ﺻﺒﺮﺍً ﺟﻤﻴﻞ ..
ﻳﺎ ﺿﻔﺔ ﺍﻟﺤﺰﻥ ﺍﻟﻨﺒﻴﻞ
ﻻ ﺑﺘﻘﻔﻞ ﺑﺎﺏ ﺍﻟﺴﻌﺪ
ﻻﺑﺘﻌﺪﻡ ﺍﻻﺷﻮﺍﻕ ﺳﺒﻴﻞ
ﺍﻟﻘﺴﻤﺔ ﻓﻲ ﺍﻳﺪ ﺍﻟﻘﺪﺭ
ﻭﺍﻟﺸﻲ ﺍﻟﺼﻌﺐ .. ﻣﺎ ﻣﺴﺘﺤﻴﻞ
ﻭﺍﻟﺪﻣﻌﺔ ﻳﺎﺳﻴﺪ ﺍﻟﻌﻴﻮﻥ
ﻣﺨﻠﻮﻗﺔ ﺍﺻﻠﻮ ﻋﺸﺎﻥ ﺗﺴﻴﻞ..

ونكمل الروووايه😍😍😍

قوا لينا قلت لنغم ارحي

ا بت نظبط اللبس ..يلا ونحن بنجهز في ملابسنا .قلت لنغم يا بت لحدي الان ما قلتي لي شي😏 ...انا بيني وبين نفسي خايفه من الحتقولو بس كمان دا واجبي كصحبتها 😇...

نغم قالت لي اي والله انا زاتي نفسي احكي لك ابدا لك من ووووين وختت اصبعها ع خدها نظام بتتزكر 🤔...نغم والله حرقتي دمي يلا احكي بالله عليك .😒😒..

تتزكري يا ستي طلعتنا اخر يوم في الامتحانات لمن في اللعبه قلتي البغل ؟؟

ايوووون

يلا بعد ما وصلت قطر فجاه رسلي علي الواتس قالي وين يا بغله وكيف الاهل ؟؟رديت ليهو بغله!! والله علي حد علمي في بغل واحد 😏.قعدد يضحك وقالي وقعتي بلسانك يعني انا المقصود😒.قلتليهو بس انا م قلت كده .قال لي بس انا قلبي حاسس وبعدين طالما في بغل لازم تكون في بغله😂 ...قعدت اضحك وقلتلو طيب يا بغل كيف وصلت وكيف اهلك ؟

وكده يا ستي كانت اول ونسه بينا .تاني بقت المحادثه عباره عن مسجات عامه وانا بعلق ومره مره بتجر الونسه ....

قلت ليها بسسس.😳... قالت لي دا كل شي يا ستي بس نظام اصحاب وبقينا قراب من بعض ....قبيل الصباح رسل لي قالي كيف بعد تعب امس .قلت ليهو تمام اصلا نمنا علي طول .قالي انو لسه مطبق ومنامش لسه ..فبقولو مطبق ليه😳؟؟ قالي في فلم اتخيلي😳😧 ...قلت ليو اصلا تاني م حتقدر تواصل اليوم دا ....قال لي بواصل لحدي بكره كمان متعود انا ي بنتي : فبقت الحكايه حتقدر مش حتقدر ..فقال لي حقدر وحشوفك كمان الليله ايه رايك ؟؟

قلت ليهوو عشم ابليس في الجنه قالي تمام وقفل ..

وانت زي الشاطره وافقتي

ضحكت طبعا وقلت ليها يعني خسرتك رهانك هههه😂

طيب بالنسبه لمسج امس اللي ابيتي توريني ليها ؟؟؟ والله يا منوشتي ما ابيت ولا شي بس خفت يكون ملاحظ لينا 😖..منوهو؟؟ عمر طبعا وبقت تضحك😍😂 ... شالت جوالها وفتحت المسج ومدت لي الجوال هاك اقريها ............u look 🌹❤so beauty today…….

