​Telegram да видео муҳаррири ва расмларга GIF анимацияларини қўшиш функцияси пайдо бўлди

Шунингдек, керакли GIF ларни қидириш анча осонлашди - энди улар ҳиссиётлар бўйича бўлимларга бўлинди.

Telegram мессенжери 6.2 версиясига янгиланди, унда видео муҳаррири пайдо бўлди. Бу автоматик равишда расм сифатини яхшилайди, аммо агар керак бўлганда, ёрқинлик ва бошқа параметрларни қўлда созлаш мумкин. Таҳрирлаш режимига ўтиш учун видеони юборишдан олдин чўтка шаклидаги тугмани босинг.

Шунингдек, видеога матн, расм ва стикерларни, шу жумладан жонлантирилганларни қўшиш функцияси ҳам мавжуд. Охиргисини расмга ҳам қўшиш мумкин. Бундай ҳолда, расм автоматик равишда GIF файлига ўзгартирилади.

GIF танлаш панелида машҳур анимацион расмлар ва турли хил ҳиссиётлар тўпламлари пайдо бўлди. Маъқул бўлган анимациянгизни бармоғингизни босиб яқинда юборилганлар рўйхатига сақлашингиз мумкин. Бундан ташқари, мессенжернинг янги версияси GIF файлларни юклаб олиш тезлигини сезиларли даражада яхшилаган.

Яна бир яхшиланиш - суҳбатларни (чат) папкаларга тез қўшиш. Энди сиз хоҳлаган чатингизда бармоғингизни ушлаб, папкага юборишингиз мумкин. Худди шу тарзда, улар ўчирилади.

Бошқа ўзгаришлар қаторида:
- хабарларни юбориш, таҳрирлаш ва ўчиришда қўшилган анимациялар;
- видеоларни кўришда бошқарув панели уч сониядан кейин яширилади, узун тавсифлар кўришга халақит бермайди ва 30 секунддан қисқа видеолар энди доира ичида ижро этилади;
- кераксиз файлларни тозалаш учун янгиланган интерфейс;
- созламаларда икки босқичли текширув паролини ўрнатиш энди маймунча томонидан назорат қилинади.

Иловани юклаб олиш: https://play.google.com/store/apps/details?id=org.telegram.messenger&hl=uz

#Telegram #Телеграм #иловаянгилик

Каналга уланиш👇👇👇
https://t.me/gsmgurus_FAQ

​Икки босқичли текширув нима ва ундан қандай фойдаланиш керак?

Смартфонлардан фойдаланар эканмиз турли хил хизматларда (электрон почта, мессенжер, мобил банк ва ҳ.к.з) ҳисобларни (аккаунт) яратамиз. Ушбу ҳисоблардаги шахсий маълумотларимиз махфийлиги ва хавфсизлигини таъминлашда энг кенг тарқалган парол билан ҳимоялаш усулига қўшимча равишда икки босқичли текширув (двухфакторная, двухэтапная аутентификация) усули қўлланилмоқда.

Икки босқичли текширув нима?
Қисқача айтганда, хавфсизликни ошириш учун икки босқичли текширув авторизация жараёнига иккинчи босқични қўшади. Шундай қилиб, паролни тахмин қилиш ёки ўғирлаш сизнинг ҳисобингизга кириш учун етарли бўлмайди.

Оддий паролингизни киритганингиздан сўнг, қурилмангиз ёки иловангизга иккинчи парол керак бўлади. Ушбу иккинчи парол, яъни кириш коди, сиз белгилаган қурилмага матнли хабар (СМС, почта хабари) ёрдамида келади. Иккала кодни ҳам тўғри киритганингиздан сўнг аккаунтингизга кириш имкониятига эга бўласиз.

Юқорида кўрсатилган икки босқичли текширув усулидан кўпчилик Telegram, Google ва ижтимоий тармоқ аккаунтларини ҳимоялашда фойдаланади. Лекин, хавфсизликни таъминлаш ўта муҳим бўлган хизматларда (биржа, серверлар) икки босқичли текширувнинг қуйида кўрсатилган усулларидан фойдаланишади.

Логин ва парол, махфий сўз ёки пин-код бу аутентификация усули бўлиб, унга яна бир усул қўшилади, масалан, биометрик маълумотларни киритиш (бармоқ изи, кўзнинг тўр пардаси ва бошқалар). Айнан шу, икки босқичли текширув омилини яратади. Бунга токен қурилмалари, СМС хабарлардаги тасдиқлаш коди ва бир марталик паролларни яратиш учун иловалар ҳам киради. Иловалардан Яндекс.Ключ, Google Authenticator кенг қўлланилади.

Расмда кўрсатилган сейф ҳам икки босқичли текширувга яққол мисол бўла олади. Яъни, махфий комбинацияни билсангиз, лекин калитга эга бўлмасангиз, уни оча олмайсиз.

#маълумот
Мавзуга оид каналимиздаги қўшимча маълумотлар:
- Telegram фойдаланувчилари эътибор бериши керак бўлган жихати
- Android тизимида Google аккаунтда хавфсизлик ва махфийлик

Каналга уланиш👇👇👇
https://t.me/gsmgurus_FAQ

​Смартфон камерасида сифатли фотосуратлар олиш маслаҳатлари

Смартфондаги зўр камера, фотосуратларни яратиш учун бир восита, аммо уларнинг мукаммаллигининг кафолати эмас. Ундан максимал даражада фойдаланишни хоҳласангиз, қуйидаги маслаҳатларни албатта ўқиб чиқинг.

- Фотосуратларни олишдан олдин смартфон объективини тозаланг
Объективдаги бармоғ излари ёки чанг, расмларнинг тиниқ чиқмаслиги ва ҳар хил доғлар билан яралишиги сабаб бўлади. Шунинг учунг, суратга олишдан олдин, смартфон камерасини юмшоқ мато билан яхшилаб артинг. Кўзойнак ёки линзаларни тозалаш учун махсус микрофибер мато бўлса ундан ҳам яхши.
Баъзи смартфонлар камера созламасида объектив тозалигини текшириш имконияти ҳам мавжуд.

