اللي عوزاني ادعيلها معايا تقولي اسمها والدعوة اللي عوزاها، وإن شاء الله مش هنساكم الايام دي 🤎🫶🏻

http://habibasaed666.sarhne.com

هقولك كلمتين هيغيروا حياتك 180 درجة :))

نفسك فـ حاجة بعيييدة أوي عن ايديك، ومش عارف توصلها إزاي؟!

طيب أنا هقولك انت هتوصل إزاي إن شاء الله بـ ٩ حاجات بس تعملهم بإتقان!

- الدعـاء بيقيـن؛
هو الأسمنت اللي هتبني بيه السلم عشان توصل لـ حلمك!🤎

- الاستغفـار؛
هو الطوب اللي هترصه واحدة فوق واحدة لحد ما توصل!🤎

- الصلاة علي النبي ﷺ؛
هي الورد اللي هتفرش بيه السلم، بحيث تطلع وانت مرتاح البال ومطمن ومش قلقان وخايف لاحسن ماتوصلش!🤎

- الصدقات؛
هي اللي بتديك قوة تنط درجااات كتيييير من السلم مرة واحدة بدل ما تطلعه خطوة خطوة!🤎

- قيام الليل؛
ده اللي ليك فيه يوميًا دعوة مُستجابة، وربك بيتنزل فيه للسماء الدنيا يسألك عن حاجتك هل من سائل فأعطيه؟!🤎

- قراءة سورة البقرة؛
دي بقا الكوووم الكبير اللي والله وعن تجربة محدش واظب عليها، إلا وشاف فـ حياته العجب من التيسير والبركة في الرزق وإستجابة الدعوات وتفريج الهموم!🤎

- أذكار الصباح والمساء؛
بتشحن روحك بطاقة عالية أوي بتخلي عندك حُسن ظن بالله في إن دعواتك هتُستجاب؛ وده لأنك بمُجرد قرأتها بتكون في معيَّة الله!🤎

- الصلاة على وقتها؛
ودي اللي من الآخر لو ظبطتها هتتظبط حياتك، ومفيش أي عمل صالح هينفعك لو مبتصليش ع الوقت!🤎

- الدعاء بظهر الغيب؛
وده بقى للناس اللي بتعمل ذنوب وكل شوية تقع وتقوم وحاسة إنها مكسووفة وخجلانه من ربنا إنها تطلب منه حاجة لنفسها!! لو انت كده متخليش شيطانك يقدر عليك، وادعي لغيرك بظهر الغيب بالدعوة اللي انت نفسك فيها؛ وكده كده الدعاء بظهر الغيب أسرع الدعاء إستجابة، وفيه ملك لم يعصي الله قط هيدعيلك بنفس دعوتك دي.. وتبقى ضربت مليون عصفور بحجر واحد!🤎

امشي على الروشِتة دي وعرفَّها لغيرك، وانشرها علي قد ما تقدر، وربنا يقرَّ أعينكم بما تتمنوا :))

‏وحدةُ قياسِ هذه الليلة بالثَّواني لا بالساعات..

فتنبَّه، وجدّ واجتهد!🤎

ستتوالى الرؤى في كل يومٍ أنَّ هذه ليلة القدر؛ فلا تلتفت، واجتهد في جميع ليالي العشر..

من قصَّر فليستدرِك تقصيره، ومن أحسن فليُتم إحسانه!🤎

قال النبي ﷺ:

«إن عَجز أحدكم أو ضعف، فلا يغلبنَّ عَن السَّبع البَواقي».

السبع البواقي: آخر سبع ليالي في رمضان


أحسِن فيما بقىٰ، يُغفر لك ما مضى!🤎

{يَا عِبَادِ لا خَوْفٌ عَلَيْكُمُ الْيَوْمَ وَلا أَنْتُمْ تَحْزَنُونَ}🤎

أنت حين تصاحب ذوي العزائم الخاملة الذين أقصي مدى طموحاتهم في الكون لا تتجاوز البطن والفرج؛ فمن الطبيعي جدًا أن تلتصق بالأرض أكثر!

- شيخنا أحمد السيد.

