiyasi tashkil etilib, unda tinglovchilar va professor-o‘qituvchilar biznes ta’limi, innovatsion rivojlanish va xalqaro hamkorlikning dolzarb tendensiyalari yuzasidan fikr almashish imkoniyatiga ega bo‘ldilar.

Bunday tadbirlarning o‘tkazilishi xalqaro akademik aloqalarni mustahkamlash, ilg‘or tajribalarni almashish hamda Oliy biznes maktabida ta’lim sifatini yanada oshirishga xizmat qiladi.

🇷🇺 RU
🇬🇧 ENG

#GSBE #GraduateSchool #USA250 #BusinessEducation

🔝 Web-site |🔝Facebook | 🔝 Instagram | 🔝 Youtube