وتالت مشاركه معانا
إقبال الطاهر:
سلام

عايزه اشارك

- يايُمة كان شُفتي الصُحاب
جيتهم خُطاي متروسة هَم
بس شفتهم..
كل الهموم إحساسها غاب ..♥️

Bushorra:
❤️❤️❤️

ولسااا مكملييين
@choclata

ولسا المشااركات
ام منار:
يا شاكيـاً هَمّ الحياة وضيقَها..
أبشِــر فربّك قد أبــان المنهجـا..
مَن يتــّقِ الرحمــن جل جلالــه..ُ
يجعلْ له مِن كل ضيقٍ مخرجا.
❤️❤️❤️❤️❤️❤️

Bushorra:
يا الله في وقتها😍

طبعا شايفه في ناس كتيره في القناه ما يتعرفني
بس ع العموم يللا ح اعرفكم بيا😍❤️
انا ادموونه قدييمه بس ي خساره ما قعد انشر كتيير نسبه للمشغوليات

مساء الفل عليييكم 😍😍

كيف اخباركم وكيف عاملين

طبعا عندي حاجه حلوه كدا
عجبتني وتغيير جو بالمره بما انو الليله مزاجي رايق والحمد لله 💛💙

يللا اها رسالتي دي اترسلت ليك من عطبرة 😍❤️ووقاعده وم عندي اي موضوع
عشان وصلتك انت/ي ويييين وبتعمل في شنو ؟؟
يللا شاركوني
@choclata

ومن بكره ان شا الله ح نرسل ليكم ...روايه جميله وان شا الله تعجبكم💛💛

واول مشاااركه🍇🍇
Mogahid Ebead:
رسالتك وصلت الخرطوم اللاماب 😁
ونفس الملامح والشبه برضو ماف موضوع

Bushorra:
تشششرفناااا💛💛
ويللا منتظراااكم
@choclata

وكمان مشاركه من صديقه القناه الدائمه💛💛
رحاب:
رسالتي جآيه من الدندر😻
م بعمل في شي حاليآ عايزه انوم بث😹

Bushorra:
الدندر عدييل❤️😍

ومشاركه تاني كمان معانا😍😍
Zoal Cooll:
سلام عليكم ممكن اشارك ؟

رسالتك وصلت قلب الخرطوم المسخن 😢😰😰
وشغااال 💔

Bushorra:
يللا معليش ....الدنيا كلها سخانه😢

ولسااا ممكن تشاركوني ع المعرف
@choclata

صباح الخير و سلام على الأصدقاء القدامى، ليس بالعمر وإنما بالعمق، الأصيلون الذين لم تغيرهم الحياة، الصادقون الذين يحبونك لذاتك وحقيقتك، القابلون بك كما أنت. هم الثبات والإنتصار والمكسب الحقيقي .
#الدكتوره

~ كل معادلة فيها ثابت ومتغير
.. ومعادلة حياتنا ح تكون ناجحة !
.. لو بقت أحلامنا الكبيرة هي الثابت، والمتغير نحن
.. نحن النتغيّر ونكبر ونتعلم ونجتهد عشان نصل النهاية الحلمنا بيها ونحن صغار .. حتى لو في إمكانياتنا ما الأعمار ..
.. نرسم خط نهايتنا، ونفتش ليهو الطريق
.. وما نخلي الطريق يسوقنا لي نهاياتو ✨💙

الراااويه انتظروووها ...الليله الساعه 9😍😍😍😍😍😍😍😍😍

معليش ع التاااخير

# سفر عاشقه
#Omnia_kubba

...الحلقه الاولي
تعلن الخطوط القطريه الرحله رقم 4 التوجهه للبوابه رقم 2

شلت جوالي وقريت دعاء السفر وغمضت عيوني🙂 وبقيت بدعي في سري (يااااارب توفقني وتسهلها علييااااااااا رب) فتحت عيوني وانا بتنهد اااااااه😔.فجاه لقيت زول مادي لي يدو وشغال لي لو خلصتي اديني جوالك🤓 اقرا دعا السفر.طبعا اتخلعت شديد 😳وعاينت ليهو مسافه😳 قال لي م حتديني ولا شنو😒 ع فكره انا م بشاغل😏 بس جوالي فاصل شحن وانا م حافظ الدعاء.😌.. اتحرجت شديد طبعا قلت ليهو م ركزت بس ومديت ليهو جوالي...

علي الساده الركاب ربط احذمه الامان :

شال الجوال وقال لي بما اننا رفقه سفر وكده ومعاها غمزة😉....

انا شخصيا م بحب اتعرف علي الناس .لكن سبحان الله في ناس كده بتخش القلب ع طوال😂 ههههه.

