#xalqaro_hamkorlik

Guliston davlat universiteti delegatsiyasi Yanglinda zamonaviy issiqxona texnologiyalari bilan tanishdi

26-oktabr kuni tushdan keyin Xitoy Xalq Respublikasining Shensi provinsiyasida xizmat safarida bo‘lib turgan Guliston davlat universiteti delegatsiyasi Shanxay hamkorlik tashkiloti (ShHT) ko‘rgazmasi hamda Yanglin agrar yuqori texnologiyalar namunaviy zonasidagi issiqxona majmualari faoliyati bilan yaqindan tanishdi.
Yanglin Xitoyda qishloq xo‘jaligi ilm-fani, innovatsiyalari va agrar ta’limning yetakchi markazlaridan biri sifatida e’tirof etiladi.

ShHT ko‘rgazmasida a’zo davlatlarning qishloq xo‘jaligi sohasidagi yutuqlari, zamonaviy agrotexnologiyalar, raqamli boshqaruv tizimlari va innovatsion ishlanmalar namoyish etildi. Delegatsiya a’zolari ko‘rgazma ekspozitsiyalari bilan tanishib, ShHT makonida agrar ta’lim va ilm-fan sohasidagi hamkorlik imkoniyatlari bo‘yicha fikr almashdi.
Shundan so‘ng delegatsiya hududdagi zamonaviy issiqxonalarga tashrif buyurdi.

Unda mikroiqlimni avtomatik boshqarish, tomchilatib sug‘orish va o‘g‘itlash, gidroponika, energiya tejamkor yoritish hamda hosildorlikni raqamli monitoring qilish texnologiyalari amaliyotda qanday qo‘llanilayotgani o‘rganildi. Issiqxonalarda ilmiy tadqiqot, talabalar amaliyoti va ishlab chiqarish uyg‘unlashtirilgani alohida qiziqish uyg‘otdi.
Tashrif yakunida Guliston davlat universitetida qurilayotgan issiqxona loyihasi muhokama qilindi.

Suhbat davomida loyihaga ilg‘or xitoy tajribasi va texnologiyalarini joriy etish, issiqxonani talabalar uchun amaliy o‘quv va ilmiy-tadqiqot maydoniga aylantirish, mutaxassislar almashinuvi hamda qo‘shma ilmiy loyihalarni amalga oshirish masalalari ko‘rib chiqildi.

Ta’kidlash joizki, ushbu tashrif doirasida Guliston davlat universiteti va Shensi qishloq va o‘rmon xo‘jaligi texnologiyalar universiteti o‘rtasida Qinling amaliy o‘quv ustaxonasi hamda O‘zbek tili markazini tashkil etish bo‘yicha kelishuvlar imzolangan edi. Bugungi tashrif ana shu hamkorlikni amaliy mazmun bilan boyitish, universitetda zamonaviy agrar ta’lim infratuzilmasini rivojlantirish va Sirdaryo viloyati qishloq xo‘jaligi uchun malakali kadrlar tayyorlash sifatini oshirishga xizmat qiladi.

@gulduuz

#5taşabbusolimpiadasi

“Beş tashabbus olimpiadasi” sport musobaqalari davom etmoqda

🏐26-oktabr kuni Stritbol (yigitlar) sport turi böyiça musobaqalar bölib ötdi.

Musobaqa yakuniy natijasiga köra:
🥇 - Filologiya fakulteti
🥈- Psixologiya va ijtimoiy fanlar fakulteti
🥉- Tabiiy fanlar fakulteti

🟡 Sport musobaqalar talabalar örtasida sportni ommoviyligini oshiriş va soğlom turmuş tarzini keng tarğib qiliş, jismoniy faollikni oshiriş, iqtidorli yoşlarni aniqlash hamda ularning hududiy va respublika musobaqalarida iştirokini taʼminlashdan iborat.

@gulduuz