​Смартфондаги G, E, 3G, H, H+, 4G, 4G+ белгилари нимани англатади?

Мобил алоқа воситаси орқали интернетдан фойдаланувчилар телефон ёки смартфон экранининг тепасида турадиган G, E, 3G, H, H+, 4G, 4G+ белгиларига кўп марта эътибор берган бўлса керак. Улар кўпдан буён маълум бўлса ҳам, ҳанузгача кўпчилик фойдаланувчилар учун тушунарсизлигича қолмоқда.
Улар нимани англатади? Жавоб чиндан ҳам оддий - белги қайси узатиш технологиясини ишлатаётганлигини кўрсатади. Бошқача айтганда, бу сизнинг смартфонингизни Интернетга улаш учун ишлатиладиган технология.

G белгиси сизнинг телефонингиз GPRS технологияси бўйича тармоққа уланганини англатади. Интернетга чиқишнинг бу усули энг биринчи технологиялардан бири бўлиб, бугунги кунда жуда секин ва эскирган ҳисобланади.

Е белгиси EDGE технологияси ёрдамида тармоққа уланганингизни англатади. У G га нисбатан 3 баробар тезроқдир. Интернетнинг ушбу тури тезлиги кўпроқ матн кўринишидаги маълумотлар билан ишлашга етади. Расм, аудио, видео кўринишидаги маълумотлар юкланишини кутишга тўғри келади.

3G белгисини кўрдингизми, демак телефонингиз 3G тармоғига кирган. Телефон моделига қараб белги доимий равишда кўриниб туриши ёки фақат тармоққа уланган чоғда чиқиши мумкин. Бундай тезлик билан оғирроқ сайтларни кўриш ва онлайн радио эшитиш мумкин. Одатда телефон сиз 3G технологиясининг қайси режимида ишлаётганингизни кўрсатиб беради.
3.5G, 3G+, H белгилари HSDPA технологияси бўйича уланишни акс эттиради. Айрим телефонлар алоқа чоғида 3.5G белгисини кўрсатиб, тармоқ орқали бевосита маълумот олиш пайтида H белгисини экранга чиқаради. Ушбу технология ёрдамида 3,6 - 5,76 Мбит/секунд тезликка эришиш мумкин; бундай тезлик сизга онлайн режимда видео кўриш ёки кўчириш имкониятини беради. Лекин аслида YouTube сервисида сифатли видео кўриш учун 1 Мбит/секунд тезликнинг ўзи кифоя.
H+ - юқоридаги стандартнинг кенгайтмаси. Назарий жиҳатдан фойдаланувчини 21.2 Мбит/секундгача бўлган тезлик билан таъминлай олади.

LTE, , 4G, 4G+ белгилари мослама тўртинчи авлод тармоқларида ишлаётганини кўрсатади. Бу тармоқлар маълумотлар узатишнинг назарий энг юқори тезлиги 326,4 Мбит/с.гача.
4G+ ёки LTE Advanced "кучайтирилган" Интернет сифатида кўрсатилади. Aммо, аслида, шунчаки бундай тезлик одатий 4G стандарти кўрсатиши керак бўлган тезлик.

VoLTE нима? Бу 4G тармоғида (LTE) овозли қўнғироқларни амалга ошириш қобилиятидир. Ушбу технология мобил алоқа оператори ёки смартфон томонидан қўллаб қувватланмаса, овозли қўнғироқни амалга ошираётганда, смартфон бошқа тармоқ режимига ўтади, масалан, 2G ёки 3G. Менимча ушбу технологияни бугунги кунда UzMobile мобил оператори синовдан ўтказяпти.
#маълумот

​Бизнинг назаримизда энг яхши камера иловалари.

Смартфонимиздаги камера имконияти фақат мегапикселларнинг сонига боғлиқ эмаслиги ҳақида каналда ёзган эдик. Фотосуратнинг сифатига дастурий таъминотнинг ҳам таъсири катта, шу учун бугун Сизга энг яхши камера иловаларини тақдим қиламиз.