#omnia kubba

# سفر عاشقه... الحلقه السادسه

ماطرح ليها م طرح ليها❤❤❤ .....دا الامل الخلاني اخلص سمستر تو وانا كلي امل....
رغم اني متاكده في جواي انو دا م امل. دا امل كاذب حبال دايبه بعلق نفسي فيها عشان اقدر استمر.... مهدئات مسكنات او حتي مخدر يقدر يخليني اعيش وانا لسه فيني حبو ولهيب مشاعري....
رغم كده مرات كتيره بقول لروحي. يا زوله الولد دا 😍 عمر ( بحب اقول اسمو ياااخ) يمكن شغال بمبدا (اذا اردت فتاه عليك التعرف علي صديقتها😂) وبرجع اموت بالضحك ي بت يا امنيه يصل بيك الوهم لحدي هنا... اسي عليك الله الكبري انت ولا نغم 😂😂😂...
دقيقه يا دكتوره ناخد بريك قهوه... هههههه انا البحكي علي فكره 😏
محمد قعد يضحك وقالي بس انا في نقاط ما قادر استوعبها... يعني كيف وحده تقدر تحب الحب دا وفي نفس الوقت بتعاملي صحبتك عااادي لا وكمان رغم كذا احمد مهتمي بيك اهتمام يخلي اي بت تحبو 😏 وعلي حسب كلامك انت لسه ما انتبهتي للحته دي...
ابتسمت ابتسامه 😇 وعاين ليهو.. اسمعني يا محمد مشكلتنا دايما اننا بنخلط مشاعرنا مع بعضها وبكذا بنخسر الحب والصداقه. ....
عمر انا حبيتو ويمكن من اول نظره 😍 اتملك كياني. وكوني احب يعني افرح لفرحو وازعل لزعلو دي كلمه حب. الحب بيتنفذ بالافعال عمرو ما كان بالكلام....
اما نغم فهي صحبتي وانا صحبتها. خلينا نعدل الكلمه ونقول اخوات .ايوه والله اختي يعني لمن يجيها نصيبها ما حاكون انانيه واقول انا اولي منها. احب ليها الخير زي ما بحبو لنفسي.. وبكده قدرت اتحملت واتغلبت علي مشاعر الغيره 😇..
محمد: اقنعيني انو احمد ما هز كيانك ولا اثر فيك ولا حتي حرك فيك مشاعر!!!!
ههههههه احمد😍 احمد دا حاجه تانيه زول كده ربنا رسلو لك. حرك فيني مشاعر ؟؟ ايوه حرك 🙂 بس مشاعر من نوع تاني 💛 ....احمد عندو غمازات علي فكره هههه بحبها فيهو بحبو لمن يضحك.. ياخ في عز وجعتي لمن اشوفو برتاح ....دايما بقولو اضحك.... ضحكتو بترد الروح فيني وبتخليني اقيف من جديد 💞
محمد : طيب هو ما حباك؟؟
هههههههه كنا في سمستر ثري .كانت المواد كتيره علينا فبقيت بغيب عشان اقرا في البيت.... الزمن داك الدفعه البعدنا نزلوا ونحن بقينا سناير وحركات ههههه😂
احمد كان كالعاده اليوم الما اجي فيهو بتصل علي. ويتونس معاي ويحكي لي الحصل وكده....
كنت ملاحظه انو احمد علاقتو بالبرالمه حلوه خاصه شله بتاعت بنات... للصراحه كلهم مزز😂 ..كنت لمن اجي ماره بجمبهم واحمد معاهم بتغاظ بجدي 😒😒 وبعمل ليهو كده 😒😒😒 غيره اصحاب بقه وكده😂
يوم طلعت بعد ما خلصنا من المحاضره جيت نازله اتصلت علي احمد.... احمد انت وينك. ليه ما جيت المحاضره؟؟
احمد: مشغول والله يا امنيه بخلص وبرجع لك...
تيييين قفل الخط 😳😳
استغربت شديد احمد يختصرني ويقفل الخط 😲 الا احمد ما براه اكييد في حاجه حاصله ليهو😨 ...
قلت خلاص امشي اخش المكتبه اول بعد ساعه كده اتصل عليهووو...
في بنشات قريبه من المكتبه ورا شجر كده حته هاديه كده. حته الخلط 😂
جيت ماره... وعينك ما تشوف الا ا

لنوور😳😳 دا احمد المايغ

باني😳 معاه برلومه واصلا شكلها قعده خاصه او بالاصح قعدت حبيبه 😲 ...
استغربت شديد. وقلت يمكن ربط... بس اتضايقت شديد.... انا بتمنه انو يربط بس ليييه ما كلمني دا الزعلني بالجد 🤔😠
مشبت المكتبه بعد ساعتين كده. احمد اتصل علي.... عاينت للجوال كده ..عملتوا صامت وتميت قرايتي...
حاولت اتفاديت احمد باي طريقه المهم ما يتكلم معاي.....
بعد المغرب وانا طالعه علي باب الكليه راجعه البيت... فجاه زول يقيف قدامي 😏 قال لي شغل البايركس دا شنو😏
حدرتو😒 وما رديت عليهو .وواصلت مشيي... قال لي يا زفت بتكلم معاك. ماشه ووين؟؟... وجعتني زفت دي وقفت وقلتلو ماشه البيت.... قال لي دقيقه. ما تتحركي من مكانك ولا سنتي. طلع بره الكليه خمس دقايق وجا راجع ...قلتليهو مشيت وين.؟؟ قالي اعتزرت لترحيلك وقلت ليهو انا برجعك بعدين 😎
قلت ليهو خييير ان شا الله. بتتصرف من راسك لييه😒 قال لي ما حتمشي قبل ما تفكي مكنتك الربطيها لي دي 😒
عندنا حته زي نجيله كده في الكليه.. مشينا قعدنا فيها...
قالي اسمعيني.. انا ما لقيت فرصه مناسبه عشان اكلمك.. بس والله انا طرحت لنور دي وصراحه البت عاجباني وان شا الله نواصل سوا...
اسمعني يا احمد انت اكتر زول عارف اني متمنيه انك تربط ونفسي اشوفك مبسوط. بس علي الاقل انا احسب نفسي اختك مفترض تكلمني 😒 مش اتفاجا بيك وانت معاها.
احمد: ياخ والله انت اختي الما جابتها امي... بس والله الريده بتجوط البيك 😉
😒😒 بركاتك يا شيخه نور.... (بيني وبين نفسي ما حبيت اخرب ليهو فرحتو وعملت رايحه من الموضوع).... من اولها بعتنا 😏
اسمعي يا زوله هوووي... انت حاجه كده براااكي هنا❤
هههههههههههه حنكني الحيوان😂
محمد : ياااخ انتو شله غريبه ؟؟
هههههه نحن ما غريبين يا محمد. نحن واضحين من الاول كنا واضحين في علاقتنا. كنا واضحين في مشاعرنا... عشان كده حافظنا علي البينا...
محمد: طيب نغم وعمر ؟؟؟
اتنهده مسااااافه ااااااه😞😞