- Смартфонингизни маҳкам ушланг ва шошилманг
Шошилиб, қалтираган қўлда олинган расм ва видеоларни сифатини кўрган бўлсангиз керак? Флагман смартфонлар камерасидаги оптик стабилизация қўл ҳаракатларининг оқибатларини бартараф эта олади, лекин ушбу технология арзон ва ўрта бюджетли смартфонларда учрамайди.
Шунинг учун, авваламбор айнан нимани суратга олмоқчилигингизни тушуниш жуда муҳимдир. Кейин танланган суратга олиш тўғри ва мустаҳкам туринг. Шундан сўнг, смартфонни иккала қўлингиз билан маҳкам ушланг. Кераксиз ҳаракатлар қанчалик кам бўлса, фотосурат шунчалик аниқ ва яхши бўлади.
Шунингдек, суратга олишда бирон нарсага суянишингиз ёки ҳатто смартфонни ҳар қандай қаттиқ нарсаларга (стол, китоб) суяб қўйишингиз мумкин.

- Битта нарсани бир нечта фотосуратларини олинг ва натижани текширинг
Албатта, бир нечта расмдан ҳеч бўлмаганда биттаси омадли чиқиш имконияти кўпроқ. Яхшиямки, "плёнка" бесамар сарфланиши даврлари ўтиб кетди, яхши чиқмаган расмларни шунчаки ўчириш мумкин.
Расмга тушгандан сўнг дарҳол расмларни максимал катталаштиришда кўриб чиқишни унутманг. Шундай қилиб, автофокус тизимининг хатоларини кўришингиз ва керак бўлса яна қайта тезда суратга олишингиз мумкин.

- Ёритиш хусусиятларини эсдан чиқарманг
Ёритиш ҳар қандай фотосуратчи, шу жумладан мобил фотосуратчи учун ҳам энг муҳим нарса. Ёруғлик қанча кўп бўлса, шунча яхши. Агарда фотосуратлар сифатли чиқишини истасангиз табиий ёруғлик манбасидан фойдаланинг, масалан дераза олдига боринг ёки кўчага чиқинг. Дераза фотосуратчининг орқасида бўлиши керак, акс ҳолда одамнинг юзлари кўринмас даражада бўлади.

- Смартфон камерасининг қўлда созламаларини ўзлаштиринг
Кўпгина смартфонларда, камера қурилмаларидаги сингари экспозиция, ISO, оқ ранг баланси, фокус каби параметрларни созлашингиз мумкин. Аввалига бу каби сўзлар қўрқинчли эшитилади, лекин ўрганиб олсангиз мобил камерадан янада яхши натижаларни оласиз.

- Фоточақноқни ( вспышка)фақат керак бўлганда ёқинг
Смартфонингизда ўрнатилган фоточақноқни ( вспышка) фотосуратлар сифатини бошқа усулларда яхшилаб бўлмагандагина ишга солинг. "Пешонадаги" ёруғлик ва фотосуратлардаги қора фон фоточақноқни нотўғри қўллаш натижаси.

#маълумот #камера

Мавзуга оид каналимиздаги қўшимча маълумотлар:
- Флагман смартфон нима?
- Смартфон камерасидаги оптик стабилизация нима?
- Бизнинг назаримизда энг яхши камера иловалари

Илм-фан ва технология ютуқларининг жамланмаси смартфон ва интернетдан баъзи ёшларимизнинг қандай фойдаланаётгани ҳақида.

Мисол учун, пичоқ таом тайёрлаш ёки бировга зарар етказиш воситаси сифатида, икки хил вазифани бажариши мумкин. Смарфтон ва интернет ҳам худди шу тарзда мақсадингиздан келиб чиқиб керакли натижани беради. Бекорга халқимиз "Нима эксанг, шуни ўрасан" дейишмайди.

Вақтингизни сарфлаб смартфонда бажараётган вазифаларингиз, билим ва дунёқарашингиз ошишига, бирор касбни эгаллашга, бошқаларга ёрдам беришга ёки доимий шуғулланиб маблағ ишлашга ёрдам беряптими?

Ўзим бевосита гувоҳи бўлаётганим, ёшларимизнинг баъзи машғул бўлган ишлари, вақтлари ва воситаларининг унумсиз фойдаланиши деб ўйлайман.

Қуйидагилардан бирор фойдали натижа бор деб ўйлаганлар ёки қўшимча қилмоқчи бўлганлар ўз фикрларини комментарии шаклида ёзиб қолдиришлари мумкин.

- азарт ўйинлар (1xBET) ўйнаб, бошқаларни ҳам жалб қилиш
- спам (реклама) жўнатиш, "start" босиб бериш, интернетда пул ишлашнинг "бўлмағур" усулларига вақт сарфлаш ва бошқаларни жалб қилиш
- канал ва гуруҳларга розиликсиз одам қўшиш ёки "сохта одам" ва Like кўпайтириш
- ўзларини "кўринмас" хаккер сифатида тасаввур қилиб "кўчирма" бузғунчиликлар қилиш
- Америка (USA) рақам билан "бошқача" одам бўламан деб ўйлаш
- ўзлари гувоҳи бўлмаган ёки таҳлил қилмасдан ҳар хил ахборотларни интернет бўйлаб "тарқатувчи" вазифасини бажариш
- етарлича маълумотга ва билимга эга бўлмасдан асосланмаган ёки умумий сўзлар билан суҳбатларда баҳслашиш
- кўчирмачилик қилиш, номи чиққан канал маълумотларини "ўғирлаб" ўз номидан "сохта" канал юритиш
- профилни безаш соат қўйиш, "ник" ясаш ва "баландпарвоз" шиорлар
- бегона wi-fi тармоғини "бузишга" ҳаракат қилиш ва йўқ жойдан "текин интернет" излаш
- ўйин ва бўлмағур видеоларга муккасидан кетиш
- ижтимоий тармоқлардаги бировнинг "сохта ҳаётига" тақлид қилиш

#мулохаза

Мавзуга оид каналимиздаги қўшимча маълумотлар:
- Ахборот (информация) сизга зарар келтирадими?
- Нима учун смартфонни мукаммал ўрганиш керак?