- Camera ZOOM FX - FREE (https://play.google.com/store/apps/details?id=slide.camZoomFree&hl=ru). Кинотасвирга олиш, барқарор суратга олиш, фото филтрлар, коллажлар, фото композициялари ва бошқалар.

- Camera360 (https://play.google.com/store/apps/details?id=vStudio.Android.Camera360). Кўп эффектларга эга профессионал камера.

- Paper Camera (https://play.google.com/store/apps/details?id=com.dama.papercamera). Камера экранида реал вақтда мультфильм ва қўлда чизилган эффектлар!

- Cartoon Camera (https://play.google.com/store/apps/details?id=ilabs.CartoonCamera). Мультфильм эффектлари билан видеоларни ёзиб олиш учун пауза қилиш хусусиятига эга видео камера.

- Camera MX – фото и видео камера (https://play.google.com/store/apps/details?id=com.magix.camera_mx&hl=ru). Реал вақт режимида экранга қўйилган эффектли расм қандай кўринишини кўришга имкон беради.

- Open Camera (https://play.google.com/store/apps/details?id=net.sourceforge.opencamera). Кенгайтирилган хусусиятларга эга камера ва видеокамера.

- Cameringo (https://play.google.com/store/apps/details?id=com.perracolabs.cpd). Чиройли расмлар яратишдан завқланинг.

#APK (Ушбу хештег орқали каналдаги бошқа фойдали иловаларни ҳам кўриб чиқиш мумкин)

Рўйхатда кўрсатилган иловаларниинг барчаси бепул, кўпроқ имкониятларга эга лекин пуллик иловалар рўйхатини ҳам каналда ёзишга ҳаракат қиламиз.

​Афсона: Смартфон экранидаги мобил алоқа антеннасини кўрсатувчи "таёқчалар" сони қанча кўп бўлса, алоқа сифати ҳам шунча яхши бўлади.

Ҳақиқат: Аслида "таёқчалар" сони фақат энг яқин таянч станциясидан сигнал даражасини кўрсатади ва тармоқнинг сифати ва зўриқиб ишлаши ҳисобга олинмайди.
Айтайлик, ахоли гавжум жойларда ёки байрамлар арафасида тармоқ зўриқиб ишлагани сабабли, бошқа абонентлар билан боғланиш ва интернетдан фойдаланиш имконияти қийинлашади, ҳатто таянч станцияси яқин бўлса ҳам.
Кўпчилигимиз гувоҳи бўлганимиздек смартфонда интернет белгиси H+ ёки 4G+ кўрсатилгани билан тезлик деярли йўқ.

Мобил алоқага оид бир неча маълумотлар:
- Мобил қурилмангиз таянч станциясидан қанча узоқ бўлса, унинг радиация даражаси ҳам шунча юқори бўлади.
- Мобил алоқа сифатига қисман об-ҳаво шаротининг ҳам таъсири бор (масалан ёмғир, шамол).
- Автомобилда тез юрганда мобил алоқа сифатига ҳаракатланиш эмас, таянч станциясининг ўзгариб туриши таъсир қилади.
- Ойналари қорайтирилган автомобилда алоқа билан боғлиқ муаммолар бўлиши мумкин. Aниқланишича, 15% дан кам нурли металллаштирилган плёнка алоқа сифатига таъсир қилади, чунки у сигнални ҳимоя қилади. Ранг қанчалик кучли бўлса, алоқа ёмонлашади.
- Телефонни қанчалик баланд кўтарсангиз, алоқа яхшиланади. Баландликда сигналга тўсиқлар камроқ бўлади. Бу турли хил тўсиқлар орқали радио тўлқинларининг кириб бориши билан боғлиқ: тўсиқлар, иншоотлар, уйларнинг қалин бетон деворлари.
- Телефонда алоқа сифати СИМ-картанинг ёшига ҳам боғлиқ. Ва бу ҳақиқатан ҳам шундай. Эскирган деб хизмат муддати икки йилдан ортиқ бўлган карта ҳисобланиши мумкин. (батарея қувватининг кўп сарфланишига ҳам)
- Мобил алоқа сифати албатта телефон маркаси ва дастурий таъминотига ҳам боғлиқ. Эътибор берган бўлсангиз тизим янгиланишида смарфтон модем (радиоблок) қисми алохида янгиланади (бу ҳақида ҳам каналимизда маълумотларни кузатиб боринг).
#ҳақиқат #афсона #маълумот

​Юртимизда 5G ва тезкор интернет (ваъдалар ва умидлар).