# سفر عاشقه. ....الحلقه السابعه..
عمر ونغم قلتها بصوت واطي واخدت ابتساامه 😊 يا سيدي
في الريدنج ويك بتاع سمستر 6 .كنا مضغوطين شديد 😣 بكره الايام ديك... انا بمشي الجامعه اقرا هناك ونغم ما بتحب قرايه الجامعه فكانت بتقعد في البيت.. اصلا السمستر من اولو كانت هي وعمر😍 بيشرحوا مع بعض. كانت نغم علي طول بتقول لي تعالي اشرحي معانا. بس انا كنت بتحسس وبحس انو عمر عايز يقعد معاها براهو😔 فكنت بجيهم مره مره نظام تشغيله وكده...
كان يوم سبت والجامعه فيها عدد قليل من الناس... كنت قاعده في بنش براي بزاكر ومتلبشه من الماده... ترترترن تلفوني اتصل اقرا الاسم عمر 😍 الوااحد اتخلعت شديد وحسيت قلبي دقاتو زادت ❤ شوفتو احساس لمن واحد يطرح لك او يتقدم لك😂 انا حسيت كده...
رديت. الوو 😊 اهلين عمر.. امنيه كيفك😊 بخير الحمد لله وانت كيفك ؟؟ تمام... اسف علي الازعاج ( رغم انو عدت ثلات سنوات الا انو علاقتنا انا وعمر كانت رسميه شديد. دايما بحس انو في حواجز بينا. وكانو كل واحد ما قادر يفهم التاني) ازعاج شنو يا زول 😏 التلفون حقك يااخ😂..دايما بقول عليك زوق😁 ...والله من الظرافه الحاصله دي انا حاسه انو في مصلحه في الموضوع😏 ....ضحك وقال لي حاجه زي كده 😉 انت وين اسي ؟؟؟
انا في الكليه.... قالي خلاص انا عايزك في مرضوع ضروري.. بجي عليك اوك..
تمام اتفقنا👍🏼.... قفلت الخط وعقلي بقه يودي ويجيب😮😳 يا ربي عايزني في شنو 😏 قلت في سري (يا زوله ياخبر النهارده بفلوس بكره يبقه ببلاش) بكره شنو بعد دقايق ههههه .. بس صراحه غلبني اقرا تاني كل مره يجي علي بالي شي مره اقول يمكن حابب يعترف لي بشي اسكت مسافه واتفقع بالضحك في نفسي 😂 واقول عشم ابليس في الجنه 😂😂😂 لا لا ياخ يمكن عايز يشيل مني امتحانات ومنغات وكده ( منغه دي زبده الكورس 😂) المهم اخرر حاجه رسيت عليها انو عايزني اشرح ليهو حاجه 😅 حتي حسيت نفسي راسي صدع من كترت التفكير... قلت بصوت عالي يا زوله م تسبقي الاحداث كلو في وقتو حلوو....
تلفوني رن تاني 🎶 ايواا يا عمر😍... عايني انا في الكفتريا تعالي عليك الله... اوك تمام😊
ازيك 😊 اهلين كيفك ؟؟ اتفضلي اقعدي!! كان باين عليهو متوتر شديد الزول البحاول يبين انو عادي...... يمكن لو اي زول شافو حيبان انو عادي 😊 بس انا عارفاهو انا حافظه كل تعابيرو بحس بيهو.. قلت ليهو باين عليك القلق 😏 شكل موضوعك خطير....
عاين لي مسافه.. حسيتو متردد يا ربي احكي ولا اكسر الحنك
قبل ما يتكلم قلت ليهو انت اصلا اتاخرت شديد😏
عاين لي وهو مستغرب في شنو؟؟ انا اصلا م قلت لك حاجه😳
قلتلو مش عايز تقول انك عايز تعترف لنغم بحبك ومتردد😳
سكت مسااافه وكان بعاين لي في عيوني.... كان تعابيرو بتقول انو متفاجئ مستغرب 😳😏قال لي هو انا لمحت لك او قلت شي زي دي...
قلت ليهو لا 😊 بس انا حسيت 😊
( في مقوله بتقول اذا خايف من حاجه اعملها عشان تبطل تخاف ‘ وانا كنت خايفه انو يقول

لي كده.. فكان اول خيار قل

تو)
قالي متاكده انو احساس... قلت ليهو حتمسك في الفارغه وتخلي الموضوع😏
ايواا يا امنيه انا بحبها ❤ وانا عايزها لاخر لحظه في عمري تكون معاي😍 بحب ضحكتها صوتها زعلها فرحها يااخ حتي هبلها كل شي فيها بحسو بجذبني امنيه انا بعشقها ما بحبها وبس.....
سكت واتكلمت جواي مشاعر بتصرخ وجع ابتسمت 😊 حبست دموعي وعاينت للمعت عيونو رغم الوجع الجوااي قلت ليهو ما انا المفترض اسمع الكلام دا امشي قول ليها كده وانا متاكده انها حتتبسط بالكلام دا...
قالي لي بس انا خايف افقدها افقدها كحبيبه وافقدها كصحبه😔
عمر انت فقدتها كصحبه من اول يوم حسيت انك بتحبها فيهو..... طالما اتولدت جواك مشاعر فاكيد عندها الحيقبلها. عمر الخوف بيضيع مننا حاجات كتيره..... وانت حبيت اوع تضيع مشاعرك عشان الخوف ❤
لو رفضت يا امنيه!!
ولو وافقت يا عمرر!!!
قال لي اعمل شنو ؟؟
شلت جوالو واتصلت علي رقم نغم...
ومديت ليهو الجوال...
بحبببببببببك ❤
دا كان اول كلمه قالها ليها 🌹