​Шахсий маълумотлар нима ва уларнинг сиздирилиши хавфи ҳақида?

Шахсий маълумотларнинг ошкор бўлиши ва тарқалганлиги ҳақидаги хабарлар кундан-кунга кўпайиб бормоқда. Айниқса, ахборот технологиялари жадал ривожланган шароитда шахсий маълумотлар мавзуси кўпроқ эътиборни жалб қилиш зарур.

Шахсий маълумотлар - бу аниқ ёки аниқланадиган жисмоний шахсга бевосита ёки билвосита боғлиқ бўлган ҳар қандай маълумот.

Шахсий маълумотларга фамилияси, исми, отасининг исми, йил, ой, сана ва туғилган жойи, манзили, оилавий, ижтимоий, мулкий ҳолати, маълумоти, касби, даромадлари ва бошқа маълумотлар киради. Асосий шарти - ушбу маълумотлар орқали, унинг қайси аниқ шахсга тегишли эканлигини белгилаш мумкин бўлиши.

Масалан, "Фалончи Фалончиев Фалончиевич" каби маълумот аниқ кимга тегишли эканлигини аниқлаб бўлмас. Лекин, 01.01.1990 йилда Тошкент шаҳрида туғилган "Фалончи Фалончиев Фалончиевич" каби маълумотлар шахсни аниқ аниқлашга имкон бера олади.

Шахсий маълумотларнинг сиздирилиши хавфи нимада
Шахсий маълумотларнинг тарқалиши турли хил сабабларга кўра, масалан, техник носозлик туфайли, ходимларнинг бепарволиги, хакерлик ҳужумлари ёки ходимларнинг ғараз мақсадларига кўра юзага келиши мумкин.

Ҳар қандай ҳолатда ҳам, паспорт ёки бошқа шахсий маълумотлар бузғунчилар қўлига тушса, улардан жиноий мақсадларда фойдаланиш мумкин.

Шахсий маълумотлардан фойдаланиб, жабрланувчининг банк карталаридаги маблағларини қўлга киритиш, шунингдек жабрланувчининг номидан бир нечта банклардан кредит олиш, кўчмас мулкини ноқонуний бошқариш, вақтинчалик фирмалар очиш ва бошқа кўплаб хавфли ишларни амалга ошириш мумкин.

"Текин" хизмат ва иловаларга ўзингиз тақдим этган шахсий маълумотларингиз асосан маркетинг (реклама) мақсадларида қўлланилади. Бу ҳақида кейинги хабарларимизда маълумот бериб ўтамиз.

Ривожланган давлатларда, фойдаланувчининг шахсий маълумотларига эътиборини, 2019 йил июль ойида Facebook компанияси 5 млрд. доллар жаримага тортилганидан ҳам англашингиз мумкин.
Маълумот учун: сиздирилган маълумотлар Британиянинг Cambridge Analytica компанияси томонидан маркетинг мақсадида қўлланилган. У сайловчиларнинг сиёсий қизиқишларини таҳлил қилиб, сўнгра уларга тўғридан-тўғри қизиқиш доирасига кирадиган рекламалар кўрсатган.

#маълумот

Каналга уланиш👇👇👇
https://t.me/gsmgurus_FAQ

​Смартфон экранининг ўлчамлари (разрешение) нима ва қайси бирини танлаш керак?

Смартфоннинг экран ўлчамлари нима?
Аксарият фойдаланувчилар, замонавий смартфонни танлашда энг муҳим нарса бу - экран ҳажми (размер) деб ўйлашлари мумкин. Албатта, дисплейнинг катталиги ва унинг диагонали муҳим рол ўйнайди, аммо уни танлашда унинг ўлчамига ҳам эътибор бериш керак.

Дисплейни ташкил этувчи миллионлаб кичик пикселлар (нуқта), смартфонлар экранидаги тасвирларни кўрсатиш учун ишлатилади. Горизонтал ва вертикал равишда жойлашган пикселлар сони экран ўлчамидир.

Ҳозирги вақтда аксарият смартфонлар учта турдаги экранларга эга:
HD (1280 x 720, 720p) + кенг экранли HD+;
Full HD (1920 x 1080, 1080p) + кенг экранли Full HD+;
Quad HD (2560 x 1440, 1440p) + кенг экранли WQHD+.

Қандай экран ўлчамини танлаш керак?
- Смартфон дисплейининг энг машҳур ўлчамларидан бири 1280x720 пикселга тенг - HD. Бюджет (арзонлаштирилган) нархлардаги деярли барча смарфтонлар айнан шундай кўрсаткич билан жиҳозланган.

- Ўрта бюджетли ва бизнес-сериядаги смартфонлар юқори ўлчамдаги дисплейлар билан жиҳозланган. Агар смартфоннинг диагонали 4,5 дан 6,5 дюймгача бўлса, 1920х1080 пиксел (Full HD ёки Full HD+;) ўлчамидаги экран яхшироқ. Бугунги кунда айнан ушбу ўлчамдаги экран нархи ва тасвир аниқлиги жиҳатидан оптимал ҳисобланади.

- Диагонали 6,5 ва ундан ортиқ дюйм бўлган флагман смартфонларда Quad HD (2560×1440) ўлчами қўлланилади. Тасвир сифати юқори, аммо баъзи тадқиқотларга кўра, инсон кўзи деярли сезиларли фарқни сезмайди. Quad HD - бу келажакда кенгайтирилган ва виртуал ҳақиқат технологиялари учун зарурдир.

Аксарият смартфонлар созламаларида экран ўлчамларини ўзгартириш имконияти мавжуд. Пастроқ ўлчам танлаганда батарея қуввати тежалиб, процессорга юк камаяди, лекин жуда яқин масофадан эътибор билан дисплейга қаралса пикселлар (нуқта) кўриниши ва тасвир сифатига таъсир қилиши мумкин.