5G - мавжуд 4G стандартларига мувофиқ телекоммуникация стандартларига асосланган бешинчи авлод мобил алоқаси.
Асосий имкониятлари:
Интернет-контентни юклаб олиш ва кўчириб олиш тезлигини оширади, сигнал қамрови радиусини кенгайтиради ва янада барқарор уланишни таъминлайди.
Технология частота диапазонидан янада оқилона фойдаланишга имкон беради ва бир вақтнинг ўзида Интернетга кўпроқ мобил қурилмаларни улаш шароити яратилади.
5G технологияси 4G (LTE) га нисбатан 10-20 мартага тезроқ.

Ўзбекистонда илк бор 5G технологияси 2017 йил UzMobile ва ZTE компаниялари ҳамкорлигида синаб кўрилган. 2019 йилнинг сентябр ойида UzMobile ва Ucell алоқа операторлари ўз тармоқлари доирасида 5G технологиясини синаб кўришди.

Натижалар:
- 5G технологиясининг жорий этилиши UZMOBILE Миллий уяли алоқа операторига ўз абонентларига 1 Гбит/с ва ундан юқори тезликда Интернетдан фойдаланиш имкониятини беради. (https://uztelecom.uz/uz/yangiliklar/yangiliklar/uzmobile-5g-texnologiyasini-sinov-tariqasida-ishga-tushirdi)
- Ucell операторида реал шартларда қайд этилган максимал тезлик 1 Гбит/с.га яқин бўлди. SpeedTest сервиси ёрдамида амалга оширилган ўлчовлар 1 376 Мбит/с.гача юклаш тезлигини кўрсатди. (https://ucell.uz/uz/5G_testing)

Йил охиригача ва келаси йилда амалга оширили керак бўлган режалар:
- 2020 йил Тошкентда 5 G тижорат шаклида ишга туширилишини эълон қилинди.

-Ucell оператори: "Шу йил охиригача мамлакатимиздаги бутун алоқа тизимини модернизация қиламиз. Барча ҳудудларда 4G ўрнатилади."

Маълумот учун умумий давлатимиз халқаро маълумотлар узатиш тармоғининг ўтказувчанлик қобилияти 1200 Гбит/с. Ўтган йилдаги кўрсатгич 110 Гбит/с, яъни 10 баробарга интернет тезлаштирилди!?

Мободо юқорида кўрсатилган режалар амалга ошмай қолганда ҳам, SpaceX ширкати асосчиси Илон Маскнинг сунъий йўлдошлар орқали Дунё бўйлаб WiFi ни бепул қилиш ғоясидан умид бор.

Каналимиз янги рукни.

Унда ўқувчиларимиз томонидан юборилган, канал мавзусига оид ва бошқа ўқувчиларда қизиқиш уйғотиши мумкин бўлган матн кўринишидаги маълумотлар бериб борилади.

Ушбу рукнда берилаётган маълумот ва мулоҳазалар мутлақо муаллифлар фикри. Муаллиф шахсий фикри, канал нуқтаи назарига мос келмаслиги мумкин. Стилистика ва имло муаллифники.

Маълумотлар #ўқувчилардан хештеги орқали бериб борилади.

​Дастyрий таъминотларда Beta, Lite, Full ва Mod версиялари нимаси билан фарқланади?

Умумий олганда барча қурилмалар учун дастурий таъминот яратишнинг ҳар хил босқичлари мавжуд. Кўпчилигимиз смартфонимизга ёки компьютерга иловалар кўчирганда юқорида кўрсатилган атамаларга дуч келамиз.