محمد: يااخ اقسم بالله يا انت من فولاذ يا مجنونه.
ضحكت وقلت ليهو يمكن 💪🏽
محمد : م قلتي لي صحبتك كان رايها شنو؟؟😏
نغم وعمر كانو احلي كابل في الكليه😍 اول كابل كل الجامعه تجمع علي انهم حلوين مع بعض. اي زول بشوفهم بدعي انهم يواصلو للاخر سوا.... كنت علي طول بقول لنغم اتحصنوا ياااخ بسحروكم...
كنت بحس انو كل المرتبطين بتكلفوا في حبهم وكل واحد عايز التاني يضحي علي حساب الاخر. الاولاد دايما عايزين يكملو نقصهم بانهم يتحكمو في البربطوا معاها البسي كده وم تمشي الحته الفلانيه حتي الغيره بحسها مصطنعه الارتباط عندهم هيكل مكون وكلهم بنفذوا فيهو اما عمر ونغم😍 كانو غير تحس تصرفاتهم كانت علي طبيعتها بحس نغم بتخاف علي عمر من قلبها كانو جزء منها وعمر كمان بحس غيرتو عليها من باب الخوف... عمر كان بهتم بادق تفاصيل في حياه نغم بتزكر مره كنا قاعدين انا ونغم واحمد وعمر وبنتونس والونسه جرت انواع العربات وكل زول نوعو المفضل وكده فانا قلت ليهم بحب عربيه كده م عارفه اسمها شنو بس ابوي بقول لي اسمها فلوكسفاجن وبعد تعب ووصف طلعت الضفدعه احمد قالي مرمي الله عمرو ما يترفع😂😂 حقار خلاص😂 ....نغم قالت انا م عندي نوع معين بس نفسي اركب حنطور 😂 انا واحمد اتلفتنا عليها بصوت واحد كاااااروو😳😂😂 وبعديها بفتره عمر اصر يعمل رحله ويسوقنا مزرعه عشان نغم تركب الحنطور ع قولها😂 ....عمر كان انيق وراقي جداا في مشاعرو مع نغم... لحدي ما اتخرجنا ما حصل يوم منعها تعمل شي نفسها فيهو من باب الغيره او غيرو.. وهي كمان كانت بتخاف علي مشاعرو واي شي تحس انها ممكن تضايقو كانت بتتجنبو ...
محمد: بتقصدي انو ما حصل اتشاكلو ؟؟
تصدق سته سنه ما حصل نغم قالت لي اتشاكلنا او حصل بينهم مشكله اتدخل فيها طرف تالت... حتي لو حصل نقاش بينهم. كانت نغم تجي تقول لي مكدره مكدره النهارده 😂 واذا متخاصمين كتيرهم ونسه عاديه من غير حبكانيات😂😂
كان متفاهمين لدرجه حلوه شديد... طبعا عمر بنادي نغم ماي هارموني😍 وهي بتقول ليهو ماي هيڤن 😍 Heaven......
محمد: ياخ حبيتهم انا زاتي دا شنو دا هههههههههه😂
جفاف عاطفي شديد😂 ضحك وقال لي شديد...
...يتبع
#سفر عاشقه... الحلقه الثامنه

الطائره علي وشك الهبوط ننوه علي الساده المسافرون اغلاق هواتفهم و الجلوس بمقاعدهم وربط احذمه الامان....
محمد : خلاص وصلنا.. 😣 تصدقي اول سفره تكون ظريفه وما ممله نهااائي😊 والفضل يرجع ليك يا دكتوره😉
هههههه اعفي لي رغيت كتير وصدعت بيك.. 😅
محمد : رغم انها ثلاث ساعات بس والله اختصرتي علي حاجات كتيره.
اكتفيت بابتسامه😊 اعلنت خلالها نهايه حديثنا 😊..
محمد طلع زول جنتل يااخ واقف معاي لحدي ما خلصت اجرائتي كلهت واستلمت اوراقي وعفشي... والله احلي حاجه في شبابنا السودانين ديل الشهامه😍 ...
محمد: كدا اقول لك الف حمد الله علي السلامه قطر نورت.
ههههههه منوره بي ناسا 😊 مشكور كتيييير يا بشمهندس 😁😊
دقيقه دقيقه اكيد ما حاخليك براك. اسي انت حتمشي علي وين ؟؟ 😳
قبل ما اجاوب كان في هندي بينده علي د امنيه وشايل لوحه مكتوب عليها د امنيه 👋🏻 قبلت علي محمد وقلت ليهو مشكووور اهو جاء الحيستلمني 😄 ...
تمام يا ستي 😀 حمد الله علي السلامه مره تانيه 😀 وفرصه سعيييده جدااا يا دكتره
انا الاسعد 😊
مشيت علي الهندي قلتلو انا د امنيه. 😄 ....نكم ف جوه سياره تفضل....
ونحن طالعين من المطار خلاص فجاه اسمع لك زول بكورك امنيه دقيقه 😳 وقفت وقبلت دا محمد الما يغباني جاري علي.... وصلني وقف ياخد نفسو 😯😦 يا دكتوره بعد القصه دي كلهت ما عرفت سبب سفرك شنو!؟؟
ضحكت واستغربت في المجنون القدامي دا 😄 قلت ليهو جايه احضر عرس نغم وعمر ان شا الله بس بعد ما اقنع عمو ابو نغم 😉
محمد : good luck you can do it 😉😉😉
وبكده كان نهايه حواري مع محمد وبدايه مهمتي...
كانت نغم في انتظاري... وبصواريخ جنونيه كان ترحيبها لي 😍😍