Эътиборли ўқувчиларимиз учун савол?
Бир хил экран ўлчамида бўлган, Full HD смартфон ва Full HD телевизор тасвир сифати нимаси билан фарқланади?
Жавобингизни "Открыть комментарии" тугмаси орқали ёзиб қолдиринг.

#маълумот
Мавзуга оид каналимиздаги қўшимча маълумотлар:
- Смартфон моделларинг умумий сериялари хақида
Каналга уланиш👇👇👇
https://t.me/gsmgurus_FAQ

​Мобиль алоқа тармоғи абоненти бошқа тармоққа ўтганда телефон рақамини сақлаб қолиш тартиби ҳақида

Телефон рақамини сақлаган ҳолда бошқа мобил алоқа операторига ўтиш хизмати (MNP ёки "мобил қуллик" ни бекор қилиш) ҳақида олдинроқ ҳам каналда маълумот бериб ўтгандим.

Ўзбекистон Республикаси Президенти 14.05.2018 йилда имзолаган "Электрон тижоратни жадал ривожлантириш чора-тадбирлари тўғрисида" қарорида "2018 йил якунига қадар мобиль алоқа тармоғи абоненти бошқа мобиль алоқа тармоғига ўтганда телефон рақамини сақлаб қолиш тартибини " ишлаб чиқиш назарда тутилган.

Лекин юқоридаги тартибнинг тақдири ва натижалари ҳақида изланиб бирор маълумот топа олмадим.

MNP хизмати кўплаб давлатларда татбиқ этилган, масалан қўшни Қозоғистонда ҳам эски мобил рақамингизни сақлаган ҳолда бошқа мобил операторга ўтиш хизмати (MNP) 2016-йил 1-январдан буён мавжуд.
"Канадада телефон рақамини оператордан операторга ўтказиш мумкин. Бу операция бепул ва рақамим бир соат ичида янги операторга ўтди." деб ёзмоқда Канадада истеқомат қилувчи юртдошимиз Фарҳод Файзуллаев.

Бу тартибни амалда қўллаш, мобил операторлар ўртасида соғлом рақобатни вужудга келтиради. Бундан ташқари, абонентларни қўшимча SIM-карталардан озод қилади, мақбул танлов имкониятини яратади ҳамда хизмат ҳақларининг тушишига сабаб бўлади. Айниқса, охирги икки ойда ушбу хизматга талабнинг кўплигини ўқувчиларимиз ҳам тасдиқлашса керак.

Юқоридагиларни инобатга олиб, "Mening fikrim" Жамоавий мурожаатлар порталида таклиф яратдим.
Агарда таклиф етарлича овоз тўпласа, Олий Мажлис палаталари томонидан кўриб чиқилиши керак ва амалда қўлланиши тезлашади.

Юқоридаги таклифимга бефарқ бўлмаганлар, "Mening fikrim" порталида рўйхатдан ўтиб (Электрон ҳукумат имкониятларидан фойдаланишда ҳам керак бўлади), ушбу мурожаат порталда муҳокамага қўйилгандан сўнг (15 кун) қўллаб қувватлашларини сўраб қолардим.

#MNP #Meningfikrim

​Мобиль алоқа тармоғи абоненти бошқа тармоққа ўтганда телефон рақамини сақлаб қолиш (MNP) тартиби ҳақида -2

Хабарингиз бўлса керак, MNP хизмати ҳақида каналда қисқача маълумот бериб, ушбу хизматни амалда қўллаш таклифи билан "Mening fikrim" порталига мурожаат қолдирган эдим. Ушбу мурожаат порталда муҳокамага қўйилиши учун 15 кун экспертиза жараёнидан ўтиши керак эди.
Афсуски, 20 кун муддат ўтишига ҳам қарамасдан мурожаат на муҳокамага қўйилди, на рад этилди ва "экспертиза жараёнида" ҳолатида қолиб кетди. Порталдаги " Қайта алоқа" хизмати орқали юборилган қўшимча мурожаатларга ҳам жавоб берилмади.

Бугун эса ушбу хизмат ҳақида тўлиқроқ маълумот бериб, унинг устунликлари ҳақида манбалари билан кўрсатиб ўтаман. Балким экспертиза жараёни тезлашиб қолар.

MNP НИМА?
Mobile Number Portability (MNP) - бошқа операторга тўлиқ рақамни ўтказиш хизмати. Рақамингизнинг тўлиқ, шу жумладан кодини ҳам сақлаган ҳолда мобил алоқа операторингизни ўзгартиринг.

Сизнинг рақамингиз ҳаётингизнинг ярми.
Унда:
- банк ва дисконт карталари
- ижтимоий тармоқлардаги аккаунтлар
- сайтлар ва мобил иловаларга кириш
- дўстлар, қариндошлар ёки мижозларнинг контактлари

Мобил рақамингиз - бу сизнинг шахсий маълумотингиз. MNP хизмати билан сизнинг рақамингиз операторларга эмас, балки сизга тегишли бўлади.

Операторлар турли сабабларга кўра ўзгартирилади:
- қулай тариф режаларини танлаш
- маълум бир худудда энг яхши алоқа тармоғини танлаш
- мобил Интернет тезлиги ва қўшимча бонуслар
- оператор хизматдан норозилик. Масалан, пулли обуна, сифатсиз қайта алоқа
- корпоратив алоқани тақдим этган иш берувчининг ўзгариши

Бошқа мамлакатларда MNP хизмати борми?
Дунёда, операторни ўзгартиришда рақамнинг сақлаб қолиниши истеъмолчининг қонуний ҳуқуқи ва телекоммуникация бозорида соғлом рақобат белгиси деб ҳисобланади. Айни пайтда ушбу хизмат 80 дан ортиқ мамлакатларда мавжуд.
Жумладан, АҚШ ва Европа кабилардан ташқари, Белорусия (2012), Россия (2013), Арманистон (2014), Озарбайжон (2014), Қозоғистон (2015), Украина (2019) ва Африканинг 6 та давлати.