‏{وَإِذَا قِیلَ لَهُ ٱتَّقِ ٱللَّهَ أَخَذَتۡهُ ٱلۡعِزَّةُ بِٱلۡإِثۡمِۚ..}

‏من صفات المنافقين؛ الإستكبار وردَّ النصيحة، واحتقار الناصِّح، أمَّا المؤمن فيقبل النصيحة ويتواضع للناصح أيًّا كان.🤎

تبدأ ليلة ٢٧ من مغرب اليوم؛ وهي من أرجى الليالي أن تكون ليلة القدر..

فلنجتهد :)🤎

لو لم يبقَ من رمضان إلا ساعة؛ فاجعلها عملًا بطاعة!🤎

مُبارك عليكم فُرصة أخرى للعِتق من النيران، ودعاءٌ مجاب، وصوم يوم يُجازي به الله..

هذا يومٌ ينفع الصادقين صدقهم وفرصة لمن تخلف التسع والعشرون الماضية أن يستفيق الآن.. لا تقل تأخرت!

رحمة الله واسعة، وعفوه لا يضيق :)🤎

اللهُمَّ لا تترُك لنا دُعاء إلا وقد أجبتُه.

يُستحب التكبير إذا اكتمل رمضان بغروب الشمس ليلة عيد الفطر حتى صلاة العيد.🤎

﴿وَلِتُكمِلُوا العِدَّةَ وَلِتُكَبِّرُوا اللَّهَ عَلى ما هَداكُم وَلَعَلَّكُم تَشكُرونَ﴾

السلام عليكم،

من هدي النبي ﷺ الفرح بالعيد!

الفرح بتلك الشعيرة العظيمة، وليس من هديهِ الحزن على رحيل رمضان.

فلنحمد الله الذي بلغنا إيَّاه، نحمده على توفيقنا للعبادة فيه، اللهم بلغنا إياه العام القادم على طاعة.

فلنفرح بعيدنا.

{ذَٰلِكَ وَمَن يُعَظِّمْ شَعَائِرَ اللَّهِ فَإِنَّهَا مِن تَقْوَى الْقُلُوبِ}

فلنحيي الليلة بأفراح وأناشيد جائزة وبلالين ولبس أحسن الثياب وبهجة على الأطفال والأهل.

كل عام وأنتم بخير، عيدكم مبارك 🤎🎉

كبِّروا ليبلغ تكبيركم عنان السماء :)🤎

إِظهار الفرحة بـ العيد عِبادة، حتى ولو كانت الهُموم تتساقط علىٰ روحك!🤎

سمَّي العيدُ عيدًا؛ لأنهُ يعودُ كلَّ سنةٍ بفرحٍ مجدَّد!🤎

- ابنُ الأعرابي.

علشان التوهان اللي بنبقا فيه فـ موضوع صيام 6 أيام من شوال والقضاء :)🤎


١ - صيام الـ ٦ من شوَّال = كصيام سنة كاملة.

٢ - يجوز صيام أي ٦ أيام من شوَّال
(أول الشهر .. وسط الشهر .. آخر الشهر)

٣ - يجوز صيام الـ ٦ من شوَّال مُتتابعين أو مُتفرقين.

‏٤ - يجوز تستنى كل إثنين وخميس من شوال، أو الأيام القمرية وتصومهم بنيّتين؛ نيِّة صيام الـ ٦ من شوَّال، ونيِّة صيام الإثنين والخميس والأيام القمريه؛
(لأن كلاهما صيام تطوع).

٥ - لو عليكِ أيام من رمضان الأفضل تقضيهم قبل ما تصومي الـ ٦ من شوَّال؛ في الحديث:
«من صام رمضان أي أكمل صيام رمضان، ثمّ أتبعه بستٍ من شوّال فكان كصيام الدهر»

‏٦ - الشهر طويل! إقضي اللي عليكِ الأول، وبعدين صومي الـ ٦ من شوَّال؛ عشان يتكتبلك أجر صيام الدهر كاملاً إن شاء الله.

٧ - ما ينفعش تصومي اللي عليكِ بنيِّة القضاء ونيِّة صيام الـ ٦ من شوَّال مع بعض!
كل عباده من دول مُستقلة بذاتها؛ مينفعش الجمع بين نيِّتين فرض وسُنَّة.