لفتنا انتبه كل الموجودين. ا

حلي حاجه لمن تقابل صحبك بعد طول غياب 😍😍
نغم : اقرصيني عايزه اعرف بحلم ولا بعلم 😍 م قادره اصدق انك موجوده 😘😘
انا:مشتاااقه لك ما بتصدقي قدر كيف 😍 ياخ السودان بااايخ بلاكي 😣 والله يا نغم فقدتك شديد 😞
طول الطريق لا انا سكت ولا هي سكتت كميه كلام مفترض ييتقال ويتحكي....
نغم : كيف بالله البلد كلها وناسها واحمد وكل ناس الدفعه ؟؟
والله كل المتواصله معاهم يا اتزوجوا يا هاجروا بره البلد ...
اما احمد اسم الله عليهو وهو ونور شغالين بادينهم وكرعينهم قال عايز يضمن مستقبل بنوتو الحلوه...
نغم : واااحلاتي يا ناس مزززه طالعه وشالت وجنات ابوها ههههه😍😂 طوالي برسل لي صورتها ع الواتس...
انا:لازم تطلع حلوه مش سماها علي 😌😍
انت لسه في حركاتك دي😏 وضمتني عليها شديد وقالت لي اشتقت لك ياااخ 😍 ...
ههههههه وانا كمان يا نغمتي 😍 ...
طبعا حسيت اننا فتكنا راس السواق بالكلام والصواريخ 😂 ...
كيف ناس البيت امك وابوكي واخوانك ؟؟ والله يا منوش ما حاله ما تتوصف البيت كلو متنشن ودبرسه اصلا ما قادره اتكلم مع ابوي والله دموعي جفوا كل يوم ببكي ليهو وامي زاتها مكتئه معاي....
حسيت نغم عيونها اتملوا دموع وعايزه تبكي.... اسمعي ي بت هااا انا م جيت المسافه دي ساي... علي فكره انا جايبه فستاني معاي وحتعرسي حتعرسي 😉😉😉 ثقه في صحبتك ما في ولا شنو😏😏
مش قلت لك يا صحبتي كلامك ساااي بطمني ربنا ما يحرمني منك يا منوش😘😘...
الطريق تقريبا نص ساعه من المطار لبيت ناس نغم...... نغم عندها اختين وولد اختها الكبيره مطلقه وعندها بت واحده وعايشه معاهم في البيت واختها التانيه فمتزوجه وبعيالها ساكنين برضو في قطر اما اخوها ما متزوج وعايش معاهم في نفس البيت...... امها لنغم زوله طيبه شديد وما شا الله رغم انها كبيره بس مره جميله جدااا... ابوها كان قابلتو مره كان جاء السودان وجانا زياره في الكليه حتي كان اتكيف مني شديد وبقول لنغم ابقي عشره في صحبتك انا برضو عندي نظره في الناس😌..
استقبلوني خير استقبال... عاملين وليمه كااامله كانو فيها ما لذ وطاب... 😋..
ام نغم: فضينا لك غرفه عشان تاخدي راحتك بس نغم قالت لا حتقعدي معاهت في غرفتها 😄
ما بتقصروا يا خالتو بس انا زاتي كنت حطلب كده ياااخ مشتاقه لبتك شديد 😍
ابو نغم: ربنا يديم الود يا ابنتي... الطيبه والمحبه الفي السودان دي من الاشياء الجميله الفقدناها مع الغربه...
فعلا يا عمو بلدنا حلوه بناسها وحنيتها....
الونسه جرت والبلد والسودان. انا شخصيا بحب اتكلم مع الناس الكبار ياخ بتحسبهم بعكسو ليك زمن وحضارت عديل كده....
انا حبيت الونسه مع امها وابوها شديد. بس نغم المواضيع دي ما خارجت معاها قالت لهم يلا يا جماعه بعد ازنكم عايزه اشبع من صحبتي شويه😍😍
مسكتني من يدي ومشينا علي غرفتها 😄😄
...
# سفر عاشقه ....الحلقه التاسعه

البيت شقه كبيره ما شا الله بيتهم رهيييب شديد 😍 البيت كلو ابجورات وزينه. الديكور خورااافي غايتو اول مره اشوف بيت سمح كده... دخلنا الغرفه حاجه كده شرحه برحه ترد الروح 😂 مفترض يسموها غرفه وصاله او غرفتين فاتحين في بعض لكن غرفه واحده م بتجي😂😂 الديكور والتصميم بالوان فوشيه والعفش لونو كشمير كان في سرير دبل ودولاب وفي زي جلسه كده.... دي كلها حقتك يا مفتريه😏 غرفتك تححححفه يا بت.
هوووي قولي ما شا الله وما تسحري لي غرفتي 😂😒 ضحكت وحدرت ليها ع فكره عيون الحبايب ما بتسحر😏😍 ....واعز الحبايب والله😍 يلا قومي اخدي شور ونومي بتكوني تعبانه من السفر😓
والله بالجد مرهقه شديد والله😓😓 مسكتني نغم من ايدي وقالت لي يلا اوديك الحمام جهزتو لك وختيت لك بجامه اخدي راحتك بعدين ابراهيم اخوي سفرناهو ناس خالي 😂 وابوي بقعد في غرفتو ما بيطلع تاني.. البيت بيتك 😉
سبحان الله غايتو الدنيا دي غريبه يعني نغم دي جات من قطر عشان اتعرف عليها وتبقه لي اخت 😍 لا واجي من السودان لحدي قطر عشلن اقنع ابوها انو يعرسها لعمر.... عمر ؟؟؟ اول مره اقول اسمو وما احس انو قلبي واجعني 😲 ضحكت براي واتزكرت مره كنا في المستشفي كانت في عيانه مره كبيره كده وتهضرب في جنس هضربه ونحن كنا في الراوند( محاضره في المستشفي) جينا مارين مع الاخصائي فجاه من دون بنات القروب مسكتني من وبقت تهز فيني وعينها جوه عيني وشغاله لي... نصيبك ما بفوتك وكان حقك برجع ليك واذا ما حقك الله بقنعك منووو.... ولزتني بعيد منها... انا كنت مخلوعه شديد اصلا ما استوعبت حصل شنو؟😳 الدكتور قال لي اظنك عجبتيها 😄 الناس اخدوا الموضوع بضحكه 😂 وشغلوها لي بقوا طوالي شغالين لي اها اوع النصيب يفوتك هههههه😂 ...رغم انها كانت مريضه نفسيه بس كلامها اثر فيني شديد... 😊😇 وكان كل ما اتضايق او حتي مرات اغير بتزكر كلامها....
خلصت الشور 😄 ورجعت الغرفه لقيت نغم شايله الجوال وتضحك.. قبضتك 😉 بتتكلمي مع منووو؟؟
مالت علي بتكلم مع بت خالي 😂 شغاله لي خلي صحبتك تقعد معاكم عل

