#Машхурлар_сийрати_1


Абд ибн Ҳумайд
(давоми)


У кишидан имом Муслим, имом Термизий, имом Бухорий ҳадис ривоят қилишган. Имом Бухорий "Саҳиҳ" китобларининг "Долоилун Нубуваа" бобида "Тунканинг овоз чиқариш" хақидаги ҳадисни муаллақ ҳолатда Абд ибн Ҳумайддан, у киши Усмон ибн Умардан, у киши Муъоз ибн Алодан, у киши Нофеъдан, у киши эса ибн Умардан ривоят қилганлар. Олимлар: "Ана ўша саннаддаги муаллақ[1] киши Абд ибн Хумайд" - деганлар.

Давоми бор.


[1] Муаллақ:
Уламоларнинг истилоҳида:
Санадининг аввалида битта ёки ундан кўп ровий кетма - кет тушириб қолдирилган бўлса "Муаллақ Ҳадис" деб аталади.

"Сияру Аъламин Нубало"


https://t.me/+wI70PN3SmkIyNTBi

#Ҳадис_585📓

#Таҳорат_ҳақида.
#Рамазон17

Лақийт ибн Собрата розияллоҳу анҳудан ривоят қилинади:
«Мен: «Эй Аллоҳнинг Расули, менга таҳоратдан хабар беринг», дедим. «Таҳоратни яхшилаб қил. Панжаларинг орасини таҳлил қил (сув етказ) ва бурунга сув олишда муболаға қил, магар рўзадор бўлсанг, бундан мустасно», дедилар».

✍(Сунан эгалари ривоят қилишган).

Шарҳ:

Аввало, ҳадиснинг ровийи Лақийт ибн Собрат розияллоҳу анҳу билан яқиндан танишиб олайлик: Лақийт ибн Собратани асл исмлари Лақийт ибн Омир ибн Собрата ибн Абдуллоҳдир, кунялари Абу Разин алАқалийдир.
Бу зот машҳур саҳобалардан бўлиб, ҳадисларни Расулуллоҳ соллаллоҳу алайҳи васалламдан ривоят қиладилар.
Бу зотдан ўғиллари Осим ибн Лақийт, акаларининг ўғли Воқеъ ибн Адас, Абдуллоҳ ибн Хожиб, Амр ибн Авс ас-Сақафийлар ривоят қилишади.

Ушбу ривоятда рўзадор киши муболаға ила бурнига сув олиб чайқамаслиги кераклиги баён қилинмоқда. Оғизга сув олиб чайқаш ҳам худди шунга ўхшашдир.
Чунки икки ҳолатда ҳам инсоннинг ичига сув кетиб қолиб, рўзасига путур етиши мумкин.
Рўзадор инсон доимо бунга ўхшаш ишлардан сақланиши лозим.

Юқорида рўзадорга ман қилинган нарсалар ҳақидаги баъзи ҳадисларни ўрганиб чиқдик.
Аммо биз ўрганган ҳадислардан бошқа ҳадислар ҳам бор.
Уларнинг ҳаммасини ўрганиб чиққан фақиҳларимиз ман қилинган нарсалар рўзани бузувчи ва рўзадорга макруҳ бўлса ҳам рўзасини бузмайдиган қисмларга бўлинишини таъкидлаганлар

Манба : Ҳадис ва Ҳаёт 9📚

📚
https://t.me/+wI70PN3SmkIyNTBi

#ХАЙРЛИ_ТОНГ ☀️

🌱 Aссалому алайкум. Душанба куни муборак бўлсин 😊

Соғ–саломат уйғотган Роббимизга ҳамдлар бўлсин!

Бошланган янги кун барчага омадли келсин!

👉 TONGGI SALOMLAR

#Ҳадис_586📔

#Жунублик_ҳолати
#Рамазон18

Умму Салама розияллоҳу анҳодан ривоят қилинади:
«Набий соллаллоҳу алайҳи васаллам жинсий яқинликдан, эҳтиломдан эмас, жунуб бўлган ҳолларида тонг оттирар эдилар. Сўнгра оғизларини ҳам очмас, қазо ҳам тутмас эдилар».