"2019 йил 21 сентябрда MNP хизмати доирасида абонент рақамини ўтказиш бўйича сўровлар сони сони 28 миллионга етди. Бу ҳақда Федерал алоқа агентлиги (Россвязь) матбуот хизмати хабар берди.

"Алоқа сифатини яхшилаш бизнинг фаолиятимизнинг устувор йўналишларидан биридир", - дейди, Алоқа ва оммавий коммуникациялар вазири ўринбосари Денис Свердлов. Ишончимиз комилки, MNP нинг жорий этилиши уяли алоқа хизматларининг сифати ва қулайлигига ижобий таъсир қилади: абонентларнинг фикрига кўра энг яхши операторни танлашига тўсқинлик қилган асосий тўсиқлардан бири олиб ташланади. Ўз навбатида биз MNP принципини амалга ошириш учун барча зарур қонуности ҳужжатларини ўз вақтида тайёрлашга ваъда берамиз. Бизнинг ҳисоб-китобларга кўра, рақамни кўчириш хизматини тўғри амалга ошириш билан Россияда тахминан 3 миллион абонент ундан фойдаланади. " 2012 йил 14 декабр.

Бошқа операторга ўтишга қарор қилган абоенентларнинг шарҳларида, "ариза беришим билан эски операторимдан қўнғироқ қилиб, сабабларини сўрашди ва махсус 50 % чегирмали тариф режасига ўтказиб беришди" каби фикрларига кўзингиз тушади.
Мана соғлом рақобат, тасаввур қиласизми, операторингиз (UzMobile) сизга қўнғироқ қилиб истакларингиз билан қизивча ва операторни тарк этмаслигингизни сўраб илтимос қилса.

Манбалар 1. 2. 3. 4. 5. 6. 7. 8.

#MNP #Meningfikrim #оператор

Каналга уланиш👇👇👇
https://t.me/gsmgurus_FAQ

​Adobe Photoshop Камера иловасини юклаб олиш имконияти пайдо бўлди

Ўтган йилнинг ноябр ойида эълон қилинган фотосуратлар олиш Adobe Photoshop Camera бепул иловаси, ниҳоят Google Play Маркетга жойлаштирилди. Adobe Sense сунъий ақл (AI) технологиясига асосланган бўлиб, у суратдаги объектларни таниб олиш ва фотосуратларнинг янги даражасига эришиш учун энг мос филтрларни тавсия этиш имкониятига эга.

Филтрлардан ташқари, Photoshop Camera реал вақт режимида ноодатий эффектларни кўриш, шунингдек, расмга олишдан олдин автоёруғлик, соя ва бошқа фотосурат тафсилотларнинг автоматик созлашларини амалга оширишга имкон беради. Шунингдек, расмларга ишлов беришда қўлланиладиган "линзалар" ҳам мавжуд.

Adobe Photoshop Camera иловасини Google Play Маркетдан юклаб олишингиз мумкин, лекин Android 9 ва ундан юқори версия талаб қилинади. Илова инглиз тилида.

Иловани юклаб олиш: https://play.google.com/store/apps/details?id=com.adobe.lens.android

Баъзи смартфонларда Google Play дан ўрнатиб бўлмаса гуруҳимиздан кўчиришингиз мумкин: https://t.me/c/1374379603/231299

#иловаянгилик #APK

Мавзуга оид каналимиздаги қўшимча маълумотлар:
- Смартфон камерасидаги дастурий таъминот ҳақида
- Расмлар билан ишлайдиган иловалардаги сунъий ақл ҳақида
- Смартфон камерасидаги сунъий ақл (AI) ҳақида

​Telegram: Хабарларни юборувчига билдирмасдан ўқиш

Янги хабарни кўришингиз биланоқ, юборувчига уни ўқиганлигингиз кўринади (тасдиқ белгиси). Аммо бир неча усуллар билан хабарни юборувчига билдирмасдан ўқиш мумкин экан.
Изоҳ: Ўзим ушбу имкониятдан фойдаланмайман ва бу ечим ҳам эмас, лекин текшириб кўрдим. Гуруҳимизда шу ҳақида кўп сўралгани учун ушбу хабар ёзилди.

Хабарни олганингиздан сўнг, суҳбатни (чат) очманг. Смартфонингизда Интернетни ўчиринг ва шундан кейингина суҳбатга киринг. Янги хабарларни ўқинг ва Telegram ни ёпинг, уни ишлаб турган иловалар менюсидан (экран пастидаги кнопка) ҳам ёпинг.
Шундан сўнг Интернетни ёқиб, яна мессенжерни очишингиз мумкин. Агар ҳамма нарса тўғри бажарилган бўлса, хабарлар фақат сизнинг смартфонингизда ўқилган деб белгиланади, суҳбатдошнинг қурилмасида эса аксинча ўқилмаган.

Норасмий Telegram версияларининг "арвоҳ режими", тармоққа кирган вақтингизни бировга "алдаб" кўрсатиш имконияти барча янги версияларда (Videogram, Telegraph) тақиқланди. Эски версияга қайтиб, хавфсизликдан ва янгиликлардан воз кечиб ушбу имкониятни қайтариш мумкин экан. Лекин бу шунга арзийдими?

#Telegram #Телеграм

Мавзуга оид каналимиздаги қўшимча маълумотлар:
- Telegram версиялари ҳақида
- Telegram иловаси норасмий версиялари фойдаланувчиларининг айрим шахсий маълумотлари ошкор қилинди

​Мобиль алоқа тармоғи абоненти бошқа тармоққа ўтганда телефон рақамини сақлаб қолиш тартибини жорий этиш ҳақида -3

Мобиль алоқа тармоғи абоненти бошқа тармоққа ўтганда телефон рақамини сақлаб қолиш, тартибини жорий этиш таклифи "Mening fikrim" порталида эълон қилинган куннинг ўзидаёқ маъсул ташкилотнинг буйруғи ҳам муҳокамага қўйилган экан. Якунланиш санаси, 25/06/2020 муддати белгиланган буйруқнинг айрим бандларидан кўчирма келтирамиз.