ي طول 😂 استغربت فجاه ليه قالت

كده؟؟ 😳😳 دي بت خالي الراح لهم هيما وخطيبتو 😂 ..يخس عليك ي نغم ابراهيم خطب متين ما كلمتيني 😳 ....ضحكت وقالت لي انا زاتي يا دابي عرفت😂 الشي العارفاهو انهم مجكسين بس😂 اسي قالت لي انو هيمافاتحها في موضوع العرس😍 عقباااااالي يااااا رب ان شا الله بي فالهم قولي امييين. هههههه .... قلت ليها لو ما الدنيا ليل كنت زغردت ليها يلا شفتي انا رجلي فيها الخير كيف 😁😁 من جيت هلت الافراح... ودي اشاره انو موضوعك حيظبط😉😉
نغم: والله يا امنيه م حابه افتح معاك الموضوع دا من اسي كنت عايزاك تاخدي راحتك اول... بس شوفتي ابوي الظريف القابلك بره دا بتحول شخصيه تانيه خاااالص لمن تتفتح سيره عمر 😔😞
هو رافض ليه ؟ عندو راي في عمر او اهلو؟؟
ابدا والله يا امنيه😶 ابوي مشكلتو لسع شغال بموضوع القبيله والا بت اهلك والبت لد عمها والقصص ديك...
لا ياااخ😮😳 لسه في ناس بتفكر كده ؟؟ قولي ليهو في السودان الحاجات دي خلوها 😅 ...
يا زوله انتي ما تدبرسي بس وختي الرحمن في قلبك واهم شي خليك واثقه في صحبتك😉😉😉
نغم: حبيبه قلبي انت والله ياخ شوفتك ساي خففت علي 😘 ماتحرمش منك😘...
ابراهيم اخوك رايو شنو؟؟؟
والله هو ما عندو مشكله يعني ما رافض الفكره.... بس بقول لي راي ابوي هو اليمشي 😌
تمام يا زوله بتتسهل ان شا الله😊 وعمر 😍 خبرو شنو؟ متواصلين لسه؟؟
يا ريتني ما سالت البت البسكتها شنو تاني 😣 عارفه يا امنيه احساس تتخيري بين اغلي شي في حياتك وعفو ابوكي 😭 قال لي ما عافي منك لو اتكلمتي معاهو 😓 ومن يوميها ضايقه بي الدنيا مخنوقه يا امنيه مخنوقه. نفسي ابوي يعرف يعني شنو حب يا ريتو لو حسه بس بالجواي تتحرق القبيله ويتحرق الجنس 😭😭
قلبي وجعني علي نغم شديد 💔 حاسه بيها وحاسه بوجعها...
هديتها شويه وقمنا صلينا ركعتين ورقدنا نمنا...
نغم ختت راسها ع المخده ودخلت في نوم عميق (اصلها بكت بشده) ماقدرت انوم ليلتها رغم اني تعبانه شديد بس م قدرت انوم كلام نغم حسسني انو مهمتي صعبه شديد وممكن تكون مستحيله ، انا حاعمل شنو لو ما وافق ابوها ،،انا اخر امل ليهم الاتنين اتنهدت ااااه وقلت يااارب ساعدني وساعدهم واجبر بخاطرهم وتكتبلهم يجتمعوا بحلالك يا الله 🌸...

صحيت ع صوت نغم وهي بتقول لي امنيييييه ياااخ قووومي حتنومي كده لمتين ؟؟ انت جايه هنا عشان تنومي ...
فتحت عيوني وابتسمت 😊 والله مبسوطه انك شفتك تاني بعد الزمن دهه كلو يا الله زكرتيني ايام كنا نبيت مع بعض ،،ايام امتحاناتنا ..وااااي تتزكري كنا بنتجرس كييف😂😂
والله ي امنيه م حسيت بطعم الايام ديك ،وانها ايام سمحه رغم الجررس الا بعد ما اتخرجت ...انا عايزه منهاا تاااني يااخ😭😭
اخدتنا الونسه والوقت راح وخالتو ام نغم ما قصرت معانا جابت لينا الشاي والقهوه .
ايام الجامعه وقعدتنا في الكفتريا والراوندات وعصير مروان (طبعا دا احلى عصير ممكن الواحد يشربه، كنا بنمشي المستشفي خصوصا علشانه) ...نغم فجاه بقت تصرخ وتضحك بتقول لياا تتزكري لمن دكتور فلان هزأك ف القاعه وانت عملتي دراما وقلبتي لينا اليوم كله نكد 😂😂 ... لييه بتزكريني باليوم دهه ي نغم 😂 كان اتعس يوم في تاريخ الجامعه ،،، بس احنا كمان م قصرنا معاك طلعناك وغيرنا لك جوو😆 ..بتزكر يوميها كنت حزينه شديد م قدرت اتجاوز الاحراج ،،،احمد ونغم قرروا يعملوا ليا طلعه عشان اغير جو ...اتفقوا من وراي وكلموا عمر .... بعد ما خلصت راوند كنت راجعه البيت بس احمد اصر اني اقعد ،،احمد عارف انو زعلي كعب شديد كان ع طول يقول ليا عليك واحد بوز يقطع الخميره من العيش 😂 ..عموما هو ممتاز جداا في امتصاص غضبي ويقدر يغير ليا مودي 180 درجه ،،قعدت معاه لحدي ما نغم خلصت راوند ومشيت معاها شقتها ( كانت رحلت من بيت عمها واجرت شقه في السوق ) تقريبا م كنت بتكلم خالص وكنت مصدره وش حزين طول القعده.... بعد المغرب اصرت نغم اني اغير لبس واتمكيج لانها حتطلعني وع حسبها 😍😂 وطبعا دي حاجه ما بتحصل كتير😂😂... طلعنا ع كافي الميناء(كان كافي جديد وقعدته لطيفه شديد ) هناك لقينا احمد وعمر منتظريننا ،، عاينت لنغم وقلت ليها خيير ان شا الله 😍 😏 مظبطاها معاهم ههههه
عمر قال لياا اتفضلي ي مهزئه الدفعه😂 وكلهم بقوا يضحكوا ...ثقيلين 😭
كانت قعده حلوه شديد ..هي تقريبا كل قعداتنا جميله بس اليوم كنت بعاين ليهم وبحمد ربنا انه رزقني بيهم كلهم ...اصل الرزق دهه مرات بيجي علي هيئه بني ادمين يحسوا فيك يهتموا بيك مايرضوا بزعلك ولا تهون عليهم ❤️ وانا رزقي كان في اصحابي 💙
منووووووش نحن هنااا شردتي وووين 🤨 نغم كانت بتلوح بيدها علي وشي ..ههههه قاعده معاك ي ستي بس رجعتيني للايام الحلوه 🤩
دخلت علينا خالتو ،،وهي متوتره ..نغم : امي في حاجه؟؟ اي ي بتي عمك اتصل قبل شويه وقال جاي عليكم الليله بعد المغرب .... عاينت لنغم لقيت عيونها اتملت دموع وبقت تعاين لياا قالت لي امنيه عمي اكيد جاي يخطبني لولده اكيييد ..امنيه اتصرفي