Beta версия (синов) - маҳсулотнинг бозорга, оммавий истеъмолчига якуний чиқарилишидан олдин, хатоларни аниқлаш ва уларни текшириш жараёнида бартараф қилиш учун маҳсулотнинг деярли тайёр версиясидан интенсив фойдаланиш.

Beta версиядан фойдаланиш жараёнига келажакдаги тайёр махсулот фойдаланувчилари орасидан кўнгиллилар жалб қилинади.
Бундай кўнгиллилар (уларни бета-синовчи деб ҳам аташади) кўпинча янги маҳсулотга қизиқиш билан қарашади . Қизиқишдан ташқари, маҳсулотни ривожланиш жараёнига таъсир қилиш ва ўз хохишларига мос тайёр дастурий таъминот олиш истагидир.

Бундан ташқари, бета-синовни очишда маҳсулотни бозорда илгари суриш стратегиясининг бир қисми сифатида фойдаланиш мумкин (масалан, бета-версияларни бепул тарқатиш истеъмолчиларнинг эътиборини маҳсулотнинг қимматбаҳо версиясига жалб қилиш имконини беради), шунингдек, келажакдаги фойдаланувчиларнинг кенг доирасидан бу ҳақда олдиндан шарҳларни олиш учун.

Бета-версия маҳсулотнинг сўнгги версияси эмас, шунинг учун ишлаб чиқарувчи қурилмани бузадиган ёки маълумотларнинг йўқолишига олиб келадиган хатоларнинг тўлиқ йўқлигига кафолат бермайди. Одатда бундай кафолатни ишлаб чиқувчилар ҳатто маҳсулотнинг якуний версиялари учун ҳам беришмайди. Масалан Telegram иловасининг бета версияларида "Избранное" бўлимининг йўқолиб қолиши ёки тизимнинг кутилмаган хатоликлари ва бошқалар.

Дастурий таъминотдан ташқари, сўнгги пайтларда бета-версия концепцияси кўпинча сайтларга ёки уларнинг алоҳида бўлимлари ёки функцияларига нисбатан қўлланилмоқда. Бундай ҳолда, аксарият ҳолларда бета-синов очиқ ва сайтнинг ишлаши давомида яхшиланишлар амалга оширилади. Масалан Ягона интерактив давлат хизматлари портали (https://my.gov.uz/uz) ҳам маълум вақт бета синов тариқасида ишлаган.

Бета-синов очиқ ва ва ёпиқ бўлиши мумкин, бунда дастур фақат ишлаб чиқувчилар ёки фойдаланувчилар томонидан таклиф бўйича синовдан ўтказилади.

Смартфонларда тез-тез тизим янгилаш ишқибозларига ёки пуллик илова ва ўйинлардан текин фойдаланишга қизиқувчиларига айнан бета синов жараёнларига қатнашишларини тавсия қиламан.
Тизим (прошивка) янги версияларини кўпинча Xiaomi, Google, Apple компаниялари бета синов орқали текширишади.
Google Play созламаларида ҳам бета синовда қатнашиш имконияти топишингиз мумкин.
#маълумот

​Дастyрий таъминотларда Beta, Lite, Full ва Mod версиялари нимаси билан фарқланади 2?

Иловаларнинг Full, Lite, Mod версиялари ўртасидаги фарқ нимада?

Кундан-кунга, деярли кўпчилигимиз фойдаланадиган иловалар (айниқса ижтимоий тармоқ иловалари) версиялари янгиланган сари имкониятлари ошиб, ҳажми ҳам кенгайиб бормоқда.
Айтайлик интернет тезлиги суст бўлган худудда истиқомат қилсангиз, смартфонингиз техник параметрлари "оғир" иловаларни ўрнатишга мўлжалланмаган бўлса ёки илованинг асосий имкониятларидан фойдаланмоқчи бўлсангиз унда сизга айнан LITE (енгиллаштирилган) версиялар керак бўлади.