ثانكيوو ع الجوال😁 .يو ار ولكم😊 .مد يدو وقالي بالمناسبه اسمي محمد مهندس نفط شغال في السودان واسي مسافر لاهلي بالدوحه!😇

انا: ايواا اتشرفنا .😇

وانت؟؟😕

انا اسمي امنيه طبيبه عموميه😄

قالي شكلك اول مره تسافري😏

ضحكت وقلت ليهو باين علي ولا شنو؟؟😂😂 لا لا يا ستي ما باين عليك بس خمنت ساي نسبه لخبرتي الطويله في السفر !!😌😌 قلت ليهو مطول شغال في السودان ولا شنو ؟

يا ستي انا مولود وعايش ف الدوحه بس نزلت قريت جامعه السودان خمسه سنه بعدين من اتخرجت لي قريب الاربع سنوات فبقيت بمشي واجي زيارات بس .😅😅😅

يا حليلك يعني مغترب في بلدك 😆.قعديضحك وقالي بالضبط كده 😂قلتليهو يلا جاتك فرصه تاخد لك جمه وحبه حنان من الوالده والوالد💛 ابتسم كده😊 وقال لي بالجد مشتاق لامي شدييد❤❤ مع اني كل يوم بنتونس معاها فديو..قلت ليهو وابوك طيب؟ قعدت يضحك قالي دا بالزات ربك يهون منو😂 .والله السفره دي خصيصا عشانو.😓😓😓.. قلتلو شوق ؟ قالي مشكله وحاااتك😂 ...سكت بس قلتلو ربنا يجعلو خير ..م رد بس اتنهد تنهيده طووويله كده😔😔 وفضل الصمت .عاينت ليهو قلتلو في مقوله كده بتقول انو الزول لو اتضطر ممكن يفضفض لغريب المهم يرتاح 😉😉...

عاين لي وقالي اجرب اصلا ما خسران شي 😄.

يا ستي انا ابوي مصر اني اتزوج بت عمي اللهم ساكنين معانا في قطر واتربينا من نحن صغار مع بعض .وانا والله ما عندي ليها خاجه وشايفها زيها زي اخواتي واحد ..ودا السبب المهربني من قطر اصلا .اي جيه او حتي تلفون بينا بنتناقش في الموضوع دا .ابدا ما عايز يفهمني .اخر مره امي اتصلت علي وقالت لي انو ابوي مقرر يمشي يطلب يدها رسمي الجمعه الجايه واسي انا ماشي اوقف المهزله دي😡😡 ..

سكت مسافه وانا سكت اول ما حسيتو هدا قلت ليهو اول الغضب ما حيحل اي شي .حيعقد القصه ما اكتر ثانيا ودا الاهم رضي والدك معناتو رضي ربك وحياه حلوه وهاديه😇 فما تسمع الشيطان👿 روق😊 حاول تاني مع ابوك بس بهدوء وادعي ربنا انو يسهل لك موضوعك انت علي سفر ادعي من قلبك.. اخر حاجه ليه انت ما تعاين للامور من منظور ثاني يمكن ربنا رسل لك بت عمك دي عشان تسعدك حاول اديها فرصه يمكن تكون هي الزوله الصاح🤔🤔 ...

عاينت ليهو وقلت ليهو حاجه ختها علي بالك واتزكرها علي طول (انو اي حاجه بتحصل لينا لسبب ولقدر معين بس نحن المدى بصرنا قصير🌹 )

ابتسم ابتسامه😊 حسيت انو هم وانزاح من علي قلبو😞 ...ما عقب علي كلامي ..شكلو ما من الناس المابتقتنع بسهوله بس متاكده انو كلامي اثر فيهو...

قالي يا دكتورة ما وريتيني سبب سفرك ؟؟ بما انو بقه بينا سر😉😉 ... ضحكت😂 وقلت ليهو...قصه طويله😫

هههه حكي ي ستي ورانا ساعات .... بس قبل... م عرفت عنك حاجه؟؟

انا طبيبه اتخرجت لي تقريبا سنتين واسي حاليا شغاله عموميه ف مستشفي في ولايه نهر النيل وكمان متعاقده مع مستشفي خاص يعني ممشيه حالي ههههه والحمد لله.

رفع حاجبو🤔 وعاين لي كده مسااافه وقالي .والله باين عليك صغيرة .😏

ههههه تسلم دا من زوقك😁..يلا يا دكتوره م تخميني وماتحكي القصه .ضحكت وقلت ليهو القصه بدت قبل تمنيه سنوات😊:
#Omnia kubbA

# سفر عاشقه....الحلقه التانيه
الليله اول يوم لينا في الجامعه كشخت كشخه😂 وظبط ميكبي طبعا انا خدوريه 😁عموما متوسطه في الجمال لبست اسكيرت اسود وقميص ابيض وطرحه مشكله😁 المهم طلعت مزه 🙈زي م اخواتي قالو لي .بالمناسبه انا الوسطانيه نحن ثلاث بنات بس .اختي الكبيره سنيرتي في الجامعه .قالت لي ما تمشي اول يوم دا حيكون عباره عن محاضره تعريفيه.وانا طبعا اصريت امشي اصلا اول يوم دا كل السناير بجو يكشفو معقوله افوتو علي ههههه.😂😂

اول ما وصلت الجامعه قابلتي بت حلبيه😍 مزززه شديد وباين عليها اصلا شهاده عربيه سلمت علي وقالت لي لو سمحتي وين قاعه البرالمه الجدد . قلت ليها انا زاتي برلومه بس بخبرة شويه 😉 ومشينا القاعه حسب ما وصفتها لي اختي ..قعدنا مع بعض في نفس البنش طبعا طلعت شهاده عربيه من قطر واسمها نغم البت ما شا الله حلبيه عيونها كبيرة وضحكتها حلوه شديده😍.طلعت انو دي اول مره تنزل فيها السودان ساكنه عند عمها .سالتها كيف لقيتي البلد وا

اذا في اي زول عندي رأي او اي اضافه او تعديل او استفسار
يتواصل معاي هنا
@choclata