عليك الله 😭 كانت ايديها بترجف و

مسكت ايدي وبقت اتصرفي ابوس ايديك 😭😭...
لبست التوب وقمت علي حيلي ، م كنت عارفه اعمل شنو او حاقول شنو !! بس قلت لخالتو عايزة اتكلم مع عمو ابو نغم وين هو؟؟ خالتو: قاعده ف الديوان دقيقه اكلمه لك ...مشيت معاها وانا بدعي يااا رب سهلها علي ...
كان عم محمد (ابو نغم) راجل هيبه فصيح لسانه وراجل كلمته لا تتجزء وهو كبيره عيلتهم ،،كان راجل صعب بكل ما تحمله الكلمه.
قعدت قصاده ،،ساعتها م عارفه القوه جاتني من وين!! يا عمو انا جايه من السودان عشان حابه اتكلم معاك .وياريت تديني دقايق من وقتك ،واسمعني للاخر وفي النهايه انت كبيرنا والراي رايك بس ممكن تكون في نقاط صغيره انت م قادر تشوفها ..انا حابه اوضحها لك ،،،وفي الاخر انا وانت همنا واحد وهو سعاده نغم ... نغم يا عمي بالنسبه لي اختي الولدتها لياا الدنيا وافديها بعمرى لو اطول ..وانا عارفه كمان انك بتحبها وان روحك فيها .... يبقه ربنا لمن شرع لينا الزواج ما حدد فئه معينه لازم تتزوج فئه بل قال جعلناكم شعوب وقبائل لتعارفوا ..وكمان ختم الايه بانه انو افضلنا افضلنا بتقواه مش بلونه ولا بعرقه ولا بنسبه ....والزواج يا عمي ميثاق غليظ وانت خير العارفين مش اتنين بيرتبطوا والسلام دا سنه وشريعه وعباده ربنا امرنا بيها ،ومن عظمته عند الله انو بينزل بين الازواج محبه من عنده وموده ....اصل القلوب دي مفاتيحها بيد الله وحده هو الوحيد القادر يقلبها ويحببنا في دهه وينفرنا من دهه .... عمر زميلي من كنا في الجامعه واشتغل معاي في نفس المستشفي سنه كامله ..بني ادم م حصل شفنا منه غير كل خير وادب ..بعرف ربنا كويس وبصلي وحافظ للقران الكريم ،وانا متاكده انه حيسعد نغم طول العمر وحيحافظ عليهاا ولو كان عندي شك ولو بنسبه 1% صدقني انا اول واحده كنت اعترضت علي الموضوع ده ... نغم يا عمي طول عمرها بتتباها بيك وبتفتخر بيك ،ما تكسر قلبها ولا تخليك سبب في تعاستها ...
كانت تعابير وجهه عم محمد غير مقروءه بالنسبه لياا ،هل اثرت فيو؟ قدرت لينت قلبه ؟؟ وما قدرت استوعب اثر كلامي عليه ،،هل اواصل ولا اقيف ... بقيت بعاين لعيونه وانتظرت رده .. بس كانت عيونه بترقرق وكانه دمعه حينزل ..فلقيته بقولي انا قلت كلمتي ومن سنين اديتها لود اخوي علي ... ومشكورة لجيتك يا دكتوره ،والبيت بيتك مرحب بيك في اي وقت.
كان رده صدمه بالنسبه لياا ،يعني انا قطعت المسافه دي كلها عشان مفيش ..انا ضحيت بحبي السنين دي كلها عشان تجي انت تقولهم لا؟؟ كده خلاص ؟؟العمر الراح دهه راح علي م فيش؟؟
م قدرت اقوله شي بس قلت ليهو هان عليك قلب نغم ي عمي؟؟
عاين لياا وكان صوته معبور ...نغم بتكون منتظراك امشي ليها .
كانت رجولي بتسوقني لبره الصالون وانا راسي شاطب .كيف حاعين لنغم ؟؟اقولها شنو؟انسي حب عمرك!!
فتحت باب الغرفه نغم كانت منتظراني اصل انا القشه الحيتعلق فيها الغريق ،غريق الحسره والوجع .م قدرت اعاين في عيونها صوتي راح وانا بقولها انا اسفه 💔 ...
عدت الساعات كانها سنين نغم اخدت مهدئ حتي نامت ..انا رغم انو البيت كبير بس كنت ما قادره اخد نفسي ، كنت بحاول اجد عزر لعم محمد يغفر ليه قسوة قلبه ... الانانيه هي العزر الوحيد ،، كان اناني يوم الاختار كسر قلب بته علي انه يكسر كلمته ،كان اناني يومه القرر يخطبها لود عمها من غير حتي ما ياخد رايها ومين عالم يمكن ود العم نفسه ما اخدوا رايه ،،، كان حيحصل شنو لو لمره واحده في عمره اتنازل ..كان كسب سعاده بته .كان سمح لبيت مليان حب وموده انه يتفتح .عيال يتربوا سويين نفسيا بين ام واب بحبوا بعض مش مفروضين علي بعض ،، لاول مره احس نفسي بكره السودان وعاداته وتقاليده العقيمه ...
قطع صوت ام نغم شرودي ... امنييه تعالي ساعديني عم نغم وصل .عايزة احضر ليه الغداء ...كنت استغرب انخضاع ام نغم لاوامر عم محمد دون ان تعترض حتي لو الموضوع ما ع هواها بتنفذ ،كيف ليها تقدر تتعامل معاهم وهي شايفه بتها وكيف انها مقهوره ...
ونحن واقفين في المطبخ سالتها انت رايك شنو يا خالتو:؟؟ وليه عم محمد م بيتنازل حتي ولو عشان خاطر بته؟
يا دكتوره عمك محمد قلبه طييب وروحه متعلقه في نغم ،وهو صدقيني موجوع لحالته بته دي ،بس محمد عنيد عنده كلمته والف سيف ما بكسرها نهائي ... وانا ي بتي واثقه في ربنا وبدعي لنغم ربنا يكتب ليها الفيه خير 💙
خلصنا الاكل ودخلت اطمن ع نغم .. رقدت جمبها ع السرير ..وغفيت
صحتني نغم وهي بتكورك منوووووشتنااا الحلووووه اصحي يلااا اصحي قوومي زغردتي ليااا قوومي ...
فتحت عيني وانا مخلوعه خفت علي نغم هي زحلقت ولا شنو ي ربي ؟؟ 😳 ..امنيه ابوووي وافق ي امنيه ابوي وافق ..خفت شديد ع صحبتي ،حسيت للحظه مخها راح .بقولها نغم في شنو ؟؟امنيه عمي جاء هنا واعتزر لابوي بقول ولده قال ما قادرر يشوفني غير اخت ،واننا م ينفع نوقف حال بعض كده ،،ابوي قال لياا كلمي زولك لو جادي انا منتظره الجمعه الجايه يجيب اهله...