Сиз Google Play да илова ёки ўйинларнинг Lite версияларини илова номига Lite сўзини қўшиб, излашингиз мумкин. Масалан: Twitter Lite, imo Lite, Skype Lite ва ҳоказолар.
Каналимизда Lite версиялар ҳақида олдин ҳам ёзган эдик:
https://t.me/gsmgurus_FAQ/49, https://t.me/gsmgurus_FAQ/41

Full версия бу - иловаларнинг оддий ёки норасмий манбалардан кўчириб олинган сотиб олиш ҳимояси олиш ташланган версиялари ҳисобланади. Масалан Google Play (расмий манба) дан Facebook иловасини юклаб олсангиз ёки норасмий манбадан (ҳар хил сайтлар, группа ва форумлардан) пуллик илованинг "текин" версияни ўрнатсангиз бу ҳам Full ҳисобланади.

Lite ва оддий (Full) версия ўртасидаги фарқ Facebook иловаси мисолида:

Оддий версиянинг ўлчами Lite иловаларига қараганда анча катта. Масалан, "Facebook" нинг оддий версияси 55-60 МБ ни ташкил қилади, унинг Lite версияси эса атиги 1,5 МБ. Қўшимча (кераксиз) функциялар олиб ташлангани ҳисобига илова анча тез ҳам ишлайди.
Lite версиясининг ҳажми анча паст бўлгани сабабли, уни юклаб олиш тезлиги анча тезроқ ва енгил дастур бўлгани учун батарея қувватини кам сарфлайди.
Facebook Lite Интернетга уланиши суст бўлган жойларда ишлайдиган қилиб яратилган. Бу аслида 2G тармоқларида жуда яхши ишлайди. Шунинг учун у интернетни жуда кам сарфлайди.

Яна бир афзаллик оддий Facebook иловасидан фарқли ўлароқ, Facebook Lite сизни мессенжерни алоҳида юклаб олишга мажбур қилмайди. Дўстларингиз билан суҳбатлашиш учун сиз унинг ички мессенжеридан фойдаланишингиз мумкин.

Mod версия бу - иловаларнинг норасмий версиялари. Асосан ўйинларда қўшимча "жон" ёки "тангалар" олиш учун яратилади.
Иловаларда эса рекламаларни ўчириш, қўшимча тилларни қўшиш, ҳар хил ҳисоботларни жўнатишни ўчириш, пуллик имкониятларини бепул қилиш, графикасига ўзгартириш киритиш, маълум бир моделларга ўрнатиш чекловларини олиб ташлаш ва яна бир қўшимча имкониятлар учун қўлланилади.
Каналимизда SHAREit (https://t.me/gsmgurus_FAQ/21), KMPlayer (https://t.me/gsmgurus_FAQ/40), Telegraph (https://t.me/gsmgurus_FAQ/396) каби иловаларнинг Mod версиялари мавжуд.
#маълумот

https://telegra.ph/Telegram-bot-u-nima-va-qanday-ishlaydi-11-24

Muallif: Mirmuhsin Khamroev
#ўқувчилардан

​Бизнинг назаримизда энг яхши хорижий тилларни ўрганиш иловалари.

- Мой Словарь: полиглот (фақат керакли сўзларни ўрганинг). Чет тилини тез ўрганиш ва сўз бойлигини тўлдириш.
https://play.google.com/store/apps/details?id=com.swotwords.lite

- Полиглот Lite. Илова "Полиглот. Инглиз тилини 16 соат ичида ўрганинг."" телекўрсатуви асосида инглиз тилини ўргатишга мўлжалланган.
Илова бир неча дарсларни ўз ичига олади.
https://play.google.com/store/apps/details?id=com.axidep.poliglot

- MyWords Lite. Инглиз, Немис, Француз, Хитой ва бошқа тилларнинг сўзларини самарали эслаб қолиш иловаси.
https://play.google.com/store/apps/details?id=com.thezzumer.mywords.demo#