ЎЗБЕКИСТОН РЕСПУБЛИКАСИ НОРМАТИВ-ҲУҚУҚИЙ ҲУЖЖАТЛАР ЛОЙИҲАЛАРИ МУҲОКАМАСИ расмий сайтида

ЎЗБЕКИСТОН РЕСПУБЛИКАСИ АХБОРОТ ТЕХНОЛОГИЯЛАРИ ВА КОММУНИКАЦИЯЛАРИНИ РИВОЖЛАНТИРИШ ВАЗИРИНИНГ БУЙРУҒИ.
https://regulation.gov.uz/uz/document/18731

Телекоммуникация хизматларини кўрсатиш қоидаларини тасдиқлаш тўғрисида
3. Мазкур буйруқ расмий эълон қилинган кундан эътиборан уч ой ўтгач кучга киради.

158. Абонентларга қонун ҳужжатларида белгиланган тартибда мобил алоқа тармоқларида абонент рақамини кўчиб ўтиш хизматини тақдим етиш.

176. Абонент учун абонент рақамини кўчириш хизмати мобил алоқа операторлари томонидан пуллик асосда тақдим этилади.

177. Абонент рақамини кўчириш абонентга 30 календарь кунида кўпи билан бир марта тақдим этилади.

178. Фақат мобил алоқа операторлари учун ажратилган рақамлар кўчириладиган рақамлар бўлиши мумкин. Рақамни кўчириш оқибатида рақамни териш форматини ўзгартиришга йўл қўйилмайди.

189. Мобил алоқа тармоқларида абонент рақамларини кўчириш абонентдан олинган талабнома асосида 8 иш соатидан кўп бўлмаган вақт давомида мобил алоқа операторлари томонидан таъминланади;

192. Шартномани тузиш пайтида вақтинча рақамли SIM-карта актив бўлади ва абонент ҳақиқий кўчирилгунча реципиентнинг алоқа хизматларидан фойдаланиши мумкин.

205. Донор томонидан абонент рақамининг кўчирилиши тўғрисида сўров тасдиқлангунча абонент абонент рақамини кўчириш хизматларини рад этиши мумкин.

221. Ўз тармоғига кўчирилган ҳар бир абонент рақами учун реципиент КРМБ оператори томонидан белгиланган абонент учун абонент рақамини кўчириш хизматининг нархига тенг бўлган бир мартали суммани КРМБ операторига тўлайди.

223. Мобил алоқа тармоқларида абонент рақами кўчирилганда абонентнинг шахсий ҳисоб рақамида сарфланмаган пул маблағлари аниқланган ҳолда, пул маблағларини қайтариш Мобил алоқа хизматларини кўрсатиш қоидаларига ва донор билан тузилган мобил алоқа хизматларини кўрсатиш шартномасига мувофиқ донорнинг офисида абонентнинг аризаси асосида амалга оширилади.

#MNP #Meningfikrim #оператор

​Бизнинг назаримизда энг яхши ҳужжатларни сканерлаш иловалари

Смартфонларнинг кўплаб имкониятларидан бири, ҳужжатларни (документ) сканерлаш (PDF файл) ва бу вазифани амалга ошириш учун ҳам турли хил иловалар мавжуд.
Ўзим синаб кўрган ва фойдаланувчилар ижобий баҳолаган ҳужжатларни сканерлаш бепул иловалари:

Adobe Scan: сканирование PDF, OCR - Босма ва қўлёзма матнни таниб олиш учун оптик белгиларни аниқлаш технологияси эга, Adobe компаниясининг бепул сканерлаш иловаси.
Илова, қурилмангизни матнни автоматик аниқлаш қобилиятига эга кучли портатив сканерга айлантиради. Ҳар қандай материаллар - квитанциялар, эслатмалар, ҳужжатлар, расмлар, визиткалар, маърузаларни Adobe PDF га ўгиринг ва таниб олинган матндан фойдаланинг. (Ушбу иловадан фойдаланиб кўрдим ва ўзимга маъқул келди)

Camscanner-Pdf сканер документов Word,Excel,фото - PDF, Word, Excel жадваллари, фото ва qr код ҳужжатларни сканерлаш учун илова . Ҳужжатларни сканерлаш ва уларни булутда сақлаш, почта орқали юбориш, матнни аниқлаш ва таржима қилиш функциясига ҳам эга.

Microsoft Office Lens PDF Scanner - илова ёрдамида расмларни таҳрирланадиган Word ва PowerPoint, шунингдек PDF файлларга ўзгартира оласиз. Бундан ташқари, уларни OneNote ва OneDrive булут хизматларига сақлашингиз мумкин.

#APK
Каналга уланиш👇👇👇
https://t.me/gsmgurus_FAQ

​Кликбейт нима?

Кликбейт (инглиз тилидан click "босиш" + bait "илмоқ") - бу веб-таркибни таърифлайдиган атама бўлиб, мақсади, онлайн реклама орқали даромад олиш, айниқса ахборотнинг сифати ёки аниқлигига зарар етказиш ҳисобидан.

Баъзи ҳолларда даромад олиш асосий мақсад эмас. Босиш сонини кўпайтириш ва Интернет, хусусан, ижтимоий тармоқлар орқали материалларнинг тарқалишини рағбатлантириш учун шов-шувли сарлавҳалар ёки жозибали тасвирлардан фойдаланилади.
Мақсад, энг яхши тарзда маъносини етказиш эмас, балки фойдаланувчиларнинг кўпчилигини материал берилган саҳифага киришларига ишонтириш, кликбейт сарлавҳалари одатда ахборот мавзусининг моҳиятини ёритиб бермайди ва ёлғон қўлланилади.
Шунингдек, кликбейт фирибгарлик ва зарарли дастурларнинг тарқалиши учун ҳам қўлланилади.