انا كنت بين انا بحلم ولا بتخيل لياا .نغ

م اقرصيني 😳 .وضميتها وبقيتا نصررر

خ وبكينااا شديييد زغردت وصوتي رااح كنت مبسوطه شديد ،، كانه انا العروس .
لبست توبي وجريت لعم محمد نفسي اعتزر لييهو عن كميه الافكار وعن الكرهه اللي كرهته ليهو ..لقيتو بقولي انا اب ي دكتوره ،وبتي محظوظه انها لقت صحبه زيك ..ربنا يسعدك انت كمان💙

لحسن حظي انه حجز الطيران كان السبت ،ربنا كاتب لياا احضر اليوم دهه ،بدينا نجهز انا ونغم ليوم الجمعه وكل يوم شوبينج ،،،كان اجمل ايام عشناها سوا ....
ونحن لافين في المول نغم قالت لياا امنيه انا عايزة اقابل زول وانت لازم تمشي معاي!! ... عمر ؟؟ ..لا م عمر ي امنيه بعد نمشي حتفهمي الحاصل.
وصلنا كافي وقعدنا ونغم لسه مصره ع جو السصبنس وما عايزة تقول ليا حتقابل منو ..... هااا ي بتنا م حتقولي الفضول حيقتلني !! ضحكت ..ي ستي دهه ود عمي قال عايز يتكلم معاي! ...ود عمك علي😳؟؟ ليه يعني عايزك ف شنو؟؟ انا زاتي والله م عارفه بس رسل لياا مسج انو ننتظره هنا؟؟ ..ونحن بنتونس كده ... السلاام عليكم ...جاء صوته من وراي ، رفعت راسي ..محمد😳😳 امنيه😳😳
نغم بقت تعاين لينا ومصدومه،بتعرفوا بعض من وين؟😳 ..عاينت لنغم قلت ليها دا ود عمك؟؟ محمد اخد ضحكه .كانه ربط احداث القصه بقول لياا انت الل جبتي راس عمي محمد ... نغم قالت دقيقه ي جماعه لخبطوا راسي زول يشرح لياا الحاصل هنا ... محمد جر الكرسي وقعد ..عاين لياا وقال صحيح الدنيا دي خرم ابره .
عاين لنغم وقالها يا ستي صحبتك دي هي السبب اللي خلتني اغير طريقتي مع ابوي واتناقش معاه واقنعه باننا ما لازم نتزوج .
عاينت لنغم وقلت ليها صدفه ،،،جمعتنا الطياره .
اتكلمنا واخدتنا الونسه ،كنت مبسوطه شديد اني شفت محمد مره تانيه ومستغربه الصدفه ،،،بس م ف شي اسمها صدفه كل شي مسطر ومكتوب وكل شي لسبب ...انا مؤمنه بكده
عدت الايام في تجهيزات البيت وترتيبات لخطوبه نغم وعمر ...
نغم طلعت جميله يوم الخطوبه وعمر كمان احلووا اكتر وهو ماسك ايدها ❤️...
ربنا يتوج كل الاحبه بحلاله❤️

نغم كانت بتبكي وهي بتودعني في المطار ،الايام الحلوه بتعدي بسرعه يا امنيه😭 خليك كمان تاني ... نحن يا صحبتي لا المسافه ولا الزمان ما بغيرنا واكيد حنتلاقي تاني ... نغم قالت لياا دي انا متاكده منها ومعاها غمزه😉.
كان النداء الاخير للركاب ..ودعت نغم .وقبل ما اركب الطياره جاتني مسجين ..لقيت واحده من نغم وواحده من رقم غريب ...
نغم بتقول لياا : جاء الوقت النخدمك فيهو😉
والرقم الغريب كانت عباره عن فويس نوت ...فتحتها وركبت الهاند فري ... اسمع وردي يقول ( صدفه واجمل صدفه انا يوم لاقيتك ) ... ❤️

معلييييش ااخرناااهااا ليكم😅

بس برضو عايزه تعليقاتكم عن الروايه

يللا التعليقات
@choclata

يااااشعب ازيييكم❤❤❤❤

الناس المتخفيه😍😍
وينك ي بت
نووورتي القناه والله❤️

النوووور نوري طبعا🙊🙈😹😹

والله الشووق ليك وللقناة كمان💕

كتييير والله

بما اننا الليله اجتمعنا من تاني
رأيك شنو نعمل لعبه مع شعب سودانيز دا😍😍😍