- WordMemo: инглиз тилида ўқиш. Илова китобларни ўқиш ва тинглаш, сўзларнинг таржималарини кўриш, нотаниш сўзларни, уларнинг маънолари ва контекстларини сақлаб қолиш ва уларни янада ёдлаш имконини беради.
https://play.google.com/store/apps/details?id=com.perceptnet.wordmemo.android

- AnyMemo. Карточкалардаги маълумотларни ёдлаш иловаси ва махсус такрорлаш тизими.
https://play.google.com/store/apps/details?id=org.liberty.android.fantastischmemo

- AnkiDroid. Сўзлар, иборалар ва бошқа маълумотларни ёдлаш учун карточкалар.
https://play.google.com/store/apps/details?id=com.ichi2.anki&feature=search_result

- Lingo Quiz Lite. Бу собит луғатлар чегараларини бузмоқчи бўлган, аммо сўз ва таржималарни қўлда тўлдиришни истамаган фойдаланувчилар учун мўлжалланган flashcards ёрдамида чет тилларини ўргатиш дастуридир.
https://play.google.com/store/apps/details?id=mnm.lite.lingoquiz

- Top Reader. Сўзларни таржима қилган ҳолда хорижий китобларни ўқиш иловаси.
https://play.google.com/store/apps/details?id=com.dogma7.topreader

#APK
*Каналдаги маълумотларнинг аксарияти шахсий тажрибамга асосланиб ёзилган ва кўчирма қилинмаган. Каналдан маълумот олинганда манба кўрсатилиши шарт.

​Android учун машҳур антивируслар хавфли айғоқчилар бўлиб чиқди.

Android учун ҳақиқий вируслар, комьютерларда ўрнатилган Windows тизимидагига ўхшаб машҳур эмас. Лекин аксарият Android фойдаланувчилари, мунтазам равишда антивирус иловаларидан фойдаланиб туришади.
Кўпчилигимиз улар нафақат вирусларни қидириб ва ўчириб ташлаш билан шуғулланади, балки бошқа зарарли дастурлардан ҳам тизимни ҳимоялашига ишонамиз. Лекин антивирус иловаларининг ўзини хавфсизлигини текшириб кўриш, ҳеч кимнинг хаёлига келмайди. Маълум бўлишича, антивирус иловаларининг ўзлари, жосуслик мақсадида тизимда кузатув олиб боришлари мумкин.

VPNPro жамоаси тадқиқотчилари Android учун 15 антивирус иловаларини синовдан ўтказишди ва улардан олтитаси фойдаланувчидан ўз ишига алоқаси бўлмаган имтиёзлар сўрашини аниқлашди. Одатда, у камера, микрофон, қўнғироқлар, СМС хабарлар ва ички хотирага кириш эди. Aнтивируслар ушбу имтиёзларни фойдаланувчиларни кузатиш учун ишлатганлигига қарамай, ушбу рухсатномалар уларнинг фаолиятига таъсир қилмайди, яъни улар махфий маълумотларни тўплаш учун ишлатилиши мумкин.

Смартфонингиздан ўчириб ташлаш керак бўлган антивируслар:
- Security Master – 500 миллион марта юклаб олинган;
- Antivirus Free 2019 – 10 миллион марта юклаб олинган;
- Virus Cleaner 2019 – 50 миллион марта юклаб олинган;
- Virus Cleaner, Antivirus, Cleaner (Max Security) - 50 миллион марта юклаб олинган;
- Super Phone Cleaner: Virus Cleaner, Phone Cleaner-50 миллион марта юклаб олинган;
- Clean Master – 1 миллиард марта юклаб олинган.

Эҳтимол сиз ушбу антивируслардан ҳеч қачон фойдаланмаган ёки ҳатто уларнинг мавжудлиги ҳақида эшитмаган бўлишингиз мумкин. Бироқ, юклаб олиш сони бўйича кўриб турганингиздек, улар жуда машҳур, чунки улар жами 1.6 миллиарддан ортиқ фойдаланувчи томонидан юклаб олинган. Яхшиямки, Google компанияси VPNPro мутахассислари билан фикри бир жойдан чиқди ва бу антивирусларни Google Play дан олиб ташлади ва уларни хавфли деб топди (Clean Master дан ташқари). Яна бир нарса шундаки, Google компанияси хавфли иловаларнинг яна тарқалишининг олдини олишга муваффақ бўлса ҳам, кўплаб фойдаланувчилар ҳали ҳам ўзларини хавф остига қўйишмоқда.