Характерли белгилари:
- сарлавҳа ўқувчини ўзига жалб қиладиган, аммо ахборотнинг моҳиятини очиб бермайдиган тарзда яратилиши
- ўқувчи билан мулоқот туйғусини яратиш учун намойиший олмош сўзларидан ("бу", "ўша", "шу") фойдаланиш
- ўқувчига "сен" деб мурожаат қилиш

- қарама-қаршилик, ўқувчининг чалкашлиги ёки ҳиссиётини уйғотишга ҳаракат қилиш
- Сиз ишонмайсиз!", "Сиз ҳеч қачон топа олмайсиз..." ва бошқа шунга ўхшаш жумлалардан фойдаланиш
- кўплаб нуқталар, савол ва ундов белгиларидан сабабсиз фойдаланиш

- тавсифланган нарсанинг аҳамиятни бўрттириш
- тўлиқ бўлмаган жумлалар, одатда ажаблантирадиган ёки завқлантирадиган нарсалар
- олдиндан кўриш саҳнасида (превью) жозибали ёки ҳайратланарли фотосуратлардан фойдаланиш

- таниқли шахс билан содир бўлган ўлим ёки бахтсизликлар ҳақида ёлғон маълумотлар
- фойдали ваъда: осон даромад, бепул ёки айниқса арзон маҳсулотлар, катта тежаш
- маълум бир фойда келтирадиган бирор сирни баҳам кўриш учун ваъда

#маълумот
Мавзуга оид каналимиздаги қўшимча маълумотлар:
- Огох бўлинг! Интернетдаги "зараркунанда" ва фирибгарлар
- Telegram даги SCAM белгиси нимани англатади?

@gsmgurus_FAQ

​Telegram иловасининг iOS учун янги версиясида, каналларни обунасиз ўқиш мумкин.

Кўнгилочар каналлар бозорида кликбейт реклама усулини қўллайдиганлар учун яхшигина зарба.

Айниқса охирги йилда рекламадан яхшироқ фойда олиш учун ёпиқ каналларни яратиш машҳур бўлиб, баъзи каналлар администраторлари очиқ каналларини ҳам ёпиқ (приватный) каналга ўтказдилар.

Ўқувчилар ёпиқ каналдаги маълумотларни обуна бўлмасдан кўра олмасдилар, бундан реклама берувчилар кликбейт рекламасини яратишда фойдаланганлар. Эндиликда, ёпиқ каналларга обунасиз 5 минут ичида унинг таркибини кўришингиз ва маълум бир постга ўтишингиз ҳам мумкин.

Ҳозирча бу фақат iOS ва MacOS Telegram версияларида ишлайди. Одатта Android версияси ҳам тез янгиланишларни олади. Умид қиламиз, 1-2 кунда ушбу имконият барча учун пайдо бўлади.

Эслатма: Бу имконият агарда каналга 200 дан ортиқ фойдаланувчи обуна бўлган бўлса ишлайди, ундан кам бўлганларини обунасиз кўра олмайсиз. Яъни, Telegram ҳақиқатан ҳам махфийлик зарур бўлган каналлар учун ушбу функцияни қолдирди. Одатта, бирор ташкилотга ёки ўқув курсларига оид каналлар кам сонли обуначиларга эга. Аммо, "Кликбейт қиролларига" жиддий зарба берилди.

Ёпиқ Telegram каналини кўришни бошлаганингиздан сўнг 5 дақиқа ўтиб, илова сизга канал ёпиқ эканлиги ҳақида огоҳлантиради ва кўришни давом эттириш учун унга обуна бўлишингиз кераклигини эслатади.
Обунасиз кўриш фақат биринчи марта ишлайди, қайта кирганингизда илова дарҳол обуна бўлишингизни сўрайди.

Яна бир янгилик, сизни канал ёки гуруҳга ким таклиф қилгани ҳақида маълумот берилади. Обуначи "ўғриларига" ҳам бирор фойдали иш билан машғул бўлишларига тўғри келади шекилли.

#Telegram #Телеграм

Мавзуга оид каналимиздаги қўшимча маълумотлар:
- Telegram тармоғидаги канал, гуруҳлар нима ва уларни излаб топиш

@gsmgurus_FAQ

​eSIM-карта нима?

Ушбу мавзуга тўхталишимизга сабаб, яқинда regulation.gov.uz порталига жойлаштирилган "Телекоммуникация хизматларини кўрсатиш қоидаларини тасдиқлаш тўғрисида" ҳужжат лойиҳаси бўлди. (қизиқ, ушбу ҳужжатдан кўпчиликнинг хабари бормикан?)
Қисқаси, eSIM атамасининг ушбу ҳужжатда қўлланилиши яқин келажакда мобил операторларимизда ҳам ушбу технология тадбиқ этилишига умид беради. Қўшни Қозоғистон, Қирғизистон ва Тожикистон давлатлари мобил операторлари eSIM технологиясидан фойдаланишга ўтиб бўлишган.

eSIM-карта нима?
eSIM одатий SIM-картага рақамли алтернатива бўлган "абонентни идентификация қилиш модулини" англатади. Оддий SIM-картадан фарқли равишда, eSIM -карта смартфонга ўрнатилган бўлади.
Сиз смартфонингиз слотига SIM-карта ўрнатишингиз шарт эмас, махсус QR-кодини сканерлаш орқали eSIM профилини ўрнатсангиз бўлди. eSIM профилида мобил тармоққа уланиш учун барча зарур маълумотлар мавжуд.

eSIM (embedded SIM) бу:
• оддий СИМ-картадан кўра кўпроқ хотира;
• битта қурилмадаги бир нечта рақамлар (ҳаттоки ҳар хил операторлар);
• фақат битта eSIM ва nano-SIM ни фаоллаштириш имконияти;
• жисмоний СИМ карта модулидан фойдаланишнинг ҳожати йўқ.

Технологиянинг қулайлиги оператор офисига бормасдан ҳам eSIM активлаштириш мумкин. Айниқса, маълум муддатга хориж давлатларига сафар қилганингизда махсус иловалар (Airalo: eSIM Store) ёрдамида трафик ҳам харид қилишингиз мумкин.