(Бешовлари ривоят қилишган).

Шарҳ:

Бу ривоятда ҳам олдинги ривоятдаги маъно такрорланмоқда.
Жунублик эҳтиломдан эмас, жинсий яқинликдан экани таъкидланмоқда.
Шунингдек, оғиз очилиб кетмаслиги, рўзани қазо қилиб тутмаслик баёни билан ҳам таъкидланмоқда. Албатта, бу ҳолатларда жунублик кечаси, рўза йўқ пайтида етган бўлади.

Аммо Рамазон кунлари, рўзадорлик пайтида эҳтилом бўлиб, уйқусида булғаниб қолса, рўзасига зарар етмайди.

Лекин жинсий яқинлик туфайли бўлса, рўза бузилиши ва каффорот вожиб бўлиши ҳақида олдин айтиб ўтганмиз.

Уламоларимиз назар туфайли, яъни, бошқа жинсдаги шахсга шаҳват назари билан қараш туфайли ва сунъий равишда шаҳват қўзғатиш орқали жунуб бўлиб қолса, рўзаси очилади, деганлар.


Манба:Ҳадис ва Ҳаёт 9📚


📚
https://t.me/+wI70PN3SmkIyNTBi

#Машхурлар_сийрати_1


Абд ибн Ҳумайд
(давоми)


Шунингдек, Абд ибн Ҳумайддан ўғиллари Муҳаммад, Бакр ибн Марзубон, зохид Шурайҳ ибн Абу Абдуллоҳ Насафий, қори Маккий ибн Нуҳ, Умар ибн Муҳаммад ибн Бужайр, Муҳаммад ибн Абд ибн Омир Самарқандий, Иброҳим ибн Хузайм ибн Қумайр Шоший, Абу Муъоз Аббос ибн Идрисибн Фараж Киссий, Абу Саъид Ҳотим ибн Ҳасан Шоший, Ҳасан ибн Фазл ибн Абул Баззоз, Абу Умар Ҳафс ибн Бувҳош, Салмон ибн Исроил ибн Жобир Хужандий, Саҳл ибн Шазавайҳ Буҳорий, Абу Саъид Шоҳ ибн Жафар ибн Ҳабиб Насафий, Абу Бакр Муҳаммад ибн Умар ибн Мансур Кашший, Муҳаммад ибн Мусо ибн Хузайл Насафий, Маҳмуд ибн Анбар ибн Нуъайм Аздий Насафий ва булардан бошқа таржимаи холлари бизга тўлиқ маълум бўлмаган Мовароуннаҳр аҳли хам хадис ривоят қилганлар.

Абу Ҳотим Бустийнинг "Ас Сиқот" китобларида ёзилишича, Абд ибн Ҳумайд - Абдулҳамид ибн Ҳумайд ибн Наср Кашший. Илм тўплаган ва ёзган улуғ Олимлардан. 249 йилда оламдан ўтганлар. У киши Дамашқда вафот этганлар, деган маълумот аниқ хато. Чунки Абд ибн Ҳумайд Дамашққа бормаганлар ҳам, у ерда Шайхлари ҳам бўлмаган. У кишининг "Муснад" ларидан сайлаб олинган ҳадислар бизга, кейинчалик фарзандларимизга олий санад билан етиб келди.

"Сияру Аъламин Нубало"

📚
https://t.me/+wI70PN3SmkIyNTBi

#Ҳадис_587📗

#Рамазон19

Пайғамбар соллаллоҳу алайҳи васалламнинг саҳобаларидан баъзиси:
«Батаҳқиқ, Расулуллоҳ соллаллоҳу алайҳи васалламнинг Аржда, рўзадор ҳолларида, иссиқ ва чанқоқликдан бошларидан сув қуяётганларини кўрдим», деди.

✍(Абу Довуд, Насаий ва Аҳмад ривоят қилишган).