Умуман Android тизимига антивирус иловаси керакми? саволига каналимизда олдин ҳам жавоб ёзиб ўтгандик. "Эслаб қолинг Android тизимида Антивирус программаси Google томонидан тақдим этилган ва у хар доим ишлаб туради (Қўшимча программалар ўрнатишга хожат йўқ). "
#маълумот

https://telegra.ph/Eng-yaxshi-musiqa-pleyeri-11-26

Muallif: Salohiddin
#ўқувчилардан

https://telegra.ph/Inline-bot---nima-degani-11-27

Muallif: Mirmuhsin Khamroev
#ўқувчилардан

​QR-коди бу нима ва ундан қандай фойдаланиш керак?

QR-коди (қисқартма инглизчадан "тезкор жавоб" деб таржима қилинади) - бу маълумотларни шифрлаш усулларидан бири. Бу кичик квадратлардан иборат квадратга ўхшайди (оқ фонда сирли қора квадратчалар). Сиз ҳар қандай расм ёки матнни QR кодига ўгиришингиз мумкин, масалан, интернет саҳифанинг номи ёки чекдаги тўлов маълумотлари. Бунинг учун махсус иловалардан фойдаланинг QR-код генераторлари (масалан QR Droid Code Scanner).

Бугунги кунда QR кодлари кўпчилик учун аллақачон оддий нарсага айланган, лекин кўпчилик аслида у ҳақида тушунчага эга бўлмаса керак. Масалан тез-тез QR-код, QR тўлов, QR сканер каби атамаларни смартфонимиздаги SHAREit, Click, Payme ва бошқа иловаларда ёки реклама афишаси, товарлар этикеткаларида, коммунал тўловлар квитанцияларида, сайтлар саҳифаларида ҳам учратамиз.

QR-кодига маълумотларни ўқитиш учун смартфон ёки планшетдан фойдаланиш мумкин. QR кодини сканерлаш учун иловани танланг ва унга камерани йўналтиринг. Бир неча сониядан сўнг, кодда яширилган маълумотлар экранда пайдо бўлади. Шундай қилиб, QR коди вақтни тежашга имкон беради ва маълумотни узатишда бирон бир хато юзага келиши эҳтимолини йўқ қилади. Ҳатто кичкина бола ҳам QR кодини сканерлаши мумкин.

QR коди орқали қандай ва қаерда тўлаш керак?

Ўзбекистонда асосан савдо марказларида, банкларда, давлат хизматлари марказларида QR кодларидан фойдаланиш тобора оммалашиб бормоқда. Келажакда ушбу тўлов ва маълумот олиш тури жамоат транспорти, коммунал тўловлар ва бошқа сохаларда ҳам ўз ривожини топади.

QR коди билан тўлов нақд пулсиз тўлов усули бўлганлиги сабабли, харидор смартфон ёки планшетда тегишли иловага банк картасини бириктириб қўйиши керак. Бундай иловалар бўлиши мумкин: Click, Payme, Milliy ёки банкларнинг махсус иловалари. Тўлов картасининг ўзи талаб қилинмайди. Тўлов фақат смартфон ёрдамида амалга оширилади ва бутун операция бир дақиқадан камроқ вақтни олади.

Шундай қилиб, мутахассисларнинг таъкидлашича, харидор манзилни, пул миқдорини нотўғри киритиш эҳтимолини йўқ қилади, чунки бу маълумотларнинг барчаси аллақачон QR кодга киритилган. Шунингдек, улар карта маълумотларини бегоналарга топширишлари шарт емас, шунинг учун бу тўловлар мутлақо хавфсиздир.