#маълумот
Мавзуга оид каналимиздаги қўшимча маълумотлар:
- Wi-Fi Calling (қўнғироқ) нима?

@gsmgurus_FAQ

​Смартфон камерасидаги макро режими нима?

Макро суратга олиш - бу кичик объект деярли бутун кадр майдонини эгаллаб олган, фотосуратларни яратишнинг энг машҳур турларидан бири. Бу усулда оддий кўринишда кўринмайдиган энг кичик тафсилотларни ҳам кўриш имконияти мавжуд.

Кичик объектларни суратга олиш макро суратга олиш ҳисобланади. Одатта, макро фотосуратларда гуллар ва ҳашаротлар тасвирланган. Бугунги кунда заргарлик буюмлари ёки биз ҳар куни учратадиган турли хил буюмларнинг фотосуратлари ҳам жуда машҳур.
Макро суратларини олишда замонавий смартфонларнинг имкониятлари кундан-кунга кенгайиб бормоқда. 4-5 камера модули ўрнатилган кўплаб смартфонларда макро суратлар учун (2 мегапиксел) алоҳида сенсор ажратилган ва ушбу режим орқали ҳам ажойиб фотосуратларни яратиш мумкин.

#маълумот #камера

Мавзуга оид каналимиздаги қўшимча маълумотлар:
- Смартфон камерасидаги оптик стабилизация нима?
- Смартфон камерасида сифатли фотосуратлар олиш маслаҳатлари

@gsmgurus_FAQ

​Смартфондаги бармоқ изи сканерининг (отпечатка) қўшимча имкониятлари.

Смартфонларда ўрнатилган бармоқ изи сканери, экран қулфини очиш ва алоҳида иловаларни ҳимоялаш (Telegram, Click, Payme) каби вазифаларда фойдаланилади. Лекин, унинг имкониятлари биз ўйлаганимиздан кўра кўпроқ ва уларнинг бир нечаси ҳақида маълумот берамиз.

Суратга олиш
Кўпгина смартфонлар созламаларида камеранинг экрандаги суратга олиш тугмаси ўрнига бармоқ изи сканеридан фойдаланиш имкониятини топишингиз мумкин. Баъзи ҳолатларда жуда қулай усул.

Расмларни кўриш
Аслида, бармоқ изи сканери оддий сенсорли экран (ноутбуклардаги каби) бўлиб, у бошқариш имкониятига ҳам эга. Шунинг учун, сканердан расмларни (ёки китоб саҳифаларини) ўтказиш учун ҳам фойдаланиш мумкин. Агарда ҳажми катта смартфондан фойдалансангиз бу қулай ва иккинчи қўлдан фойдаланиш ҳам шарт эмас.

Будилникни ўчириш
Одатда, смартфон ишлаб чиқарувчилари, аксинча, будилникни ўчиришни иложи борича қийинроқ қилишга ҳаракат қилишади, сабаби ухлаб қолмаслигингиз учун.
Сизда, бармоқ изи сканерини ёрдамида будилникни ўчириш имконияти ҳам мавжуд.

Қўнғироққа жавоб бериш
Бу, айниқса, совуқ об-ҳавода ас қотади. Совуқда баъзи смартфонларда сенсор таъсирчанлиги ёмонлашади ва қўнғироққа жавоб бериш қийинлашади. Бунинг ечими сифатида бармоқ изи сканеридан фойдаланишингиз мумкин, у ҳатто қаттиқ совуқда ҳам ишлайди.

Билдиришномалар сатрини очиш
Одатда билдиришномалар сатри экраннинг юқорисидан пастга силанганда очилади. Аммо замонавий смартфонлар шунчалик каттаки, буни битта қўл билан бажариш қийин бўлиши мумкин. Шу сабабли, ишлаб чиқарувчилар фойдаланувчиларга бармоқ изи сканери ёрдамида ушбу панелни очиш имкон беришган. Фақатгина созламаларда керакли функцияни фаоллаштирсангиз бўлди.

#маълумот

Мавзуга оид каналимиздаги қўшимча маълумотлар:
- Эслатма! бармоқ изи ёки юз билан очиш фойдаланувчилари учун
- Битта смартфонда иккита фойдаланувчи

@gsmgurus_FAQ

​Смартфонлардаги Dolby Atmos технологияси: бу нима ва у қандай ишлайди?

Смартфонлардаги бир нечта камералар ва юқори аниқликдаги экранлар билан бугунги кунда кўпчиликни ажаблантириб бўлмайди, лекин овозни яхшилаш учун ҳали ҳам имконият мавжуд.
Шу сабаб, смартфон ишлаб чиқарувчилари харидорлар эътиборини қозониш учун қурилмаларида турли хил технологиялардан фойдаланишади.

Dolby Atmos - кино кўриш режимида 3D эффектини яратиш учун махсус мўлжалланган овоз технологияси. У аввал кино саноатида пайдо бўлди ва кейин телевизор ва уй кинотеатрларига фаол кириб бора бошлади.

Смартфонларда Dolby Atmos юқори сифатли виртуал овоз муҳитини яратиш учун ишлатилади. Албатта, бунга ҳар доим ҳам смартфон карнайи ёрдамида эришиш қийин, шунинг учун бу хусусият наушниклар билан яхшироқ ишлайди.

Смартфонларда Dolby Atmos технологиясини биринчилардан бўлиб Samsung компанияси қурилмалари қўллаб қувватлаган бўлса, бугунги кунда кўплаб бошқа компаниялар смартфонларида ҳам ушбу технология мавжуд. (Huawei, Xiaomi, OnePlus, Realme, OPPO)

Dolby Atmos технологиясидан кино кўриш, мусиқа тинглаш ва ўйинларда ҳам фойдаланишингиз мумкин. Бунинг учун қўшимча иловалар ўрнатиш шарт эмас, шунчаки смартфон созламаларидан Dolby Atmos режимини фаоллаштиринг.

#маълумот

@gsmgurus_FAQ