Шарҳ:

«Арж» Мадинаи мунавварадан бир неча кунлик йўл узоқлигидаги бир қишлоқнинг номи.

Ушбу ривоятдан рўзадор инсон устидан сув қўйиб чўмилса бўлади, деган ҳукм чиқади. Агар ўша ғуслнинг сабаби чанқоқлик ёки иссиқ бўлса ҳам.

Уламоларимиз кўп сувга кўмилиб чўмилишга рухсат йўқ, дейдилар. Чунки у ҳолда баъзан ичга сув кириб кетиши эҳтимоли бор.

Рўзадор учун макруҳ бўлмаган ишлар:
1. Мўйлабга хушбўй нарса суртиш.
2. Сурма қўйиш.
3. Заифлаштирмаса, қон олдириш.
4. Эрталаб мисвок қилиш.
5. Оғиз ва бурунни чаймоқ.
6. Ғусл қилиш.
7. Салқинлаш учун ҳўл латтага ўраниш.

Манба : Ҳадис ва Ҳаёт 9📚

https://t.me/+wI70PN3SmkIyNTBi

#Машхурлар_сийрати_2

Абдуллоҳ ибн Солиҳ


Имом[1], Садуқ [2] Абу Муҳаммад Абдуллоҳ ибн Солиҳ ибн Абдуллоҳ ибн Заҳҳоқ Бағдодий. "Бухорий" лақаби билан машҳур бўлганлар.

Лувайн, Усмон ибн абу Шайба, Исхоқ ибн Абу Исроил ва уларнинг табақасидагилардан ҳадис эшитганлар.

У кишидан Абдуллоҳ Забибий, Муҳаммад ибн Музаффар, Ибн Зайёт, Абу Али Найсобурийлар ҳадис ривоят қилганлар ва бу кишини: "Сиқа [3]" деганлар.

305 йил ражаб ойида вафот этганлар.

"Сияру Аъламин Нубало"


[1] Имом: Олдинда турувчи, Намоз ўқиб берувчи; Мусулмон жамоаси бошлиғи; аллома, ғоявий раҳбар.

[2] Садуқ: Ростгўй, хадис ровийларининг ижобий сифатларидан бири.

[3] Сиқа: Ишончли (адолатли ва зехни юқори даражада бўлган ровий)


📚
https://t.me/+wI70PN3SmkIyNTBi

#Ҳадис_589📗


#Жума_куни
#Рамазон22

Абу Ҳурайра розияллоҳу анҳудан ривоят қилинади:
«Набий соллаллоҳу алайҳи васаллам: «Бирортангиз жума куни рўза тутмасин. Магар ундан олдин ёки кейин тутсангиз майли», дедилар.

✍(Бешовлари ривоят қилганлар).

Шарҳ:

Ушбу ҳадиси шарифга биноан, ёлғиз жума кунини ажратиб олиб, рўза тутиб бўлмайди. Жума кунидан олдин бир кунни қўшиб ёки кетидан бир кунни қўшиб тутса бўлади.
Чунки жума куни ҳафталик байрам куни.
Шунинг учун йиллик байрамлар куни рўза тутмаганидек, у кунда ҳам рўза тутмаган маъқул.

Шу маънода Пайғамбаримиз соллаллоҳу алайҳи васалламдан ҳадис ҳам ворид бўлган.
Бунинг устига яҳудийлар ўзларининг ҳафталик байрамлари шанба куни рўза тутар эканлар.
Агар мусулмонлар ҳам ўзларининг ҳафталик байрамлари жума куни рўза тутсалар яҳудийларга ўхшаган амални қилган бўлиб қоладилар.

Манба: Ҳадис ва Ҳаёт 9📚


#Эслатма:Шанба куни ҳам ҳослаб тутишдан қайтарилганмиз.
Ўҳшаш ҳадис учун алоҳида ҳадис қилиб каналга ташламадим камменга ташлаб қўйилди.

📚
https://t.me/+wI70PN3SmkIyNTBi