Назарий жиҳатдан ҳар қандай маҳсулот ёки хизмат QR код ёрдамида тўланиши мумкин. Коднинг ўзи товарлар, квитанциялар ва шу каби нарсалар билан стикерга жойлаштирилиши мумкин.
#маълумот

​Telegram учун фойдали ботлар:

@slovarikbot - Инглиз тилини ўрганаётган ҳар бир киши учун жуда ажойиб ва ​​фойдали бот. Кўпинча, чет тилини ўрганаётганда, у ёки бу сўзнинг талаффузи ёки контексти ўқувчига қийинчилик туғдиради. Айнан шу муаммони ҳал қилиш учун Словарик боти яратилган.
Сиз сўз киритасиз. Бот ўзининг талаффузи билан аудио топади ва юборади. Кейин яхшироқ ёдлаб олиш учун контекст менюсида сиз учун энг қизиқарли мультфилмлардан бирини танланг. Бунга жавобан бот сиз қидираётган сўз пайдо бўлган ушбу мултфилмнинг парчаси бўлган видеони юборади. Бундан ташқари, сиз янги сўз киритишингиз ёки контекст менюсида ўрганиш учун таклиф қилинган сўзларни сўрашингиз мумкин. Буни синаб кўринг!

@AndyRobot - Энди инглиз тилини ўрганиш ва амалиётга ёрдам беради. Сиз суҳбат қилишингиз, машқ қилишингиз, грамматикани ўрганишингиз ва ўйин ўйнашингиз мумкин!

@Uloadit_bot - Бот ҳавола (ссылка) орқали Telegram га файлларни юклаш, Telegram файлларини қайта номлаш ва яна бир неча имкониятларга эга. Интернет трафик Telegram учун берилган фойдаланувчиларга керак бўлиши мумкин.

@SmartphoneDBot - Бот телефонларнинг техник хусусиятларини топишга ёрдам беради. Фақат inline режимида ишлайди.

@vgifbot - Бот Telegram, Instagram тармоқларидаги видеоларни GIF га ўзгартиради. Бот айлантирилган фрагментнинг бошланиш ва тугаш вақтини белгилаб, видеони қирқиш имкониятини беради.

#Telegram #Бот #Телеграм

2018 йилнинг 1 декабрь санаси Ўзбекистонда интернет тезлиги, 10 баробарга оширилган кун!

2019 йилнинг 1 декабрь Ўзбекистонда интернет тезлиги, 10 баробарга оширилганига роппа-роса бир йил тўлган кун!

"Ўзбекистон мобил интернет тезлиги бўйича Speedtest Global Index рейтингида 7 ўрин пастлади"

Ирландиянинг Ookla компаниясига тегишли Speedtest.net интернет-сервис 2019 йилнинг октябрь ойи якунларига тааллуқли маълумотларни эълон қилди. Унда жаҳондаги давлатларда мобил ва симли интернет тезлиги таққослаб чиқилган.

Ўзбекистон мобил интернет тезлиги бўйича 141 давлат ичида 136-ўринда қайд этилган — Интернетдан ўртача юклаб олиш тезлиги 9,48 Мб/сония, юклаш тезлиги эса 5,73 Мб/сония. Бу борада кўрсаткич сентябрь ойига нисбатан 7 ўринга пастлаган.

Симли интернет борасида Ўзбекистон 176 давлат орасида 119-ўринга жойлаштирилган — Интернетдан ўртача юклаб олиш тезлиги 18,90 Мб/сония, юклаш тезлиги эса 19,27 Мб/сония.

МДҲ ва Болтиқбўйи давлатлари ичида мобил интернет тезлиги бўйича Литва — 19, Эстония — 26, Молдова — 41, Латвия — 56, Арманистон — 57, Озарбойжон — 60, Гуржистон — 66, Украина — 88, Россия — 91, Қозоғистон — 99, Қирғизистон — 106, Беларусь — 118, Тожикистон — 132-ўринда жойлаштирилган.
#янгилик